Liverpool-aðdáendur eiga erfiðan HM-dag í vændum

Aðdáendur enska knattspyrnuliðsins Liverpool á Íslandi, sem eru miðað við höfðatölu, líklega flestir í heimi, eiga tilfinningalega erfiðan HM dag fyrir höndum. Leikmennirnir Luis Suarez og Mo Salah mætast nú í hádeginu og síðar í dag Ronaldo og Ramos.

Liverpool HM
Auglýsing

Aðdá­endur enska knatt­spyrnu­liðs­ins Liver­pool á Íslandi, sem eru miðað við höfða­tölu, lík­lega flestir í heimi, eiga til­finn­inga­lega erf­iðan HM dag fyrir hönd­um.

Í hádeg­inu mæt­ast liðin Úrúgvæ og Egypta­land en þar fara fyrir sínum liðum leik­menn­irnir Luis Suarez, fyrr­ver­andi fram­herji Liver­pool frá Úrúgvæ og Egypt­inn og núver­andi fram­herji liðs­ins Mohamed (eða Mo) Salah sem skor­aði 32 mörk fyrir Liver­pool á síð­asta tíma­bili.

Suarez, sem nú er leik­maður Barcelona á Spáni spil­aði með Liver­pool á árunum 2011 til 2014 og skor­aði 69 mörk fyrir lið­ið. Hann var sér­lega lit­ríkur sókn­ar­maður og leik­maður almennt og naut mik­illar hylli aðdá­enda þar til hann yfir­gaf lið Bítla­borg­ar­inn­ar. Suarez, sem er frá­bær knatt­spyrnu­mað­ur, hefur í að minnsta kosti þrí­gang bitið mótherja sína á vell­in­um, sem honum hefur ítrekað verið refsað fyr­ir, enda ekki gert ráð fyrir því í reglum knatt­spyrn­unnar að fólk bíti frá sér.

Auglýsing

Að auki mæt­ast síðan í síð­asta leik dags­ins stór­liðin Spánn og Portú­gal. Þar er aug­ljós­lega stjarnan í liði Portú­gal, Crist­i­ano Ron­aldo, sem er Íslend­ingum vel kunnur frá Evr­ópu­meist­ara­mót­inu, frá því að honum var „pakkað sam­an“ af Kára Árna­syni varn­ar­manni íslenska liðs­ins í sögu­legu jafn­tefli lið­anna. Ron­aldo hefur upp frá því verið í litlu upp­á­haldi hjá íslenskum fót­boltaunn­end­um. Í liði Spánar fer hins vegar fyrir sínum mönnum í varn­ar­múr­num leik­maður Real Madrid, Sergio Ramos. Flestir heitir stuðn­ings­menn Liver­pool eru Ramos enn mjög reiðir eftir úrslita­leik Meist­ara­deild­ar­innar frá því í maí þar sem Salah meidd­ist illa á öxl­inni eftir að hafa lent harka­lega á henni þegar Ramos tog­aði hann nið­ur. Egypt­inn fór grát­andi af velli eftir að hafa farið úr axl­ar­lið og hefur þurft að hafa sig allan við til að koma sér í stand fyrir mótið nú.

Kjarn­inn ræddi við nokkra eld­heita stuðn­ings­menn Liver­pool um leik­ina í dag og með hverjum þau ætla að halda og hvernig þau sjá leik­ina fara.

Dýfur næst verstar í bolt­an­um, á eftir mann­áti

Lára Björg Björns­dóttir er upp­lýs­inga­full­trúi rík­is­stjórn­ar­innar og Liver­pool-­kona. Heima hjá henni hefur nýlega verið reist fána­stöng í garð­in­um, í þeim eina til­gangi að hægt sé að draga Liver­pool­fána að húni þegar liðið spil­ar, þó íslenska fán­anum verði reyndar flaggað nú næstu vik­ur. Valið er auð­velt fyrir Láru.

Öll fjölskylda Láru styður sína menn í Liverpool.„Ég var aldrei Suarez mann­eskja, var aldrei að tengja mikið við hann. Suarez, ofan á til­hneig­ingu til mann­áts, á hann það til að dýfa sér sem er það næst ljótasta sem maður sér í fót­bolta, þá er mannát í fyrsta sæti. Annað með hinn vin okk­ar, Salah. Þar hrær­ast til­finn­ingar og það eru heitar til­finn­ing­ar. Salah þarf ekki að bíta og láta sig detta, nú eða bein­brjóta menn, hann er bara nógu góð­ur. Punkt­ur,“ segir Lára sem spári Egyptum því sigri í leikn­um.

