Nova orðið stærst á farsímamarkaði og gagnamagn fjórfaldaðist á tveimur árum

Síminn er ekki lengur með mesta markaðshlutdeild á farsímamarkaði á Íslandi, en hann hefur hafst slíka frá upphafi farsímavæðingar. 4G hefur leitt af sér gríðarlega gagnamagnsnotkun. 365 gengur hægt að fjölga viðskiptavinum í fjarskiptarekstri sínum.

Símafyrirtæki
Auglýsing

Nova er orðið það fjar­skipta­fyr­ir­tæki sem er með mest­a ­mark­aðs­hlut­deild á far­síma­mark­aði. Alls eru 34 pró­sent allra áskrifta á far­síma­neti hjá Nova en 33,8 pró­sent hjá Sím­an­um. Voda­fone er í þriðja sæti með­ 28,1 pró­sent og 365, sem boðið hefur upp á fjar­skipta­þjón­ustu með síma og inter­neti frá haustinu 2013, er með 3,4 pró­sent hlut­deild.

Staðan á þessum mark­aði hefur breyst hratt á und­an­förn­um ár­um. Um mitt ár 2008 var Sím­inn með 56,6 pró­sent mark­aðs­hlut­deild á far­síma­mark­aði og Voda­fone með 36,4 pró­sent. Sam­an­lögð mark­aðs­hlut­deild ­fyr­ir­tækj­anna tveggja var því 93 pró­sent.  Nú er hún um 62 pró­sent.  Þetta kemur fram í nýrri töl­fræði­skýrslu ­Póst- og fjar­skipta­stofn­unar um fjar­skipta­mark­að­inn sem birt var á þriðju­dag.

Sím­inn er enn með lang­flesta við­skipta­vini í fastri áskrift, en þar er hlut­deild fyr­ir­tæk­is­ins 42,5 pró­sent og nærri þrír af hverjum fjórum við­skipta­vinum Sím­ans eru í fastri áskrift. Voda­fone er með 31,5 pró­sent af þeim mark­aði og Nova með 19 pró­sent. Þá er uppi­staðan af þeim við­skipta­vin­um ­sem 365 er með í far­síma­þjón­ustu með fasta áskrift.

Auglýsing

68 pró­sent við­skipta­vina Nova eru hins vegar með svo­kall­að frelsi, eða fyr­ir­fram­greidda far­síma­þjón­ustu.

4G-­bylt­ingin breytti öllu 

Fjar­skipta­mark­að­ur­inn hefur tekið miklum breyt­ingum á und­an­förnum árum og snýst nú um svo miklu meira en bara sím­töl. Aðal­á­herslan nú er á gagna­magn, sem sést vel á þeirri aukn­ingu sem orðið hefur á gagna­magni á far­síma­net­inu á und­an­förnum árum. Á árinu 2013 not­uðu Íslend­inga 2,7 millj­ón­ir ­gíga­bæta á far­síma­net­inu. Í fyrra not­uðu þeir 10,2 millj­ónir gíga­bæta, eða tæp­lega fjórum sinnum meira magn.

Ástæðan fyrir þess­ari miklu breyt­ingu er sú að far­síma­­tíma­bil fjar­­skipta­­geirans er að líða undir lok og gagna­­flutn­inga­­tíma­bilið að taka við. Tíðn­i­heim­ildir fyrir 3G, ­fyrsta há­hraða­kyn­slóð far­síma­­nets­­kerf­ið, voru boðnar út á Íslandi í lok árs 2006. Kerfið er í raun mun frekar net­­kerfi en far­síma­­kerfi og gerð­i ­gagna­­flutn­ing ­mög­u­­leg­­an.

Næsti fasi stend­ur nú yfir, skrefið yfir í 4G-­­kerf­ið. Skref­ið ­sem verður tekið upp á við með henn­i er stærra en margir átta sig á. Hrað­inn á 4G-teng­ingu er tíu sinnum hrað­­ari en í 3G og um þrisvar sinnum hrað­­ari en hröð­­ustu ADS­L-teng­ing­­ar.

4G-væð­ingin á Ísland­i hófst af alvöru á árinu 2014 þeg­ar ­fjöldi 4G-korta í símum fimm­fald­að­ist. 

Í fyrra urðu 4G-kort í fyrsta sinn fleiri en 3G-kort. Nú eru 43,3 pró­sent ­út­gef­inna far­síma­korta 4G en 39,4 pró­sent þeirra 3G. Til sam­an­burðar má nefna að í árs­lok 2013 voru sex pró­sent Íslend­inga með 4G-kort í sím­anum sín­um.

