Listin á tímum samkomubanns

Forseti Bandalags íslenskra listamanna skrifar um mikilvægi þess að veita fjármagni inn í listgreinar um þessar mundir.

Auglýsing

Hluti af við­bragðs­á­ætlun rík­is­stjórn­ar­innar við COVID-19 far­aldr­inum er 750 millj­óna króna sjóður sem á að bregð­ast við þeim áföllum sem menn­ing­ar­starf­semi, list­greinar og íþrótta-og æsku­lýðs­mál verða fyr­ir. Að auki eru 400 milj­ónir ætl­aðar til rann­sókna­tengdra verk­efna.  

Það er ánægju­legt hversu stjórn­völd hafa brugð­ist snar­lega við því ástandi sem skap­að­ist í umhverfi menn­ingar og list­sköp­unar á land­inu með setn­ingu sam­komu­banns. Sam­komu­bann þýðir í raun fjölda­upp­sögn á hinu víð­feðma atvinnu­svæði list- og menn­ing­ar­greina, atvinnu­svæði sem teygir sig út í alla kima sam­fé­lags­ins. Í dag starfar 7,7%  vinnu­afls í land­inu við menn­ingu og list­sköpun og með­vitað eða ómeð­vitað hreyfir starf þess fólks við okkur í hverju skrefi okkar dag­lega lífs. Það er nán­ast ekki til sá mála­flokkur í nútíma­sam­fé­lagi sem list­sköpun “klukk­ar” ekki með beinum eða óbeinum hætti. Listin er grund­vall­ar­verk­færi í mótun hug­mynda­heims­ins og á grunni auð­ugs hug­mynda­heims vaxa tæki­færi til fjöl­breytt­ara atvinnu­lífs, fyrir utan þá mann­legu  þræði sem listin vefur um sam­fé­lagið okkur til gleði og ynd­is­auka.

Það er óvenju­hljótt þessa dag­ana á vinnu­stof­unni minni hér niður við gömlu höfn­ina. Bíll keyrir vestur Geirs­göt­una og maður staldrar ósjálfrátt við, svo hljóðnar allt á ný. Eng­inn á ferli. Það er ein og maður sé skyndi­lega lentur í sögu­sviði und­ar­legrar blöndu af  vís­inda­skáld­sögu og Palli var einn í heim­in­um.

Auglýsing
Það sem eykur enn á þessa kúnst­ugu upp­lifun er hin and­lits­lausa ógn. Áföllin sem við geymum í erfða­efni okkar sem þjóð hafa verið áþreif­an­legri, skilj­an­legri. Eld­gos, storm­ar, snjó­flóð og óveður með mann­skaða og felli. En við þekkjum ekki þetta flóð, vitum ekk­ert hvert á að hlaupa. Okkar eina úrræði er að fylgja vit­urra manna ráðum, vís­inda­manna og sér­fræð­inga, sem leið­beina okkur dag frá degi í gegnum storm­inn. Eða á maður að segja logn­ið, þögn­ina. Ofan á þetta skáld­sögu­lega ástand bæt­ist síðan ótti fólks um líf og heilsu ætt­ingja og vina­fólks. 

Ótt­inn er raun­veru­leg ógn einn og sér. Í gegnum sög­una hafa lista­menn mildað höggin og borið ljós og von inn í þung­bærar og erf­iðar kring­um­stæð­ur. Og þó að afleið­ingar veirunnar hafi að þessu sinni hitt lista­menn lóð­beint í haus­inn og svipt þá afkomu og vinnu, leið ekki langur tími þar til margir þeirra voru farnir að leita allra leiða til að finna list­inni far­veg í nýj­um, breyttum heimi. Það er ekki sjálf­gefið en köll­unin verður ekki tam­in, það bara ger­ist með jafn­sjálf­sögðum hætti og lóan mætir að vori. 

Vinnu­stofur lista­manna eru tóm­ar, tón­leika­salir og leik­hús. Tón­leika­ferðum og hátíðum er aflýst, kennsla og nám­skeið falla nið­ur. Allt er þetta unnið af lista­mönn­um, oft­ast ein­yrkjum með veik kjör og skert rétt­indi á vinnu­mark­aði. Að veita fjár­magni inn í list­grein­arnar núna er ekki bara ráð­stöfun til að koma að ein­hverju leiti til móts við tekju­tap lista­manna, heldur er ekki síður mik­il­vægt að þegar við förum að sjá til lands, handan þessa draum­kennda ástands, náum við vopnum okkar fyrr, ef við höldum áfram að sá og yrkja jarð­veg­inn, rækta hug­mynda­heim­inn. Þannig tryggjum við áfram­hald­andi grósku og nýsköpun og getum hlakkað til upp­sker­unnar með hækk­andi sól og von­betri tíð.

Höf­undur er for­seti Banda­lags íslenskra lista­manna.

Við þurfum á þínu framlagi að halda

Þú getur tekið beinan þátt í að halda úti öflugum fjölmiðli.

Við sem vinnum á ritstjórn Kjarnans viljum hvetja þig til að vera með okkur í liði og leggja okkar góða fjölmiðli til mánaðarlegt framlag svo við getum haldið áfram að vinna fyrir lesendur, fyrir fólkið í landinu.

