Líkt og í sam­an­tekt und­ir­rit­aðrar yfir áhuga­verðar plötur sem gefnar voru út fyrri part árs­ins 2014 er af nógu að taka þegar litið er til útgáfa síð­ari hluta árs­ins. Hlustið og njót­ið!

Tony Allen – Film Of Life

https://www.youtu­be.com/watch?v=OeNCLU_Ho6M

Fyrrum liðs­maður Fela Kuti og einn guð­feðra afró-bíts­ins sendi frá sér skemmti­lega plötu sem heldur þétt­ings­fast í ein­kenn­is­hljóm Allen en kynnir jafnt til leiks nýjan hljóm hans, til að mynda með sam­starfs­mönnum á borð við Damon Albarn.

alt-J – This Is All Yours

https://www.youtu­be.com/watch?v=dCCXq9QB-dQ

Það verður seint sagt um alt-J, eða ∆, að sveitin kunni ekki að semja gríp­andi jað­ar­popp­lög. This Is All Yours er kannski ekki jafn sneisa­full af slög­urum og for­veri hennar An Awesome Wave, en hún er heil­steypt­ara verk sem rennur vel í gegn.

Oren Ambarchi - Quixot­ism

https://www.youtu­be.com/watch?v=u­u11GQL8IQA

Oren Ambarchi lyftir til­raunatón­list á hærra plan með Quixot­ism, sem sam­anstendur af fimm pörtum sem meðal ann­ars voru teknir upp í Hörpu ásamt Sin­fón­íu­hljóm­sveit Íslands og í Japan með goð­sögn­inni Jim O’Ro­ur­ke. Sjaldan hafa raf­tónar bland­ast klass­ísk á jafn fagran máta.

Aphex Twin - Syro

End­ur­koma raf­goðs­ins Aphex Twin var ein stærsta tón­list­ar­frétt árins og biðu margir með önd­ina í háls­inum eftir Syro, hans fyrsta verki síðan árið 2001. Þrátt fyrir háar vænt­ingar féll platan vel í geðið hjá aðdá­endum tón­list­ar­manns­ins sem er greini­lega hvergi nærri hætt­ur.

Ariel Pink – Pom Pom

https://www.youtu­be.com/watch?v=YS87mPfD_yI

Ariel Pink gefur hljóm­sveit sinni Haunted Graffiti frí á Pom Pom og heyr­ist það glöggt á breyttum hljóm á plöt­unni sem er tals­vert frá­brugðin plöt­unum á und­an. Það kemur þó ekki að sök; platan er stór­skemmti­legur sýru-popp­bræð­ingur eins og for­sprakk­anum er einum lag­ið.

Avi Buffalo – At Best Cuckold

https://www.youtu­be.com/watch?v=jaF­h5Aq­Go0g

Lág­stemmdi ljúf­ling­ur­inn Avigdor Zahner-Isen­berg byrj­aði að semja tón­list í menntó sem Avi Buffalo. Nokkrum árum og ágætis plötu síðar sendir hann loks frá sér sína aðra plötu. At Best Cuckold er metn­að­ar­full og flott plata, með skemmti­lega texta og sér­staka rödd Avi í for­grunni.

Blonde Redhead - Barragán

https://www.youtu­be.com/watch?v=lNi­o2x­D­wTYg

Hið töfr­andi tríó Blonde Redhead hefur sætt gagn­rýni fyrir síð­ustu plötur sínar sem hafa þótt lak­ari en hinar stór­kost­legu Melody of Certain Damaged Lemons og Mis­ery is a Butt­er­fly. Und­ir­rituð er ein þess­ara gagn­rýn­is­radda og því kom skemmti­lega á óvart að heyra Barragán – sem er besta verk sveit­ar­innar í heil tíu ár.

Bonnie ‘Prince’ Billy – Sin­ger’s Grave a Sea of Tongues

htt­p://yout­u.be/t­IWWs­reneG8

Will Old­ham er margt til lista lagt og hefur hann verið iðinn við að spreyta sig á mis­mun­andi tón­list­ar­stefnum í fjöl­mörg ár sem hann gefur svo jafnan út án þess að aug­lýsa plötur sínar af ein­hverju viti. Sin­ger’s Grave a Sea of Tongues sam­anstendur að miklu leiti af end­ur­gerð laga af plöt­unni Wol­froy Goes To Town sem kom út árið 2011, en hér öðl­ast þau betra líf og nýju lögin eru með því betra sem Old­ham hefur sent frá sér.

The Budos Band – Burnt Offer­ing

https://www.youtu­be.com/watch?v=tO8CAjZYAY4

Dapto­nes hljóm­sveitin Budos Band er í sér­flokki þegar kemur að nýstár­legri heims­tón­list eins og Burnt Offering er skýrt dæmi um. Á plöt­unni kemur í ljós dekkri hlið á sveit­inni sem fer henni afar vel. Stutt er í til­rauna­mennsku og spil­a­gleðin er við völd.

