Þessi færsla er úr eldra greinasafni Kjarnans og gæti þess vegna birst furðulega.

Árið 2014: Frábært ár fyrir íslenska tónlist

15112151693-727e4587dd-k.jpg
Auglýsing

Oftar en ekki hlakkar í hverjum og einum djúpt þenkj­andi tón­list­arnirði þegar árið er á enda.  Árs­lok er sá tími er farið er yfir hvað það var sem bar höfuð og herðar yfir annað og hvort árið í ár sé frá­brugðið öðrum sem á undan eru geng­in.

Sama hvað hver segir þá var árið 2014 hefur verið ein­stak­lega gjöf­ult og skemmti­legt tón­list­arár sem er sneisa­fullt af útgáfu af úrvals­tón­list sem við Íslend­ingar getum verið mjög stolt af.  2014 var einnig eitt besta tón­leikaár sem sögur fara af og báru ansi margar stöðu­færslur það með sér að tón­list­arunn­endur væru gap­andi yfir því fram­boði af tón­leikum sem í boði voru á árinu.

Tón­list­ar­sala náði ekki sögu­legum hæðum í ár frekar en und­an­farin tvö ár og á árinu hafa nokkrar inn­lendar blaða­greinar birst þar sem útgef­endur hafa básúnað áhyggjum sínum af dræmri plötu­sölu og hefur fras­inn „dauði geisla­diskins“ ótt og títt fengið að hljóma eða verið birtur í rit­uðu máli.

Auglýsing

Í þess­ari grein verður stiklað á því fers­kasta og skemmti­leg­asta sem leit dags­ins ljós í ár að mati grein­ar­höf­undar Kjarn­ans, jafnt í útgáfu á tón­list og sem og tón­leikum á árinu.

Rokkið varð aftur spenn­andi og hættu­legt



Það er ein­lægt mat grein­ar­höf­undar að rokkið á Íslandi hefur ekki verið eins bein­skeytt í háa herr­ans tíð eins og í ár. Und­an­farin ár hefur verið að grass­era galsa­fengin rokktón­list­ar­sena í skúma­skotum Reykja­víkur og nágrenn­is. Þetta eru hljóm­sveitir sem koma til dyrnar eins og þær eru klæddar og þora að tala hreint út, rífa kjaft, rífa niður og gefa skít í hluti og staðalí­mynd­ir.

https://www.youtu­be.com/watch?v=WCqsA­Bla8r8

 

Í ár varð rokkið aftur spenn­andi fyr­ir­bæri og á köflum jafn­vel hættu­legt. Þökk sé ungum hljóm­sveitum á borð við Börn sem sendi frá sam­nefnda sjö laga skífu hvössum textum er deila á staðalí­myndir nútím­ans yfir kulda­legt og ögrandi síð­pönk. Ein besta tón­leika­sveit lands­ins Grísalappalísa sendi í sumar frá sér sína aðra breið­skífu á tveimur árum og topp­uðu sig með hinni frá­bæru Rök­rétt Fram­hald sem í sjálfu sér ber nafn með rentu. Platan ber þó engin merki um erf­iða aðra plötu þar sem sveitin betrumbætir sig að öllu leyti.

Pink Street Boys er án efa ein kald­hæðn­asta, skítug­asta og háværasta rokk­sveit sem stigið hefur fram á sjón­ar­sviðið í langan tíma.  Trash From The Boys kæru­leys­is­leg, bein­skeytt og galsa­full plata sem gefur flestum og flestu langt nef. Íslenska rokkið aftur orðið sveitt, skítugt og á margan hátt kyn­þokka­fullt eins og það á að vera.  Rokkið er orðið verk­færi til að kveða niður flatneskju og ríkj­andi með­al­mennsku.

Aðrar fram­bæri­legar nýjar rokksveitir eru Oyama, Atónal Blús, Kvöl, Icarus, Godchilla, russi­an.girls og Mercy Buckets sem allar létu að sér kveða á árinu og gáfu út afbragðs breið­skífur og þröngskífur sem eru ýmist fáan­legar á staf­rænu eða físísku formi í helstu plötu­búðum lands­ins.

https://www.youtu­be.com/watch?v=0K­MEAwg­B26g

Af öðrum toga eru eldri rokksveitir eins og Sól­stafir og Kimono sem báðar sendu frá sér nýtt efni. Sveim­málm­sveitin Sól­stafir var stofnuð undir mið­bik tíunda ára­tugar síð­ustu aldar og hafa verið að vaxa jafnt og þétt allan sinn feril enda virki­lega metn­að­ar­full og þrautseig sveit og er Ótta með þeirra betri verk­um. Kimono þekkja flestir þenkj­andi tón­list­arunn­endur og sendi hún frá sér eina bestu smá­skífu árs­ins, „Spect­res“. Á A-hlið smá­skíf­unnar hefur þrí­eykið sjaldan verið jafn gríp­andi og hnit­miðað en heldur þó fast í flækju­stigið sem hefur ein­kennt laga­smíðar þeirra í gegnum árin. B-hliðin inni­heldur þeirra útgáfu af einu besta lagi íslenskrar rokk­sögu, „Rúd­olf“ eftir hljóm­sveit­ina Þeyr.

