Gamla góða samstaðan flytur fjöll - Áfram Ísland

Ísland mætir Nígeríu í dag, og getur með sigri komist í kjörstöðu fyrir lokaleikinn í riðlinum gegn Króötum.

Argentína - Ísland – Stemningin í Hljómskálagarðinum 16. júní 2018
Auglýsing

Afleit byrjun hjá stjörnumprýddu liði Argent­ínu í D-riðli, hefur leitt til þess að Ísland hefur jafn­vel enn meiri tæki­færi til að kom­ast upp úr riðl­inum í 16 liða úrslit heldur en hægt var að ímynda sér - við fyrstu sýn - þegar dregið var í riðla fyrir keppn­ina.

Ísland og Nígería mæt­ast í Vol­gograd í dag og spennan er raf­mögn­uð. Óhætt er að segja um ólíkar þjóðir sé að ræða. 

Nígería er fjöl­menn­asta ríki Afr­íku með 190 millj­ónir íbúa, en íbúar á Íslandi eru 350 þús­und. Það er óþarfi að nefna það ekki -þrátt fyrir að það sé end­ur­tekn­ing númer svona þús­und - en Ísland er fámenn­asta landið í sög­unni sem náð hefur lands­liði í úrslita­keppni HM, og er nú þegar búið að stimpla sig með sínu fyrsta stigi og marki, sem Alfreð Finn­boga­son skor­aði gegn Argent­ínu.

Auglýsing

Ísland spilar í bláu í dag, en var í hvítum bún­ingum gegn Argent­ínu.

Ef fyrstu tveir leikir Argent­ínu í riðl­inum hafa kennt okkur eitt­hvað - fyrst 1-1 jafn­teflið gegn okkur Íslend­ingum og síðan 0-3 tapið gegn Króötum - þá er það þetta: góð sam­stillt lið geta flutt fjöll en góðir ein­stak­ling­ar, sem ekki ná saman sem lið, eru heillum horfn­ir.

Lionel Messi, einn allra besti knatt­spyrnu­maður sög­unn­ar, hefur ekki fundið sig í liði Aregent­ínu frekar en aðrir leik­menn liðs­ins. Þá má svo sann­ar­lega deila um liðsval Samp­i­oli þjálf­ara.



Í ofaná­lag sáust fáséð ein­stak­lings­mi­s­tök hjá Caball­ero mark­verði Argent­ínu, þegar hann gaf Rebic fyrsta markið sem kom Króötum á lag­ið.

Fram að því hafði verið jafn­ræði með lið­un­um. Eftir það opn­að­ist leik­ur­inn meira og Króatar voru þá í þægi­legri stöðu. Gátu leyft sér að falla aðeins til baka og sækja svo hratt þegar færi gafst. Tvö mörk frá miðju­mönn­unum frá­bæru frá Barcelona og Real Madrid, Modric og Rakit­ic, söktu svo Argent­ínu end­an­lega.

Allt annar leikur

Vanda­mál Argent­ínu koma þeim ekki á óvart sem hafa fylgst með gengi liðs­ins á und­an­förnum árum. Liðið hefur virkað ósam­stillt og nær sjaldan að létta press­unni af Messi, með fram­taki ann­arra leik­manna. 

Leik­ur­inn er fyr­ir­sjá­an­leg­ur. En ekki má þó úti­loka að Argent­ína komi til baka, og nái að knýja fram sigur gegn Nígeríu og berj­ast þannig til hins ítrasta fyrir 2. sæt­inu í riðl­in­um. Þegar öll sund virt­ust lokuð í und­ankeppn­inni tókst Argent­ínu að kom­ast áfram, með snilld­ar­fram­taki Messi. 

Allt er því opið enn­þá.

Leik­ur­inn á eft­ir, milli Íslands og Níger­íu, hefur gríð­ar­lega mikla þýð­ingu eins og gefur að skilja. Ísland getur með sigri pressað stíft á 2. sætið í riðl­inum fyrir síð­asta leik­inn í riðl­inum við Króata. Þá þekkjum við vel, eftir margar viður­eignir á und­an­förnum árum. Ísland vann 1-0 sigur gegn Króötum á Laug­ar­dals­velli, eins og frægt er, með marki Harðar Björg­vins Magn­ús­sonar á síð­ustu mín­útu.



Það segir okkur eitt: Ísland getur unnið Króa­tíu og hefur gert það! Ein­falt og áhrifa­mik­ið. Þetta segir okkur líka þá sögu, að eins og leik­irnir í riðl­inum hafa spilast, þá á Ísland nokkuð góða mögu­leika á því að kom­ast áfram. Það yrði stór­kost­legt afrek sem myndi aldrei gleym­ast.

Níger­íu­menn spila hraðan leik og eru lík­am­lega sterk­ir. Þeir eru líka með leik­menn sem eru góðir einn á móti ein­um, og geta þannig klárað leik­ina með ein­stak­lings­fram­taki.

Erfitt er að draga út leik­menn sem má telja til lyk­il­manna, þar sem Nígería leggur upp með að virkja liðs­heild­ina í sókn­ar- og varn­ar­leikn­um. En Victor Moses, leik­maður Chel­sea, hefur spilað vel fyrir Nígeríu og er ávallt hættu­legur í sókn­ar­leikn­um. Hann þurfum við að passa.

Gylfi Þór, sýndu hvað í þér býr!

