Þegar Arnór Ingvi tryggði Portúgölum Evrópumeistaratitil

Ronaldo
Auglýsing

Úrslita­leikir hafa til­hneig­ingu til að vera leið­in­leg­ir. Þeir sem hafa ekki verið það eru telj­andi á fingrum ann­arar hand­ar. Mexíkó 1986, kannski úrslita­leikur EM 2000, úrslita­leikur meist­ara­deild­ar­innar í Ist­an­búl árið 2005 koma upp í hug­ann. Þótt ýmsir leikir hafi inni­haldið hádramat­ísk augna­blik, t.d. magn­aður sigur Manchester United á Bayern Mun­ich árið 1999, þá var leik­ur­inn sjálfur að mestu hund­leið­in­leg­ur.

Úrslita­leikur EM 2016 stóð algjör­lega undir vænt­ingum sem leið­in­legur úrslita­leik­ur. Leið­indin voru við­eig­andi eftir frekar dap­urt mót heilt yfir. Það sem stóð upp úr á EM 2016 var ótrú­leg saga íslenska liðs­ins og áhorf­enda þess, og að ein­hverju leyti hinn frá­bæri árangur Wales. Að öðru leyti olli mótið von­brigð­um.

Það hefur tekið tæpa viku að melta hversu óskap­lega leið­in­legur úrslita­leik­ur­inn var, svo leið­in­legur var hann. Það sem bjarg­aði leiknum var óvænt, og síðar hönn­uð, drama­tík í kringum Crist­i­ano Ron­aldo.

Auglýsing

Skil­virkt og verk­smiðju­fram­leitt ofur­menni

Ron­aldo, eða CR7 eins og hann hefur vöru­merkt sig, er ekki geðug né aðlandi mann­eskja. Hann er einn besti knatt­spyrnu­maður allra tíma, hefur afrekað ótrú­lega hluti, gefur ógrynni fjár til góð­gerð­ar­mála, tekur af sér sjálfur með veikum börn­um, er óað­finn­an­lega tón­að­ur, á eigin nær­buxna­línu og er með skrýtna, nán­ast ómann­eskju­lega, auka­vöðva á háls­in­um. En það er samt eitt­hvað óþol­andi við hann.

Það er nefni­lega fullt af fólki sem skarar fram úr og tikkar útlits­lega í öll box sem útlits­dýrk­andi sam­tím­inn gerir kröfu um sem er samt óþol­andi. Og það er fullt af fólki sem hefur gefið fullt af pen­ingum til góð­gerð­ar­mála til að bæta ímynd sína. Bernie Maddoff var til að mynda á fullu í slíku. Svo virð­ist góð­vild Ron­aldo stundum líka vera val­kvæð. Hann er ekki alltaf að hugsa um að gera heim­inn að betri stað. Ron­aldo keypti t.d. fyrir ekki alls löngu eyju við Grikk­land, þegar flótta­manna­straumur um það svæði var sem mest­ur. Í stað þess að smekk­fylla hana af flótta­mönnum þá gaf hann umboðs­mann­inum sínum hana sem sum­ar­leyf­is­stað.

Cristiano Ronaldo rífur sig, einu sinni sem oftar, á geirvörtunar. MYND:EPARon­aldo má eiga það að hann hoppar hærra en flest­ir, skallar eins og flug­skeyti, er með magn­aða skot­tækni, stað­setur sig óað­finn­an­lega og hefur komið þeirri kröfu skýrt til skila að hann eigi alltaf að vera mið­punktur alls þess sem lið hans gera, svo hann geti skorað ótrú­legt magn af mörk­um. Sem hann síðan ger­ir. Hann hefur lagt gríð­ar­lega mikið á sig til að þróa þessa vél­rænu hæfi­leika og er lík­lega skil­virkasti knatt­spyrnu­maður allra tíma. Og fáir ná að halda sér á toppnum í rúman ára­tug líkt og hann hefur gert. En það er leið­in­legt að horfa á hann.

Mun­ur­inn á Ron­aldo og t.d. Lionel Messi er sá að Ron­aldo hefur losað sig við allan með­fæddan hrá­leika fyrir skil­virka og upp­æfða ofur­krafta. Messi er enn að sóla tíu manns og setja bolt­ann í skeyt­in. Hann skorar meira að segja úr auka­spyrn­um, sem Ron­aldo gerir aldrei leng­ur. Án bolta eyðir Ron­aldo mestum tíma sínum stand­andi á miðj­unni, öskr­andi á liðs­fé­laga sína fyrir að gera ekki hlut­ina eins og hann vill að þeir geri það og hvílandi sig fyrir næstu sókn þar sem hann mun heimta bolt­ann.

