Kaupþing
Auglýsing

Við­skipta­Mogg­inn birti í morgun lista yfir þau fyr­ir­tæki sem voru á lista ­Arion banka sem ýmsir hafa kallað „dauða­list­ann“ í umræð­unni á und­an­förn­um ár­um. Lán fyr­ir­tækj­anna, sem voru 40 tals­ins, voru færð til Arion banka á mjög lágu verði. Þegar bank­inn var afhentur kröfu­höfum gamla Kaup­þings árið 2009 var ­samið um að þau yrðu afmörkuð (e. ring-­fenced) þannig að 80 pró­sent af við­bóta­inn­heimt­u lán­anna myndi renna til slitabú Kaup­þings en 20 pró­sent til Arion banka.

Á list­anum sem birtur var í Við­skipta­Mogg­anum kemur fram að um m.a. sé að ræða lán til fyrrum móð­ur­fé­lags Íslenskra aðal­verk­taka, félaga tengdum Exista, ­fé­lög tengdum Gaumi (m.a. 1998, Baugur og Hag­ar), lán til Gift­ar, Kjal­ars (í eigu Ólafs Ólafs­son­ar), Sam­son (í eigu Björg­ólfs­feðga), Landic Proper­ty, FL Group/­Stoða, Sam­herja, Sund, Nor­vik­ur-­sam­stæð­unn­ar, Sunds, Vif­ils­fells og Öss­ur­ar. Með öðrum orðum er um að ræða stærstu inn­lendu skuld­ara Kaup­þings ­fyrir hrun.

„Dauða­list­inn“ er hug­tak sem fyrst skaut upp koll­inum í fjöl­miðlum þeg­ar Víglundur Þor­steins­son hélt ítrek­aða blaða­manna­fundi þar sem hann hélt því fram að harðar hafi verið gengið fram gegn honum en öðrum skuld­urum Arion banka, en ­fyr­ir­tæki Víg­lund­ar, BM Val­lá, var eitt þeirra sem var afmarkað í skila­sam­komu­lagi slita­bús Kaup­þings og rík­is­ins vegna Arion banka. Víglund­ur ­sagði að „dauða­list­inn“ væri listi yfir líf­væn­leg fyr­ir­tæki sem Arion banki hefði, af óbil­girni, tekið af eig­endum sín­um. BM Vallá var úrskurðað gjald­þrota í maí 2010. Skuldir þess þá voru um tíu millj­arðar króna og eigið féð nei­kvætt um 2,5 millj­arða króna. ­Stjórn­endur fyr­ir­tæk­is­ins höfðu lagt fram end­ur­reisn­ar­hug­mynd sem í fólu í sér­ að lána­stofn­anir ættu að afskrifa 4.725 millj­ónir króna af skuldum félags­ins auk þess sem gefin yrðu út 2,6 millj­arðar króna af nýjum skulda­bréf­um, sem ­Arion banki og líf­eyr­is­sjóðir áttu að kaupa til að tryggja BM Vallá lausa­fé. En af óbil­girni hafn­aði Arion banki þessu kosta­boði.

Auglýsing

Jón Ásgeir Jóhann­es­son, ­fyrr­ver­andi aðal­eig­andi 365 miðla og núver­andi eig­in­maður aðal­eig­anda 365 miðla, tók undir með Víglundi í aðsendri grein í Frétta­blað­inu 1. sept­em­ber 2012. Þar sagði hann að fjöl­skylda hans hefði misst smá­söluris­ann Haga vegna þess að þau hafi verið á list­an­um. Gjald­þrot Baugs, helsta fjár­fest­inga­batt­er­ís Jóns Ásgeirs, er eitt stærsta gjald­þrot einka­fyr­ir­tækis í Íslands­sög­unn­i. Lýstar kröfur í búið voru um 400 millj­arðar króna og sam­þykktar kröfur námu um 240 millj­örðum króna. Af þeim feng­ust sjö millj­arðar króna, eða 2,9 pró­sent af ­sam­þykktum kröf­um, greidd­ar. Félagið 1998 ehf., sem átti Haga, skuld­aði á sjötta tug millj­arða króna í lok árs 2010.

