Auglýsing

„Sam­fé­lagið er að bregð­ast ákveðnum þjóð­fé­lags­hópi. Það er að leggja ákveð­inn þjóð­fé­lags­hóp í ein­elt­i,“ sagði Ólafur Ólafs­son, áður einn stærsti eig­andi Kaup­þings, í við­tali við Stöð 2 frá Kvía­bryggju í gær þar sem hann afplánar dóm.  

Við­talið við Ólaf og sam­fanga hans tengdum Kaup­þingi var liður í mjög fyr­ir­ferða­mik­illi her­ferð þeirra sem annað hvort hafa hlotið dóma fyrir hrun­tengda glæpi eða eru til rann­sóknar í slíkum málum þess efnis að banka­fólk sé fórn­ar­lömb sam­sær­is. Und­an­farnar vikur og mán­uði hefur sú her­ferð birst í fjöl­mörgum aðsendum greinum í blöð frá aðstand­end­um, lög­mönn­um, fyrr­ver­andi upp­lýs­inga­full­trúum eða mönn­unum sjálfum þar sem talað er um aðför að rétta­rík­inu og dóms­morðið sem þeir hafi orðið fyr­ir.

Auglýsing

Hún birt­ist í stöðu­upp­færslum á Face­book þar sem órétt­lætið sem þeir hafa orðið fyrir er sett í dramat­íska bún­inga og góð­mennska og mann­kostir þeirra sem orðið hafa fyrir því tíund­uð. Hún birt­ist í harma­kveinum yfir gríni í Ára­mótaskaupi.

Og hún birtist, að því er virð­ist skipu­lega, í völdum fjöl­miðlum tveggja af stærstu einka­reknu fjöl­miðla­fyr­ir­tækjum lands­ins í formi frétta og skoð­ana­greina. Fjöl­miðlum sem stýrt er af fólki sem ítrekað lýsti þeirri skoðun sinni á rann­sóknum á efna­hags­brotum að þær hafi verið óþarfar, áður en þær annað hvort fóru fram eða var lok­ið. Eftir að dómar hafa fallið í málum hefur engin breyt­ing orðið á þess­ari fram­setn­ingu. Þvert á móti hefur verið gefið í og sam­særið útvíkk­að.

Allir fremja sam­særi gegn banka­mönnum

Banka­menn­irnir sem hafa verið dæmdir í fang­elsi, við­skipta­menn­irnir sem bíða þess að mál þeirra verði leidd til lykta, fólkið í kringum þá og tvö af sterk­ustu fjöl­miðla­veldum á Íslandi vilja selja okkur þá hug­mynd að ráða­menn þjóð­ar­innar hafi á ögur­stundu haustið 2008 framið sam­særi gegn banka­mönnum með því að setja neyð­ar­lög í land­inu. Að for­sætis­nefnd Alþing­is, sem í sitja full­trúar allra flokka, hafi framið sam­særi gegn þeim með því að sam­þykkja lög um rann­sókn­ar­nefnd Alþingis í des­em­ber 2008 til að rann­saka banka­hrunið og að Björn Bjarna­son, þáver­andi dóms­mála­ráð­herra, hafi tekið þátt í því sam­særi með fram­lagn­ingu laga um sér­stakan sak­sókn­ara nokkrum dögum síð­ar. Síðan hafi flest allar stofn­anir lands­ins; fjöl­miðl­ar, eft­ir­lits­stofn­an­ir, ákæru­vald og á end­anum íslenskir dóm­stólar hoppað á vagn­inn og tekið virkan þátt í sam­sær­inu. Í raun er allur almenn­ing­ur, allar stofn­anir lands­ins, stjórn­mála­menn og rétt­ar­kerfið að fremja sam­særi gegn þessum mönn­um. Nú eru Fang­els­is­mála­stofnun og Mich­ael Moore búin að slást í hóp­inn við að gera líf þess­ara manna óbæri­legt.

Mis­tökin sem menn­irnir sem voru í við­tali í gær sögð­ust hafa gert voru aðal­lega tvenns kon­ar: ann­ars vegar að hafa ekki mætt í fleiri við­töl og hins vegar að treysta á kerf­ið. Ekk­ert var fjallað um efn­is­at­riðin í þeim dómi sem er ástæða þess að þeir sitja þar sem þeir sitja. Dómi þar sem skýr nið­ur­staða æðsta dóms­valds lands­ins, eftir eina rétt­ar­far­veg­inum sem við höfum sem sam­fé­lag, er sú að það sé ólög­legt að blekkja í til­kynn­ingum til mark­að­ar­ins, að fjár­magna eigin við­skipti og að segja ósatt um fjár­mögnun risa­stórra hluta­bréfa­kaupa.