Við­skipta­vinum 365 í inter­neti fjölg­aði um 114

Nova er með lang­sterk­ustu stöð­una þegar kemur að notkun gagna­magns á far­síma­net­i. ­Mark­aðs­hlut­deild fyr­ir­tæk­is­ins á þeim mark­aði er 64,6 pró­sent á meðan að Sím­inn er með 18,3 pró­sent og Voda­fone með 12,8 pró­sent. Ein­ungis 4,1 pró­sent af ­gagna­magns­notkun á far­síma­neti í fyrra var á meðal við­skipta­vina 365.

Þessi ­notkun segir þó ekki alla sög­una. Uppi­staðan af gagna­magns­notkun Íslend­inga á sér­ ­stað á fasta­net­inu. Þ.e. Íslend­ingar reyna frekar að vera með snjall­tækin sín tengd fasta­neti heima hjá sér og á vinnu­stöðum frekar en að not­ast við 3G eða 4G kerfin til að ná sér í gögn. Á fasta­net­inu er Sím­inn með mjög sterka stöð­u. Alls eru 48,8 pró­sent allra inter­netteng­inga á Íslandi hjá Sím­an­um. Voda­fone er ­með 29 pró­sent og eru þessir tveir aðilar með tölu­verða yfir­burði á mark­aðn­um. Þannig hefur staðan hald­ist und­an­farin ár.  365 missti mark­aðs­hlut­deild á inter­net­mark­að­i í fyrra þegar hlut­fall hennar fór úr 13 pró­sentum í 12,6 pró­sent. Við­skipta­vinum fyr­ir­tæk­is­ins í inter­net­þjón­ustu fjölg­aði úr 15.551 í 15.665, eða um 114 tals­ins. Hringdu bætti hins vegar vel við sig á síð­asta ári og jók ­mark­aðs­hlut­deild sína úr 3,7 pró­sent í 5,4 pró­sent. Alls voru við­skipta­vin­ir Hringdu í  inter­net­þjón­ustu 6.741 um síðustu ára­mót, eða 2.308 fleiri en þeir voru ári áður.

Nova hefur ekki selt inter­net­þjón­ustu með öðrum hætti en í gegnum far­síma­kerfi á und­an­förnum árum. Á því varð breyt­ing í síð­asta mán­uði þegar að fyr­ir­tæk­ið til­kynnti að það ætl­aði að hefja ljós­leið­ara­þjón­ust­u.  Því mun sam­keppnin þar aukast til muna á næst­unni.

Sex af hverjum tíu hjá Sím­anum

Í töl­fræði­skýrslu Póst- og fjar­­skipta­­stofn­unar er nú birt  yf­ir­­lit ­yfir heild­­ar­­fjölda á­skrif­enda með sjón­­varp yfir IP-­­net. Þ.e. hvern­ig „­sjón­varps­­box­in“ skipt­­ast á milli­ þeirra aðila sem bjóða við­­skipta­vin­um sínum upp á að vera með sjón­­varp í gegn­um ­netteng­ing­­ar. Þeir aðilar eru t­veir, Sím­inn og Voda­­fone og þeir virð­­ast hafa ­skipt mark­aðnum nokkuð bróð­­ur­­lega á milli sín á und­an­­förnum árum. Sím­inn er með­ um 61 pró­­sent mark­aðs­hlut­­deild en Voda­­fone um 39 pró­­sent. Og þannig hef­ur ­staðan verið árum sam­­an.

Þar skipt­ir ugg­­laust miklu máli að ekki er hægt að tengj­ast ­sjón­varpi Sím­ans í gegn­um ­ljós­­leið­­ara­­net, sem byggst hefur upp á und­an­­förn­um árum, heldur bara sjón­­varpi Voda­­fo­­ne. Þess í stað býður Sím­inn upp á svo­­kall­að ­ljós­­net, sem teng­ist inn í heim­ili í gegnum kop­­ar­­taug.

Tekjur vegna fjar­skipta vaxa milli ára

Í skýrslu Póst- og fjar­­skipta­­stofn­un­ar er birt yfir­­lit yfir heild­­ar­­tekjur af fjar­­skipta­­starf­­sem­i. Tekj­ur af fjar­skipta­starf­semi voru sam­tals 54.834 millj­ónir króna í fyrra og juk­ust um ­rúman 2,5 millj­arða króna á milli ára.  Þær voru tæp­­lega ­sex millj­­örðum krónum hærri en þær voru árið 2012. Mest­ar ­tekj­urnar koma vegna far­síma­rekstur (16,1 millj­arðar króna) en tekjur vegna ­gagna­flutn­ings og inter­net­þjón­ustu juk­ust úr 8,9 í 9,8 millj­arða króna. Þá skil­aði sjón­varps­þjón­usta 3,3 millj­örðum króna.

