Auglýsing

Ekk­ert breytti starfi mínu meira en inter­net­ið. Ég er blaða­maður og rit­stýri litlum vef sem ég stofn­aði fyrir rúm­lega tveimur árum. Áður hafði ég skrifað í blöð og tíma­rit og þrátt fyrir að það hafi verið mjög skemmti­legt þá þyrfti mikið að ger­ast ef ég ætti að starfa við það aft­ur. Að geta fylgst með við­brögð­unum við því sem maður skrifar í raun­tíma er ansi ánetj­andi. Ég gleymi því ekki þegar ég birti pistil í mest lesna dag­blaði lands­ins og það gleymd­ist að setja hann á vef blaðs­ins. Ég fékk eina athuga­semd á pistil­inn og hún var frá tengda­móður minni yfir kvöld­matn­um. Dag­inn eftir var pistill­inn svo settur á vef­inn og ég gat loks­ins baðað mig í athuga­semdum og læk­um.

Fjöl­breytt ábyrgð fylgir því að skrifa fréttir og annað efni á inter­net­ið. Mik­il­væg­ast er að sjálf­sögðu að vanda sig, segja satt og rétt frá og beita almennri skyn­semi en svo má maður ekki láta ofsa­fengin við­brögð not­enda stýra efn­is­tökum og fram­setn­ingu, þó maður verði að sjálf­sögðu að taka til greina hvað fólk vill lesa ásamt því að setja efnið fram með þeim hætti að ein­hver nenni að lesa það.

Þetta er línu­dans. 

Auglýsing

Hug­tak­inu „click­bait“ er reglu­lega fleygt fram í umræð­unni um störf vef­miðla. Click­bait er í stuttu máli bragð til að láta fólk smella á fyr­ir­sögn. Orða­bóka­skil­grein­ingin myndi eflaust til­taka fyr­ir­sagnir þar sem svo­kallað „curi­osity gap“ er komið fyrir til að skapa for­vitni, hvort sem efnið handan við tengil­inn bjóði upp á það sem hugur les­and­ans býst við eða ekki. „Þú trúir ekki hvað gerð­ist næst“ er vin­sælt við­skeyti við dramat­ísk fyr­ir­heit um safa­ríka frétt. Oftar en ekki er þetta sem fólk átti alls ekki að trúa að gæti gerst bara ómerki­leg leið inn í mynd­band af barni að æla á afmælisköku. Eða af gam­alli konu að detta á rass­inn. 

Fjöl­miðlar sem nota click­bait-­fyr­ir­sagnir hafa átt undir högg að sækja und­an­farin miss­eri eftir að Face­book skar upp herör gegn þeim. Þegar fólk var búið að fá full­kom­lega nóg af því að láta plata sig til að skoða efni, sem reynd­ist vera eitt­hvað allt annað en það bjóst við, þá brást þessi stærsti sam­fé­lags­mið­ill heims við með því að úti­loka fjöl­miðla sem beittu bragð­inu mark­visst. 

Face­book mælir hversu lengi fólk er að lesa fréttir og annað efni sem fer í dreif­ingu og finnur smellu­dólgana frekar auð­veld­lega. Hvern­ig? Fólk er snöggt að loka síðum sem veldur því von­brigð­um. Ef fyr­ir­sögnin lofar ein­hverju sem er ekki til stað­ar, þá dvelur fólk aðeins nokkrar sek­úndur inni á síð­unni. Þessi gögn skila sér til Mark Zucker­berg og félaga sem hafa mark­visst skrúfað niður í dreif­ingu á slíku efni. Fyrir vikið er Face­book betri mið­ill og inter­netið skárri staður til að vera á. Næsta við­fangs­efni er svo að hefta dreif­ingu á gervi­frétt­um.

En það er galli á gjöf Njarð­ar. Einu sinni var tví­ræðni í fyr­ir­sögnum ákveðið list­form en í dag virð­ast slíkar æfingar vera ómerki­legt click­bait í hugum fólks. Þegar allir lásu prentuð blöð fengu blaða­menn að leika sér með formið án þess að verða fyrir aðkasti frá reiðum les­endum í athuga­semda­kerfum fjöl­miðla og sam­fé­lags­miðla. Það mætti kannski segja að tví­ræðnin hafi verið nokk­urs konar fyr­ir­boði click­bait-­fyr­ir­sagna þar sem þær höfðu bein­línis þann til­gang að plata les­end­ur, láta þá halda að þeir væru að fara lesa um eitt­hvað annað en fréttin fjall­aði raun­veru­lega um. Fræg frétt undir fyr­ir­sögn­inni „Le­oncie reið Mark­úsi“ fjall­aði til dæmis ekki um villt kyn­líf þáver­andi útvarps­stjóra og ind­versku prinsessunnar heldur gagn­rýni hennar á störf hans. Þetta fannst fólki fynd­ið. 

Í dag er öldin önn­ur. Krafan um meiri upp­lýs­ingar en minni í fyr­ir­sögnum verður sífellt hávær­ari og að mínu mati stendur stéttin frammi fyrir ákvörð­un: Á að leyfa tví­ræðum fyr­ir­sögnum að hverfa ofan í ræsið ásamt ósvífn­um, hrein­rækt­uðum click­bait-­fyr­ir­sögnum þar sem les­endum er talin trú um að ótrú­legir hlutir ger­ist næst? Eða þrá­ast við og ríf­ast við les­endur í athuga­semda­kerfum í hvert skipti sem blaða­mönnum dettur fyndin tví­ræðni í hug.