Menn­irnir sem voru dæmdir ákváðu nefni­lega að segja að Sjeik Al Thani væri að kaupa hlut í Kaup­þingi. Þeir sögðu engum að Ólafur Ólafs­son, einn stærsti hlut­hafi bank­ans, væri þátt­tak­andi í ferl­inu og gæti mögu­lega hagn­ast á því. Þeir sögðu engum að Kaup­þing borg­aði fyrir fjár­fest­ingu Al Thani og tók veð í bréf­unum sjálf­um. Þús­undir Íslend­inga áttu hlut í Kaup­þingi á þessum tíma. Geymdu sparifé sitt í þeim hluta­bréfum og treystu því sem þessir menn sögðu opin­ber­lega. Margir keyptu meira að segja hluta­bréf í kjöl­far yfir­lýs­ingar um kaup Al Thani. Allt þetta fólk tap­aði öllu sínu fé. Þetta voru ekki mis­tök sem vert væri að gang­ast við að mati þeirra sem voru dæmdir í mál­inu.

Ekki heldur þau almennu áhrif sem rekstur við­skipta­bank­anna og þeir gjörn­ingar sem framdir voru þar, og hafa síðan verið opin­berað­ir, höfðu á íslenskt efna­hags­líf og –sam­fé­lag í heild sinni. Algjört hrun sem þurrk­aði út gríð­ar­legt magn eigna, rýrði verð­gildi gjald­mið­ils­ins um tugi pró­senta, skildi rík­is­sjóð eftir á barmi þrots og Seðla­bank­ann án gjald­eyr­is­forða. Sem skildi Ísland eftir í nýjum og erf­ið­ari veru­leika sem almenn­ingi var gert að axla. Það voru ekki mis­tök. Nei, mis­tök­in, að sögn Sig­urðar Ein­ars­son­ar, fyrrum stjórn­ar­for­manns Kaup­þings, voru þau að ríkið setti neyð­ar­lög til að verja inn­stæður almenn­ings.

Alvar­leg­ustu efna­hags­brot Íslands­sög­unnar

Í dómi Hæsta­réttar í Al Than­i-­mál­inu segir að brotin hafi beinst „í senn að öllum almenn­ingi og fjár­mála­mark­að­inum hér á landi í heild og verður tjón­ið, sem leiddi af þeim beint og óbeint, ekki metið til fjár. Þessi brot voru stórum alvar­legri en nokkur dæmi verða fundin um í íslenskri dóma­fram­kvæmd varð­andi efna­hags­brot.“

Samt er nið­ur­staðan í Al Than­i-­mál­inu ítrekað borin saman við fræg­asta mál íslenskrar rétt­ar­fars­sögu, Guð­mund­ar- og Geir­finns­mál­ið, þegar verið er að und­ir­strika hversu illa afvega­leitt rétt­ar­ríkið er og hversu alvar­leg dóms­morðin sem framin eru á banka­mönnum eru. Sam­an­burður á þessu tvennu er þó fjar­stæðu­kennd­ur. Guð­mund­ar-og Geir­finns­málið snýst um að hópur ung­menna var sak­felldur fyrir að hafa orðið tveimur mönnum að bana án þess að lík þeirra hefðu nokkru sinni fund­ist og þrátt fyrir algjöran skort á sönn­un­ar­gögn­um. Sak­fell­ingin byggði á játn­ingum sak­born­inga sem þau drógu öll til baka og sögðu að hafi verið náð fram með harð­ræði við rann­sókn máls­ins. Í hrun­mál­unum er nán­ast und­an­tekn­ing­ar­laust ekki tek­ist á um hvað hafi gerst eða hvernig það hafi verið gert. Atburð­ar­rásin og ákvörð­un­ar­tök­urnar eru að mestu stað­fest­ar, máls­skjöl skipta þús­undum og fjöl­margir vitn­is­burðir liggja fyr­ir. Almenn­ingur getur lesið ítar­lega um málið í mörg þús­und blað­síðna skýrslu sem ríkið lét vinna, selja í bóka­búðum og birta á net­inu. Í þessum málum er fyrst og síð­ast tek­ist á um hvort það sem sak­born­ingum er gefið að hafa gert sé ólög­legt eða ekki.

