Misríkir stjórnmálaflokkar á leið í kosningabaráttu eftir sumarið

Fjárhagsstaða stjórnmálaflokkanna er misgóð fyrir komandi kosningar. Flestir flokkar hafa unnið að því að borga niður skuldir og safna fé. Píratar eru skuldlausir og ætla að reka margfalt dýrari kosningabaráttu en síðast.

Ekki er komin dagsetning fyrir kosningar í haust, en búist er við því að þær fari fram í október.
Ekki er komin dagsetning fyrir kosningar í haust, en búist er við því að þær fari fram í október.
Auglýsing

Óðum stytt­ist í kosn­ing­ar, ári fyrr en áætlað var. Þó að engin dag­setn­ing sé komin enn, þá búast flestir við því að kosið verið til Alþingis í októ­ber eða nóv­em­ber. Flestir stjórn­mála­flokkar ætl­uðu að nýta árið 2016 til þess að greiða niður skuldir og safna pen­ing fyrir kosn­inga­bar­átt­una 2017, en eftir Panama­skjölin og afleið­ingar þeirra þurftu flokk­arnir að spýta í lóf­ana og flýta öllu ferli, hvort sem um er að ræða mönnun lista, fjár­mögnun eða skipu­lagn­ingu kosn­inga­bar­áttu. Og ljóst er að ekki gafst eins mik­ill tími og upp­haf­lega var áætlað til þess að safna fé. 

Kjarn­inn kann­aði núver­andi fjár­hags­stöðu allra flokka sem hyggj­ast bjóða fram til Alþingis í haust. Ekki feng­ust svör frá Sam­fylk­ingu eða Fram­sókn­ar­flokki. Sjálf­stæð­is­flokkur og Björt fram­tíð vildu ekki gefa upp nákvæma stöðu. Not­ast er við nýj­ustu árs­reikn­inga sem birtir eru á vef­síðu Rík­is­end­ur­skoð­un­ar, en þeir eru frá árinu 2014.  

Spurt var um núver­andi fjár­hags­stöðu flokk­anna og hvað standi til að eyða miklu fé í kosn­inga­bar­áttu fyrir Alþing­is­kosn­ingar í haust. 

Auglýsing

Ætla að reka mun dýr­ari kosn­inga­bar­áttu en síð­ast

Píratar eiga tæpar 17,3 millj­ónir króna og skulda ekk­ert, sam­kvæmt Elínu Ýr Haf­dís­ar­dótt­ur, for­manni fram­kvæmda­ráðs Pírata. „Ekki hefur verið gerð Píratarfjár­hags­á­ætlun fyrir kom­andi kosn­inga­bar­áttu, en gróf­lega áætlum við að í hana fari á milli fimm til sjö millj­ón­ir,“ segir Elín í skrif­legu svari til Kjarn­ans. Kosn­inga­bar­átta Pírata fyrir síð­ustu Alþing­is­kosn­ingar hafi kostað 1,2 millj­ón­ir. „Núna höfum við hug á að vera með kosn­inga­skrif­stofur á fleiri stöðum en á höf­uð­borg­ar­svæð­inu til að geta boðið fólki að heilsa upp á okkur og kynna sér Pírata og hvað við stöndum fyr­ir.“

410 millj­óna skuld árið 2014

Þórður Þór­ar­ins­son, fram­kvæmda­stjóri Sjálf­stæð­is­flokks­ins, vísar í heima­síðu Rík­is­end­ur­skoð­unar þar sem útdráttur úr árs­reikn­ingum flokka eru birt­ir. Nýj­ustu tölur þar eru frá árinu 2014 og í þeim árs­reikn­ingi kemur fram að flokk­ur­inn skuldi Sjálfstæðisflokkurtæpar 410 millj­ónir króna og eignir nema tæpum 770 millj­ón­um. Eigið fé í árs­lok 2014 var tæpar 360 millj­ón­ir. Sam­kvæmt Þórði er mark­miðið að halda kostn­aði við kosn­inga­bar­átt­una í lág­marki, en end­an­leg áætlun liggur ekki fyr­ir.

Áætla tugi millj­óna í kosn­inga­bar­áttu

Dan­íel Haukur Arn­ar­son, starfs­maður Vinstri grænna, segir núver­andi fjár­hags­stöðu flokks­ins góða. Gert sé ráð fyrir að skila um 10 millj­ónum króna í Vinstri grænafgang á árinu 2016 sam­kvæmt fjár­hags­á­ætl­un. „Árið 2013 var 42 millj­óna króna

halli, en strax árið 2014 skil­uðum við rúm­lega 18 millj­óna króna afgang­i,“ segir Dan­í­el. Flokk­ur­inn skuldar 3,2 millj­ónir og á rúmar 20. Skuldin er vegna fast­eignar á Akur­eyri. „Við leigjum í Reykja­vík og því koma þau gjöld fram á rekstr­ar­reikn­ingi en ekki sem lang­tíma­skuld,“ segir Dan­í­el. Búist er við því að eyða að minnsta kosti 15 til 20 millj­ónir í kom­andi kosn­inga­bar­átt­u. 