Að bera Ron­aldo og Messi saman er dálítið eins og að bera Ivan Drago saman við Muhammed Ali. Drago var verk­smiðju­fram­leitt ofur­menni á meðan að Ali var magnað hæfi­leika­búnt.

Ron­aldo-­sýn­ingin aðlöguð

Það sem truflar mest við Ron­aldo er hversu flatur per­sónu­leiki hann er, hversu hönnuð mark­aðsvara hann er og hversu ótrú­lega sjálmið­aðar allar gjörðir hans eru. Allt sem Ron­aldo gerir virð­ist snú­ast um að auðga vöru­merkið CR7. Þetta sást mjög vel í úrslita­leik EM sem fram fór um síð­ustu helgi.

Það tók Ron­aldo tæpar 20 mín­útur að koma sér útaf eftir að Dmitri Payet hafði hnjáað hann í hnéið. Lík­lega hefði eng­inn annar knatt­spyrnu­maður fengið jafn rúman tíma til að koma sér útaf, og svig­rúm til að leggj­ast aftur og aftur niður til að láta sjón­varps­vél­arnar mynda þján­ingu sína í návígi. Það varð Ron­aldo til happs að dóm­ari leiks­ins, Mark Clatten­burg, hatar ekki nær­mynda­tökur sjálf­ur, og tengdi því vel við leik­þátt stór­stjörn­unn­ar. 

Þegar Ron­aldo tók loks ákvörð­un­ina um að skipta sér út af var eins og að hann væri búinn að hanna atburð­ar­rás­ina fyr­ir­fram í hug­an­um. Hann reif af sér fyr­ir­liða­band­ið, lagð­ist niður í grasið, lét sækja börur þrátt fyrir að geta vel gengið og grét þvingað til að selja þá ímynd að him­inn og haf væri raun­veru­lega að far­ast. Fyrir þá sem eru skept­ískir á þessa grein­ingu þá er bent á grát 19 ára Ron­aldo eftir tapið í úrslita­leiknum gegn Grikkjum 2004, áður en hann breytt­ist í Robocop fót­bolt­ans, og þeim boðið að bera grátin sam­an. Sá fyrri var raun­veru­leg­ur, sá síð­ari hluti af hann­aðri atburð­ar­rás.

Ronaldo tekur yfir starf þjálfara eftir að hann gat ekki leikið lengur. MYND:EPAÍ einn og hálfan tíma sást svo hvorki tangur né tekur af CR7. Þegar fram­leng­ingin hófst haltr­aði hann hins vegar dramat­ískur út úr bún­ings­her­berg­inu eins og frels­ar­inn end­ur­fæddur og átti sviðið eftir það. Hann var aug­ljós­lega ekki að fara að vinna leik­inn sem leik­maður og því var plan B að láta sem sig­ur­inn væri til­kom­inn fyr­ir, og vegna, hans. Ron­aldo fór að ganga um að klappa leik­mönnum Portú­gala hvetj­andi á höf­uð­ið, tók yfir tækni­lega svæðið fyrir framan vara­manna­bekk liðs­ins með ofsa­látum (nú gat hann bæði hoppað og geng­ið) og ýtti Fern­ando Santos, þjálf­ara liðs­ins með því algjör­lega til hlið­ar.

Fram­leið­endur sjón­varps­þátt­ar­ins sem úrslita­leik­ur­inn var spil­uðu með. Þegar eitt­hvað gerð­ist í leiknum þá var oftar en ekki skipt yfir á nær­mynd af við­brögðum Ron­aldo áður en atvikið hafði einu sinni verið end­ur­sýnt. Ron­aldo-­sýn­ingin var aðlöguð að því að Ron­aldo var ekki lengur á meðal leik­enda, heldur áhorf­andi. Hann fór frá því að vera stjörnu­leik­maður í að vera stjörnu­á­horf­andi. En hann var alltaf stjarnan í sýn­ing­unni.

