Landamæraskimun bólusettra, barna og þeirra sem áður hafa sýkst verður hætt 1. júlí

Frá og með 1. júlí þurfa þau sem koma bólusett eða með vottorð um fyrri sýkingu ekki lengur að fara í COVID-próf á landamærunum. Einnig stendur til að hætta að skima börn, að tillögu sóttvarnalæknis.

Þórólfur Guðnason sóttvarnalæknir mælir með því að áfram verði skimað fyrir veirunni hjá bólusettum á landamærum út mánuðinn.
Þórólfur Guðnason sóttvarnalæknir mælir með því að áfram verði skimað fyrir veirunni hjá bólusettum á landamærum út mánuðinn.
Auglýsing

Frá og með 1. júlí verður hætt að skima þá sem koma til landsins bólusettir gegn COVID-19 eða með vottorð um fyrri sýkingu og sömuleiðis börn, en fyrirkomulag skimana á landamærum verður óbreytt þar til þá.

Þetta hefur Svandís Svavarsdóttir heilbrigðisráðherra ákveðið í samræmi við tillögu sóttvarnalæknis. Mjög fáir sem framvísa bólusetningarvottorði eða vottorði um fyrri sýkingu COVID-19 hafa reynst smitaðir við komuna til landsins, en þó einhverjir.

Auglýsing

Frá 1. maí hafa alls 9 manns með bólusetningarvottorð af alls um 27 þúsund farþegum reynst með virkt veirusmit, sem samsvarar um 0,03 prósentum. Um 2.700 farþegar hafa framvísað vottorði um fyrri sýkingu og þrír þeirra hafa reynst með virkt smit við skimun, eða um 0,1 prósent. Um 2.100 börn hafa verið skimuð á landamærunum og 6 þeirra hafa reynst með virk smit, eða 0,3 prósent.

Samkvæmt minnisblaði sóttvarnalæknis telur hann „mikilvægt að viðhalda þeim árangursríku sóttvarnaaðgerðum á landamærum þar til að viðunandi þátttöku í bólusetningum yngri aldurshópa hefur verið náð eða um 60-70%“ og ætla megi að því marki verði náð um mánaðarmótin júní-júlí.

Leggur til að landamærasóttkví verði endurskoðuð um miðjan júlí

Þeir sem koma hingað til lands óbólusettir og hafa ekki fengið fyrri sýkingu þurfa að framvísa neikvæðu PCR-prófi að utan og fara í tvær skimanir með sóttkví á milli. Þórólfur segir í minnisblaði sínu að stefnt verði að endurskoðun þessa fyrirkomulags um miðjan júlí.

Um 34 prósent allra þeirra farþega sem hafa komið til landsins frá því 1. maí hafa verið í þessum flokki, sem þarf að fara í sóttkví. Það hlutfall er þó að fara minnkandi, en samkvæmt því sem segir í minnisblaði Þórólfs eru þessa dagana um 80 prósent allra farþega sem koma til landsins með bólusetningarvottorð með í för.

Styrkir þú Kjarnann?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Kjarninn hefur verið til taks fyrir kröfuharða lesendur í sjö ár og býður almenningi upp á vandaða umfjöllun þar sem áhersla er á gæði og dýpt.  

Ef þú ert nú þegar styrkjandi leyfum við okkur að benda á að hægt er að óska eftir að hækka styrkinn með því að senda póst á takk@kjarninn.is


Já takk, ég vil styrkja Kjarnann!
Steinar Frímannsson
Einkarekstur í forgrunni – Umhverfisstefna Sjálfstæðisflokksins
Kjarninn 19. september 2021
Magnús Gottfreðsson, prófessor við læknadeild Háskóla Íslands.
Segir gæði vísindastarfs á Landspítala hafa hrakað á síðustu árum
Prófessor við læknadeild Háskóla Íslands segir að öfugþróun hafi átt sér stað í vísindastarfi á Landspítala eftir að hann var gerður að háskólasjúkrahúsi árið 2000, og að ekkert skilgreint fjármagn hafi fengist til að sinna því.
Kjarninn 19. september 2021
Jean-Rémi Chareyre
VG og loftslagsmálin: Að hugsa lengra en þjóðarnefið nær
Kjarninn 19. september 2021
Árni Stefán Árnason
Dýravernd í aðdraganda alþingiskosninganna 2021 – Hluti I
Kjarninn 19. september 2021
Bjarni Jónsson
Stjórnmálaflokkarnir og dánaraðstoð
Kjarninn 19. september 2021
Soffía Sigurðardóttir
Samvinna til árangurs
Kjarninn 19. september 2021
Lesendum Morgunblaðsins og Fréttablaðsins fækkað um 20 prósent frá miðju ári 2019
Lestur Fréttablaðsins hefur helmingast á rúmum áratug og minnkað um 20 prósent frá því nýir eigendur keyptu blaðið um mitt ár 2019. Þróun á lesendahópi Morgunblaðsins er nánast sú sama. Mikið tap er á rekstri beggja dagblaða.
Kjarninn 19. september 2021
Jón Ormur Halldórsson
Pólitíska miðjan hennar Merkel
Kjarninn 19. september 2021
Meira úr sama flokkiInnlent