Tíu staðreyndir um strákana okkar

Strákarnir okkar hafa vakið mikla athygli á heimsmeistaramótinu í Rússlandi, hvort sem er fyrir glæsilega frammistöðu, miðað við og án höfðatölu, útlit Rúriks eða skemmtilega aðdáendur. Kjarninn tók saman tíu tölulegar staðreyndir um strákana okkar.

Ísland
Auglýsing

1.

Íslenska karla­lands­liðið keppir nú á HM í knatt­spyrnu í Rúss­landi í fyrsta sinn í sög­unni. Ísland er fámenn­asta þjóð sem nokkru sinni hefur leikið á heims­­meist­­ara­­móti í knatt­­spyrnu með okkar 350.710 lands­­menn. Næst fámenn­asta ríkið sem keppt hefur á HM er Trini­dad og Tobago sem hélt á met­inu áður en Ísland tryggði sér þát­töku­rétt, en þar búa 1,3 millj­ónir manna. Norð­ur­-Ír­land kemur þar á eftir með sína 1,4 milljón íbúa.

2.

Næst fjöl­­menn­asta þjóðin sem nú keppir á HM er Úrúgvæ með tíu sinnum fleiri íbúa en á Íslandi eða tæp­lega 3,5 millj­ón­ir. Í Níger­­íu, sem er með Íslandi í riðli, búa um 186 millj­­ónir manns, að minnsta kosti. Það þýðir að til eru 530 Níger­­íu­­búar fyrir hvern Íslend­ing.

3.

Ísland er í 22. sæti á styrk­leika­lista FIFA, alþjóða­knatt­spyrnu­sam­bands­ins en þar trónir á toppnum Þýska­land, Í öðru sæti er Brasilía og Belgar verma þriðja sæt­ið. Af okkar mótherjum er Argent­ína er í fimmta sæti list­ans, Nígería í 47. sæti og Króa­tía því átj­ánda á styrk­leika­list­an­um. Ísland hefur efst farið í 18. sæti á styrk­leika­list­an­um, en það var í febr­úar á þessu ári.

Auglýsing

4.

Gylfi Sig­urðs­son miðju­maður hjá íslenska lands­lið­inu og leik­maður Everton er dýr­asti knatt­spyrnu­maður Íslands­sög­unnar eftir að liðið keypti hann á meira en 44 millj­ónir punda frá velska félag­inu Swan­sea City. Gylfi er lang launa­hæsti leik­maður lands­liðs­ins, með um 660 millj­ónir króna í árs­laun í fyrra, miðað við laun fyrir skatta sam­kvæmt úttekt Við­skipta­blaðs­ins. Af leik­mönnum lands­liðs­ins er Jóhann Berg Guð­munds­son, leik­maður Burn­ley, næst launa­hæstur með 180 millj­ónir króna og bæði Birkir Bjarna­son og Emil Hall­freðs­son með í kringum 170 millj­ónir króna á ári.

5.

Eiður Smári Guðjohn­sen var áður dýr­asti knatt­spyrnu­maður Íslands, þegar hann var keyptir til Barcelona á Spáni frá Chel­sea árið 2006 fyrir tæpar 11 millj­ónir punda, og sló hann þá eigið met frá því sex árum áður þegar Chel­sea keypti hann frá Bolton á tæpar 7 millj­ónir punda.

6.

Kári Árna­son, varn­ar­jaxl, sem nýverið gerði samn­ing við íslenska Pepsi-­deild­ar­liðið Vík­ing í Foss­vogi, sem er einnig upp­eld­is­fé­lag Kára, er ásamt Hann­esi Þór Hall­dórs­syni mark­manni og leik­manni Rand­ers í Dan­mörku, launa­lægstur byrj­un­ar­liðs­manna íslenska lands­liðs­ins. Kári mun vera með um 40 millj­ónir króna í árs­laun, en hann þar til í maí á mála hjá skoska lið­inu Aber­deen. Hannes Þór mun vera með um 30 millj­ónir króna í árs­laun. Miðað við frammi­stöðu beggja leik­manna í leiknum á móti Argent­ínu er alls ekki ólík­legt að ein­hver lið séu til­búin að bjóða bet­ur.

7.

Flestir leik­manna íslenska 22 manna hóps­ins, eða sex, spila í deildum í Bret­landi. Þrír eru í Dan­mörku og jafn­margir spila fyrir liðið Rostov í Rúss­landi. Þá eru einnig þrír leik­menn á mála hjá íslensku lið­un­um, Val, Fylki og Vík­ingi. Tveir leik­manna íslenska liðs­ins spila í Þýska­landi en aðrir leik­menn eru einir í löndum liða sinna. Einn leik­maður spilar í Nor­egi, einn í Búlgar­íu, einn í Belg­íu, einn á Ítalíu og að lokum einn í Hollandi.

8.

Íslenska liðið spilar í bún­ingum frá ítalska íþrótta­merk­inu Err­ea. Fyrstu bún­ingar íslenska lands­liðs­ins voru fram­leiddir af breska íþrótta­vöru­merk­inu Umbro. Ári síðar skipti liðið yfir í bún­inga frá hinu vin­sæla þýska íþrótta­merki Adi­das sem sá lið­inu fyrir fatn­aði fram til árs­ins 1991. Þá tók við fjög­urra ára tíma­bil þar sem liðið lék í bún­ingum frá ítölskum fram­leið­anda, ABM og síðar í fimm ár í bún­ingum frá Reusch. Ísland gerði samn­ing árið 2002 við Errea og hefur haldið tryggð við merkið allar götur síð­an.