Eins og Jesús kristur á kross­inum

Þegar sig­ur­inn var í höfn þá var nán­ast fyrsta skot sem sjón­vars­á­horf­endur sáu við­brögð Ron­aldo. Hann fór síðan og náði í fyr­ir­liða­bandið sitt af Nani, klæddi sig að nýju í bún­ing, gekk um og fagn­aði (engar börur nauð­syn­leg­ar) og tók síðan á móti bik­arnum með hætti sem hann hefur örugg­lega æft milljón sinnum fyrir framan speg­il­inn svo að hár­greiðslan, lík­ams­tján­ingin og skrýtnu háls­vöðvarnir væru nákvæm­lega eins og þeir ættu að vera fyrir Instagram-­mynd­ina sem PR-­full­trú­inn hans tók af stund­inni. Stund­inni þegar hann tók við sig­ur­laun­unum sem liðs­fé­lagar hans höfðu unnið fyrir hann.

Jesús Kristur á krossinum. Myndin er sviðsett.Systir Ron­aldo lýsti þján­ingum bróður síns skömmu síðar í færslu á Instagram. Þar líkti hún þol­raun Ron­aldo, þegar hann grét yfir að þátt­töku sinni í úrslita­leik EM væri lok­ið, við þján­ingar Jesús Krists á kross­in­um. 

Það er auð­vitað eðli­leg sam­lík­ing því, líkt og Men in Blaz­ers tvíeykið hafa bent á, þá henti Jesús auð­vitað míkró­fón frétta­manns út í vatn í fýlu­kasti, gagn­rýndi Ísland fyrir smæ­lingja­hátt fyrir að fagna jafn­tefli og nýtti hvert tæki­færi sem honum gafst til að rífa sig úr að ofan til að sýna heim­inum geir­vört­unar sín­ar.

Smæ­lingi tryggði honum síð­asta ímynd­arpúslið

Hinar raun­veru­legu stjörnur voru hins vegar hinir leik­menn Portú­gal, auka­leik­ar­arnir í Ron­aldo-­sýn­ing­unni. Þeir unnu EM með því að spila eins og Grikk­land hafði gert á móti þeim 2004. Og gerðu það afburða­vel. Skær­ust allra þeirra hefði átt að vera Eder, miðl­ungs­fram­herji sem ólst upp á mun­að­ar­leys­ing­ar­hæli og komst ekki í liðið hjá Swan­sea í fyrra, en skor­aði stór­glæsi­legt sig­ur­mark í einum stærsta leik sem fer fram. En flestar fréttir sem skrif­aðar eru um Eder þessa dag­anna snú­ast bara um að Ron­aldo hafi sagt við hann, áður en hann kom inn á, að Eder myndi skora. Þrumunni stolið.

Og ef Ron­aldo á að þakka ein­hverjum fyrir það að hann geti hreykt sér af því að hafa unnið risa­titil á lands­liðs­svið­inu, sem full­komnar arf­leið­ina og gerir það örugg­lega að verkum að Messi hættir við að hætta að spila með lands­liði sínu, þá ætti hann að þakka Arn­óri Ingva Trausta­syni, leik­manni íslenska lands­liðs­ins. Hefði Arnór Ingvi ekki skorað sig­ur­markið gegn Aust­ur­ríki í upp­bót­ar­tíma, og gert Guð­mund Bene­dikts­son að fræg­asta íþrótta­lýsanda í heimi í leið­inni, þá hefði Ron­aldo nær örugg­lega aldrei náð í úrslita­leik­inn. 

Jafn­tefli Íslands gegn Aust­ur­ríki hefði sent Portú­gal í erf­ið­ari helm­ing úrslita­keppn­inar þar sem liðið hefði þurft að spila á móti Englandi, Frakk­landi, Þýska­landi og svo lík­lega Króa­tíu í úrslit­um. Lið Ron­aldo sýndi að þeir gátu, með heppni og kænsku, þröngvað sig í gegnum einu tvo erf­iðu leik­ina sem þeir spil­uðu á mót­inu, á móti Króa­tíu og Frakk­landi, Þar sem mörk seint í upp­bót­ar­tíma fleyttu þeim ósann­gjarnt til sig­urs. En liðið vann ein­ungis einn leik í venju­legum leik­tíma allt mót­ið, á móti Aaron Ramsey-­lausu liði Wales í und­an­úr­slit­um. Lík­urnar á því að liðið hefði verið jafn heppið í ofan­greindum fjórum leikjum í röð og það var gegn Króa­tíu, Pól­landi, Wales og á end­anum Frakk­landi eru litl­ar.

