Brasilía í öldudal

Stærsta hagkerfi Suður-Ameríku gengur nú í gegnum mikla erfiðleika. Þessi 200 milljóna þjóð hyggst halda Ólympíuleika á næsta ári, mitt í verstu efnahagskreppu í landinu í 20 ár.

Brasilía
Auglýsing

Brasilía gengur nú í gegnum mikinn öldudal í efnahagslífinu, eftir uppgangstíma síðustu árin. Verðfall á mikilvægum útflutningsvörum, olíu þar helst, hefur leitt til þess að samdráttur er í hagkerfinu og erfiðleikar eru orðnir augljósir í fleiri geirum. Nýjustu tölur sýna 4,5 prósent samdrátt í hagkerfinu frá sama tímabili í fyrra, og það versta er, að óveðurskýin halda áfram að hrannast upp. Í skýrslu sem Wall Street Journal vitnar til í umfjöllun sinni kemur fram að botninum hafi ekki verið náð ennþá. André Perfeito, aðalhagfræðingur Gradual Investimentos, fjárfestingarfyrirtækis í Brasilíu, segir að áhyggjuefnið sé ekki endilega þessi mikli samdráttur nú, heldur að hann geti haldið áfram í nokkuð langan tíma í viðbót. 

Uppgangur, HM og Ólympíuleikar

Í eitt og hálft ár hefur hagkerfið verið í samdrætti, en í rúmlega áratug þar á undan, fyrir utan þrjá ársfjórðunga, á árunum 2008 og 2009, þá hefur mikill hagvöxtur einkennt þetta risavaxna hagkerfi sem er það sjöunda stærsta í heimi og það langstærsta í Suður-Ameríku. 

Í fyrra fór Heimsmeistaramótið í fótbolta fram í Brasilíu, og á næsta ári fara Ólympíuleikarnir fram í Ríó. Kostnaður við þá er þegar kominn um 520 milljónum Bandaríkjadala, eða um 67,6 milljörðum, fram úr áætlunum, samkvæmt fréttum Bloomberg í dag, og eru stjórnvöld þegar farin að huga að leiðum til að hagræða. 

Auglýsing

Brasilíumenn féllu úr keppni á HM eftir dramatískt stórtap gegn Þjóðverjum, 1-7, og má segja að það hafi verið einkennandi fyrir það sem á eftir fylgdi. 

Olía hóf síð sumars í fyrra að lækka hratt, eftir að hafa farið hæst í 115 Bandaríkjadali á tunnuna, sé miðað við hráolíu. Nú stendur verðið í 40 Bandaríkjadölum. Fyrir vaxandi olíuútflutningsríki eins og Brasilíu þýðir þetta að erfiðar tímar bíða landsmanna. En þetta er ekki það eina, því verð á mörgum öðrum hrávörum hefur lækkað vegna þess að eftirspurn hefur minnkað. Þetta á ekki síst við um vörur sem seldar eru til Kína, en þar hefur minnkandi eftirspurn gert Brasilíu lífið leitt. 

Fjármagnskostnaður gæti hækkað

Annað áhyggjuefni fyrir Brasilíu eru skrefin sem Seðlabanki Bandaríkjanna hyggst stíga á næstunni með hækkun stýrivaxta. Búist er við því að bankinn hækki vexti á næsta vaxtaákvörðunarfundi sem fer fram dagana 15. til 16. desember. Seðlabanki Bandaríkjanna hefur haldið vöxtum í 0,25 prósentum í meira en sjö ár, og næstum við núllið í tæpan áratug. Þetta hefur þýtt að hagstætt hefur verið fyrir þjóðir eins og Brasilíu að taka lán í Bandaríkjadal. Með hækkun vaxta eykst fjármagnskostnaðurinn, og óbeinu áhrifin geta einnig verið þau að aðgangur bankakerfisins að ódýru lánsfé verður enn erfiðari, sem síðan dregur enn úr slagkraftinum í hagkerfinu. 

Eins og greint var frá í fréttaskýringu á vef Kjarnans á dögunum, þá nefndi einn virtasti þjóðhagfræðingur heimsins, Argentínumaðurinn Dr. Guillermo Calvo, í erindi á fundi Columbia háskóla um stöðu efnahagsmála í heiminum, að Alþjóðagjaldeyrissjóðurinn gæti bankað upp í Brasilíu á næstunni ákveði Seðlabanki Bandaríkjanna að hækka vexti á næstunni. 


Áskoranir fyrir stór olíuríki

Í Brasilíu búa um 200 milljónir manna. Til samanburðar er það mun meiri fjöldi en býr í Suður-Evrópu. Þar búa um 153 milljónir manna, og eru fjölmennustu ríkin Spánn með 47 milljónir íbúa, og Ítalía en þar búa rúmlega 60 milljónir manna. 

Ljóst er að fari svo að olíuverð haldist áfram lágt, má búast við að frekari erfiðleikar geri vart við sig hjá stórum olíuríkjum. Nú þegar hafa Rússland og Nígería, sem bæði eru stórar olíuútflutningsþjóðir, gengið í gegnum mikla erfiðleika vegna verðfalls á olíu og minnkandi eftirspurnar. Eftir því sem staðan dregst á langinn, því erfiðari verður fyrir þessu stóru hagkerfi að laga sig að breyttum veruleika. 

