Glataði snillingurinn

Hann var ljúflingur sem samdi ljóð, spilaði á gítar við verslanamiðstöðvar í Manchester og tætti í sig varnir andstæðingana á vellinum. Ryan Giggs segir hann hafa verið ótrúlegan leikmann. Adrian Doherty lést 27 ára gamall.

Doherty
Auglýsing

„Doherty hafði ekk­ert fyrir því að hlaupa fram­hjá mönn­um. Hann gat farið í gegnum tæk­lingar eins og að drekka vatn. Hann gat farið inn í gegnum vörn­ina og utan á hana líka. Var góður í stuttu spili (1, 2s)[...] Þú veist, í The Mat­rix, þegar allir hlut­irnir eru að tengjast, og ger­ast mjög snöggt – en hægt og rólega í höfð­inu á karakt­ernum (Neo). Þetta var þannig hjá Doc.“

Svona lýsir goð­sögnin Ryan Giggs, fyrrum félaga sínum hjá ung­linga­lið­i Manchester United, Adrian Doher­ty, sem oft­ast var kall­aður Doc. Hann þótt­i stór­kost­lega efni­legur leik­mað­ur, einn sá besti sem komið hefur fram hjá ­fé­lag­inu. Giggs var í skugg­anum af hon­um, og þótti ekki eins góð­ur. „Hann var ekki frá þessum heimi (out of this World),“ segir Gary Nevil­le, sem lék með­ Giggs og Doherty í gegnum ung­linga­lið­in. Hann er einn af þeim sem aldrei er minnst á, þegar hinn frægi ´92 árgangur er til umræðu. Giggs, Scho­les, Butt, ­Neville bræð­ur, Beck­ham. En aldrei Doher­ty.

Sorg­ar­saga ljúf­lings

En hver er þessi náungi og hvað varð um hann? Hvers vegna er hans aldrei getið þegar gull­ald­ar­ár­gangar Manchester United, sem lögðu grunn­inn að ótrú­legri sig­ur­göngu undir hand­leiðslu Alex Fergu­son, eru til umræðu?

Auglýsing

Stutta svarið er það, að Doherty lést þegar hann var tæp­lega 27 ára, 9. júní árið 2000. Hann datt á göngu í Hollandi, algjör­lega upp úr þurru, og var í dái á sjúkra­húsi í mán­uð. Þar til hann lést. Nokkrum árum áður hafði fót­bolta­fer­ill­inn kom­ist á enda­stöð.

Hann meidd­ist illa á hné þegar hann var að brjót­ast inn í að­allið­ið, árið 1992, og náði sér aldrei almenni­lega. Fjöl­skylda Doherty hef­ur aldrei fyr­ir­gefið Manchester United með­ferð­ina sem hann fékk, því hann náði sér­ ekki af meiðsl­unum og missti samn­ing. Hann var ekki af ríku fólki kom­inn og þurfti strax að leita sér að vinnu. Um tíma vann hann í súkkulaði­verk­smiðju í Preston. Hann gerði til­raun til þess að ná sér af meiðsl­un­um, en allt kom fyr­ir­ ekki. Hann færði sig svo til Hollands, nánar til­tekið til Haag, í apríl árið 2000, þar sem hann fór að vinna hjá hús­gagna­fyr­ir­tæki á tíma­bundn­um ­starfs­samn­ingi.

Fer­ill­inn búinn

Fer­ill­inn fór bara strax út um þúf­ur, eftir að lækna­lið Manchester United hafði greint honum frá því, að meiðslin væru mjög alvar­leg og lið­böndin var­an­lega sködd­uð. Röng með­höndlun gerði alvar­lega stöðu enn verri. Félagar hans héldu við hann sam­bandi, og vor­u Giggs og Gary Neville alla tíð nánir vinir hans. Þeir reyndu að hjálpa til, en lækn­is­skoð­anir sýndu að hann myndi ekki ná sér almenni­lega aft­ur. Á ald­ar­fjórð­ungi hafa miklar fram­farir orðið þegar kemur að með­höndlun hné­meiðsla, og því má telj­ast ólík­legt að þetta gæti gerst í dag.

