Kjarn­inn miðlar ehf., Keldan og Arion banki hafa tekið höndum saman og ætla að fjalla um marg­vís­legar hliðar frum­kvöðla- og nýsköp­un­ar­starfs í tengslum við Start Up Reykja­vík við­skipta­hrað­al­inn (e. business accel­er­ator), sem Arion banki hefur staðið síðan árið 2012 í sam­starfi við Klak Innovit.

Kjarn­inn hefur unnið mynd­bönd um margar hliðar Start Up Reykja­vík, íslenska frum­kvöðla og marg­vís­legt nýsköp­un­ar­starf fyr­ir­tækja hér á landi. Mynd­böndin verða sýnd sam­hliða útgáfu Kjarn­ans á fimmtu­dögum næsta hálfa árið. Í mynd­bönd­unum eru til umfjöll­unar öll helstu við­fangs­efni frum­kvöðla­starfs­ins, ósigrar og sigr­ar, erf­ið­leikar og tæki­færi, fífldirfska og hug­rekki.

[video width="640" height="360" mp4="htt­p://kjarn­inn.s3.amazonaws.com/old/2014/04/pla­in­vanilla.mp4"][/vid­eo]

Í fyrsta mynd­band­inu er hús tekið á leikja­fyr­ir­tæk­inu Plain Vanilla sem hefur vaxið gríð­ar­lega hratt eftir að það sendi frá sér spurn­inga­leik­inn Quiz Up sem nú er með meira en sextán millj­ónir not­enda um allan heim og er að umbreyt­ast í sam­fé­lags­mið­il. Erlendir fjár­festar hafa lagt fyr­ir­tæk­inu til meira en fjóra millj­arða króna frá því að Quiz Up App-ið var gefið út í nóv­em­ber í fyrra. Á hálfu ári hefur starfs­mönnum fjölgað jafnt og þétt og eru þeir ríf­lega 50 tals­ins. Fyr­ir­tækið flutti nýlega í nýjar þús­und fer­metra höf­uð­stöðvar að Lauga­vegi 77. Þor­steinn Frið­riks­son er for­stjóri fyr­ir­tæk­is­ins og stofn­andi þess. Hann segir það hafa verið dýr­mæta reynslu að hafa gert mis­tök í upp­hafi og fram­leitt vöru sem mark­aðir tóku ekki nægi­lega vel. Þá segir hann Ísland vera að mörgu leyti frá­bæran stað til að stofna fyr­ir­tæki. Hér sé mik­ill mannauður og vel menntað ungt fólk sem búi yfir miklum hæfi­leik­um.

Einar Gunnar Guð­munds­son, for­svars­maður nýsköp­un­ar­mála hjá Arion banka, segir að frum­kvöðlar fái dýr­mæta reynslu í gegnum Startup Reykja­vík­. „Við leit­umst stöðugt við að skjóta fleiri stoðum undir verð­mæta­sköpun hér á landi og stuðla að sam­vinnu í þeim efn­um. Við hjá Arion banka stöndum að Startup Reykja­vík og Startup Engergy Reykja­vík verk­efn­unum í sam­starfi við Innovit og Klak og fleiri aðila. Eitt það mik­il­væg­asta við Startup Reykja­vík verk­efnin er að þar fá frum­kvöðlar ekki bara aðgengi að fjár­magni og vinnu­að­stöðu heldur einnig aðgang að dýr­mætri reynslu ann­arra frum­kvöðla. Þar leiðum við saman reynslu­mikla ein­stak­linga sem hafa náð árangri í sínum verk­efnum og þá sem eru að stíga fyrstu skref­in. Sam­starf okkar við Kjarn­ann og Keld­una er liður í þess­ari þekk­ing­ar­miðl­un. Við viljum miðla sögu þeirra sem hafa náð góðum árangri, miðla þeirra þekk­ingu og reynslu þannig að aðrir geti nýtt sér til góðra verka.“

Thor Thors, fram­kvæmda­stjóri Keld­unn­ar, segir ánægju­legt að efla Keld­una með umfjöll­unum um nýsköpun af ýmsu tagi og á ýmsum stig­um. „Það er okkur ánægju­legt að bæta við mynd­böndum á Keld­una.  Mynd­bönd­in, sem munu birt­ast í Kjarn­anum og á Keld­unni, munu sýna fólki hvað það er sem frum­kvöðlar og rekstr­ar­að­ilar eru að glíma við. Sem er í senn skemmti­legt og krefj­andi. Það eru fjöl­margar áhuga­verðar sögur úr íslensku sprota- og atvinnu­lífi.  Von­andi náum við að koma mörgum þeirra á fram­færi.“