Efnahagsgjá = Pólitísk gjá

Staðan í einstaka ríkjum Bandaríkjanna er afar misjöfn, bæði pólitískt og efnahagslega.

Hillary
Auglýsing

Það eru margir undr­andi á stöðu mála í banda­rískum ­stjórn­mál­um. Í fram­boði fyrir Repúblik­ana er nú yfir­lýstur kyn­þátta­hat­ari sem talar fyrir aðskiln­aði á grund­velli upp­runa og trú­ar­bragða, og elur ótt­anum við efna­hags­leg áhrif alþjóða­væð­ing­ar.

Þessi boð­skapur verður ekki stað­settur hægra megin við miðj­una, svo mikið er víst. Það þjónar litlum til­gangi að stað­setja hann yfir­ höfuð á póli­tískan kvarða. En það er stór og mikil spurn­ing, hvernig á því stendur að hljóm­grunn­ur­inn í Banda­ríkj­unum fyrir þessum sjón­ar­miðum er það ­mik­ill að fylgi hans mælist nú, tæpum þremur vikum fyrir kosn­ing­ar, 42,3 ­pró­sent. Hill­ary Clinton mælist með 49,7 pró­sent og Gary John­son 5,8 pró­sent.

Þó allt bendi til þess að for­skot Hill­ary Clinton sé nú þegar það mikið að erfitt sé fyrir Trump að vinna kosn­ing­arn­ar, þá er ekki hægt að úti­loka neitt. 

Auglýsing

Kosn­inga­bar­áttan hefur verið for­dæma­laus þegar kemur að inni­stæðu­lausum upp­hróp­unum frá Trump, og margir spyrja hvort það skipt­i engu máli hvort hann sé að segja sann­leik­ann eða ekki.

Nokkur atriði er mik­il­vægt að fólk átti sig á þegar kemur að ­stöðu mála hér í Banda­ríkj­unum í aðdraga­anda kosn­ing­anna 8. nóv­em­ber.

1.       Efna­hags­legur veru­leiki ríkj­anna er mis­jafn og má aug­ljós­lega greina fylgni á milli þessi hvernig efn­hag­ur­inn er sam­sett­ur, og hvar Trump hefur verið að mæl­ast með mesta fylg­ið. Staðan hjá Repúblik­un­um hefur lengi verið slök í vest­ur- og aust­ur­strand­ar­ríkj­un­um, en hún hef­ur sjaldan verið jafn slök og nú. Helsta vígið er í mið­ríkj­un­um, þvert í gegn­um land­ið, og síðan í suð­ur­ríkj­un­um. 

2.       Vest­ur­strand­ar­ríkin þrjú, Was­hington, Oregon og Kali­forn­ía, eru öll á bandi Hill­ary (miðað við með­al­töl­in) og öll aust­ur­strand­ar­ríkin nema Suð­ur­-Kar­olína og Georgía eru á hennar bandi einnig, ­sam­kvæmt könn­un­um. Vaf­inn er helst um Flor­ída, eins og venju­lega, og Norð­ur­-Kar­olínu. En sé mið tekið af helstu könn­unum þá eru miklar líkur á að Hill­ary verði með afar sterka stöðu í strand­ríkj­un­um. Sú staða gæti skipt ­sköpum þegar upp er stað­ið.

3.       Á und­an­förnum ára­tug, ekki síst eftir að fjár­málakrepp­una á árunum 2007 til 2009, hefur efna­hags­leg staða þess­ara ­strand­ríkja verið að styrkj­ast í mörgum til­vik­um, á meðan staðan í mið­ríkj­un­um hefur versn­að. Fjölda­fram­leiðslu­störf­um, ekki síst í frum­fram­leiðslu, hef­ur ­fækkað hratt og fjár­fest­ing með þeim flust til Asíu, ekki síst Kína. Ríki eins og Ida­ho, Wyom­ing og Nebr­aska – þar sem Trump mælist með yfir­burða­stöðu – hafa far­ið einkar illa út úr þessum efna­hags­legu breyt­ing­um, sem teygja sig þó lengra aftur í tím­ann. Það sama má segja um Kansas, Okla­homa og Arkans­ans. Það er ekki að atvinnu­leysi sé vand­inn, heldur frekar að lág laun og lítil fram­þróun hái þeim. Atvinnu­leysi mælist nú mest að með­al­tali í Ala­ska, 6,8 pró­sent, en minnst í Suð­ur­-Da­kóta. Far­veg­ur ­fyrir öfga­hópa, sem styðja hug­myndir um kyn­þátta­hyggju og þjóð­ern­is­hyggju, hefur verið að styrkj­ast í þessum efna­hags­lega veik­burða ríkjum, og hefur Trump mark­visst unnið í því að efla þar stemmn­ingu meðal fólks og fá það með sér á kosn­inga­vagn­inn. Efa­semdir um jákvæð áhrif alþjóða­væddra við­skipta og samn­inga við önnur rík­i hljóma eins og múskík í eyrum kjós­enda á þessum slóð­um.