Hinn 19. maí næst­kom­andi kemur út bók um Doherty í Bret­land­i eftir Oli­ver Kay sem ber heitið For­ever Young. Þar er farið yfir feril Doher­ty, og tím­ann eftir að hann hætti í fót­bolt­an­um. Í Manchester hafa lengi ver­ið ­sögur um að hann hefði verið óreglu­maður og ekki haft agann til þess að ná langt, en raun­veru­leik­inn er allt ann­ar. Þetta stað­festir Alex Fergu­son sjálf­ur í bók­inni og segir Doherty hafa verið góðan dreng, í sem í minn­ing­unni hafi ­samið ljóð, sungið og spilað á gítar á milli þess sem hann spændi fram­hjá ­mótherjum sínum á vell­in­um. Fergu­son segir Doherty hafa verið frá­bæran ­leik­mann, og einn af þeim sem hann hefði teiknað liðið í kring­um, áður en ­meiðsli gerðu honum lífið leitt.

Adrian Doherty, lengst til hægri í neðri röð, er hér með unglingaliði Manchester United. Góðvinur hans, Ryan Giggs, er við hlið Mark Boscnich, markvarðarins, vinstra megin í efri töð. Mynd: Manutd.com

Spil­aði á gítar við versl­un­ar­mið­stöð

Doherty fylgd­ist lítið með fót­bolta og var þekktur fyrir að ­gefa frá sér miða á leiki aðal­liðs­ins og fara þess í stað að spila einn með­ gít­ar­inn fyrir fram Arndale versl­un­ar­mið­stöð­ina í Manchest­er. Þá lék hann á gítar í bandi sem þótti um tíma efni­legt og hét Mad Hatt­ers. „Hann lá yfir Bob Dylan textum þegar hann var sextán ára. Ég hafði ekki hug­mynd um hver Bob Dylan var þegar ég var sext­án,“ segir Giggs í bók­inni, sem The Guar­dian fjall­aði um ­gær.

Höf­undur bók­ar­innar segir að fjöl­skylda Doherty sé sár og svekkt með það, hvernig Manchester United kom fram við Doherty eftir meiðsl­in. ­Þrátt fyrir að góð sam­skipti við þjálf­arateymi og leik­menn, þá hafi starfs­menn og lækna­liði ekki sýnt Doherty neinn áhuga. Faðir hans, Jim­my, fór margar ferð­ir til þess að ýta á félag­ið, og að aðstoða son sinn, því til­trúin á hæfi­leika hans hafði verið mikil fyrir meiðsl­in. Nú, tæpum sextán árum eftir að hann lé­st, eru sár­indin ennþá mik­il. Fjöl­miðla­um­ræða situr einnig í fjöl­skyld­unn­i, því sög­urnar sem gengu um að hann hefði ekki haft það sem þurfti til, vor­u nístandi sárs­auka­full­ar. Alveg sama hvað var reynt, þá vildi eng­inn heyra sann­leik­ann.

Jimmy segir einnig, að Gary Nevil­le, sem þá var vara­fyr­ir­lið­i Manchester United, hefði sagt Doherty í sím­tali að það væri til­gangs­laust að ­reyna að takast á við félagið um þetta. Leik­manna­sam­tökin á Englandi og enska knatt­spyrnu­sam­band­ið, hefðu einnig snúið baki við hon­um. Hann hefði ekki ver­ið að sækj­ast eftir pen­ingum heldur afsök­un­ar­beiðni, vegna þess að lækna­lið Manchester United gerði mis­tök sem leiddu til þess, að lið­böndin í hnénu urð­u aldrei nægi­lega sterk fyrir fót­bolta­iðk­una á hæsta stigi.

Átti góð ár

Bróðir Doherty segir hann hafa átt bestu ár ævi sinn­ar, frá­ tví­tugu og fram að því að hann lést. Þvert á það sem margir halda. Hann hafi ekki tekið sig alvar­lega, og liðið best þegar hann var að semja ljóð, texta og spila lög. Hann hafði ekki verið sár eða í þung­lyndi yfir örlögum sín­um, og átt auð­velta með að gleðjast ­fyrir hönd gömlu félaga sinna, sem urðu að stór­stjörnum og mynd­uðu eitt ­sig­ur­sælasta lið Evr­ópu, eftir að hann hætti. Þeir hafi hins vegar verið í öðrum veru­leika.

Alveg fram á síð­asta dag hefði hann verið dagdreym­inn og í eigin heimi. Þrátt fyrir að hann hafi átt fyr­ir­sagn­irnar um tíma, og ver­ið á­lit­inn einn efni­leg­ast leik­maður Bret­landseyja – sem naut mik­illar virð­ing­ar ­fé­laga sinna – þá skipti það hann engu máli. Hann reyndi að hugsa ekki of mik­ið um örlög sín.

