Dreif­ing mis­vísandi upp­lýs­inga um bólu­setn­ingar gegn COVID-19 hefur nú verið bönnuð hjá not­endum YouTu­be. Í færslu frá fyr­ir­tæk­inu þar sem ákvörð­unin er tíunduð segir meðal ann­ars að bólu­setn­ingar hafi í gegnum tíð­ina verið þrætu­epli fólks, þrátt fyrir að heil­brigð­is­yf­ir­völd tali einum rómi um ágæti þeirra.

Fram til þessa hefur verið bannað að dreifa heil­brigð­is­upp­lýs­ingum og -ráðum sem bein­línis geta haft skað­leg áhrif á fólk. Sú breyt­ing sem nú er gerð á við­mið­un­ar­reglum YouTube snýr að dreif­ingu mis­vísandi upp­lýs­inga um bólu­efni sem hafa fengið mark­aðs­leyfi og eru talin örugg af heil­brigð­is­yf­ir­völdum og Alþjóða­heil­brigð­is­stofn­un­inni (WHO). Í áður­nefndri færslu frá YouTube segir að frá því á síð­asta ári hafa yfir 130 þús­und mynd­bönd verið fjar­lægð af vef mið­ils­ins sem brjóta í bága við reglur um COVID-19 í skil­málum YouTu­be.

Fólk geti enn deilt reynslu­sögum

Spjótin bein­ast fyrst og fremst að mynd­böndum þar sem því er rang­lega haldið fram sam­þykkt bólu­efni séu hættu­leg og valdi lang­vinnum heilsu­far­s­vanda­mál­um, að full­yrð­ingum um að bólu­efni dragi ekki úr hættu á smiti og að mis­vísandi upp­lýs­ingum um þau efni sem notuð eru í fram­leiðslu bólu­efna.

Nokkrar und­an­þágur eru gerðar á tali um meint gagns­leysi eða skað­semi bólu­efna. Enn verður hægt að dreifa efni sem fjallar um stefnu stjórn­valda í bólu­efna­mál­um, um bólu­efna­próf­anir og um bólu­efni í sögu­legu sam­hengi – hvort sem þau virk­uðu eða virk­uðu ekki. Þá verða reynslu­sögur fólks enn í birt­ing­ar­hæfar á YouTube svo lengi sem not­endur ger­ist ekki upp­vísir af því að sá ítrekað efa­semd­ar­fræjum með sögum sínum og að mynd­böndin fari ekki á svig við aðrar greinar í not­enda­skil­málum síð­unn­ar.

Robert F Kenn­edy yngri stór­tækur í hræðslá­róðri gegn bólu­setn­ingum

Í umfjöllun New York Times um málið segir að í kjöl­far þess­arar skil­mála­breyt­ingar hafi verið lokað fyrir aðgang margra áber­andi efa­semd­ar­manna að YouTu­be, manna sem dreift hafa mis­vísandi upp­lýs­ingum í gegnum síð­una.

Þeirra á meðal er Robert F. Kenn­edy yngri, sem er sonur Robert F. Kenn­edy, Bobby Kenn­edy, sem skot­inn var til bana árið 1968 en hann var þá í fram­boði til emb­ættis for­seta Banda­ríkj­anna. Robert Kenn­edy yngri hefur um ára­bil barist gegn bólu­setn­ingum en hann er á meðal þeirra sem bera mesta ábyrgð á dreif­ingu mis­vísandi upp­lýs­inga um bólu­setn­ingar og gildi þeirra á sam­fé­lags­miðl­um.

Sam­kvæmt upp­lýs­ingum Our World in Data eru 55 pró­sent Banda­ríkj­anna nú full­bólu­sett­ir.