Cari­bou – Our Love

https://www.youtu­be.com/watch?v=BI2Et19vDCM

Raf­sveitin Cari­bou með Dan Snaith fremst í flokki hefur heldur betur fest sig í sessi. Eftir hina frá­bæru Swim sem kom út árið 2010 er Our Love engu síðri – jafn­vel betri og er þá mikið sagt. Hrika­lega ávana­bind­andi plata með epískum smell­um.

Dean Blunt – Black Metal

https://www.youtu­be.com/watch?v=YQfwPziK-SA

Dean Blunt er með skrítn­ari tón­list­ar­mönnum okkar tíma. Fyrrum Hype Willi­ams-liðs­mað­ur­inn skrif­aði undir samn­ing við Rough Trade fyrir útgáfu Black Metal og er útkoman hreint út sagt mögn­uð. Platan er laus við til­gerð og laga­smíð­arnar eru ein­stakar og frá­bærar í kæru­leys­is­legum bún­ing sín­um.

FKA twigs – LP1

https://www.youtu­be.com/watch?v=3yDP9M­KV­hZc

FKA twigs er tví­mæla­laust ein skærasta stjarna árs­ins og hefur frægð­ar­sól hennar risið afar hratt síðan hún sendi frá sér stutt­skífu á síð­asta ári. Þó er rauður þráður í fjaðrafok­inu – tón­list FKA twigs er óneit­an­lega hríf­andi og ferskur blær inn í raf­poppið sem tröll­ríður öllu þessa dag­ana.

Flying Lotus – You’re Dead

https://www.youtu­be.com/watch?v=2lX­D0vv-ds8

Steven Elli­son, eða Flying Lotus, sendir frá sér sitt besta verk til þessa með hinni stjörnum prýddu You’re Dead þar sem hann tæklar við­fangs­efnið dauð­ann á sér­stak­lega vel heppn­aðan hátt.

Gooms – Beyond Life

https://soundclou­d.com/­gooms4li­fe/­gooms-trancers

Hin gjör­sam­lega óþekkta sveit Gooms kemur frá Dan­mörku og færir okkur kæru­leys­is­legan popp­rokk­bræð­ing sem minnir á flottar sýru­sveitir á borð við Animal Collect­i­ve. Sveit sem vert er að fylgj­ast með á næstu miss­er­um.

Jenny Hval & Sus­anna – Mes­hes of Voice

https://www.youtu­be.com/watch?v=FaZo5QK0R4A

Norsku tón­list­ar­kon­urnar Jenny Hval, einnig þekkt sem Rocket­tot­hesky, & Sus­anna sam­ein­uðu krafta sína og sendu frá sér hina töfr­andi Mes­hes of Voice. Það er ein­hver dulúð­legur kraftur í tón­list­inni sem þær skapa, sem er ólík flestu sem hefur heyrst áður og eru radd­irnar kvenn­ana engu lík­ar.

Old Man Gloom – The Ape Of God I & II

https://www.youtu­be.com/watch?v=s­F2YF­-yS­Hpw

https://www.youtu­be.com/watch?v=s­F2YF­-yS­HpwOld Man Gloom er eins­konar súpergrúppa harð­kjarna­sen­unnar í Boston og standa undir því nafni. The Ape Of God er ein þéttasta rokk­plata árs­ins. Eða, tvær þétt­ustu plötur árs­ins… I & II. Sveitin ákvað nefni­lega að rugla í aðdá­endum sínum og gagn­rýna um leið ólög­legt nið­ur­hal með því að senda fyrst frá sér ranga útgáfu af plöt­unni fyrir útgáfu­dag. Hvað sem því líður er tón­listin vel áheyrn­ar­innar virði.

Pall­be­arer – Founda­tions of Burden

https://www.youtu­be.com/watch?v=LTT­t-ikVJSk

Pall­be­arer feta línu milli hinna ýmsu tón­list­ar­stefna svo úr verður flottur bræð­ingur metals og sveim­rokks. Founda­tions of Burden er flott plata sem kinkar kolli til for­feðra þung­arokks­ins en setur í leið­inni tón­inn fyrir það sem koma skal.

Vashti Bunyan - Heart­leap

https://www.youtu­be.com/watch?v=QJ22A­aQAIvY

Vashti Bunyan hefur stundum verið kölluð guð­móðir þjóð­lagatón­list­ar, en saga hennar sem tón­list­ar­konu er ein­stök og ættu sem flestir að skoða hana. Heart­leap, hennar fyrsta plata í langan tíma, er ein­stak­lega fögur og brot­hætt – tíma­laust meist­ara­stykki.