4.       Fjöl­menn­asta ríki Banda­ríkj­anna með um 40 millj­ónir íbúa er Kali­forn­ía, þar á eftir kemur Texas með 28 millj­ónir og New York og Florida koma þar á eftir með um 20 millj­ónir íbúa hvort. Af um 320 millj­óna heildar­í­búa­fjölda býr um þriðj­ungur í þessum fjórum ríkj­u­m. Langstærsta ein­staka rík­is­-hag­kerfið er í Kali­forn­íu, með sjálfan síli­kondal­inn ­sem helstu upp­sprettu nýsköp­un­ar. New York kemur þar á eftir og síð­an Was­hington-­ríki.

Eins og sést á þessari mynd, frá FiveThirtyEight.com, þá er staða Hillary sterkust í strandríkjunum í austri og vestri, en Trump sækir sterkastan stuðning til mið- og suðurríkjanna.

5.       Þau ríki þar sem bar­áttan er einna tví­sýnust, ­sam­kvæmt spám og könn­un­um, eru Iowa og Arizona. Sam­kvæmt spá FiveT­hir­tyEight eru 56 pró­sent líkur á sigri Hill­ary Clinton í Iowa en 44 pró­sent líkur á sigri Trump. Í Arizona eru hlut­föllin þau sömu. Einnig er staðan spenn­andi í Ohio en lík­urnar eru þó heldur Hill­ary meg­in. Sam­tals búa um 10 millj­ónir í Arizona og I­owa. Þar eins og víða ann­ars staðar getur brugið til beggja vona, og ljóst að ­kosn­inga­þátt­taka mun skipta miklu máli.

Kanntu vel við Kjarnann?

Frjáls framlög lesenda eru mikilvægur þáttur í rekstri Kjarnans. Þau gera okkur kleift að halda áfram að taka þátt í umræðunni á vitrænan hátt og greina kjarnann frá hisminu fyrir lesendur. 

Kjarninn er fjölmiðill sem leggur sig fram við að upplýsa og skýra út það sem á sér stað í samfélaginu með áherslu á gæði og dýpt. 

Okkar tryggð er aðeins við lesendur. Við erum skuldbundin ykkur og værum þakklát ef þið vilduð vera með í að gera Kjarnann enn sterkari. 

Ef þú kannt vel við það efni sem þú lest á Kjarnanum viljum við hvetja þig til að styrkja okkur. Þinn styrkur er okkar styrkur.

Já takk, ég vil styrkja Kjarnann!
Jósep Ó.Blöndal
Uppsagnir – A la Sopranos
Kjarninn 17. nóvember 2019
Flosi Þorgeirsson
Maður er nefndur Jack Parsons
Kjarninn 17. nóvember 2019
Fræða ferðamenn um góða sjúkdómsstöðu íslenskra búfjárstofna
Landbúnaðarráðherra telur mikilvægt að ferðamenn fái fræðslu um góða sjúk­dóma­stöðu íslenskra búfjár­stofna og hversu við­kvæmir þeir eru fyrir nýju smit­i. Því verða sett upp veggspjöld með þeim upplýsingum á helstu komustöðum til landsins.
Kjarninn 17. nóvember 2019
Kristján Þór Júlíusson, sjávarútvegsráðherra.
Sjávarútvegsráðherra boðaður á fund atvinnuveganefndar
Rósa Björk Brynjólfsdóttir, þingmaður Vinstri grænna, hefur óskað eftir því að sjávarútvegsráðherra komi fyrir atvinnuveganefnd og ræði meðal annars afleiðingar Samherjamálsins á önnur íslensk fyrirtæki og greinina í heild sinni.
Kjarninn 17. nóvember 2019
Flugvallarstjórn Kastrup braut eigin reglur
Á rúmu ári hafa fjórum sinnum komið upp á Kastrup flugvelli tilvik þar sem öryggi flugvéla, og farþega, hefði getað verið stefnt í voða. Flugvallarstjórninni sem er skylt að loka flugbrautinni samstundis þegar slíkt gerist aðhafðist ekkert.
Kjarninn 17. nóvember 2019
Börkur Smári Kristinsson
Hvað skiptir þig máli?
Kjarninn 16. nóvember 2019
Jóhanna Sigurðardóttir, fyrrverandi forsætisráðherra.
Segir VG standa frammi fyrir prófraun í kjölfar Samherjamálsins
Fyrrverandi forsætisráðherra segir að grannt verði fylgst með viðbrögðum Katrínar Jakobsdóttur og VG í tengslum við Samherjamálið. Hún segir að setja verði á fót sérstaka rannsóknarnefnd sem fari ofan í saumana á málinu.
Kjarninn 16. nóvember 2019
Bára Halldórsdóttir
Klausturgate – ári síðar
Bára Halldórsdóttir hefur skipulagt málþing með það að markmiði að gefa þolendum „Klausturgate“ rödd og rými til að tjá sig og til þess að ræða Klausturmálið og eftirmál þess fyrir samfélagið.
Kjarninn 16. nóvember 2019
Meira eftir höfundinnMagnús Halldórsson
Meira úr sama flokkiFréttaskýringar
None