Ert þú í Kjarnasamfélaginu?

Kjarninn er opinn vefur en líflínan okkar eru frjáls framlög frá lesendum, Kjarnasamfélagið. Sú stoð undir reksturinn er okkur afar mikilvæg.

Með því að skrá þig í Kjarnasamfélagið gerir þú okkur kleift að halda áfram að vinna í þágu almennings og birta vandaðar fréttaskýringar, djúpar greiningar á efnahagsmálum og annað fréttatengt gæðaefni. 

Kjarninn hefur verið til taks fyrir kröfuharða lesendur undanfarin sjö ár og við ætlum okkur að standa vaktina áfram. 

Fyrir þá sem nú þegar eru stoltir styrkjendur Kjarnans þá leyfum við okkur að benda á að hægt er að óska eftir að hækka mánaðarlega framlagið með því að senda póst á takk@kjarninn.is


Já takk, ég vil styrkja Kjarnann!
Logi Einarsson, formaður Samfylkingarinnar.
Hlutverk Samfylkingar að leiða saman öfl til að mynda græna félagshyggjustjórn að ári
Formaður Samfylkingarinnar segir að skipta þurfi um kúrs, snúa skútunni frá hægri og hrista af Íslandi gamaldags kreddur um það hvernig ríkisfjármál virki og hvernig verðmæti verði til.
Kjarninn 1. október 2020
Katrín Jakobsdóttir, forsætisráðherra.
„Við erum ýmsu vön hér á hjara veraldar“
Forsætisráðherra segir að hvetja þurfi til einkafjárfestingar og að stjórnvöld muni tryggja með jákvæðum hvötum að kraftur hennar styðji við græna umbreytingu, kolefnishlutleysi og samdrátt gróðurhúsalofttegunda.
Kjarninn 1. október 2020
Þórólfur Guðnason sóttvarnalæknir.
Játning Þórólfs: Er á „nippinu“ að herða aðgerðir
„Ég játa að ég er alveg á nippinu [að herða aðgerðir] og er búinn að vera þar lengi,“ segir Þórólfur Guðnason sóttvarnalæknir, „og það þarf ekki mikið út af að bregða svo ég taki upp blaðið.“
Kjarninn 1. október 2020
Nína Þorkelsdóttir
Hvað er lagalæsi og af hverju skiptir það máli?
Kjarninn 1. október 2020
Píratar eru með svokallaðan flatan strúktúr í flokksstarfi sínu. Kastað var upp á að Jón Þór Ólafsson tæki við embætti flokksformanns.
Helgi Hrafn verður þingflokksformaður og Jón Þór nýr formaður Pírata
Helgi Hrafn Gunnarsson hefur verið kjörinn nýr þingflokksformaður Pírata og kastað hefur verið upp á að Jón Þór Ólafsson verði nýr formaður flokksins, en því embætti fylgja engar formlegar skyldur eða vald.
Kjarninn 1. október 2020
Saga Japans
Saga Japans
Saga Japans – 21. þáttur: Fyrsti Samúræinn
Kjarninn 1. október 2020
Síðustu daga hefur fjölgað í hópi þeirra sem þurfa á sjúkrahús innlögn að halda vegna COVID-19.
Þrettán á sjúkrahúsi með COVID-19 – tveir í öndunarvél
Sjúklingum sem lagðir hafa verið inn á Landspítalann með COVID-19 hefur fjölgað úr tíu í þrettán frá því í gær. Smitsjúkdómadeild hefur verið breytt í farsóttareiningu og unnið er að skipulagi á lungnadeild svo unnt verði að taka við fleiri COVID-sjúkum.
Kjarninn 1. október 2020
Lilja Alfreðsdóttir er mennta- og menningarmálaráðherra og fer með málefni fjölmiðla í ríkisstjórn Íslands.
Framlög til RÚV skert um 310 milljónir en aðrir fjölmiðlar fá 392 milljóna stuðning
Ríkisstjórnin boðar styrki til einkarekinna fjölmiðla á næsta ári. Frumvarp um slíka verður lagt fram í þriðja sinn í haust. Ráðherra telur að síðustu greiðslur til þeirra hafi verið sanngjörn útfærsla.
Kjarninn 1. október 2020
Meira eftir höfundinnÞórður Snær Júlíusson
Meira úr sama flokkiFréttaskýringar
None