Að halda sig lausnina en vera vandamálið

Auglýsing

Ólafur Ragnar Grímsson er engum líkur. Þótt hann sé slyngur stjórnmálamaður af gamla skólanum þá fækkar þeim alltaf sem falla fyrir leikþáttum hans, sem snúast oftar en ekki um að blása upp mikilvægi sinnar persónu fyrir land og þjóð í skrúðmælgisflóði þar sem forsetinn talar um sjálfan sig í þriðju persónu. Með greini.

Nú er Ólafur Ragnar þó í vanda. Opinberað hefur verið að eiginkona hans, Dorrit Moussaieff, og fjölskylda hennar tengjast neti aflandsfélaga. Þetta er staðreynd. Og það er líka staðreynd að eini vitræni tilgangur þess að eiga félög á Bresku Jómfrúareyjunum eða í Panama eða í öðrum þekktum skattaskjólum eru a) til að forðast skattgreiðslur eða b) til að fela eignir. Það eru engar aðrar sýnilegar ástæður fyrir slíku eignarhaldi.

Nei, nei, nei, nei, nei

Það hefur einnig verið opinberað að Dorrit færði lögheimili sitt frá Íslandi í desember 2012, eftir að Ólafur Ragnar var kjörinn forseti í fimmta sinn. Sú skýring Dorritar, sem sett var fram í yfirlýsingu nokkrum mánuðum síðar, um að færslan væri tilkomin vegna þess ráðstafana sem forsetafrúin hefði gert „þegar horfur voru á að eiginmaður minn yrði ekki lengur forseti“ heldur ekki. Í desember 2012 voru nefnilega engar horfur á því að Ólafur Ragnar yrði ekki lengur forseti. Hann var nýbúinn að láta kjósa sig enn á ný í embættið.

Auglýsing

Ólafur Ragnar er líka í vanda vegna þess að hann sagði ósatt í viðtali við CNN þegar hann var spurður hvort hann, eiginkona hans eða fjölskylda ættu aflandsreikninga. Svar Ólafs Ragnar var: „„Nei, nei, nei, nei, ­nei. Það verður ekki þannig.” Í ljós kom hins vegar að fjölskylda Dorritar á vítt net aflandsfélaga og Dorrit tengist þeim. Ólafur Ragnar hefði getað valið að svara spurningum CNN með „ég veit það ekki“ eða „ég og eiginkona mín erum með aðskilin fjárhag og höfum aldrei rætt fjármál hvors annars við hvort annað“. En hann kaus að gera það ekki heldur sagði afdráttarlaust „nei“. Fimm sinnum.

Málin flæktust enn þegar breska stórblaðið The Guardian greindi frá því að Dorrit er ekki einu sinni með lögheimili í Bretlandi. Hún er skráð „utan lög­heim­il­is” (e. non-domici­le, eða „non-dom“). Það er fyr­ir­bæri sem þekk­ist hvergi annar staðar í heim­inum en í Bret­landi og gerir auð­ugu fólki kleift að borga lægri skatta þó að það sé búsett þar í land­i. Í yfirlýsingu sem Dorrit sendi frá sér á fimmtudag sagðist forsetafrúin að hún væri búsett í Bretlandi „þar sem ég hef veitt bresk­um skatta­yf­ir­völd­um viðhlít­andi upp­lýs­ing­ar.“ Niðurstaðan eftir yfirlýsingaflóð og allskyns svör frá skrifstofu forseta Íslands, sem flest voru mismunandi útgáfur af „við vitum það ekki“, er sú að ekkert er á hreinu með hvort, hvar og hvernig Dorrit Moussaieff hefur verið að borga skatta.

