Hliðið opnast enn meira inn á alþjóðamarkaði

Íslenskir lífeyrissjóðir áttu eignir upp á tæplega 3.300 milljarða króna í lok árs. Þeir hafa nú fengið heimildir til að fjárfesta meira í útlöndum en verða að fara varlega.

Peningar
Auglýsing

Íslenskir líf­eyr­is­sjóðir eiga eignir upp á ríf­lega 3.284 millj­arða króna miðað við stöð­una eins og hún var um ára­mót. Sjóð­irnir hafa notið góðs af upp­bygg­ingu íslenska hluta­bréfa­mark­að­ar­ins eftir hrunið 2008, og hefur raun­á­vöxtun flestra sjóða verið nokkuð góð í sögu­legum sam­an­burði.

Bak­beinið á hluta­bréfa­mark­aði

Árið 2016 var fyrsta árið frá hruni, þar sem úrvals­vísi­talan á hluta­bréfa­mark­aði lækk­aði, en sé horft til und­an­far­inna fimm ára þá er óhætt að segja að líf­eyr­is­sjóð­irn­ir, sem eiga að minnsta kosti á bil­inu 40 til 50 pró­sent af öllum skráðum hluta­bréfum á mark­aði, hafi ávaxtað eignir sínar vel á mark­aðn­um.

Heild­ar­virði fyr­ir­tækja í kaup­höll­inni nemur rúm­lega þús­und millj­örðum króna.

Auglýsing

Sam­kvæmt hag­tölum Seðla­banka Íslands áttu líf­eyr­is­sjóðir hluta­bréf í íslenskum fyr­ir­tækjum fyrir 423 millj­arða um ára­mótin og fyrir 141 millj­arða króna í gegnum hlut­deild­ar­skír­teini sjóða. Sam­tals nemur inn­lend hluta­bréfa­eign 565 millj­örðum króna. 

Dyrnar að opn­ast erlendum mörk­uðum

Með frek­ari losun hafta má búast við því að líf­eyr­is­sjóð­irnir fjár­festi meira erlendis og nýti sínar heim­ildar til að dreifa áhætt­unni í eigna­söfnum sín­um.

Seðla­bank­inn til­kynnti um það á dög­unum að hann hefði ákveðið að veita líf­eyr­is­sjóðum og öðrum inn­lendum vörslu­að­ilum sér­eign­ar­líf­eyr­is­sparn­aðar nýja und­an­þágu frá lögum um gjald­eyr­is­mál til fjár­fest­ingar í fjár­mála­gern­ingum útgefnum í erlendum gjald­eyri. Sam­an­lagt nemur heim­ildin 100 millj­örðum króna og gildir til árs­loka 2017. Frá miðju ári 2015 og til loka þessa árs hefur líf­eyr­is­sjóð­unum og öðrum inn­lendum vörslu­að­ilum sér­eign­ar­líf­eyr­is­sparn­aðar verið heim­ilt að fjár­festa erlendis fyrir sam­tals 95 millj­arða, þar af 85 millj­arða í fyrra.

Gjaldeyrisstaða þjóðarbúsins hefur styrkst verulega undanfarin misseri. Mynd: Birgir.