9.

Í leik íslenska lands­liðs­ins gegn Argent­ínu síð­ast­liðna helgi átti Lionel Messi, leik­maður Barcelona, ell­efu skot á mark íslenska liðs­ins. Eins og kunn­ugt er rataði ekk­ert þeirra í netið en leik­maður hefur ekki reynt svo oft að skjóta á mark and­stæð­ing­anna í leik á heims­meist­ara­mót­inu frá árinu 1970 án árang­urs. Þá var það ítalski lands­liðs­mað­ur­inn Luigi Riva sem reyndi 13 sinnum að skjóta á mark and­stæð­inga sinna, bæði í leikjum gegn Sví­þjóð og Ísra­el, einnig án árang­urs.

10.

Eitt af þessum skotum frá Messi varði Hannes frá víta­punkt­in­um. Hannes Þór Hall­dórs­son mark­maður íslenska liðs­ins er nefni­lega svo­kall­aður víta­bani. Víta­skyttur hafa klikkað á 15 af síð­ustu 24 víta­spyrnum á móti Hann­esi. Hannes hefur varið tíu af þessum víta­spyrnum en fimm hafa farið fram­hjá, í stöng, fram­hjá eða yfir mark­ið. Aðeins níu vít­anna hafa því endað í mark­inu. Víta­skyttur hafa þannig aðeins nýtt 37,5 pró­sent af síð­ustu 24 vítum sínum á móti Hann­esi. Töl­fræði Hann­esar er enn betri á stór­mótum en þar hafa víta­skyttur aðeins nýtt 1 af 3 vítum sín­um. Þar er pró­sentu­talan því komin niður í 33 pró­sent.

Kanntu vel við Kjarnann?

Frjáls framlög lesenda eru mikilvægur þáttur í rekstri Kjarnans. Þau gera okkur kleift að halda áfram að taka þátt í umræðunni á vitrænan hátt og greina kjarnann frá hisminu fyrir lesendur. 

Kjarninn er fjölmiðill sem leggur sig fram við að upplýsa og skýra út það sem á sér stað í samfélaginu með áherslu á gæði og dýpt. 

Okkar tryggð er aðeins við lesendur. Við erum skuldbundin ykkur og værum þakklát ef þið vilduð vera með í að gera Kjarnann enn sterkari. 

Ef þú kannt vel við það efni sem þú lest á Kjarnanum viljum við hvetja þig til að styrkja okkur. Þinn styrkur er okkar styrkur.

Já takk, ég vil styrkja Kjarnann!
Fyrirmæli gefin um ákæru á hendur Trump
Öll spjót beinast nú að Donald Trump, Bandaríkjaforseta. Demókratar telja hann hafa brotið svo alvarlega af sér að hann eigi að missa réttinn til að vera forseti.
Kjarninn 5. desember 2019
Icelandair gengur frá 4,3 milljarða króna fjármögnun
Eigið fé Icelandair nam um 60 milljörðum í lok þriðja ársfjórðungs.
Kjarninn 5. desember 2019
Sameina kraftana gegn frumvarpi ráðherra
Ellefu hagsmunasamtök hafa sent frá sér sameiginlega yfirlýsingu.
Kjarninn 5. desember 2019
Kostnaður við starfslok Haraldar 57 milljónir
Það hefði kostað ríkissjóð meira að láta Harald Johannessen sitja áfram sem ríkislögreglustjóra en að gera við hann starfslokasamning, enda hefði hann þá fengið laun út skipunartíma sinn. Á móti hefði hann þurft að vinna.
Kjarninn 5. desember 2019
Heimsmarkmið SÞ um vernd hafsvæða nást ekki á Íslandi fyrir 2020
Samkvæmt umhverfis- og auðlindaráðherra verður heimsmarkmiðum Sameinuðu þjóðanna um vernd hafsvæða ekki náð hér á landi fyrir lok árs 2020 og ekki heldur á heimsvísu.
Kjarninn 5. desember 2019
Björgólfur Jóhannsson, tímabundinn forstjóri Samherja.
Björgólfur kallar umfjöllun fjölmiðla um Samherja „víðtæka árás“
Sitjandi forstjóri Samherja segir að þegar hafi verið sýnt fram á að „stór hluti þeirra ásakana sem settar hafi verið fram á hendur Samherja eigi ekki við rök að styðjast“. Þar eru ekki færð nein rök fyrir þessari staðhæfingu né lögð fram gögn.
Kjarninn 5. desember 2019
Bjarni Benediktsson,fjármála- og efnahagsráðherra.
Stóra skattkerfisbreyting ríkisstjórnarinnar samþykkt
Nýtt þriggja þrepa skattkerfi ríkisstjórnarinnar var samþykkt á Alþingi í gær þrátt fyrir skiptar skoðanir. Skattalækkun nýja kerfisins á að gagnast þeim tekjulágu mest en lækkunin á þó að skila sér til allra tekjutíunda.
Kjarninn 5. desember 2019
Auður Önnu Magnúsdóttir
Annað hvort eða?
Kjarninn 5. desember 2019
Meira eftir höfundinnFanney Birna Jónsdóttir
Meira úr sama flokkiFréttaskýringar