Þórólfur Matth­í­as­son skrif­aði um íslenska smjörið og Mjólk­ur­sam­söl­una en gætti ekki að því að  grunn­for­sendur sínar væru rétt­ar, nánar til­tekið lög lands­ins. Mjólk­ur­sam­salan vinnur eftir íslenskum lögum og getur því ekki ákveðið að lækka verð á smjöri ekki frekar en Þórólfur getur ráðið starfs­mann og ákveðið að borga undir lág­marks­launum á Ísland­i. 

­Mjólk­ur­sam­söl­unni er skylt sam­kvæmt ákvörðun og sam­þykktum eig­enda sinna, Auð­humlu sam­vinnu­fé­lagi bænda taka á móti allri mjólk sem bændur fram­leiða, innan og utan greiðslu­marks. Ár­lega er greiðslu­mark(fram­leiðslu­kvóti) ákvarðað af rík­inu sam­kvæmt búvöru­lögum til þess að full­nægja inn­an­lands­neyslu. Greiðslu­mark er nánar skil­greint í búvöru­lögum og hægt að kynna sér með auð­veldum hætti.

Sam­kvæmt þeim lögum er Mjólk­ur­sam­söl­unni skylt að flytja út mjólk­ur­af­urðir sem eru fram­leiddar úr mjólk utan greiðslu­marks. Mjólk utan greiðslu­marks er keypt á tölu­vert lægra verði enda ekki tekju­tryggð af samn­ingum ríkis og bænda.

 Út­flutn­ingur á smjöri síð­ustu mán­uði er úr mjólk sem fram­leidd er utan greiðslu­marks og ræðst verð á þeim af heims­mark­aðs­verði í heild­sölu. Ísland hefur nú um 426 tonna toll­kvóta fyrir smjör inn til ESB. Það er því rangt hjá Þórólfi að útflutn­ingur 300 tonna leiði það af sér að útflutn­ing­ur­inn verði toll­að­ur­.  

Greiðslu­markið hefur í raun verið ákvarðað skyn­sam­lega af íslenska rík­inu sl. ár. Það fylgir inn­an­lands­neyslu en fylgir ekki spá alþjóða­stofn­ana eins og Þórólfur Matth­í­as­son vildi meina að ætti að skoða. Sann­leik­ur­inn er sá að sölu­aukn­ing í magni á mjólk er 20% milli áranna 2013-2018 og aukn­ing í neyslu á smjöri 43% á sama tíma www.­sam.is sem skýrist meðal ann­ars af fjölgun Íslend­inga og aukn­ingu ferða­manna. Aðstæður sem ekki er hægt að meta út frá spá OECD/FAO á heim­inum almennt.

Miðað við kostnað (hrá­efni, umbúðir ofl) er smjör selt undir kostn­að­ar­verði í dag á Íslandi. Verðið er ákvarðað af nefnd á vegum rík­is­ins þar sem eiga sæti full­trúar bænda, afurða­stöðva, neyt­enda og stjórn­valda. Að lækka verðið frá því sem það er í dag myndi því þýða að ríkið væri að skylda Mjólk­ur­sam­söl­una til þess að tapa meira á smjör­inu en ger­ist í dag.

Það er nú þegar flutt inn tölu­vert af fitu sem lands­menn hafa val um. Nægir að nefna ótal smjör­lík­s­teg­undir í versl­unum sem dæmi um sam­keppni en samt eykst sala á íslensku smjöri. Íslend­ingar vilja íslenska fram­leiðslu. Það er líka til toll­kvóti fyrir erlent smjör til Íslands án tolla, en þessi heim­ild hefur lítið verið not­uð.

Að lokum er verð­lag á Íslandi almennt annað en ann­ars staðar og lífs­kjör eru með því besta í heim­inum. EFTA ríkin Sviss, Liechten­stein, Nor­egur og Ísland greiða hæst laun meðal ESB/EFTA ríkj­anna. Að greiða bændum og starfs­mönnum laun á íslensku verð­lagi fyrir vinnu sína er hagur okkar allra.

Höf­undur er sam­skipta­stjóri Mjólk­ur­sam­söl­unn­ar.