Valið er ekki alveg jafn aug­ljóst í til­felli Láru þegar kemur að leik Spánar gegn Portú­gal. „Hvort hatar maður meira Ron­aldo eða Ramos?“ En svarið er þó ekki lengi að koma hjá henni. „Það er þetta grimmdar ofbeldi hjá Ramos sem að gerir úts­lag­ið. Það toppar ein­hvern gelskúlp­t­úrahaus-hatur á Ron­aldo,“ segir Lára að lokum og spáir Portú­göl­unum því sigri í síð­asta leik dags­ins.

Ramos „brutal“ leik­maður

Hall­grímur Ind­riða­son frétta­maður á Rík­is­sjón­varp­inu er einnig for­maður Liver­pool­klúbbs­ins á Íslandi. Hann segir það til­hneig­ingu að styðja þá menn sem séu leik­menn Liver­pool þá stund­ina. „Plús það að maður hefur alltaf gaman að því þegar „litlu“ liðin gera ein­hverja góða hluti þá hugsa ég að ég haldin nú meira með Egypt­um.

Hall­grímur segir úrslit leiks­ins muni algjör­lega ráð­ast af því í hvaða standi Mo Salah er. „Hann er svo mik­ill lyk­il­maður í þessu liði. Ég hef pínu áhyggjur af því að öxlin sé við­kvæm. Við­kvæm öxl er ekk­ert grín. Ef ég á að vera raun­sær þá finnst mér nú séns Egypta vera lít­ill en ég vona að þeir geri eitt­hvað.“

Hall­grímur er hins vegar í svo­lítið meiri til­finn­inga­flækju vegna viður­eignar Spán­verja og Portú­gal. „Þessi leikur verður pínu erf­iður út af Ramos. Ég hef alltaf haldið með Spán­verjum á stór­mót­um, alltaf verið „svag“ fyrir þeim og fyrir utan það hef ég aldrei getað haldið með Ron­aldo. Þó að mér finn­ist Ramos óþol­andi, leið­in­legur og allt að því „brutal“ leik­maður þá held ég að ég muni nú halda með Spán­verjum í kvöld. Þessi leikur verður líka ofsa­lega for­vitni­legur út af þeirri drama­tík sem hefur verið í kringum spænska lið­ið. Ef þeim gengur vel í kvöld þá á þeim held ég bara eftir að ganga vel á þesu móti. Í því ljósi verður mjög athygl­is­vert að sjá hvernig spán­verjar mæta í þennan leik.“

Áhyggjur af öxl­inni á Salah fyrir næstu leik­tíð

Guð­laugur Þór Þórð­ar­son utan­rík­is­ráð­herra er svo heitur stuðn­ings­maður Liver­pool grín­ast með það við blaða­mann að hann langi til að færa íslenska sendi­ráðið í Englandi frá London til Liver­pool. En þó að það sé engin alvara á bak við það er Guð­laugi ekki skemmt þegar kemur að Sergio Ramos. „Ég mun halda með öllum á móti Ramos. Öll­um. Þó hvor­ugur þeirra, Ramos og Ron­aldo, sé í ein­hverju upp­á­haldi þá er þetta engin spurn­ing.“ Guð­laugur spáir þeim leik jafn­tefli, marka­lausu jafn­vel eða 1-1.

Guð­laugur segir heldur engan vafa uppi um það með hverjum hann heldur í leik Úrúgvæ og Egypta­lands. „Salah allan dag­inn. Mér er alveg hlýtt til Suarez en hann fór bara eitt­hvað annað og þá er bara þakkað fyrir vel unnin störf. Nú er Salah okkar mað­ur.“ Hann hefur þó svolitlar áhyggjur af öxl­inni á Salah í þessu móti. „Hann má alls ekki skadd­ast eitt­hvað í þess­ari keppni. Hann verður að koma til leiks í ágúst eins og hann var síð­asta vet­ur,“ segir ráð­herra sem spáir Úrúgvæ sigri í leikn­um.

Leikur Úrúgvæ og Egypta­lands hefst klukkan 12.00 en leikur Spán­verja og Portú­gal klukkan 18.00 og báðir leik­irn­ir, eins og allt mót­ið, sýnt á RÚV.

Ert þú í Kjarnasamfélaginu?

