Þessi færsla er úr eldra greinasafni Kjarnans og gæti þess vegna birst furðulega.

Besti vinur barnanna

Gudrun-Eva-litmynd-2014.jpg
Auglýsing

Þorgeir Tryggvason, Toggi, mun sinna bókaumfjöllun fyrir Kjarnann fram að jólum en margar bækur eru að koma út þessa dagana. Jólabókaflóðið nær svo hámarki í desember.

Guðrún Eva Mínervudóttir

Englaryk

Auglýsing

Höfundur: Guðrún Eva Mínervudóttir

Útgefandi: JPV

EnglarykÞegar trúmál eru til umræðu erum við orðin vön tryllingi. Facebook-froðufellingum og gagnkvæmum ásökunum um óheilindi og heimsku. Fyrirlitningu á báða bóga. Að ógleymdri hinum þreytandi undirliggjandi deilum um hvor aðilinn sé minni máttar og eigi undir högg að sækja. Sumsstaðar flýtur blóð í boði þessara deilna.

Fyrir nú utan þann trúarlega vinkil sem er á átökunum á stærstu vígvöllum nútímans, þó aftur megi rífast um hvort hann er rótin eða felulitirnir.

Það er kannski þess vegna sem hin lágværa stemming Englaryks Guðrúnar Evu Mínervudóttur – tíðindaleysi jafnvel – kemur manni á óvart og veldur jafnvel dálitlum vonbrigðum. Það gekk til dæmis öllu meira á í síðustu bók um trúardeilur í Stykkishólmi, þegar sumir vildu nota sem útikamar nesið sem aðrir höfðu helgað guði sínum.

Það tekur smá stund að stilla viðtækið, eiginlega komst þessi lesandi varla í almennilegt samband við bókina fyrr en að henni lesinni. Því hún neitar að fara.

Við erum stödd í fjölskyldu í lágsemmdri krísu, sem þykist vera hástemmd. Í Stykkishólmi. Dóttirin Alma, á fermingaraldrinum, hefur fengið vitrun. Jesú birtist henni þar sem hún hafði orðið viðskila við fjölskyldu sína í sumarfríi í Cadiz. Síðan reynir hún að fylgja í fótspor hans, og fyrir utan einstaka predikanir og rifrildi við útbrunninn prestinn í fermingarfræðslunni hefur hún stigið vægast sagt róttækt skref. Svo róttækt að fjölskyldan leggst á bekk hjá fjölskyldusálfræðingi í Reykjavík.

Þarna er kominn sögurammi og form sem Guðrún fer vel með, nýtir en lætur aldrei taka af sér ráðin. Við fylgjumst með brasi og hugsunum allra fjölskyldumeðlima (foreldrar, eldri hálfbróðir, yngri bróðir og Alma sjálf) auk þess sem við fylgjumst með heimsóknum þeirra hjá Snæfríði, sem reyndar tengist fjölskyldunni sjálf, á máta sem verður að teljast á gráa siðferðissvæðinu fyrir þerapista.

Og svo gengur lífið fyrst og fremst sinn vanagang. Þetta er bæði mjög venjuleg og óvenjuleg fjölskylda, og þó svo það séu áreynslupunktar í henni þá gæti ég trúað að ansi margir væru tilbúnir að skipta við hana. Hlutir jafna sig, fólk talar saman, nýtur samvistanna. Lífið gengur sinn gang. Þrátt fyrir Jesú, eða kannski á hans vegum, enginn veit. Nema þá Alma. Eða kannski einmitt ekki hún.

