Auglýsing

Þegar ég var lítil var mér sagt að passa mig á ákveðnum starfs­manni í barna­skól­anum mín­um. Hvað sem ég gerði átti ég alls ekki að þiggja að fara úr blautum fötum og setja á ofn­inn eftir frímó ef hann bauð mér upp á það. Sér­stak­lega ekki ef það var niðri í kjall­ara í stof­unum þar. Eldri skóla­systur mínar vör­uðu mig við þessu. Því hann var víst algjör per­vert. Ef ég sá hann á göng­unum fékk ég sting í mag­ann og hljóp í burtu. Ég var átta ára. 

Nú, spólum svo fram í tím­ann, í gegnum mennta­skóla- og háskóla­árin og nokkra vinnu­staði. Hvert sem ég fór þá dúkk­aði „starfs­mað­ur­inn úr barna­skól­an­um” upp í ein­hverri mynd og stundum í fleir­tölu. Mættur á svæð­ið. Og olli óör­yggi, nið­ur­læg­ingu og ógn í ein­hverri mynd. Það ótrú­lega er að mér fannst þetta vera norm­ið. Því þetta er norm­ið. Fyrir mér og öllum konum í kringum mig. 

Karlar hafa fengið að vaða uppi með dólg, áreitni og ofbeldi í krafti valda­stöðu sinnar í öllum kimum þjóð­fé­lags­ins í árþús­undir. Og jú jú, auð­vitað voru og eru góðir karlar þarna líka og það í meiri­hluta, en vit­iði hvað? Við erum ekki að tala um þá núna. Við erum að tala um hina. Og það þurfa allir að hlusta. 

Auglýsing

Við ykkur sem klórið ykkur í hausnum yfir #metoo um­ræð­unni og teljið að hún sé „gengin allt of lang­t”, má ég góð­fús­lega biðja ykkur um að fjar­lægja rembu- og fáfræði tapp­ana úr eyr­unum og hlusta vel: Ástæða þess að konur úr öllum áttum eru að taka höndum saman og opna sig um oft alveg ótrú­lega sára og erf­iða reynslu af áreitni og ofbeldi er sú að: Við. Erum. Bún­ar. Að. Fá. Nóg. 

Þegar ALLAR konur sem ég þekki geta rifjað upp að minnsta kosti tíu ógeðs­leg atvik þar sem þær hafa lent í mis­munun vegna kyn­ferðis á vinnu­stað, þurft að þola nið­ur­lægj­andi athuga­semdir vegna kyn­ferð­is, orðið fyrir kyn­ferð­is­legri áreitni bæði and­lega og lík­am­lega, eða jafn­vel skelfi­legu kyn­ferð­is­legu ofbeldi þá er ekki nema von að við séum komnar með effing nóg. Og ef maður pælir í því þá fengu konur lík­lega nóg fyr­ir árhund­ruðum. Með til­komu sam­fé­lags­legra breyt­inga plús sam­fé­lags­miðl­ana góðu er sam­staðan bara miklu auð­veld­ari akkúrat núna. 

Talandi um sam­stöðu, maður sæll hvað ég get skilið að ein­hverjir karlar séu að míga á sig úr hræðslu þessa dag­ana yfir sam­stöðu kvenna. Senni­lega sömu karlar og eru með fra­s­ann „konur eru konum ver­star” skrifað í sand­blásið gler í for­stof­unni heima hjá sér. Þessi frasi var alveg pott­þétt sam­inn af karli sem ótt­að­ist sam­stöðu kvenna frá því hann beitti konu í fyrsta skipti ofbeldi. Best að gera sitt til að sundra konum í ofaná­lag, hefur hann hugs­að. En konur úr öllum áttum standa saman hvort sem ykkur líkar betur eða verr og smá news­flash hérna: Þær hafa alltaf gert það, skoðið bara sög­una aul­ar. 

Heyrðu já, á meðan ég man: Margir flott­astir mínir eru líka að spyrja hvort það sé nú eitt­hvað hæft í þessum „sög­um” sem nú birt­ast í fjöl­miðlum fyrst svona fáar konur kærðu þessi atvik á sínum tíma. Nú ætla ég bara að stafa þetta út fyrir ykkur svo lesið hægt: Konur hafa veigrað sér við því að tala um það ofbeldi sem þær hafa orðið fyrir því sagan sýnir að þeim er gjarn­an ekki trúað og dóms­kerfið hef­ur ekki beint verið upp­örvandi í gegnum tíð­ina. Hentu svo inn ákveðn­um valdastrúktúr og ótta við að missa lífs­við­ur­værið og þú ert komin með ansi hreint djúsí upp­skrift að þögg­un.  

