Tappað af lífeyrissjóðunum og hlutabréfamarkaðnum

Nokkur lækkun hefur verið á hlutabréfamörkuðunum að undanförnu, bæði hér heima og erlendis. Losun hafta gæti minnkað eftirspurn eftir hlutabréfum.

peningar_opt.jpg
Auglýsing

Skörp lækkun hefur verið á hluta­bréfa­mörk­uðum að und­an­förn­u, bæði erlendis og hér á landi. Eftir mikla ávöxtun í fyrra, þegar 43 pró­sent varð á hluta­bréfa­mark­aði hér á landi, gætu aðrir tímar verið framundan á árin­u ­sem nú er nýhaf­ið.

Félögin sextán sem skráð eru í Kaup­höll Íslands lækk­uðu í verði í gær. Mest lækk­aði Icelanda­ir, alls um 4,10 ­pró­sent, í 1.250 milljón króna við­skipt­um. Skammt á eftir kom Mar­el, en bréf í fé­lag­inu lækk­uðu um 4,04 pró­sent.

Áhyggjur af Kína og minnk­andi eft­ir­spurn

Alls lækk­aði úrvals­vísi­tala Kaup­hall­ar­innar um 3,33 ­pró­sent á þessum eina degi. Frá ára­mótum hefur ávöxtun á mark­aðnum ver­ið ­nei­kvæð um fimm pró­sent, sem allt annað og verra en árið í fyrra. Erlendis hafa rauðar tölur lækk­unar verið áber­andi víð­ast hvar, og má nefna að DAX vísi­talan þýska, sem sögu­lega sveifl­ast náið með útflutn­ings­iðn­að­inum í Þýska­landi, hef­ur ­lækkað um nærri fjórtán pró­sent það sem af er ári. Í Kína og fleiri Asíu­ríkj­u­m hafa lækk­anir einnig verið áber­andi, en að mati flestra þeirra sér­fræð­inga, sem vísað hefur verið til í fag­fjöl­miðlum á sviði við­skipta og efna­hags­mála, þá fara áhyggjur fjár­festa af stöðu mála í Kína vax­andi. Minnk­andi umsvif þar ­draga úr eft­ir­spurn í heims­bú­skapn­um, sem grefur undan hag­kerfum margra ríkja ­sem háð eru útflutn­ingi til Kína.

Auglýsing

Hafta­mark­að­ur­inn Ísland

En Ísland hefur ekki fylgt stöðu mála á erlend­um ­mörkuð náið á und­an­förnum miss­erum, og munar þar meðal ann­ars um að á Ísland­i eru fáir erlendir fjár­festar inn á íslenskum hluta­bréfa­mark­aði, enda markast að­stæður af fjár­magns­höftum og hafa gert frá því þeim var komið á í nóv­em­ber 2008.

Lang­sam­lega umsvifa­mestu fjár­festar á íslenska ­mark­aðnum eru íslenskir líf­eyr­is­sjóð­ir, en fjár­fest­inga­þörf þeirra nemur um 12 til 13 millj­örðum króna á hverjum mán­uði.

Nýlegar til­slak­anir Seðla­banka Íslands, á höft­un­um til handa líf­eyr­is­sjóð­un­um, gefur þeim mögu­leika á því að fjár­festa erlendis í meira mæli. Hinn 8. jan­úar síð­ast­lið­inn til­kynnti Seðla­bank­inn um að líf­eyr­is­sjóð­irnir gæt­u fjár­fest erlendis fyrir 20 millj­arða á fyrstu fjórum mán­uðum árs­ins. Í júlí í fyrra var líf­eyr­is­sjóð­unum veitt und­an­þága til erlendrar fjár­fest­ingar upp á tíu millj­arða á sex mán­uðum og dreifð­ist það yfir síð­ari helm­ing árs­ins.

Ávöxtun á íslenskum hlutabréfamarkaði var góð í fyrra, eða um 43 prósent.

Lands­sam­band líf­eyr­is­sjóða fagn­aði þessu sér­stak­lega, og sagði þetta jákvætt skref í átt að því að losa um höftin enn frek­ar.

Sé miðað við heild­ar­fjár­fest­ingar líf­eyrs­sjóð­anna á mán­uði, þá eru 20 millj­arðar umtals­vert stór hluti af fjár­fest­ingum þeirra til­ ­fjög­urra mán­aða, eða um 40 pró­sent. Ekki er ólík­legt að þessi til­slökun á höft­unum geti valdið því til skemmri tíma að veru­lega dragi úr eft­ir­spurn eft­ir hluta­bréfum á Íslandi, með þá til­heyr­andi lækk­un­ar­á­hrif­um. Sé horft sér­stak­lega til vik­unnar sem liðin er frá því Seðla­bank­inn til­kynnti um til­slak­an­irnar frá­ höft­un­um, fyrir líf­eyr­is­sjóð­ina, þá hefur verð á hluta­bréfum á Íslandi lækk­að nokkuð skarpt. Erfitt er að segja til um hvort til­slök­unin á höft­unum hafi þessi áhrif beint, en ekki er hægt að úti­loka það, enda hefur til­kynn­ing bank­ans ein og sér áhrif á fjár­fest­ing­ar­á­kvarð­anir líf­eyr­is­sjóða.