Þótt að „dauða­list­inn“ hljómi spenn­andi sem hug­tak þá er ekk­ert nýtt við þann lista sem Við­skipta­Mogg­inn birti í morgun né hefur leynd hvílt yfir því hvaða fyr­ir­tæki voru á hon­um. Í lána­bók ­Kaup­þings, sem Wiki­leaks lak á sínum tíma, og í skýrslu rann­sókn­ar­nefndar Alþing­i, ­sem er aðgengi­leg öllum á net­inu, er hægt að nálg­ast þessar upp­lýs­ing­ar. Þar eru birt yfir­lit yfir stærstu skuld­ara Kaup­þings sem allir röt­uðu síðan á þennan lista, vegna þess að ómögu­legt var að átta sig á hversu mikið af lán­um þeirra myndu inn­heimt­ast þegar Arion banka var skilað til kröfu­hafa árið 2009.

Það er einnig hægt að lesa um list­ann í skýrslum Alþjóða­gjald­eyr­is­sjóðs­ins um stöðu mála á Íslandi frá því síðla árs 2009 og í efna­hags­reikn­ingum Arion banka. Sam­bæri­legt sam­komu­lag var við lýði í báðum hinum nýju bönk­un­um, þótt munur hafi verið á útfærsl­um.

Skiptir Kjarninn þig máli?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Við erum til staðar fyrir lesendur og fjöllum um það sem skiptir máli.

Ef Kjarninn skiptir þig máli þá máttu endilega vera með okkur í liði.

Já takk, ég vil styrkja Kjarnann!
Myndir af börnum í Austur-Kongó með alvarleg einkenni apabólu.
Fimm staðreyndir um apabólu
Apabóla er orð sem Íslendingar höfðu fæstir heyrt þar til nýverið er tilfelli af þessum sjúkdómi hófu að greinast í Evrópu og Norður-Ameríku. Sjúkdómurinn er hins vegar vel þekktur í fátækustu ríkjum heims þar sem þúsundir sýkjast árlega.
Kjarninn 19. maí 2022
Sonja Ýr Þorbergsdóttir formaður BSRB
„Hlutverk hins opinbera er að tryggja öllum húsnæðisöryggi“
Formaður BSRB segir að margt sé til bóta í tillögunum starfshóps um aðgerðir og umbætur á húsnæðismarkaði – og gefi ástæðu til hóflegrar bjartsýni um betri tíma.
Kjarninn 19. maí 2022
Árni Guðmundsson
Af þreyttasta frumvarpi Íslandssögunnar
Kjarninn 19. maí 2022
Jóhannes Þór Skúlason er framkvæmdastjóri Samtaka ferðaþjónustunnar.
Vilja margföldun á framlagi ríkisins til rannsókna í ferðaþjónustu
Samtök ferðaþjónustunnar gagnrýna framsetningu á framlögum til ferðamála í umsögn sinni við fjármálaáætlun. Samtökin óska eftir 250 milljón króna árlegri hækkun framlaga til rannsókna í greininni á gildistíma áætlunarinnar.
Kjarninn 19. maí 2022
Húsnæðisstuðningur skuli fyrst og fremst nýtast þeim sem á þurfa að halda
Ljóst er að staða leigjenda út frá húsnæðisöryggi og byrði húsnæðiskostnaðar er lakari en þeirra sem eiga eigin íbúð. Aðgerða er þörf sem miða m.a. að því að lækka byrði húsnæðiskostnaðar hjá efnaminni leigjendum, samkvæmt nýrri skýrslu.
Kjarninn 19. maí 2022
Margar kvartanir byggðar „á misskilningi“
UN Women lýsa yfir þungum áhyggjum af aðstæðum einstaklinga sem hingað hafa leitað að skjóli og eru hluti af búsetuúrræði ÚTL á Ásbrú. Samkvæmt ÚTL hefur aðstaðan verið í stöðugri endurskoðun undanfarna rúma tvo mánuði.
Kjarninn 19. maí 2022
Þórður Snær Júlíusson
Að vinna þegar maður tapar
Kjarninn 19. maí 2022
Claudia Ashanie Wilson, Eiríkur Rögnvaldsson, Eliza Reid, Eyrún Ólöf Sigurðardóttir, Gísli Pálsson og Sema Erla Serdaroglu
Kynþáttamörkun
Kjarninn 19. maí 2022
Meira úr sama flokkiBakherbergið
None