Haltu kjafti, vertu sæt og skemmtu okkur

Auglýsing

Salka Sól tjáði sig á dög­unum um rassa­klíp á árs­há­tíð síð­ast­liðna helgi. Fyrsta sem mér datt í hug var að von­andi fengi hún afsök­un­ar­beiðni frá fyr­ir­tæk­inu og að þetta myndi verða kannski til þess að dóna­kallar lands­ins myndu næst fá sér einum færri drykki eða sjá sóma sinn í því að hætta að áreita fólk, eða ein­fald­lega sleppa því að mæta og auð­velda þannig öllu sam­starfs­fólki sínu að skemmta sér.

Fyrir nokkrum árum – og ég hef skrifað um þetta atvik áður á þessum vett­vangi – lenti ég í áreitni og ógeðs­legum kommentum frá manni á jóla­gleði sama fyr­ir­tækis og Salka Sól gigg­aði fyr­ir. Og ég skrif­aði um það litla klausu á blogg­inu mínu, sagð­ist hafa verið að spila á geggj­uðu giggi en eins og gengur og ger­ist hafi verið einn dóna­kall sem skemmdi fyrir öllum hin­um. Með­fylgj­andi var mynd af pökk­uðu dans­gólfi, mörg hund­ruð manns í stuði og hann einn af þeim, ógreini­legur í horn­inu. Ekki leið á löngu þar til ég fékk sím­tal frá fyr­ir­tæk­inu, þung­búin rödd tjáði mér að svona ætti mann­eskja sem ráðin væri ekki að haga sér og ég var sko sam­mála því. En það var ekki verið að tala um hann, ó nei, það var verið að tala um mig. Að ég ætti ekki að tjá mig um þetta, að ég ætti að taka þetta út af blogg­inu og að ég yrði sko aldrei ráðin aftur af fyr­ir­tæk­inu. Eftir þetta tóku við nokkur miss­eri þar sem ég plötu­snúð­að­ist ekki nema með stráka­vin mér við hlið. Takk Ingi, Atli, Raggi og Óli Palli fyrir stór­kost­lega tíma, stuðn­ing og pepp.

Móðir mín, sem starf­aði hjá fyr­ir­tæk­inu á þessum tíma, var einnig skömmuð fyrir þetta feil­spor mitt. Þegar ég ræddi svo við fleiri sem ég kann­að­ist við innan fyr­ir­tæk­is­ins var við­kvæðið „Æh, hann er alltaf svona, hann er líka svona ógeðs­legur við sam­starfs­konur sínar í partýj­u­m.“ Og honum var samt bara alltaf boð­ið. Með­virknin var slík að eng­inn sagði neitt. Ég veit að þessi til­tekni maður starfar enn innan fyr­ir­tæk­is­ins, og allir virð­ast vita af þessum per­sónu­leika­bresti. Við­bjóð­ur­inn sem hann slef­aði í eyrað á mér, um mig, mömmu mína, flug­freyju­bún­inga og fleira situr enn þá í mér. Þegar fréttin um Sölku fór á flug hlógum við mamma. „Hvernig ætli það verði dílað við þetta? Ætli hún fái sams­konar sím­tal og þú, Mar­grét mín?“

Auglýsing

Eðli­legur hluti af því að starfa í brans­anum er að díla við fólk sem hefur áfengi um hönd. Það krefst þol­in­mæði, hlýju og ein­beit­ing­ar. Ég veit alveg að ef ég höndl­aði ekki þetta eðli­lega áreiti ætti ég ein­fald­lega að finna mér annað starf til að borga leig­una. Ég myndi segja að helm­ingur gigga fæli í sér almennan dóna­skap eða kyn­ferð­is­legt áreiti. Fullar konur hafa alveg líka áreitt mig, snert á mér brjóst­in, reynt að fara í sleik og sagt „Ohhh þú ert bara svvvvvo sexí. Kenndu mér að vera sexí,“ og boðið mér svo í threesome með með þeim og mann­inum þeirra, sem er enn blek­aðri á kant­in­um. Ég lendi þó oftar í „Ég er sko í nefnd­inn­i/­bók­hald­inu. Ef þú spilar ekki Black Eyed Peas þá færðu ekki borg­að,“ frá kven­þjóð­inni. Síð­ustu helgi gekk dóna­skap­ur­inn svo langt að reið kona hellti bjór (ekki óvart) yfir tölv­una mína og mix­er­inn minn.