Höf­undur bók­ar­innar segir að það sé um margt tákn­rænt, að hann hafi látið lífið með slysa­legum hætti. Óheppnin hefur verið fylgi­fisk­ur hans, en lífs­gleðin sömu­leið­is.

Ert þú í Kjarnasamfélaginu?

Kjarninn er opinn vefur en líflínan okkar eru frjáls framlög frá lesendum, Kjarnasamfélagið. Sú stoð undir reksturinn er okkur afar mikilvæg.

Með því að skrá þig í Kjarnasamfélagið gerir þú okkur kleift að halda áfram að vinna í þágu almennings og birta vandaðar fréttaskýringar, djúpar greiningar á efnahagsmálum og annað fréttatengt gæðaefni. 

Kjarninn hefur verið til taks fyrir kröfuharða lesendur undanfarin sjö ár og við ætlum okkur að standa vaktina áfram. 

Fyrir þá sem nú þegar eru stoltir styrkjendur Kjarnans þá leyfum við okkur að benda á að hægt er að óska eftir að hækka mánaðarlega framlagið með því að senda póst á takk@kjarninn.is


Já takk, ég vil styrkja Kjarnann!
Donald Trump á blaðamannafundi í vikunni, þar sem hann undirritaði forsetatilskipun sem ætlað er að refsa einkafyrirtækjum fyrir að ritskoða efni á internetinu.
Trump steig á endanum yfir línuna sem Twitter hafði dregið í sandinn
Árið 2018 byrjaði Twitter að þróa lausn til að bregðast við því að stjórnmálamenn töluðu með misvísandi eða meiðandi hætti á miðlinum. Í þessari viku beitti miðilinn þessu meðali sínu gegn Donald Trump í fyrsta sinn. Og sá varð reiður.
Kjarninn 30. maí 2020
Brynjar Níelsson
Villuljós
Kjarninn 30. maí 2020
Sigrún Guðmundsdóttir
Okkar SORPA
Kjarninn 30. maí 2020
Laugavegurinn er ein allra vinsælasta gönguleið landsins en gengið er frá Landmannalaugum.
Landinn óður í útivist
Uppselt er í margar ferðir Ferðafélags Íslands og félagið hefur þurft að bæta við ferðum. Níu af hverjum tíu ætla að ferðast innanlands í sumar samkvæmt könnun Ferðamálastofu.
Kjarninn 30. maí 2020
Þórhildur Sunna Ævarsdóttir, þingmaður Pírata, er á meðal þeirra þingmanna sem skrifaðir eru á álitið.
Vilja viðurlög vegna brota sem varða verulega almannahagsmuni
Stjórnarandstöðuþingmenn vilja að aðstoðarmenn ráðherra þurfi að bíða í sex mánuði eftir að þeir ljúki störfum áður en þeir gerist hagsmunaverðir.
Kjarninn 30. maí 2020
Hoppuðu áfram eftir að heimsfaraldurinn skall á
Nýsköpunarfyrirtækið Kara Connect fékk óvæntan meðbyr þegar heimsfaraldurinn fór að geisa og ætlar að nýta sér aðstæðurnar til þess að vaxa hraðar en áætlað var. Þorbjörg Helga Vigfúsdóttir framkvæmdastjóri Köru Connect ræddi við Kjarnann.
Kjarninn 30. maí 2020
Leiðtogar ríkisstjórnar Íslands.
34 milljarðar króna í að viðhalda störfum en 27 milljarðar króna í að eyða þeim
Hlutabótaleiðin mun líkast til kosta 45 sinnum meira en upphaflega var lagt upp með. Hún hefur, að mati ríkisendurskoðunar, verið misnotuð á margan hátt til að ná út fé úr ríkissjóði. Nú býðst sömu fyrirtækjum sem hana nýttu ríkisstyrkir til að reka fólk.
Kjarninn 30. maí 2020
Stækkuð og lituð mynd af frumu (bleikur litur) sem er verulega sýkt af SARS-CoV-2 veirunni (grænn litur).
„Eins og líkaminn væri vígvöllur“
Það er varla annað hægt en að bera óttablandna virðingu fyrir lífveru sem hefur eignast tugmilljónir afkomenda um allan heim á nokkrum mánuðum, segir mannerfðafræðingurinn Agnar Helgason sem sjálfur smitaðist og hefur teiknað upp ættartré veirunnar.
Kjarninn 29. maí 2020
Meira eftir höfundinnMagnús Halldórsson
Meira úr sama flokkiFréttaskýringar
None