Og það var sann­ar­lega ekk­ert sjálf­sagt að þessir gjörn­ingar væru ólög­legir eða bara víta­vert skeyt­ing­ar­leysi. Allt í þessum málum var for­dæma­laust. Þess vegna var nauð­syn­legt fyrir sam­fé­lagið allt að rann­saka mál­in, eftir atvikum ákæra í þeim og fá nið­ur­stöðu fyrir dóm­stól­um. Sú nið­ur­staða liggur nú fyrir í hluta mál­anna. Í flestum þeirra hefur verið sak­fellt. En við það sætta menn sig ekki. „Í mínum huga eru þetta ekki alvöru lög sem unnið er eft­ir,“ sagði Ólafur Ólafs­son í Íslandi í dag í gær. Sam­fé­lagið allt, og allar stofn­anir þess, eru að bregð­ast ákveðnum þjóð­fé­lags­hópi, banka­mönn­um. Lög sem dæma þá seka eru ekki alvöru lög.

Það vantar efn­is­lega umræðu

Þegar hrun­dóm­arn­ir, sem eru for­dæma­laus­ir, falla þá geta leik­menn ekki annað en nálg­ast þá út frá því að eini far­vegur rétt­ar­rík­is­ins hafi verið nýttur og að nið­ur­staða hans liggi fyr­ir. Þar með er ekki sagt að það eigi ekki að fara fram umræða um dómana, þær túlk­anir dóm­ara sem fram í þeim eru settar og jafn­vel hvort að gæði rök­stuðn­ings séu nægj­an­leg. Sú umræða sem nú fer fram um málin er hins vegar ein­hliða og að mestu frá aðilum sem voru löngu búnir að marka sér stöðu í mál­unum áður en dóm­arnir sjálfir féllu. Hún er að lang­mestu leyti ekki efn­is­leg, heldur til­finn­inga­leg. Þess vegna dregur úr vægi þeirra skoð­ana. Það vantar hins vegar að fræða­sam­fé­lag­ið, og fag­stéttin lög­menn, taki þátt í umræðu um þessa dóma á opin­berum vett­vangi án teng­inga við sak­born­inga eða sak­sókn­ara, heldur út frá nið­ur­stöð­unni ein­vörð­ungu. Til þess hafa lög­menn og fræð­ingar grein­ar­innar verið tregir og í einka­sam­tölum bera þeir sér­stak­lega fyrir sig hags­muni. Þ.e. að þátt­taka í slíkri umræðu geti komið í veg fyrir að þeir fái ákveðin verk­efni í fram­tíð­inni.

Það sem við þurfum ekki er síbylja um að allar stoðir sem við byggjum sam­fé­lagið okkar á séu svo rót­spilltar að þær séu til­búnar að taka lög úr sam­bandi gagn­vart einum þjóð­fé­lags­hópi vegna þess að hann sé svo illa lið­inn.

Það eru ein lög í land­inu sem ná yfir alla. Þau ná yfir ríka, klára, vel æfða, fal­lega klædda og mynd­ar­lega fólkið á sama hátt og þau ná yfir litlu sílin sem vana­lega eru dæmd til refs­ing­ar.

Gott fólk getur nefni­lega líka gert slæma hluti.

Við þurfum á þínu framlagi að halda

Þú getur tekið beinan þátt í að halda úti öflugum fjölmiðli.

Við sem vinnum á ritstjórn Kjarnans viljum hvetja þig til að vera með okkur í liði og leggja okkar góða fjölmiðli til mánaðarlegt framlag svo við getum haldið áfram að vinna fyrir lesendur, fyrir fólkið í landinu.

Kjarninn varð níu ára í sumar. Þegar hann hóf að taka við frjálsum framlögum þá varð slagorðið „Frjáls fjölmiðill fyrir andvirði kaffibolla“ til og lesendur voru hvattir til að leggja fram í það minnsta upphæð eins kaffibolla á mánuði.

Mikið vatn hefur runnið til sjávar á þeim níu árum sem Kjarninn hefur lifað. Í huga okkar á Kjarnanum hefur þörfin fyrir fjölmiðla sem veita raunverulegt aðhald og taka hlutverk sitt alvarlega aukist til muna.