Aðlögun framundan

Áformað er á þessu ári að losa um höftin enn meira, í sam­ræmi við áætlun stjórn­valda og Seðla­banka Íslands þar um. Það mun taka ­tíma fyrir íslenskan fjár­mála­markað að laga sig að breyttum og frjáls­ari að­stæð­um, þegar losað verður um höft­in. Líf­eyr­is­sjóð­irn­ir, sem eru með­al­ ­stærstu hlut­hafa í nær öllum skráðum félögum á Íslandi, standa þá frammi fyr­ir­ krefj­andi verk­efnum um hvernig þeir stýra fjár­fest­ingum sín­um.

Í ljósi þess hversu stórt líf­eyr­is­sjóða­kerfið er á Íslandi, í sam­hengi við þjóð­ar­bú­ið, mun miklu skipta hvernig ákveðið verð­ur­ að stýra fjár­fest­ingum þeirra á kom­andi krefj­andi tím­um. Heild­eign­ir líf­eyr­is­sjóð­anna í lok árs­ins námu 3.200 millj­örðum króna, og juk­ust þær um tæp­lega tíu pró­sent í fyrra, ekki síst vegna mik­illar hækk­unar á virð­i inn­lendra hluta­bréfa.

Styrkir þú Kjarnann?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Kjarninn hefur verið til taks fyrir kröfuharða lesendur í sjö ár og býður almenningi upp á vandaða umfjöllun þar sem áhersla er á gæði og dýpt.  

Ef þú ert nú þegar styrkjandi leyfum við okkur að benda á að hægt er að óska eftir að hækka styrkinn með því að senda póst á takk@kjarninn.is


Já takk, ég vil styrkja Kjarnann!
Ferðamaður að koma inn á sóttkvíarhótel í Melbourne.
Fólk yfir fimmtugu fær ekki lengur bóluefni Pfizer
Til að hraða bólusetningum í Ástralíu hefur verið gripið til þess ráðs að gera bóluefni AstraZeneca að fyrsta kosti hjá fimmtíu ára og eldri. Yngra fólk og framlínustarfsmenn munu áfram fá efnið frá Pfizer.
Kjarninn 23. apríl 2021
S4S starfrækir fjölda skóbúða í Kringlunni og Smáralind, þar á meðal Steinar Waage.
Nýttu hlutastarfaleið fyrir tugi starfsmanna en stefna nú að 230 milljóna arðgreiðslu
S4S sem rekur fjölda skóbúða nýtti hlutastarfaleiðina fyrir 52 starfsmenn í mars og apríl í fyrra. Í ársskýrslu S4S segir að faraldurinn hafi haft „verulega jákvæð áhrif á sölu félagsins“ en stjórnin leggur til að 230 milljónir verði greiddar í arð.
Kjarninn 23. apríl 2021
Eyrún Magnúsdóttir
Þess vegna þarf að segja fréttir
Kjarninn 23. apríl 2021
Ásgeir Jónsson seðlabankastjóri.
Seðlabankastjóri segir að Íslandi sé að miklu leyti stjórnað af hagsmunahópum
Ásgeir Jónsson er mjög ósáttur með það að Samherji hafi kært fimm starfsmenn bankans og skilur ekki af hverju málinu sé ekki vísað frá. Hann segir að peningastefna Seðlabanka Íslands sé velferðarstefna.
Kjarninn 23. apríl 2021
Amazon-frumskógurinn er stærsti regnskógur veraldar.
Greiða háar fjárhæðir til að fá að vernda regnskóg
Þeir fá hvorki timbur, jarðefni né uppskeru af fjárfestingu sinni. Það eina sem þeir fá fyrir að setja 1 milljarð bandaríkjadala í verkefnið er heiður og virðing og vonandi bjartari framtíð fyrir sig og sína.
Kjarninn 22. apríl 2021
Atli Þór Fanndal
„Þrátt fyrir stöku mótmæli“
Kjarninn 22. apríl 2021
Ásgeir Jónsson seðlabankastjóri
AGS mælir með þrengri skilyrðum á húsnæðislánum
Seðlabankinn ætti að beita þjóðhagsvarúðartækjum sínum til að takmarka hlut íbúðalána hjá bönkunum eða tryggja endurgreiðslugetu lánanna, að mati Alþjóðagjaldeyrissjóðsins.
Kjarninn 22. apríl 2021
Saga Japans
Saga Japans
Saga Japans – 35. þáttur: Nunnusjóguninn I
Kjarninn 22. apríl 2021
Meira eftir höfundinnMagnús Halldórsson
Meira úr sama flokkiFréttaskýringar
None