Ofan á efnahagslega erfiðleika í Brasilíu, glímir landið við mikinn óróleika í stjórnmálum. Ekki aðeins á landsmálastiginu, þar sem Dilma Rouseff forseti berst nú fyrir pólitísku lífi sínu, heldur einnig í einstökum borgum og héröðum. Efnahagserfiðleikarnir hafa komið hratt að Brasilíu og svo virðist sem stjórnvöld hafi ekki verið undir þessa miklu sveiflu búin. Þegar fjármálakreppan var sem dýpst, á árunum 2007 til 2009, var brasilíska hagkerfið fljótt að ná sér á strik, einkum vegna vaxandi viðskipta við Kína og hækkandi olíuverðs. En nú er öldin önnur, og óvissan er næstum áþreifanleg í þessum mesta efnahagslega öldudal sem Brasilía hefur gengið í gegnum á undanförnum 20 árum.



Styrkir þú Kjarnann?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Kjarninn hefur verið til taks fyrir kröfuharða lesendur í sjö ár og býður almenningi upp á vandaða umfjöllun þar sem áhersla er á gæði og dýpt.  

Ef þú ert nú þegar styrkjandi leyfum við okkur að benda á að hægt er að óska eftir að hækka styrkinn með því að senda póst á takk@kjarninn.is


Já takk, ég vil styrkja Kjarnann!
Anna Dóra Antonsdóttir
Útskýring – leikrit í einum þætti
Kjarninn 14. maí 2021
Byggingar ratsjárstöðvarinnar á Heiðarfjalli hafa að mestu leyti verið jafnaðar við jörðu. Þó er enn mikið magn spilliefna á svæðinu.
Ríkið ráðist í hreinsun spilliefna við ratsjárstöð Bandaríkjahers á Heiðarfjalli
Á Heiðarfjalli er að finna í jörðu úrgangs- og spilliefni frá þeim tíma sem eftirlitsstöð Bandaríkjahers var í rekstri á fjallinu. Landeigendur hafa um áratuga skeið reynt að leita réttar síns vegna mengunarinnar.
Kjarninn 14. maí 2021
DV hefur ráðið nýjan ritstjóra til starfa.
Björn Þorfinnsson ráðinn ritstjóri DV
Blaðamaðurinn Björn Þorfinnson hefur tekið við starfi ritstjóra DV. Tobba Marinós lét nýverið af störfum sem ritstjóri miðilsins, sem er hættur að koma út á pappír.
Kjarninn 14. maí 2021
Drífa Snædal, forseti ASÍ.
„Af nógu að taka áður en höggvið er í sama knérunn um að laun séu of há“
Forseti ASÍ leggur til nokkrar lausnir áður en ráðamenn og fyrirtækjaeigendur hér á landi fara að gagnrýna slagorð verkalýðshreyfingarinnar „það er nóg til“.
Kjarninn 14. maí 2021
Ráðherrarnir Guðlaugur Þór Þórðarson og Bjarni Benediktsson eru stundum sagðir standa í stafni fyrir þær ólíku fylkingar sem rúmast innan Sjálfstæðisflokks og bítast þar um völd og áhrif.
Sjálfstæðismenn á höfuðborgarsvæðinu komnir í prófkjörsham
Tekist hefur verið á um grundvallaráherslur Sjálfstæðisflokksins á óvenjulega opinberum vettvangi að undanförnu. Fulltrúar ólíkra sjónarmiða innan flokksins keppast nú um að koma þeim að í aðdraganda prófkjöra á höfuðborgarsvæðinu.
Kjarninn 14. maí 2021
Innviðir á leiðinni út
Sýn og Nova hefur nýlega hafið sölu á fjarskiptainnviðum sínum auk þess sem Síminn hefur íhugað að gera slíkt hið sama. Aðskilnaður á innviðum og þjónustu þótti hins vegar ekki ráðlegur þegar einkavæða átti Landssímann fyrir 20 árum síðan.
Kjarninn 14. maí 2021
Auglýsingin sem birt var í Morgunblaðinu í gær var nafnlaus, en hafði yfirbragð þess að hún væri á vegum Lyfjastofnunar. Það var hún ekki.
Morgunblaðið biðst velvirðingar á birtingu auglýsingar þar sem efast er um bólusetningar
Konan sem keypti heilsíðuauglýsingu í Morgunblaðinu þar sem varað var við aukaverkunum vegna bólusetningar gegn COVID-19 segist ekki skammast sín. Lyfjastofnun segir auglýsinguna villandi hræðsluáróður.
Kjarninn 14. maí 2021
Tæknivarpið
Tæknivarpið
Tæknivarpið – Aur lumar á góðri lífslausn
Kjarninn 14. maí 2021
Meira eftir höfundinnMagnús Halldórsson
Meira úr sama flokkiFréttaskýringar
None