Ólafur Ragnar útskýrir misskilning

Í dag steig landsfaðirinn þó fram og útskýrði fyrir þjóðinni að þetta væri bara allt saman misskilningur. Í hans huga næði hugtakið fjölskylda bara yfir dætur hans og Dorrit, ekki foreldra og systur eiginkonu hans. Þess vegna hafi hann ekkert logið. Þessi skýring minnir óneitanlega á eftiráskýringar annars og valdameiri forseta fyrir 18 árum síðan á því hvers konar kynferðislegt athæfi teldist vera „kynmök“ (e. sexual relations) og hvað ekki.

Ólafur Ragnar fullyrti líka, með áður vel þekktri vissu þess sem telur sig alltaf vita betur en allir aðrir, að umfjöllun Suddeutche Zeitung (eitt stærsta dagblað Þýskalands), The Guardian (eins stærsta enskumælandi fjölmiðils heims) og Le Monde (stærsta dagblaðs Frakklands) um aflandsfélagaeign fjölskyldu forsetafrúarinnar hefði engin neikvæð áhrif á ímynd Íslands í útlöndum. Það er álíka fjarstæðukennd fullyrðing og að halda því fram að aflandsfélagaeign Sigmundar Davíðs Gunnlaugssonar, og taugaáfallið sem nánast öll heimsbyggðin fylgdist með honum í beinni rata í í kjölfarið, hefði ekki haft nein áhrif á ímynd Íslands utan landssteinanna.

Allir útlendingar, hvort sem þeir eru blaðamenn eða vinir, sem ég hef rætt við undanfarinn rúman mánuð hafa þá mynd af Íslandi að hér sé eitthvað í grundvallaratriðum að. Hér séu allar forsendur til þess að byggja upp allsgnægtarsamfélag sem allir landsmenn og enn fleiri til geti þrifist vel í. Af einhverjum ástæðum höfum við þó eytt síðustu árum í að vera a) þekkt fyrir að hafa alið af okkur einhverja glæfralegustu og vanhæfustu bankamenn sem sagan hefur augum litið og b) að vera Evrópu-, Ólympíu- og heimsmeistarar í að eiga aflandsfélög miðað við höfðatölu. Fyrir þessa skrýtnu valdaelítu, sem margir ráðamenn þjóðarinnar tilheyra, erum við þekktust. Jú, og frábæra tónlistarmenn.

Varðmenn kerfis sem mismunar

Það er auðvitað lýðræðislegur réttur Ólafs Ragnars að draga þjóðina á asnaeyrum áfram og láta sem ekkert sé athugavert við þá stöðu sem er uppi. Það breytir því ekki að allt er athugavert við hana. Hún opinberar að í landinu búa tvær þjóðir. Sú sem tengist aflandsfélögum og vistar ýmsar eignir í þeim vegna skattahagræðis eða leyndarávinnings, og hin. Ólafur Ragnar tilheyrir þeirri fyrri. Þorri Íslendinga hinni síðari.

Ólafur Ragnar er því frambjóðandi elítunnar. Þeirra sem vilja viðhalda valdaójafnvægi í samfélaginu með þeim hætti að fáir menn, í krafti óbilandi trúar á eigin yfirburði, ráði sem mestu. Þeirra sem standa varðstöðu um óbreytt kerfi gríðarlegrar misskiptingar auðs, áhrifa og valda. Þeirra sem reka pólitík sem gengur út á að ala á hræðslu við hið óþekkta til að réttlæta eigin tilveru.

Þeirra sem líta á sig sem lausnina, en eru í raun vandamálið.

Styrkir þú Kjarnann?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Kjarninn hefur verið til taks fyrir kröfuharða lesendur í sjö ár og býður almenningi upp á vandaða umfjöllun þar sem áhersla er á gæði og dýpt.  