Ert þú í Kjarnasamfélaginu?

Kjarninn er opinn vefur en líflínan okkar eru frjáls framlög frá lesendum, Kjarnasamfélagið. Sú stoð undir reksturinn er okkur afar mikilvæg.

Með því að skrá þig í Kjarnasamfélagið gerir þú okkur kleift að halda áfram að vinna í þágu almennings og birta vandaðar fréttaskýringar, djúpar greiningar á efnahagsmálum og annað fréttatengt gæðaefni. 

Kjarninn hefur verið til taks fyrir kröfuharða lesendur undanfarin sjö ár og við ætlum okkur að standa vaktina áfram. 

Fyrir þá sem nú þegar eru stoltir styrkjendur Kjarnans þá leyfum við okkur að benda á að hægt er að óska eftir að hækka mánaðarlega framlagið með því að senda póst á takk@kjarninn.is


Já takk, ég vil styrkja Kjarnann!
Steingrímur Ólafsson
Pestir, Inc. og Corp.
Kjarninn 1. apríl 2020
Alma Möller landlæknir á fundinum í dag.
Apple og Google eru að yfirfara íslenska smitrakningaforritið
Bandarísku stórfyrirtækin Apple og Google eru að yfirfara snjallsímaforritið Rakning C-19, sem heilbrigðisyfirvöld hafa látið smíða til að auðvelda smitrakningu á Íslandi. Appið verður aðgengilegt þegar þessari rýni er lokið.
Kjarninn 1. apríl 2020
Þórólfur Guðnason sóttvarnalæknir mun mæla með því við Svandísi Svavarsdóttur heilbrigðisráðherra að samkomubann verði framlengt út apríl.
Þórólfur mælir með samkomubanni út mánuðinn: „Veiran mun ekki virða páska“
„Núna reynir virkilega á úthaldið og samstöðuna,“ sagði Þórólfur Guðnason sóttvarnalæknir á upplýsingafundi yfirvalda í dag. Hann mun gera tillögu til heilbrigðisráðherra um framlengingu samkomubanns út apríl.
Kjarninn 1. apríl 2020
Drífa Snædal, forseti ASÍ.
Nú reyni á samstöðu verkalýðshreyfingarinnar sem aldrei fyrr
Miðstjórn ASÍ telur að nú reyni á samstöðu verkalýðshreyfingarinnar sem aldrei fyrr og skýra sýn. Þá sé málflutningur SA bæði rangur og villandi.
Kjarninn 1. apríl 2020
Ragnar Þór Ingólfsson formaður VR hefur sagt sig úr miðstjórn ASÍ.
Ragnar Þór hættur í miðstjórn ASÍ
Formaður VR hætti í miðstjórn Alþýðusambands Íslands á mánudaginn. Hann segir að hann telji orku sinni betur varið í að leita lausna á öðrum vettvangi og að hans mati sé ASÍ að gera það versta í stöðunni, ekki neitt.
Kjarninn 1. apríl 2020
Vilhjálmur segir Drífu hafa lagt fram tillögu um að fresta öllum launahækkunum
Fráfarandi varaforseti ASÍ segir að forseti sambandsins hafi lagt fram tillögu á föstudag um að taka tímabundnar launahækkanir af fólki en hafi hafnað því að lækka mótframlag atvinnurekenda í lífeyrissjóð í sex mánuði hið minnsta.
Kjarninn 1. apríl 2020
Frá COVID-19 göngudeildinni á Landspítala. Alls eru ríflega 40 manns á spítala vegna sýkingar, þar af tólf á gjörgæsludeild.
Tólf manns á gjörgæslu vegna COVID-19 sýkingar
Áttatíu og fimm ný smit COVID-19 greindust hér á landi í gær og er heildarfjöldi staðfestra smita því orðinn 1.220. 236 manns hafa jafnað sig af sjúkdómnum.
Kjarninn 1. apríl 2020
Vilhjálmur Birgisson segir af sér sem varaforseti ASÍ
Formaður Verkalýðsfélags Akraness hefur sagt af sér embætti varaforseta Alþýðusambands Íslands.
Kjarninn 1. apríl 2020
Meira úr sama flokkiÁlit
None