Ég get ekki ímyndað mér að það sé 100% gam­an, alltaf, allan tím­ann í öllum vinn­um, svo maður kyngir þessu, sér­stak­lega í þeim giggum þar sem fólk er með­vitað og tekur afstöðu: Hjálpar mér að díla við mann­eskj­una, kallar til örygg­is­vörð eða eitt­hvað slíkt. Verst er þegar allir þekkja hegð­un­ar­mynstur erf­iðu mann­eskj­unn­ar, en bjóða henni samt, og eng­inn gerir neitt.

Und­an­farið hafa skemmti­kraftar ýmsir tjáð sig um þetta, bæði karl- og kven­kyns. Þó er ein stétt sem lendir enn þá meira í þessu og það er í alvöru hluti af starf­inu, vakt­stjórar segja fólki að hætta að væla og „hva, þeim finnst þú bara sæt­ur.“ Þetta er þjón­ustu­fólk. Ógeðis­sögur sem ég hef heyrt af við­skipta­vinum veit­inga­staða og borð­gesta á árs­há­tíðum skipta tug­um. Þegar ég mæti til að skemmta, hvort sem það er með atriði eða til að þeyta skífum er alltaf ein­hver í þjóna­lið­inu sem segir til dæmis „pass­aðu þig á þess­ari týpu á borði 3.“ Á hverju ein­asta giggi fæ ég slíka við­vörun frá ein­hverjum sem er búinn að verja kvöld­inu með hópn­um.

Ég sagði fjöl­skyld­unni minni frá nær­tæk­asta dæm­inu, síð­asta föstu­dags­kvöldi. Systir mín hváði og var viss um að ef hún hegð­aði sér svona á manna­móti á vegum vinnu­staðar yrði hún rekin med det samme. Í þessu til­felli hafði ég lækkað hefð­bundið verð umtals­vert, bæði sem vin­ar­greiða og annað spil­aði inn í. Það leit þó út fyrir það að við­gerð­irnar myndu kosta meira en ég var að rukka fyrir kvöld­ið. Sem betur fer varð lend­ingin sú að mann­eskjan sem olli skemmd­unum ætlar að borga þær sjálf, og vona ég að af því drag­ist ein­hver lær­dóm­ur.

Kommenta­kerfin fyrir neðan fréttir af rasskinn Sölku Sólar voru ótrú­lega fynd­in. Fullt af fólki sem hefur engan skiln­ing á því að vera skemmti­kraftur – já eða því að vera þjóð­ar­ger­semi eins og Salka – var með ráð­legg­ingar um hvað hún hefði átt að gera: Bara neita að fara upp á svið fyrr en þessum dúdda væri hent út; segja eitt­hvað í míkró­fón­inn... bla­blabla. Ég hef verið í brans­anum í 13 ár. Að segja eitt­hvað hefur skilað sér í eft­ir­far­andi:

  1. Hót­unum um að verða aldrei ráðin aft­ur.
  2. Slúðri um að ég sé drama­drottn­ing og príma­donna. Að vera kölluð príma­donna er það versta sem skemmti­kraftur í þess­ari litlu tjörn getur verið kall­að­ur.
  3. Mikið af ráð­legg­ingum um hvað ég hefði frekar átt að gera, t.d. halda kjafti og ræða þetta eftir gigg.

Mér finnst setn­ing föður míns, kenn­ar­ans, eiga hér ágæt­lega við: Þú hefur fullan rétt á því að skemma fyrir sjálfum þér, en ekki fyrir neinum öðr­um. Einn af 1.000 getur eyði­lagt heilt partý. Hann getur eyði­lagt orð­spor fyr­ir­tæk­is­ins og sam­starfs­fólks. Ef þetta ger­ist ítrek­að, og allir vita af áhætt­unni sem skap­ast þegar erf­ið­leika­grís­irnir sletta úr klauf­unum þá ættum við að hætta að bjóða þessu fólki. Þau geta bara halt sitt eigið partý. Pant ekki skemmta í því.