Í til­kynn­ingu Seðla­bank­ans kemur fram að gjald­eyr­is­staða þjóð­ar­bús­ins hafi batnað veru­lega und­an­farin miss­eri og því sé hægt að rýmka heim­ild­ir, það er að losa um fjár­magns­höftin sem hafa verið í gildi frá því í nóv­em­ber 2008. „Gjald­eyr­is­staða þjóð­ar­bús­ins hefur batnað veru­lega sam­fara miklu gjald­eyr­is­inn­streymi, sem meðal ann­ars má rekja til metaf­gangs á við­skipta­jöfn­uði á þriðja árs­fjórð­ungi, og líkur á miklu gjald­eyr­is­út­streymi í kjöl­far frek­ari los­unar hafta hafa minnkað veru­lega. Því er nú unnt að veita heim­ild til erlendrar fjár­fest­ingar sem spannar lengra tíma­bil en áður, þ.e.a.s. fyrir allt næsta ár, auk þess að hækka heim­ild­ina frá því sem hún var í ár. Þetta mun auð­velda líf­eyr­is­sjóð­unum gerð fjár­fest­ing­ar­á­ætl­ana og stuðla að auknu hag­ræði í erlendum verð­bréfa­kaup­um. Sem fyrr verður þó gerð krafa um að fjár­fest­ing sjóð­anna dreif­ist reglu­lega yfir árið. Heim­ildin fyrir næsta ár grund­vall­ast á því að svig­rúm sjóð­anna til erlendrar fjár­fest­ingar verði sem mest en þó ekki þannig að þeir selji inn­lendar eignir eða dragi sig út af inn­lendum skulda­bréfa­mark­aði í þeim mæli að veru­legri röskun vald­i,“ segir í til­kynn­ing­unni, en ekki er nánar greint frá því hvað geti talist of mikil röskun á mark­aðn­um.

Þjóð­hags­legur ávinn­ingur af betri áhættu­dreif­ingu

Heim­ildin er veitt með fyr­ir­vara um að fjár­hæðir geti breyst ef svig­rúm til gjald­eyr­is­kaupa reyn­ist umtals­vert minna en horfur eru á nú, til dæmis vegna óhag­stæðrar þró­unar greiðslu­jafn­aðar eða ann­arra breyttra aðstæðna. „Verði fram­hald á öfl­ugu gjald­eyr­is­inn­streymi á árinu 2017 kynni á hinn bóg­inn að skap­ast svig­rúm til hækk­unar heim­ilda líf­eyr­is­sjóð­anna til erlendrar fjár­fest­ing­ar.

Sem fyrr eru rökin fyrir heim­ild­inni þau að þjóð­hags­legur ávinn­ingur fylgir því að líf­eyr­is­sjóðir bæti áhættu­dreif­ingu í eigna­söfnum sín­um. Þá er æski­legt að draga úr upp­safn­aðri erlendri fjár­fest­ing­ar­þörf þeirra áður en fjár­magns­höft verða end­an­lega losuð og þar með hættu á óstöð­ug­leika í geng­is- og pen­inga­mál­um. Til lengri tíma litið hafa þessar auknu heim­ildir sjóð­anna hverf­andi áhrif á gjald­eyr­is­stöðu þjóð­ar­bús­ins því gera má ráð fyrir að gjald­eyr­is­kaup líf­eyr­is­sjóð­anna á næsta ári muni draga úr þörf þeirra til gjald­eyr­is­kaupa síð­ar,“ segir í til­kynn­ing­unni.

Fjár­fest­ing­ar­heim­ild­inni verður skipt á milli líf­eyr­is­sjóð­anna og ann­arra vörslu­að­ila með þeim hætti að ann­ars vegar verður horft til sam­tölu eigna, sem fær 86 pró­sent vægi, og hins vegar til iðgjalda að frá­dregnum líf­eyr­is­greiðsl­um, sem fær 14 pró­sent vægi. Byggir þetta mat á grein­ingu Fjár­mála­eft­ir­lits­ins á stöðu líf­eyr­is­sjóð­anna.

Um 22 pró­sent erlendis

Af heild­ar­eignum líf­eyr­is­sjóða eru 735 millj­arða erlend­is, miðað við stöð­una eins og hún var í lok árs. Það er upp­hæð sem nemur um 22 pró­sentum af heild­ar­eign­um. Stærstur hluti eigna líf­eyr­is­sjóð­anna er sem fyrr bund­inn í inn­lendum skulda­bréf­um, aðal­lega verð­tryggð­um. Inn­lend mark­aðs­skulda­bréf og útlán nema yfir 1.600 millj­örðum króna. 

Kanntu vel við Kjarnann?