Þetta er línu­dans. Það er staður og stund fyrir allt. En per­sónu­lega þá nenni ég þessu ekki og fylgi því tíð­ar­and­an­um. 

Þó ég gefi lítið fyrir gagn­rýni í athuga­semda­kerfum á tví­ræðar fyr­ir­sagnir þá hef ég látið undan kröf­unni um meiri upp­lýs­ingar en minni. Ekki vegna þess að van­hugs­aðar og illa staf­settar athuga­semdir um störf mín hræða mig heldur vegna þess að les­endur hafa tekið afstöðu með hætti sem erfitt er að hunsa: Með smell­in­um. Mín reynsla er sú að fólk kann svo vel að meta fyr­ir­sagnir sem inni­halda svo mikið af upp­lýs­ingum að les­endur fá í raun­inni tvær á verði einn­ar, að þær eru lík­legri til að vera lesn­ar. Þetta var því ekki erfið ákvörð­un.  

Höfum samt á hreinu að allir geta sótt smelli. Það er hægt að skrifa hvað sem er í fyr­ir­sögn og láta smella á það. Helsta áskorun þeirra sem skrifa efni á inter­netið í dag er að fá fólk til að deila; að skrifa efni sem höfðar svo vel til fólks að það vill dreifa því, hafa eitt­hvað um það að segja — efni sem les­endur telja að inni­haldi upp­lýs­ing­ar, góðar eða slæmar, sem eiga erindi til stærri hóps. Þetta er krefj­andi áskorun og skemmti­leg.

Ég átta mig núna á að þessi pist­ill inni­hélt varla játn­ingu. Hvað þá játn­ing­ar. Eigum við ekki bara að segja að þetta sé click­bait?

Skiptir Kjarninn þig máli?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Við erum til staðar fyrir lesendur og fjöllum um það sem skiptir máli.

Ef Kjarninn skiptir þig máli þá máttu endilega vera með okkur í liði.

Já takk, ég vil styrkja Kjarnann!
Víðir Reynisson yfirlögregluþjónn hefur ekki áhyggjur af því að almenningur sé orðin ónæmur eða hættur að hlusta þegar almannavarnastig er sett á.
„Almannavarnir lýsa ekki yfir almannavarnarstigi af léttuð“
Víðir Reynisson yfirlögregluþjónn telur að almenningur taki yfirlýsingu neyðarástands vegna COVID-19 ekki af meiri léttúð, þrátt fyrir að neyðarástandi hafi verið lýst yfir fjórum sinnum á síðustu tveimur árum.
Kjarninn 19. janúar 2022
Engin starfsemi hefur verið í kísilverksmiðjunni í Helguvík í rúmlega fjögur ár.
Bæjarstjórnin skorar á Arion banka að hætta við áform um endurræsingu kísilversins
Bæjarstjórn Reykjanesbæjar skorar á Arion banka að falla frá áformum um endurræsingu kísilversins í Helguvík og hefja viðræður við sveitarfélagið um aðrar og grænni leiðir.
Kjarninn 19. janúar 2022
Willum Þór Þórsson heilbrigðisráðherra.
Hraðpróf í tengslum við smitgát úr sögunni og fólk í einangrun má fara í stutta göngutúra
Heilbrigðisráðherra hefur staðfest reglugerð þess efnis að þeir sem eru í smitgát þurfi ekki lengur að fara í hraðpróf, heldur einungis að fara gætilega. Einnig er rýmkað fyrir útiveru þeirra sem eru í einangrun.
Kjarninn 19. janúar 2022
Tómas A. Tómasson þingmaður Flokks fólksins.
„Það er ósanngjarnt að reka fólk heim þegar það getur unnið“
Þingmaður Flokks fólksins gerði málefni eldri borgara að umtalsefni á þinginu í dag.
Kjarninn 19. janúar 2022
Bólusetning með bóluefni Pfizer er hafin í Nepal.
Meira en milljarður skammta loks afhentur í gegnum COVAX
Markmið COVAX-samstarfsins náðust ekki á síðasta ári. Þó er komið að þeim áfanga að milljarður skammta hefur verið afhentur í gegnum samstarfið. Mun betur má ef duga skal.
Kjarninn 19. janúar 2022
Launafólk í verri stöðu en fyrir ári síðan
Þrátt fyrir mikinn hagvöxt í fyrra hefur fjárhagsstaða og andleg heilsa launafólks versnað töluvert á milli ára, samkvæmt nýrri skoðanakönnun frá Vörðu. Tæpur helmingur innflytjenda segist nú eiga erfitt með að ná endum saman.
Kjarninn 19. janúar 2022
Þórólfur Guðnason sóttvarnalæknir.
Vísar gagnrýni um samráðsleysi til föðurhúsanna
Sóttvarnalæknir vísar á bug gagnrýni um að hann hafi aðeins samráð við sjálfan sig. Hann á ekki von á því að leggja fram nýtt minnisblað þar til gildandi samkomutakmarkanir renna út. Til greina kemur að stytta einangrun smitaðra.
Kjarninn 19. janúar 2022
Fyrrverandi bæjarstjóri í Hafnarfirði ráðin sem aðstoðarmaður ráðherra
Guðmundur Ingi Guðbrandsson, félagsmála- og vinnumarkaðsráðherra og varaformaður Vinstri grænna, hefur ráðið tvo aðstoðarmenn. Annar var einu sinni bæjarstjóri og síðar framkvæmdastjóri ASÍ um árabil.
Kjarninn 19. janúar 2022
Meira úr sama flokkiKjaftæði
None