Þetta þekkjum við ágæt­lega frá því í leiknum gegn Argent­ínu. En Nígería er samt allt annar and­stæð­ing­ur. Ísland mun fá meiri tæki­færi til að sækja gegn Nígeríu og mun þurfa að sýna meira sjálfs­traust með bolt­ann en það gerði gegn Argent­ínu. Ef það má gagn­rýna Ísland fyrir eitt­hvað þá er það ekki nægi­lega mikið sjálfs­traust þegar kemur að því að halda bolt­an­um. 

Án þess gera upp á milli manna í okkar frá­bæra og sam­stillta liði, þá er Gylfi Þór Sig­urðs­son lyk­il­maður gegn Níger­íu. Hann þarf að sýna hvað í honum býr, ekki síst í sókn­ar­leikn­um. Treysta sér til að halda bolt­anum og virkja aðra leik­menn með sér. Og láta vaða á markið þegar færi gefst.

Gylfi Þór Sigurðsson og Luka Modric, miðjumaðurinn frábæri í liði Króata.

Eins og hann hefur svo oft gert með lands­lið­inu, þegar mest á reyn­ir. Hann er pott­ur­inn og pannan í sókn­ar­leikn­um, þegar Ísland nær sér á strik í hon­um.

Engan afslátt má þó gefa í aðals­merki íslenska liðs­ins; sam­stilltum varn­ar­leik og vel útfærðum föstum leikatrið­um. Allir þurfa að standa saman sem einn mað­ur. Tæki­færið er fyrir framan okk­ur. Við gætum kom­ist í 16 liða úrslit á HM! Áfram Ísland.

Styrkir þú Kjarnann?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Kjarninn hefur verið til taks fyrir kröfuharða lesendur í sjö ár og býður almenningi upp á vandaða umfjöllun þar sem áhersla er á gæði og dýpt.  

Ef þú ert nú þegar styrkjandi leyfum við okkur að benda á að hægt er að óska eftir að hækka styrkinn með því að senda póst á takk@kjarninn.is


Já takk, ég vil styrkja Kjarnann!
Halyna Hutchins fæddist í Úkraínu, ólst upp á herstöð á norðurslóðum og nam kvikmyndatökustjórn í Los Angeles.
Halyna Hutchins – Mögnuð listakona sem var á hraðri uppleið
Hún var elskuleg, hlý, fyndin, heillandi á hraðri uppleið. Og dásamleg móðir. Með þessum hætti er kvikmyndatökustjórans Halyna Hutchins minnst. Hún varð fyrir skoti úr leikmunabyssu á tökustað kvikmyndarinnar Rust í gær.
Kjarninn 22. október 2021
Eggert Gunnþór Jónsson er hér til vinstri í leik gegn Hvíta-Rússlandi á Evrópumóti U-21 landsliða árið 2011.
Eggert Gunnþór segist saklaus
Knattspyrnumaðurinn Eggert Gunnþór Jónsson hafnar ásökunum um kynferðisbrot í Kaupmannahöfn árið 2010 og segist fullkomlega saklaus.
Kjarninn 22. október 2021
Ingrid Kuhlman
Munurinn á dánaraðstoð og sjálfsvígi er mikill
Kjarninn 22. október 2021
Sérfræðingar frá Syndis og Advania hafa tekið þátt í að skoða málið undanfarna daga.
Hætta á að tölvuþrjótar hafi komist yfir tölvupósta frá starfsmönnum HR
Rektor HR tilkynnti starfsfólki skólans það eftir hádegi í dag að möguleiki væri á því að tölvupóstar, jafnvel ár aftur í tímann, væru í höndum tölvuþrjóta. Ekki er þó ljóst hvort svo sé eða ekki, eða hvort afleiðingar af því verði einhverjar.
Kjarninn 22. október 2021
Ari Trausti Guðmundsson
Rafmagnað Grænland og Ísland?
Kjarninn 22. október 2021
Biður hagsmunasamtök að tjá sig ekki um verðhækkanir
Samkeppniseftirlitið brýnir fyrir forsvarsmönnum hagsmunasamtaka að taka ekki þátt í umfjöllunum um hækkandi vöruverð, þar sem samtökin eiga að fara gætilega þegar kemur að umræðu sem hefur áhrif á verðlagningu fyrirtækja.
Kjarninn 22. október 2021
Saga Japans
Saga Japans
Saga Japans – 44. þáttur: Drukkni sjóguninn
Kjarninn 22. október 2021
Samherji hf. er á lista yfir framúrskarandi fyrirtæki og raunar einnig Samherji Ísland ehf. og fleiri dótturfélög Samherja. Hins vegar er Samherji Holding ehf. ekki á lista, líklega þar sem félagið hefur ekki enn skilað ársreikningi fyrir árið 2019.
Bæði Samherji og Init ofarlega á listum yfir „framúrskarandi fyrirtæki“ ársins
Alls eru 878 fyrirtæki á lista CreditInfo yfir Framúrskarandi fyrirtæki árið 2021. Sum þeirra sem skipa efstu sætin á listum hafa verið til umfjöllunar undanfarin misseri fyrir hátterni sem erfitt er að tengja við það að skara fram úr.
Kjarninn 22. október 2021
Meira eftir höfundinnMagnús Halldórsson
Meira úr sama flokkiFréttaskýringar