Við á Kjarnanum þökkum lesendum fyrir það traust sem þeir sýna með því að styrkja Kjarnann. 

Frjáls framlög frá lesendum hafa vaxið jafnt og þétt síðustu árin og eru mikilvæg tekjustoð undir reksturinn. Þau gera okkur kleift að halda áfram að taka þátt í umræðunni og greina kjarnann frá hisminu. 

Við tökum hlutverk okkar sem fjölmiðill í þjónustu almennings alvarlega. Kjarninn birti 409 fréttaskýringar og 2.367 fréttir á árinu 2019. Kjarninn er vettvangur umræðu og á nýliðnu ári voru 539 skoðanagreinar birtar, stærstur hluti þeirra aðsendar greinar. 

Okkar tryggð er aðeins við lesendur. Við erum skuldbundin ykkur og værum þakklát ef þið vilduð vera með í að gera Kjarnann enn sterkari.

Já takk, ég vil styrkja Kjarnann!
Freyr Eyjólfsson
Neysla og úrgangur eykst á heimsvísu – Ákall um nýjar, grænar lausnir
Kjarninn 20. febrúar 2020
Ísold Uggadóttir og Auður Jónsdóttir
Himinhrópandi mistök í máli Maní
Kjarninn 20. febrúar 2020
Haraldur Johanessen var enn ríkislögreglustjóri þegar samkomulagið var gert. Hann lét af störfum skömmu síðar
Samkomulag ríkislögreglustjóra hækkaði laun yfirmanna um 48 prósent
Þeir yfirmenn hjá ríkislögreglustjóra sem skrifuðu undir samkomulag við embættið í fyrra hækkuðu samtals grunnlaun sín um 314 þúsund krónur á mánuði og sameiginlegar lífeyrisgreiðslur um 309 milljónir.
Kjarninn 20. febrúar 2020
Samninganefnd starfsgreinasambandsins.
Starfsgreinasambandið nær samkomulagi við ríkið um nýjan kjarasamning
Starfsgreinasambandið og ríkið náðu í gær saman um útlínur á nýjum kjarasamningi á fundi hjá ríkissáttarsemjara.
Kjarninn 20. febrúar 2020
Sólveig Anna Jónsdóttir, formaður Eflingar.
Efling fordæmir Dag fyrir að vilja ekki eiga samtal við sig
Efling segir borgarstjórann í Reykjavík tala niður kjara- og réttlætisbaráttu félagsins. Framsetning hans á tilboðum Reykjavíkurborgar um launahækkanir til félagsmanna Eflingar sé í þeim „tilgangi að fegra mögur tilboð borgarinnar.“
Kjarninn 20. febrúar 2020
Sonja Ýr Þorbergsdóttir, formaður BSRB.
Verkföll hjá BSRB hefjast að óbreyttu í byrjun mars
Verkföllin munu hafa mikil áhrif á almannaþjónustuna enda munu þau ná til starfsfólks í heilbrigðisþjónustunni, þar með talið á Landspítalanum, og í skólum, leikskólum og á frístundaheimilum.
Kjarninn 20. febrúar 2020
Hillur verslana eru í dag fullar af fersku brauði.
Uppþot vegna brauðsins stormur í vatnsglasi
„Hvenær verður næst brauð viðvörun?“ „Brauð er búið í borginni, líka hvíta brauðið. Fólk ætlar greinilega að leyfa sér þessar síðustu klukkustundir á jörðu.“ Þeir voru margir brandararnir sem fuku í sprengilægðinni í síðustu viku.
Kjarninn 20. febrúar 2020
Traust almennings á dómstólum
Auður Jónsdóttir rithöfundur hitti gamalreyndan lögmann, Ragnar Aðalsteinsson, til að ræða hið svokallaða Landsréttarmál en það vekur upp áleitnar spurningar.
Kjarninn 20. febrúar 2020
Meira eftir höfundinnMagnús Halldórsson
Meira úr sama flokkiFréttaskýringar
None