Kjarninn er opinn vefur en líflínan okkar eru frjáls framlög frá lesendum, Kjarnasamfélagið. Sú stoð undir reksturinn er okkur afar mikilvæg.

Með því að skrá þig í Kjarnasamfélagið gerir þú okkur kleift að halda áfram að vinna í þágu almennings og birta vandaðar fréttaskýringar, djúpar greiningar á efnahagsmálum og annað fréttatengt gæðaefni. 

Kjarninn hefur verið til taks fyrir kröfuharða lesendur undanfarin sjö ár og við ætlum okkur að standa vaktina áfram. 

Fyrir þá sem nú þegar eru stoltir styrkjendur Kjarnans þá leyfum við okkur að benda á að hægt er að óska eftir að hækka mánaðarlega framlagið með því að senda póst á takk@kjarninn.is


Já takk, ég vil styrkja Kjarnann!
Áslaug Arna Sigurbjörnsdóttir, dómsmálaráðherra, Þórdís Kolbrún Reykfjörð Gylfadóttir, nýsköpunarráðherra og Bjarni Benediktsson, fjármála- og efnahagsráðherra, við undirritun reglugerðanna í dag.
Opnað á hálfs árs fjarvinnu erlendra sérfræðinga með reglugerðarbreytingum
Ráðherrar í ríkisstjórninni undirrituðu í dag breytingar á reglugerðum sem gera ríkisborgurum utan EES færi á að koma hingað til lands með fjölskyldur sínar og vinna í fjarvinnu til sex mánaða.
Kjarninn 27. október 2020
Lögreglustjórinn á Suðurnesjum segist ekki hafa veitt upplýsingar um fjölda hælisleitenda
Upplýsingar um komu hælisleitenda á Keflavíkurflugvöll, sem þingmaður Sjálfstæðisflokksins hefur birt á samfélagsmiðlum, komu ekki frá lögreglunni á Suðurnesjum, samkvæmt embættinu.
Kjarninn 27. október 2020
Bogi Nils Bogason, forstjóri Icelandair
Bætur frá Boeing vega þungt
Afkoma Icelandair fyrir vaxtagreiðslur og skatta var jákvæð um hálfan milljarð íslenskra króna á nýliðnum ársfjórðungi, þökk sé bótagreiðslum frá Boeing.
Kjarninn 27. október 2020
Milljónir hektara af regnskógum í Indónesíu og Malasíu hafa verið ruddir síðustu ár til vinnslu pálmaolíu.
Vilja takmarka notkun pálmaolíu í íslenskri framleiðslu
Pálmaolía er þrisvar sinnum verri en jarðefnaeldsneyti þegar kemur að losun gróðurhúsalofttegunda. Notkun hennar sem eldsneyti hefur aukist síðustu ár og hópur þingmanna vill banna hana í lífdísil og takmarka í allri framleiðslu á Íslandi.
Kjarninn 27. október 2020
Óróinn kokkaður upp inni á skrifstofu SA
„Sú hætta er raunverulega fyrir hendi að ungt fólk finni ekkert að gera eftir nám. Við getum þá siglt inn í aðstæður sem eru svipaðar og í sunnanverðri Evrópu þar sem atvinnuleysi ungs fólks er gríðarlegt.“ Þetta segir Þórunn Sveinbjarnardóttir.
Kjarninn 27. október 2020
Lilja Alfreðsdóttir
Fjárfesting í fólki og nýsköpun ræður úrslitum
Kjarninn 27. október 2020
Nær helmingur atvinnulausra er undir 35 ára
Atvinnuleysi yngri aldurshópa er töluvert meira en þeirra eldri, samkvæmt tölum Vinnumálastofnunar og Hagstofu. Munurinn er enn meiri þegar tekið er tillit til atvinnulausra námsmanna.
Kjarninn 27. október 2020
Gunnþór B. Ingvason, framkvæmdastjóri Síldarvinnslunnar.
Samherja-blokkin bætir enn við sig kvóta – heldur nú á 17,5 prósent
Útgerð í eigu Síldarvinnslunnar hefur keypt aðra útgerð sem heldur á 0,36 prósent af heildarkvóta. Við það eykst aflahlutdeild þeirra útgerðarfyrirtækja sem tengjast Samherjasamstæðunni um sama hlutfall.
Kjarninn 26. október 2020
Meira eftir höfundinnFanney Birna Jónsdóttir
Meira úr sama flokkiFréttaskýringar