Aðrir spyrja: „Má bara ekk­ert leng­ur?” Við þesssa dólga hef ég þetta að segja: Nei. Það bara má ekk­ert leng­ur, alla vega „ekk­ert” sem þú hefur í huga. Þetta er ósköp ein­falt per­vert: Ef þú þarft að spyrja og velta því fyrir þér hvað má og hvað má ekki þá eru góðar líkur á því að þú sért að fara að fara að bjóða annarri mann­eskju upp á eitt­hvað sem hún hefur nákvæm­lega engan áhuga á að taka þátt í. Og það er ekki í boði. Fáðu effing já. Ef þú ert í minnsta vafa um að þú hafir sam­þykki fyrir hegðun þinni, þá er svarið nei. Það má ekk­ert leng­ur. Sættu þig við það. 

Svo í lokin koma hér ókeypis ráð til allra perverta, rembusvína og ofbeld­is­manna: Hættið að vera fokk­ing ógeð og far­iði að koma fram við okkur af virð­ingu. Og þið hin­ir: Vin­sam­leg­ast hlustið á okkur og sýnið okkur þann skiln­ing sem við eigum inni hjá alheim­in­um.

Þetta er búið að taka nokkur þús­und ár. Og nú er komið nóg. Við þegjum ekki leng­ur. Og heim­ur­inn þarf að hlusta. #metoo #dólgarn­irykkar

Skora á Almenna innheimtu ehf. að hætta innheimtu á ólöglegum lánum
Fyrir liggur að vextir á smálánum eru margfalt hærri en heimilt er samkvæmt lögum, en þrátt fyrir það eru lántakendur enn krafðir um endurgreiðslu á ólöglegum vöxtum af innheimtufyrirtækinu Almenn innheimta ehf..
Kjarninn 19. júlí 2019
Birna Lárusdóttir
Viljum við fara aftur á byrjunarreit?
Kjarninn 19. júlí 2019
Húsavík á kortið í alþjóðlegu strandhreinsunarátaki
Húsavík heimsækja árlega yfir 100 þúsund ferðamenn í þeim tilgangi að skoða hvali. Ferðaþjónustufyrirtæki á svæðinu sameinuðust í átaki í að hreins strandlengjuna, og vel tókst til.
Kjarninn 19. júlí 2019
Sjálfstæðisflokkur ekki mælst minni frá hruni – Miðjan í andstöðunni nú stærri en stjórnin
Fylgi Sjálfstæðisflokksins hefur ekki mælst lægra frá hruni, samanlagt fylgi ríkisstjórnarflokkanna hefur ekki mælst lægra á kjörtímabilinu og frjálslynda miðjublokkin er nú stærri en ríkisstjórnin.
Kjarninn 19. júlí 2019
Fylgi Miðflokks hærra en Vinstri grænna
Fylgi Miðflokksins eykst verulega á milli mánaða og mælist nú 14,4 prósent. Fylgi flokksins mælist nú hærra en bæði Vinstri grænna og Samfylkingarinnar.
Kjarninn 19. júlí 2019
Tæknivarpið
Tæknivarpið
Tæknivarpið – Apple Pay og Enski Boltinn í boði fyrir alla
Kjarninn 19. júlí 2019
Þota ALC flogin til Evrópu
Bandaríska flugleigufélagið ALC hefur átt í deilum við Isavia um þotuna. Isavia vildi kyrrsetja vélina til að tryggja greiðslur upp í tveggja milljarða króna skuldir WOW air.
Kjarninn 19. júlí 2019
Friðrik Sophusson, stjórnarformaður Íslandsbanka og Brynjólfur Bjarnason, stjórnarformaður Arion banka.
Segir sameiningu Arion banka og Íslandsbanka geta borgað sig
Brynjólfur Bjarnason og Friðrik Sophusson, stjórnarformenn Íslandsbanka og Arion banka, telja að skoða ætti sameiningu bankanna ef slíkt myndi skila auknu hagræði og betri rekstri.
Kjarninn 19. júlí 2019
Meira úr sama flokkiKjaftæði