Kjarninn varð níu ára í sumar. Þegar hann hóf að taka við frjálsum framlögum þá varð slagorðið „Frjáls fjölmiðill fyrir andvirði kaffibolla“ til og lesendur voru hvattir til að leggja fram í það minnsta upphæð eins kaffibolla á mánuði.

Mikið vatn hefur runnið til sjávar á þeim níu árum sem Kjarninn hefur lifað. Í huga okkar á Kjarnanum hefur þörfin fyrir fjölmiðla sem veita raunverulegt aðhald og taka hlutverk sitt alvarlega aukist til muna.

Við trúum því að Kjarninn skipti máli fyrir samfélagið.

Við trúum því að sjálfstæð og vönduð blaðamennska skipti máli.

Ef þú trúir því sama þá endilega hugsaðu hvort Kjarninn er ekki allavega nokkurra kaffibolla virði á mánuði.

Vertu með okkur í liði. Þitt framlag skiptir máli.

Ritstjórn Kjarnans: Sunna Ósk Logadóttir, Þórður Snær Júlíusson, Erla María Markúsdóttir, Arnar Þór Ingólfsson, Eyrún Magnúsdóttir og Grétar Þór Sigurðsson.


Já takk, ég vil styrkja Kjarnann!
Breytingatillögur ríkisstjórnarinnar á fjárlagafrumvarpinu milli umræðna liggja fyrir.
Bæta þarf fjórum milljörðum króna í endurgreiðslur vegna kvikmyndagerðar
Á milli umræðna um fjárlög hefur ríkisstjórnin ákveðið að bæta fimm milljörðum króna í útgjöld vegna flóttamanna og fjóra milljarða króna í endurgreiðslur vegna kvikmyndagerðar, sem verða rúmlega þrisvar sinnum hærri en áður var reiknað með.
Kjarninn 28. nóvember 2022
Ingrid Kuhlman
Að rækta með sér von er lykillinn að farsælu lífi
Kjarninn 28. nóvember 2022
Isabel dos Santos er elsta dóttir fyrrverandi forseta Angóla.
Forríka forsetadóttirin: „Ég er ekki í felum“
Dóttir fyrrverandi forseta Angóla, milljarðamæringurinn Isabel dos Santos, segist ekki á flótta undan réttvísinni. Stjórnvöld í heimalandi hennar hafa beðið alþjóða lögregluna, Interpol, um aðstoð við að hafa uppi á henni.
Kjarninn 28. nóvember 2022
Heiðrún Lind Marteinsdóttir er framkvæmdstjóri Samtaka fyrirtækja í sjávarútvegi. Hún skrifar undir umsögnina.
SFS styðja frumvarp Svandísar um að hækka veiðigjöld á næsta ári en lækka þau árin á eftir
Ríkisstjórnin setti inn heimild fyrir útgerðir til að fresta skattgreiðslum á meðan að á kórónuveirufaraldrinum stóð. Sjávarútvegur skilaði methagnaði á meðan. Allt stefndi í að veiðigjöld yrðu fyrir vikið mun lægri en fjárlagafrumvarpið gerir ráð fyrir.
Kjarninn 28. nóvember 2022
Litla-Sandfell í Þrengslum myndaðist í gosi undir jökli fyrir þúsundum ára.
„Til að búa til sement og steypu þarf að fórna“ Litla-Sandfelli
Eden Mining, sem ætlar að mylja Litla-Sandfell niður til útflutnings, er virkilega annt um loftslag jarðar ef marka má svör fyrirtækisins við gagnrýni stofnana á framkvæmdina. „Það er óraunhæft að öll íslensk náttúra verði ósnortin um aldur og ævi.“
Kjarninn 28. nóvember 2022
Ferðamenn við íshellana í Kötlujökli.
Vísa ásökunum um hótanir á bug
EP Power Minerals, fyrirtækið sem hyggur á námuvinnslu á Mýrdalssandi segir engan fulltrúa sinn hafa hótað ferðaþjónustufyrirtækjum svæðinu líkt og þau haldi fram. Skuldinni er skellt á leigjendur meðeigenda að jörðinni Hjörleifshöfða.
Kjarninn 28. nóvember 2022
Gylfi Zoega, prófessor í hagfræði sem situr í peningastefnunefnd Seðlabanka Íslands.
Ætti ríkið að greiða hverri nýrri kynslóð „heimanmund“ til þess að byrja ævina á?
Gylfi Zoega, prófessor í hagfræði, veltir fyrir sér þriðju leiðinni sem sameini hagkvæmni húsnæðismarkaðar og réttlætiskennd okkar gagnvart því að allir eigi rétt á þaki yfir höfuðið.
Kjarninn 27. nóvember 2022
Bjarni Bjarnason, forstjóri Orkuveitu Reykjavíkur, var í viðtali í Silfrinu á RÚV. Mynd / Aðsend.
Hugmyndir um útbreidd vindorkuver „alls ekki raunhæfar”
Bjarni Bjarnason forstjóri Orkuveitu Reykjavíkur varar við því að reist verði mörg vindorkuver á skömmum tíma. Hann segir fyrirtæki sem sækist eftir því að reisa vindorkuver ekki gera það til að bjarga loftslaginu heldur hugsi um ágóða.
Kjarninn 27. nóvember 2022
Meira úr sama flokkiAðsendar greinar