Fátækur flokkur árið 2014

Flokk­ur­inn er skuld­laus og rek­inn með lág­marks­kostn­aði, sam­kvæmt Val­gerði Páls­dótt­ur,  fram­kvæmda­stjóra Bjartrar fram­tíð­ar. Hingað til hafi hús­næði ekki verið leigt, en til standi að bæta úr því í sum­ar. Ekki feng­ust þó nákvæm­ari tölur frá Björt framtíðflokkn­um, en Val­gerður segir í svari sínu að árs­reikn­ingur verði lagður fyrir stjórn í ágúst eða sept­em­ber og þá verði tekin ákvörðun um fjár­út­lát í kosn­inga­bar­átt­unni. „Það er alla­vega ljóst að við munum halda því innan skyn­sam­legra marka og halda áfram að standa undir okkar skuld­bind­ing­um,“ segir hún. 

Í nýjasta árs­reikn­ingi flokks­ins hjá Rík­is­end­ur­skoð­un, frá árinu 2014, segir að flokk­ur­inn átti 613 þús­und krónur og skuld­aði tæpar 5,9 millj­ón­ir. Eigið fé var því nei­kvætt um tæpar 5,3 millj­ón­ir.

Fjár­söfnun á net­inu gengið ágæt­lega 

Bene­dikt Jóhann­es­son, for­maður Við­reisn­ar, segir núver­andi fjár­hags­stöðu hins nýstofn­aða flokks vera nokkur hund­ruð þús­und krón­ur. Safn­anir á net­inu hafi Viðreisngengið ágæt­lega und­an­far­ið, en flokk­ur­inn var form­lega stofn­aður 24. maí. „Við erum ekki komin með áætl­un­ina fyrir kosn­inga­bar­átt­una. Ég í raun átta mig ekki alveg á umfang­in­u,“ segir Bene­dikt. „En það á eftir að skýr­ast bráð­lega.“ 

„Eigum alls ekki mikla pen­inga“

Aðal­fundur Íslensku þjóð­fylk­ing­ar­innar var hald­inn í síð­ustu viku. Helgi Helga­son for­maður segir allt unnið eftir hend­inni og mikið til sjálf­boða­starf. „Eins og þeir kann­ast við sem standa í rekstri stjórn­mála­flokka, þá er þetta mjög mik­ill pen­ingur Íslenska þjóðfylkinginsem fer í þetta og mörg smá­mál sem á end­anum taka sig sam­an,“ segir hann. „Vegna þess að fólk hefur verið að styrkja okkur höfum við náð að leigja sali og prenta kjör­seðla í kosn­ingu vara­for­manns. En þetta bygg­ist aðal­lega á sjálf­boða­vinnu, við eigum alls ekki mikla pen­inga.“ 

Engin svör frá Sam­fylk­ingu eða Fram­sókn 

Ekki feng­ust svör frá Sam­fylk­ingu eða Fram­sókn­ar­flokki. Samkvæmt árs­reikn­ingum flokk­anna frá 2014 á heima­síðu Rík­is­end­ur­skoð­unar átti Sam­fylk­ingin um 166 millj­ónir í árs­lok 2014 og skuld­aði 121 millj­ón.  Eigið fé var 44 millj­ón­ir. Fram­sókn­ar­flokk­ur­inn skuld­aði rúmar 250 millj­ónir í árs­lok 2014 og átti tæpar 200 millj­ónir í eign­um. Eigið fé var nei­kvætt um tæpar 60 millj­ón­ir. 

Fyrir einu ári síðan: „Við eigum Ísland, það eina sem við eigum eftir að gera er að taka það“
Lífeyrissjóðir landsins eiga stóran hluta af íslensku atvinnulífi. Hávær krafa hefur lengi verið um að þeir verði virkari eigendur og nýti sér þau völd sem í því felast til að beita sér fyrir lífsgæðum sjóðsfélaga í nútíð ekki síður en í framtíð.
Kjarninn 21. september 2019
Bólusótt í hættu
Er réttlætanlegt að geyma veirur eins og bólusótt, sem geta valdið jafnmiklum mannskaða og raun ber vitni?
Kjarninn 21. september 2019
Tæknivarpið
Tæknivarpið
Tæknivarpið – Uppfærðar græjur, Sambandið og Apple Arcade
Kjarninn 21. september 2019
Birgir Birgisson
Reið hjól
Kjarninn 21. september 2019
Þjálfa þarf peningahund til að berjast gegn peningaþvætti
Embætti tollstjóra skortir bæði þekkingu og úrræði til að geta almennilega haft eftirlit með smygli á reiðufé til Íslands. Á meðal þeirra úrræða sem lagt er til að ráðist verði í er að þjálfa peningahund.
Kjarninn 21. september 2019
Klikkið
Klikkið
Klikkið - Að iðka mannréttindi
Kjarninn 21. september 2019
Athuga hvar eftirlitsaðilar gera ónauðsynlegar kröfur til matvæla
Umhverfisráðherra hefur hrundið af stað aðgerðum til að vinna gegn matarsóun á Íslandi. Meðal annars verður gerð athugun á því hvar eftirlitsaðilar gera mögulega ónauðsynlegur kröfur til matvælaöryggis sem ýtt gætu undir matarsóun.
Kjarninn 21. september 2019
Brim-flétta KS fagnaðarefni fyrir Skagfirðinga
Eftir að hafa keypt hlutabréf í Brimi, og selt nokkrum vikum síðar, hefur Kaupfélag Skagfirðinga styrkt stöðu sína.
Kjarninn 21. september 2019
Meira eftir höfundinnSunna Valgerðardóttir
Meira úr sama flokkiFréttaskýringar
None