Blóðmeraníðið: Opið bréf til blóðmerabóndans Sigríðar Jónsdóttur – hluti V

„Þrátt fyrir augljósa afstöðu langflestra íslenskra kjósenda, af umræðu um málið að dæma, þá er greinileg þöggun í gangi og undirheimar stjórnmálanna virðast á fullu „steami“ að reyna að svæfa það,“ skrifar Árni Stefán Árnason.

Auglýsing

Blóð­mera­bónd­inn Sig­ríður Jóns­dótt­ir, Arn­ar­holti, Bisk­ups­tung­um, segir blóð­merar hafa það gott í ágripi fyr­ir­sagnar vegna sam­tals við þátta­stjórn­endur á útvarps­stöð 15. febr­ú­ar. Það er í takti við fyr­ir­sögn greinar Arn­þórs Guð­laugs­son­ar, fram­kvæmda­stjóra Ísteka, Blóð­merar í jafn­vægi, í svari hans við minni grein hér á Kjarn­an­um, Blóð­merar og fallin folöld þeirra í jan. 2019. Sýnt hefur verið fram á annað í dag!

Umrædd heim­ilda­mynd sýnir annað en Sig­ríður heldur fram. Heim­ilda­myndin er unnin af agaðri og kunnri þýskri fag­mennsku og þekki ég mjög vel til gerðar henn­ar. Þá heldur hún því fram að flutn­ings­maður frum­varps­ins um bann við blóð­mera­haldi vilji leggja blóð­mera­bændur í rúst, fjár­hags­lega. Þessu er hafnað og ég segi: þvert á móti, Sig­ríður hefur ei hlustað á mál­flutn­ing þess sem mælti fyrir frum­varp­inu. Rök­stutt í lok grein­ar.

Rök­stuðn­ingur Sig­ríð­ar, all­ur, í umræddu við­tali, er reyndar svo rugl­ings­legur og gengur svo langt að hún fer að bera saman sög­un­arma­sk­ínur á sýn­ingum galdra­karla við harð­ýðgina við með­ferð blóð­mera í blóð­töku á Íslandi. Ýmis­legt annað til­tekur fræði­mað­ur­inn Sig­ríð­ur, sem ég verð að segja að sætir undrun hjá mér, en Sig­ríður er nátt­úru­fræð­ing­ur, sem ég hefði haldið að hefði fram­úr­skar­andi til­finn­ingu fyrir eðli þess sem í nátt­úr­unni í allri sinni mynd ger­ist þ.á.m. slá­andi við­brögðum blóð­mera við smölun og hræði­lega skelf­ingu þeirra og bar­áttu við illa með­ferð manns­ins í blóð­töku­básum, aðfram­komnar og upp­gefnar í ofsa­hræðslu­kasti.

Sig­ríður hefur farið mik­inn í fjöl­miðl­um, sá eini reyndar af þeim rúm­lega hund­rað, hafi ég fylgst rétt með, sem hafa gert sér far um að fórna merum sínum í þennan umdeilda bransa og mynd­bandið sýnir hrotta­skap stund­aðan við varn­ar­laus dýr, sem eiga sér enga und­an­komu­leið aðra en upp­gjöf og eru síð­an, sumar hverjar, barðar á fætur aft­ur.

Auglýsing

Vegið er að mér í umræddu útvarps­við­tali af Sig­ríði og því að haldið fram að ég hafi rangt fyrir mér að full­yrða að smölun mera með hund­um, sem bíta þær sé ólög­leg­ur. Í mynd­inni sést að hundar reyna, að bíta í blóð­mer­ar. Notkun dýra í þessum til­gangi er skv. lögum um vel­ferð dýra óheim­ill. Í lögum er lagt sér­stakt bann við að etja saman dýrum til áfloga og mis­bjóða dýrum á annan hátt. Það er óum­deilt. Það er gert í mynd­inni. Ég legg sér­staka áherslu á í heim­ilda­mynd­inni að dýr, sem slegin eru marg­sinnis í höf­uð­ið, eins og fram kemur í mynd­inni, sé brot á lögum um vel­ferð dýra og heim­ild sé í lögum að svipta við­kom­andi heim­ild til að halda dýr. Reyndar er það svo, burt­séð frá blóð­tök­unni sjálfri, að allar aðferðir sem not­aðar eru til að þvinga mer­arnar í mynd­band­inu inn í bása eru ein­fald­lega and­stæðar lögum um vel­ferð dýra. Um það er ekki hægt að deila. Þær eru barðar með prik­um, slegnar með stöng­um, lamdar með höndum og glefsandi hundum er beitt á þær.