Góð tón­list úr öllum áttum



Prins Póló sendu frá sér sína þriðju breið­skífu í ár og er óhætt að segja að 2014 hafi á margan hátt verið þeirra ár.  Sorrí inni­heldur hvern smell­inn af fætur öðrum og má þar nefna lög á borð við „Fal­legi smið­ur­inn“, „Tipp Topp“ og „Bragð­ar­ef­ir“.  Prins Póló gerðu líka tón­list­ina í hinni fínu kvik­mynd París Norð­urs­ins og er tit­ilag mynd­ar­innar frá­bært lag sem vakti mikla lukku.   Jún­íus Mey­vant er tón­list­ar­maður úr Vest­manna­eyjum og er smá­skífan hans „Color Decay“ með betri frum­burðum sem heyrst hafa lengi. Jún­íus hefur vakið ein­hverja athygli Vest­an­hafs og er biðin eftir hans fyrstu breið­skífu spenn­andi.

https://www.youtu­be.com/watch?v=8X­Vt7HBtc0k

Teitur Magn­ús­son er þekkt­astur sem annar söngv­ari reggís­veit­ar­innar Ojba Rasta.Hann sendi frá sér sína fyrstu sól­ó­skífu undir lok árs og ber hún heitið Tutt­ugu og sjö.  Skíf­una vann hann í sam­vinnu við breska tón­list­ar­mann­inn Mike Lindsay og er frá­bær sýru­popp­skífa sem sækir áhrif sín í heims­tón­list, skyn­villu­tón­list sjö­unda ára­tug­ar­ins og eru lög eins og „Nenn­i“, „Mun­að­ar­hóf“ og „Vinur vina minna“ hreint út sagt frá­bær.  Út­gáfa hans af „Há­flóð“, lagi Bubba Morthens, einnig gletti­leg skemmti­leg.

Af öðrum fram­úr­skar­andi plötum í ár má nefna Inn­hverfi sem er fyrsta breið­skífa tón­list­ar­manns­ins Óbó, Skyn­villa hans Futuregrap­her, They Hold It For Certain sem er sam­starfs­skífa Skúla Sverr­is­sonar, Ant­hony Burr og Yungchen Lhamo.  Kippi Kan­ínus sendi einnig frá sér lang­þráða breið­skífu sem heitir Tempera­ments.   Low Roar, M-Band og Kiasmos sendu einnig frá sér fínar plöt­ur.

Ein­stakt tón­leikaár



Árið 2014 var stút­fullt af frá­bærum tón­leikum og á árinu voru haldnar fjórar stórar tón­list­ar­há­tíðir og eru tvær af þeim alþjóð­leg­ar, þ.e. All Tomor­row‘s Parties og Sónar Reykja­vík, en með miklu íslensku ívafi.

 

Seðlabankafólk ræddi um Facebook gjaldmiðilinn
Seðlabankastjóri Bandaríkjanna, Jerome Powell, segir að rafmyntin sem Facebook ætlar að setja í loftið á næsta ári hafi komið til umræðu innan Seðlabanka Bandaríkjanna.
Kjarninn 19. júní 2019
Raunhækkun fasteigna lítil sem engin þessi misserin
Vorið 2017 mældist fasteignaverðshækkun 23,5 prósent.
Kjarninn 19. júní 2019
Þórhildur Sunna Ævarsdóttir, þingflokksformaður Pírata.
Heildarendurskoðun lögræðislaga samþykkt
Þingsályktunartilllaga þar sem mælst er til að heild­ar­end­ur­skoðun lög­ræð­islaga fari fram og að kosin verði til þess sér­nefnd þing­manna hefur verið samþykkt á Alþingi. Þingflokksformaður Pírata getur ekki beðið eftir því að hefjast handa.
Kjarninn 19. júní 2019
Höfuðstöðvar Lífeyrissjóðs verzlunarmanna eru í Húsi verslunarinnar.
Stjórn Lífeyrissjóðs verzlunarmanna segir vexti hafa verið orðna „óeðlilega“ lága
Stjórn Lífeyrissjóðs verzlunarmanna segist það ekki samræmast skyldu sinni að taka hagsmuni 3.700 lántaka með breytileg verðtryggð lán fram yfir hagsmuni allra sjóðsfélaga. Hún segir yfirlýsingar um einvörðungu hækkun vaxta byggja á veikum grunni.
Kjarninn 19. júní 2019
FME minnir á kröfur sem gerðar eru til lífeyrissjóða
VR hyggst gera breytingar á skipan stjórnar Lífeyrissjóðs verslunarmanna.
Kjarninn 19. júní 2019
Jafnréttisnefnd KÍ mótmælir málflutningi kennara
Jafnréttisnefnd Kennarasambands Íslands hefur sent frá sér ályktun þar sem málflutningi grunnskólakennara um falskar ásakanir nemenda um meint ofbeldi kennara er mótmælt.
Kjarninn 19. júní 2019
Sigurður Ingi Jóhannsson
Að breyta samfélagi
Kjarninn 19. júní 2019
Sarkozy ákærður fyrir spillingu og mútuþægni
Fyrrum forseti Frakklands er ákærður fyrir að hafa þegið fjármagn frá Gaddafi, fyrrum forseta Líbíu.
Kjarninn 19. júní 2019
Meira úr sama flokkiKjarnafæði
None