Ert þú í Kjarnasamfélaginu?

Kjarninn er opinn vefur en líflínan okkar eru frjáls framlög frá lesendum, Kjarnasamfélagið. Sú stoð undir reksturinn er okkur afar mikilvæg.

Með því að skrá þig í Kjarnasamfélagið gerir þú okkur kleift að halda áfram að vinna í þágu almennings og birta vandaðar fréttaskýringar, djúpar greiningar á efnahagsmálum og annað fréttatengt gæðaefni. 

Kjarninn hefur verið til taks fyrir kröfuharða lesendur undanfarin sjö ár og við ætlum okkur að standa vaktina áfram. 

Fyrir þá sem nú þegar eru stoltir styrkjendur Kjarnans þá leyfum við okkur að benda á að hægt er að óska eftir að hækka mánaðarlega framlagið með því að senda póst á takk@kjarninn.is


Já takk, ég vil styrkja Kjarnann!
Hópuppsögn hjá Icelandair Group
Icelandair Group, sem sótti sér 23 milljarða króna í nýtt hlutafé fyrr í mánuðinum, hefur sagt upp 88 manns.
Kjarninn 29. september 2020
Búast má við mikilli innspýtingu í opinberum fjárfestingum, samkvæmt Íslandsbanka
Mikill samdráttur í ár en hraður viðsnúningur
Ný þjóðhagsspá Íslandsbanka gerir ráð fyrir töluvert meiri samdrætti en Seðlabankinn gerir ráð fyrir í ár. Hins vegar er búist við „skarpri viðspyrnu“ á næsta og þarnæsta ári.
Kjarninn 29. september 2020
PAR á nú innan við tvö prósent í Icelandair
Bandarískur fjárfestingasjóður sem keypti stóran hlut í Icelandair í vor og varð að stærsta einkafjárfesti félagsins er ekki lengur með stærstu eigendum þess.
Kjarninn 29. september 2020
Bjarni Már Magnússon
Basic að birta
Kjarninn 29. september 2020
Halldór Benjamín Þorbergsson er framkvæmdastjóri Samtaka atvinnulífsins.
Samtök atvinnulífsins segja ekki upp kjarasamningum
Eftir að stjórnvöld kynntu 25 milljarða króna aðgerðarpakka í morgun ákvað framkvæmdastjórn Samtaka atvinnulífsins að atkvæðagreiðsla um Lífskjarasamninginn myndi ekki fara fram. Kjarasamningar gilda því áfram.
Kjarninn 29. september 2020
Vísindamennirnir telja að enn eigi töluverður fjöldi eftir að greinast með COVID-19 í þessari bylgju faraldursins.
Um 300 til 1.100 gætu smitast á næstu þremur vikum
Í þriðju bylgju faraldurs COVID-19, sem hófst 11. september, hafa 506 greinst með sjúkdóminn. Vísindamenn við Háskóla Íslands spá því að næstu daga haldi áfram að greinast 20-40 ný smit á dag.
Kjarninn 29. september 2020
Rúmlega þrjátíu Íslendingar hafa greinst með veiruna í landamæraskimun
Af þeim 119 sem greindust með COVID-19 í landamæraskimun frá 15. júní til 18. september voru 32 með íslenskt ríkisfang, 23 frá Póllandi og 13 frá Rúmeníu og færri frá 23 ríkjum til viðbótar.
Kjarninn 29. september 2020
Drífa Snædal er forseti ASÍ.
ASÍ mótmælir lækkun á tryggingagjaldi – Efling segir opinberu fé ausið til efnafólks
ASÍ mótmælir fyrirhugaðri lækkun á tryggingagjaldi og segir að það sé „nánast eini skatturinn sem fyrirtæki greiða“. Sambandið vill að ríkisstjórnin gefi vilyrði um hækkun atvinnuleysisbóta samhliða því að nýjum aðgerðarpakka verði hrint í framkvæmd.
Kjarninn 29. september 2020
Meira úr sama flokkiKjaftæði
None