Við trúum því að Kjarninn skipti máli fyrir samfélagið.

Við trúum því að sjálfstæð og vönduð blaðamennska skipti máli.

Ef þú trúir því sama þá endilega hugsaðu hvort Kjarninn er ekki allavega nokkurra kaffibolla virði á mánuði.

Vertu með okkur í liði. Þitt framlag skiptir máli.

Ritstjórn Kjarnans: Sunna Ósk Logadóttir, Þórður Snær Júlíusson, Erla María Markúsdóttir, Arnar Þór Ingólfsson, Eyrún Magnúsdóttir og Grétar Þór Sigurðsson.


Já takk, ég vil styrkja Kjarnann!
Ráðast þyrfti í nauðsynlegar styrkingar vega vegna þungaflutninganna til og frá Mýrdalssandi.
Vikurnám á Mýrdalssandi myndi hafa „verulegan kostnað fyrir samfélagið“
Fullhlaðinn sex öxla vörubíll slítur burðarlagi á við 20-30 þúsund fólksbíla, bendir Umhverfisstofnun á varðandi áformaða vikurflutninga frá Mýrdalssandi til Þorlákshafnar. Ráðast þyrfti í mikla uppbyggingu vegakerfis vegna flutninganna.
Kjarninn 6. október 2022
Ólafur Þ. Harðarson prófessor emerítus í stjórnmálafræði.
„Íslendingar eiga langt í land“ með jöfnuð atkvæðavægis eftir búsetu
Frumvarp sem formaður Viðreisnar mælti fyrir á þingi í september myndi eyða misvægi atkvæða milli bæði flokka og kjördæma, eins og kostur er. Ólafur Þ. Harðarson telur að þingið ætti að samþykkja breytingarnar.
Kjarninn 6. október 2022
Fóru inn í tölvupósta Sólveigar Önnu og Viðars
Þá starfandi formaður Eflingar hafði aðgang að tölvupósthólfum fyrirrennara síns, Sólveigar Önnu Jónsdóttur, og fyrrverandi framkvæmdastjóra Eflingar, Viðars Þorsteinssonar, frá því í janúar á þessu ári og fram í apríl.
Kjarninn 6. október 2022
Hallarekstur SÁÁ stefnir í 450 milljónir
Færri innlagnir, færri meðferðir við ópíóðafíkn og sumarlokanir verður staðan hjá SÁÁ á næsta ári miðað við fyrirliggjandi fjárlagafrumvarp. Samtökin áætla að rekstrargrunnur samtakanna verði vanfjármagnaður um 450 milljónir króna á næsta ári.
Kjarninn 6. október 2022
Seðlabankinn hafnar því að aflétta leynd um ESÍ á grundvelli almannahagsmuna
Árið 2019 var ákvæði bætt við lög um Seðlabanka Íslands sem veitir bankanum heimild til að víkja frá þagnarskylduákvæði ef hagsmunir almennings af birtingu gagna vega þyngra en hagsmunir sem mæla með leynd.
Kjarninn 6. október 2022
Í austurvegi
Í austurvegi
Í austurvegi – Komdu í leirkerið 请君入瓮
Kjarninn 6. október 2022
Jón Björnsson, forstjóri Origo.
Eigið fé Origo margfaldast við söluna í Tempo fyrir 28 milljarða króna
Árið 2009 stofnuðu starfsmenn TM Software lítið hugbúnaðarfyrirtæki, sem nefnt var Tempo. Í dag er það metið á 85,4 milljarða króna og Origo var að selja hlut sinn í því á 28 milljarða króna. Við það fer eigið fé Origo úr níu milljörðum í 31 milljarða.
Kjarninn 6. október 2022
Kjartan Magnússon borgarfulltrúi bar tillöguna fram í borgarstjórn.
Borgarhverfi framtíðarinnar eða loftslagsskógur á Geldinganesi?
Tillögu sjálfstæðismanna í borgarstjórn Reykjavíkur um að skipuleggja Geldinganes undir íbúabyggð var hafnað á fundi borgarstjórnar á þriðjudag. Afar mismunandi sjónarmið komu fram um það hvernig skyldi nýta nesið til framtíðar.
Kjarninn 5. október 2022
Meira úr sama flokkiLeiðari
None