Ef þú ert nú þegar styrkjandi leyfum við okkur að benda á að hægt er að óska eftir að hækka styrkinn með því að senda póst á takk@kjarninn.is


Já takk, ég vil styrkja Kjarnann!
Svandís Svavarsdóttir heilbrigðisráðherra var bólusett í Laugardalshöllinni í gær. Bólusetningar ganga nú mjög hratt fyrir sig á Íslandi og samhliða dregur úr takmörkunum.
Fjöldatakmarkanir hækkaðar í 50 manns frá og með næsta mánudegi
Opnunartími veitingastaða verður lengdur um klukkustund, leyfilegur fjöldi í verslunum tvöfaldast, fleiri mega vera í sundi og fara í ræktina. Grímuskylda verður hins vegar óbreytt.
Kjarninn 7. maí 2021
Skálað á kaffihúsi í Danmörku.
Ýta við ferðaþjónustunni með 32 milljarða króna „sumarpakka“
Danska ríkisstjórnin ætlar að setja 1,6 milljarða danskra króna, um 32 milljarða íslenskra, í „sumarpakka“ til að örva ferðaþjónustu landsins.
Kjarninn 7. maí 2021
Kvótinn um 1.200 milljarða króna virði – Þrjár blokkir halda á tæplega helmingi hans
Miðað við síðustu gerðu viðskipti með aflaheimildir þá er virði þeirra langtum hærra en bókfært virði í ársreikningum útgerða. Í næstu viku munu örfáir eigendur útgerðar selja tæplega 30 prósent hlut sinn í henni.
Kjarninn 7. maí 2021
Páll Magnússon er formaður allsherjar- og menntamálanefndar.
Nefnd búin að afgreiða fjölmiðlastyrki og umsóknarfrestur verður til loka maímánaðar
Meirihluti allsherjar- og menntamálanefndar hefur skilað áliti um stuðningskerfi til fjölmiðla. Þar er lagt til að þrengja skilyrði fyrir stuðningi úr ríkissjóði og gildistími laganna er færður í eitt ár.
Kjarninn 7. maí 2021
Rósa Guðbjartsdóttir, bæjarstjóri Hafnarfjarðar, og verk Libiu og Ólafs áður en það var tekið niður af gafli Hafnarborgar.
Bæjarstjóri hafnar því að hafa gerst sek um ritskoðun þegar listaverk var fjarlægt
Fulltrúar minnihlutans í Hafnarfirðii segja fjarlægingu listaverks Libiu Castro og Ólafs Ólafssonar af gafli Hafnarborgar síðastliðinn sunnudag „alvarlega aðför að tjáningarfrelsi“ og vilja að bæjaryfirvöld biðji tvíeykið afsökunar.
Kjarninn 7. maí 2021
Svæðið fyrir og eftir að Rio Tinto hafði farið yfir það með stórvirkum vinnuvélum.
Hluthafar Rio Tinto hafna starfskjarastefnu sem ofurlaun forstjórans fyrrverandi byggðu á
Fyrstu viðbrögð Rio Tinto og forstjóra þess, þegar upp komst að fyrirtækið hefði eyðilagt 46 þúsund ára gamla steinhella, voru að segjast ekki hafa vitað að þeir væru heilagir í hugum frumbyggjanna. Þessar afsakanir voru hluthöfum ekki að skapi.
Kjarninn 6. maí 2021
Bjarni Benediktsson, fjármála- og efnahagsmálaráðherra.
Telur ásakanir um meint brot Samherja ekki hafa skaðað orðspor íslenskra fyrirtækja
Fjármála- og efnahagsráðherra segist aldrei hafa fengið símtal, ábendingu eða umkvörtun frá nokkrum einasta aðila sem heldur því fram að ásakanir um lögbrot Samherja séu að valda einhverjum verulegum vandræðum fyrir íslenskan útflutning.
Kjarninn 6. maí 2021
Lilja Björk Einarsdóttir, bankastjóri Landsbankans.
Landsbankinn hagnaðist um 7,6 milljarða króna á þremur mánuðum
Hlutdeild Landsbanka Íslands á íbúðalánamarkaði hefur stóraukist milli ára og er nú 26,8 prósent. Hún hefur aldrei verið hærri. Eigið fé bankans er nú 261,4 milljarðar króna.
Kjarninn 6. maí 2021
Meira úr sama flokkiLeiðari
None