Öllu þessu segir Guðrún Eva frá af yfirvegun hins flinka höfundar. Eins og henni gæti ekki verið meira sama um væntingar lesendans til höfundar hryllingsleikhússins í Yosoy eða kynlífsdúkkusmiðsins í Skaparanum. Hún er með sínu fólki í Stykkishólmi, fylgist með hvunndagsbjástri þess og núningnum sem vitrun dótturinnar skapar, en alls ekki bara því. Allir fá sitt pláss, sín verkefni, sína leið í gegnum þessa daga. Þetta er allt mjög sannfærandi og Guðrún Eva vinnur vel með sína “„líkamlegu“, manni liggur við að segja „lífeðlisfræðilegu“ nálgun á tilfinningar:

Sárindin og vonleysið þrengdu að öndunarvegi hennar innan frá, eins og hálsbólga. (bls. 73)

Það fauk í hann en að gerðist svo sjaldan að hann vissi varla hvaða tilfinning það var; þessi málmkenndi, storknandi hiti sem vall um brjóst og höfuð. (bls. 114)

Sögusviðið er vel valið og það er afrek að lýsa og nýta sér andrúmsloft og lífshætti smábæjarins jafn sannfærandi en þó klisjufrítt og hér er gert. Englaryk er ljúf bók um lágstemmd svör við stærstu spurningunum.

Styrkir þú Kjarnann?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Kjarninn hefur verið til taks fyrir kröfuharða lesendur í sjö ár og býður almenningi upp á vandaða umfjöllun þar sem áhersla er á gæði og dýpt.  

Ef þú ert nú þegar styrkjandi leyfum við okkur að benda á að hægt er að óska eftir að hækka styrkinn með því að senda póst á takk@kjarninn.is


Já takk, ég vil styrkja Kjarnann!
Steinar Frímannsson
Hver er stefna stjórnmálaflokkanna í umhverfismálum?
Kjarninn 16. september 2021
Halldóra Mogensen, þingflokksformaður Pírata, í forystusætinu á RÚV í gærkvöldi.
Boðuð útgjaldaaukning Pírata er ekki fullfjármögnuð
Staðreyndavakt Kjarnans skoðar fullyrðingu Halldóru Mogensen um að kosningaloforð Pírata séu fullfjármögnuð með nýjum tekjuöflunarleiðum.
Kjarninn 16. september 2021
Jón Steindór Valdimarsson
Drifkraftur nýrra lausna í loftslagsmálum
Kjarninn 16. september 2021
Mikil skekkja er í útreikningum Pírata á helstu tekjuöflunarleiðinni sem flokkurinn sá fyrir að fjármagna kosningaloforð sín með.
Tugmilljarða skekkja í útreikningum Pírata á helstu tekjuöflunaraðgerð þeirra
Þingmaður Pírata segir að flokkurinn sé að endurskoða útreikninga sína á áhrifum 3,75 prósentustiga hækkunar efsta þreps tekjuskattskerfisins, eftir að bent var á að þar skeikaði tugmilljörðum.
Kjarninn 16. september 2021
Jóhann S. Bogason
Vesalings Færeyingarnir
Kjarninn 16. september 2021
Kolefnisgjald leggst meðal annars á bensín og dísil olíu.
Meirihluti stjórnmálaflokka vill hækka kolefnisgjald
Passa verður að kolefnisgjald leggist ekki þyngst á þau sem minnst hafa á milli handanna að mati þeirra flokka sem vilja hækka kolefnisgjald. Útblástur frá vegasamgöngum er helsta uppspretta losunar sem er á beinni ábyrgð Íslands.
Kjarninn 16. september 2021
Liðin tíð að Bandaríkin veiti Íslandi aðstoð „vegna góðvildar“
Íslendingar þurfa tromp á hendi til að vekja áhuga Bandaríkjanna til að styðja landið diplómatísk í alþjóðasamfélaginu og veita viðskiptalegar eða efnahagslegar ívilnanir, að því er fram kemur í þættinum Völundarhús utanríkismála Íslands.
Kjarninn 16. september 2021
Völunarhús utanríksmála Íslands
Völunarhús utanríksmála Íslands
Völundarhús utanríkismála Íslands – Þáttur 3: Áhugi Bandaríkjanna á Íslandi
Kjarninn 16. september 2021
Meira úr sama flokkiKjarnafæði
None