Tekin hefur verið ákvörðun um að fresta Reykja­vík­ur­mara­þoni Íslands­banka um tæpan mán­uð. Hlaupið er nú á dag­skrá þann 18. sept­em­ber, en ekki 21. ágúst eins og stefnt var að.

Þetta kemur fram í til­kynn­ingu frá Íþrótta­banda­lagi Reykja­vík­ur, sem heldur utan um fram­kvæmd hlaups­ins, í dag.

Þar segir að óvissa um næstu skref sem tekin verða varð­andi sam­komu­tak­mark­anir geri það að verkum að skipu­leggj­endur sjái sér ekki fært að halda hlaupið á til­settum tíma.

Núver­andi fjölda­tak­mark­anir á sam­komum, sem þýða að óheim­ilt er að fleiri en 200 manns komi sam­an, eru í gildi til 13. ágúst. Óljóst er hvað tekur þá við.

Í til­kynn­ing­unni frá Íþrótta­banda­lagi Reykja­víkur segir að mark­mið skipu­leggj­enda sé að gera sem flestum kleift að taka þátt í hlaup­inu er það fari fram, en um leið að gæta að öllum sótt­vörn­um.

Reykja­vík­ur­mara­þonið hefur um ára­bil markað upp­haf Menn­ing­ar­nætur í Reykja­vík, en eins og fram hefur komið í dag tók neyð­ar­stjórn borg­ar­innar ákvörðun í morgun um að öllum við­burðum þeirrar hátíðar yrði aflýst, annað árið í röð.