Á þriðja tug erlendra inn­lendra og erlendra sér­fræð­inga eru sam­mála um harð­ýðgina og dýra­níð sjálfrar blóð­tök­unnar í umsögnum um málið í atvinnu­vega­nefnd. Yfir­dýra­lækn­ir, einn af þremur æðstu ábyrgð­ar­að­ilum og valda­mestu um fram­kvæmd laga um vel­ferð dýra, er ósam­mála öll­um, í umsögn um málið til atvinnu­vega­nefnd­ar. Kemur ei á óvart eins og verður rök­stutt í grein minni Opið bréf til atvinnu­vega­nefndar og verður birt á Kjarn­anum um leið og nefndin fer að hreyfa sig í mál­inu af ein­hverju viti.

Blóð­mera­málið hefur valdið upp­námi á heims­vísu. Þrátt fyrir aug­ljósa afstöðu lang­flestra íslenskra kjós­enda, af umræðu um málið að dæma, þá er greini­leg þöggun í gangi og und­ir­heimar stjórn­mál­anna virð­ast á fullu „stea­mi“ að reyna að svæfa það hér­lendis og virð­ist með­alið öfl­ugt og nær inn á rík­is­fjöl­mið­il­inn. Hann heyrir undir ráð­herra mennta­mála, sem er Fram­sókn­ar­kona. Kveik­ur, Kast­ljós og Silfrið hafna umfjöll­un. Nokkrar frétta­á­drepur hafa verið látnar duga um alvar­leg­asta dýra­vernd­ar­mál Íslands­sög­unn­ar. Aðlir miðlar hafa gert miklu betur en útvarp allra lands­manna!

Við­brögð innan stjórn­mál­anna eru á sama hátt und­ar­leg. Einn og einn þing­maður hefur haldið þessu máli á lofti, þó þunnur sé sá þrett­ándi. Einn skarar fram úr, sá er mælti fyrir frum­varp­inu. Á sjötta tug þing­manna þegir þunnu hljóði. Mat­væla­ráð­herra hefur máls­með­ferð sína með hand­vömm og spill­ingu að mínu mati. Lætur inn­herja úr MAST rann­saka mál­ið, þ.m.t. eigið hátta­lag, ásamt sið­fræð­ingi. Auk­in­heldur er annar inn­herji MAST tengdur blóð­tökum skv. mínum upp­lýs­ing­um. Von­andi að sið­fræð­ing­ur­inn í starfs­hópi mat­væla­ráð­herra koma auga á þá spill­ingu. Hann hefur fram á sumar til að rann­saka mál, þar sem allar stað­reyndir liggja fyr­ir. Tíma­lengdin er annað svæf­ing­ar­meðal rík­is­stjórn­ar­innar en skugga­stjórn Fram­sóknar í land­bún­að­ar­málum og Íhalds­ins í málum sjáv­ar­út­vegs­ins inn í Mat­væla­ráðu­neytið er flestum ljós.

Auglýsing

Svaka­legur fjöldi umsagna liggur fyrir Atvinnu­vega­nefnd. Ólík­legt tel ég að hún geri sér far um að kafa fræði­lega í málið og ég hef ekk­ert sér­stak­lega góða til­finn­ingu fyrir dýra­vernd­ar­á­huga meiri­hlut­ans þar. Hafi hvorki nennu né getu. Hætt er við að 10% þing­manna svæfi málið í nefnd en það er sá fjöldi þing­manna í nefnd­inni, sem þarf til þess. Nefndir eru allt of áhrifa­miklar í þessum efn­um.

Ekki er samt ólík­legt að fyrir áhrif erlendis frá að blóð­taka verði stöðvuð og þingið neyð­ist til að hlýða því. - Mál­inu er ekki nærri lokið og ég tel fáa munu ásæl­ast svína­kjöt í Evr­ópu í náinni fram­tíð, sem rekja má til dýra­níðs á Íslandi.

Verði ein­hver glóra í starfi nefnd­ar­innar og fari málið aftur fyrir þingið og ljúki með laga­setn­ingu er það skylda og hátt­vísi rík­is­ins að hlúa að blóð­mera­bændum og hjálpa þeim fjár­hags­lega og með hvatn­ingu til að koma undir sér fót­unum á öðrum sviðum land­bún­aðar kjósi þeir svo. Af nógu er að taka þar. Svo virð­ist nefni­lega að margir þeirra hafi verið gabb­aðir af Ísteka, Arn­þór hafi gefið grun­lausum blóð­mera­bændum rangar upp­lýs­ingar af ásetn­ingi í eigin þágu af mál­flutn­ingi hans að dæma.

Höf­undur er dýra­vernd­ar­lög­fræð­ing­ur.

Skiptir Kjarninn þig máli?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Við erum til staðar fyrir lesendur og fjöllum um það sem skiptir máli.

Ef Kjarninn skiptir þig máli þá máttu endilega vera með okkur í liði.

Já takk, ég vil styrkja Kjarnann!
Ingrid Kuhlman
Að hlakka til einhvers er næstum jafn gott og að upplifa það
Kjarninn 25. júní 2022
Niðurhal Íslendinga stóreykst milli ára
Íslendingar notuðu 25 prósent meira gagnamagn á farsímaneti í fyrra en árið áður og 21 prósent meira gagnamagn í gegnum fastanet. Tæplega 76 prósent notenda á fastaneti eru nú með ljósleiðaratengingu, en þeir voru þriðjungur 2016.
Kjarninn 25. júní 2022
Af kosningavöku Framsóknarflokksins í fyrrahaust.
Framsókn hirti kjósendur í stórum stíl frá hinum stjórnarflokkunum og Miðflokki
Fylgisaukning Framsóknar í síðustu kosningum var tekin frá samstarfsflokkunum í ríkisstjórn og klofningsflokki. Átta hverjum tíu kjósendum Sjálfstæðisflokks voru úr kjarnafylginu. Framboð Sósíalista hafði neikvæð áhrif á fylgi Vinstri græna og Pírata.
Kjarninn 25. júní 2022
Hraðtíska nær nýjum hæðum með tilkomu tískurisans Shein
Kínverska fatafyrirtækið Shein hefur vaxið gríðarlega á undanförnum árum og er í dag eitt stærsta tískuvörufyrirtæki í heimi. Umhverfissinnar benda á að fötin séu úr svo litlum gæðum að oft séu þau aðeins notuð í eitt skipti áður en þau enda í ruslinu.
Kjarninn 25. júní 2022
Auður Önnu Magnúsdóttir
Af hverju nýta Íslendingar raforkuna sína svo illa?
Kjarninn 25. júní 2022
Sjö molar um seðlabankavexti úti í heimi
Verðbólga veldur því að vaxtalækkanir faraldursins eru að ganga til baka, víðar en hér á Íslandi. Kjarninn tók saman nokkra fróðleiksmola um þróun mála í ríkjum bæði nær og fjær.
Kjarninn 25. júní 2022
Flokkur Sigurðar Inga Jóhannssonar andar ofan í hálsmál flokks Bjarna Benediktssonar samkvæmt síðustu könnunum.
Framsókn mælist næstum jafn stór og Sjálfstæðisflokkurinn
Stjórnarflokkarnir hafa tapað umtalsverðu fylgi á kjörtímabilinu. Sjálfstæðisflokkurinn nær mun verr til fólks undir fertugu en annarra á meðan að Framsókn nýtur mikilla vinsælda þar. Vinstri græn mælast með þriðjungi minna fylgi en í síðustu kosningum.
Kjarninn 24. júní 2022
Samkeppniseftirlitið ekki haft aðkomu að rannsókn á dótturfélagi Eimskips í Danmörku
Dönsk samkeppnisyfirvöld staðfesta að húsleit hafi farið fram hjá dótturfélagi Eimskips í Danmörku en vilja að öðru leyti ekki tjá sig um rannsókn málsins. Ekki hefur verið óskað eftir aðstoð Samkeppniseftirlitsins hér á landi við rannsóknina.
Kjarninn 24. júní 2022
Meira úr sama flokkiAðsendar greinar