Trump tilnefnir nýjan Hæstaréttardómara í nótt - Færist dómstóllinn lengra til hægri?

Donald Trump Bandaríkjaforseti tilkynnir tilnefningu sína til embættis Hæstaréttardómara í kvöld. Skipunin gæti breytt bandarísku samfélagi á ýmsa vegu þar sem fráfarandi dómari var oft úrslitaatkvæði í stórum málum og hneigðist bæði til hægri og vinstri.

Kennedy er næst lengst til vinstri í fremri röð.
Kennedy er næst lengst til vinstri í fremri röð.
Auglýsing

Don­ald Trump Banda­ríkja­for­seti hyggst til­kynna um til­nefn­ingu sína til emb­ættis Hæsta­rétt­ar­dóm­ara klukkan níu í kvöld á stað­ar­tíma, klukkan eitt í nótt á íslenskum tíma. Í dag tísti frá því dag seg­ist for­set­inn hafa heyrt lengi að mik­il­væg­asta ákvörðun sem banda­rískir for­setar geta tekið sé val á Hæsta­rétt­ar­dóm­ara.

Hæsta­rétt­ar­dóm­ar­inn Ant­hony M. Kenn­edy til­kynnti óvænt í lok júní að hann hyggð­ist segja af sér emb­ætti. Kenn­edy er fæddur árið 1936 og verður því 82 ára á þessu ári. Ron­ald Regan, þá for­seti Banda­ríkj­anna, skip­aði hann í emb­ættið árið 1988.

Kenn­edy sveifl­að­ist frá hægri til vinstri

Ákvörðun Kenn­edy gefur Trump tæki­færi til að gera rétt­inn, æðsta dóms­vald Banda­ríkj­anna, enn íhalds­sam­ara og hægri sinn­aðra. Atkvæði Kenn­edy hefur oft og tíðum verið það sem kall­ast „swing vote“ eða úrslita atkvæði milli þeirra dóm­ara sem hall­ast til hægri og vinstri, en Kenn­edy hefur í gegnum tíð­ina ýmist kosið með þeim íhalds­sam­ari eða þeim frjáls­lynd­ari.

Auglýsing

Í Hæsta­rétti Banda­ríkj­anna sitja níu dóm­ar­ar. Staðan hefur verið sú að þeir hægri sinn­uðu hafa verið fjórir og þeir frjáls­lyndu fjór­ir. Kenn­edy, hinn níundi, hefur almennt flokk­ast í íhalds­sam­ari armi rétt­ar­ins og kosið með þeim í þeim málum sem koma fyrir rétt­inn. Á því hafa þó verið veiga­miklar und­an­tekn­ingar og þar vega þyngst ákvarð­anir rétt­ar­ins þegar hjóna­bönd sam­kyn­hneigðra voru leyfð og þegar komið var í veg fyrir ákveðnar tak­mark­anir á fóst­ur­eyð­ing­um. Að auki tak­mark­aði Kenn­edy bæna­hald í skólum og afnam dauða­refs­ingar fyrir unga afbrota­menn.

Kenn­edy hefur þó einnig verið mjög íhalds­samur og hægri sinn­aður í öðrum þunga­vigt­ar­nið­ur­stöðum rétt­ar­ins á emb­ætt­is­tíð sinni. Má þar sem dæmi nefna dóm frá árinu 2010, hinn svo­kall­aða Cit­izen United-­dóm, þar sem fyr­ir­tækjum var veitt svo­kallað tján­ing­ar­frelsi, það er að segja til að frelsi til að leggja fram ótak­mörkuð fjár­fram­lög til halda ákveðnum fram­bjóð­endum eða flokk­um. Hann hefur einnig varið rétt Banda­ríkja­manna til að bera vopn og studdi ógild­ingu á Obamacare að hluta.

Kenn­edy var á sínum tíma ekki fyrsta val Reg­an. Hann hafði gert tvær til­raunir með aðra dóm­ara sem hann kom ekki í gegnum þing­ið. Kenn­edy var því þriðja val Regan, var sagður vera mik­ill íhalds­maður en úr varð að í ákveðnum málum olli hann mestu íhalds­mönn­unum von­brigð­um.

Hverjir koma til greina?

Trump skip­aði í fyrra Neil Gorsuch í emb­ætti Hæsta­rétt­ar­dóm­ara í stað Ant­onin Scalia sem lést árið 2016. Þar fór ein­fald­lega inn íhalds­maður fyrir íhalds­mann.

Margir miðlar vestra spá því að dóm­ar­inn Thomas M. Hardi­man sé ofar­lega á lista Trump. Hann mun hafa verið næsta val hjá for­set­anum í fyrra og mun njóta hylli for­set­ans. Hardi­man var sá fyrsti í fjöl­skyldu sinni til að ljúka háskól­ar­prófi og greiddi fyrir námið með því að keyra leigu­bíl. Ráð­gjafar Trump eru sam­kvæmt umfjöllun New York Times um málið afar hrifnir af þess­ari sögu Hardi­man. Hann mun einnig vera dyggur stuðn­ings­maður for­set­ans auk þess sem hann hefur unnið með systur hans.

Aðrir á lista Trump, sem mun inni­halda fjóra dóm­ara sem helst koma til greina sam­kvæmt amer­ískum miðl­um, eru íhalds­mað­ur­inn Amy Coney Barrett og Brett M. Kavan­augh sem var starfs­maður hjá George W. Bush og að end­ingu Raymond M. Ket­hled­ge, sem þó þykir ólík­leg­ur.

Gæti orðið mikil stefnu­breyt­ing

Hags­mun­að­il­ar, eins og til að mynda tals­menn byssu­eig­enda og harð­ari stefnu í inn­flytj­enda­málum og fóst­ur­eyð­ing­um, eru nú þegar farnir að setja pressu á for­set­ann.

Ljóst þykir að hver sá sem verður fyrir val­inu verði ekki eins frjáls­lyndur í ákveðnum mál­efnum og Ant­hony Kenn­edy. Trump er sagður ekki ætla að gera sömu „mi­s­tök“ og Regan með því að setja dóm­ara í emb­ætti sem gæti komið á óvart í ein­hverjum mál­um.

Það er því ekki ólík­legt að þessi æðsti og for­dæm­is­gef­andi dóm­stóll Banda­ríkj­anna muni draga landið í nokkuð aðrar áttir en verið hefur á næstu árum.

Segir rannsókn á afskiptum Rússa á kosningunum mistök
Donald Trump Bandaríkjaforseti og Vladimír Pútín Rússlandsforseti ræddu erfið samskipti ríkjanna á einkafundi í Helsinki í dag. Trump segir að rannsókn Bandaríkjamanna á meintum afskiptum Rússa af forsetakosningunum vera mistök.
Kjarninn 16. júlí 2018
Kolbrún Baldursdóttir
Kominn tími til að hugsa út fyrir boxið og byrja að framkvæma
Kjarninn 16. júlí 2018
Deila um uppbyggingu við Elliðaárdal - Er dalurinn friðaður eða ekki?
Minnihluti borgarstjórnar leggst gegn breytingu á deiliskipulagi við Elliðaárdal vegna uppbyggingar í Vogabyggð og Stekkjarbakka. Borgarfulltrúi Sjálfstæðisflokksins segir um freistnivanda að ræða vegna húsnæðisskorts. Vernda þurfi græn svæði í borginni.
Kjarninn 16. júlí 2018
Skúli Mogensen, forstjóri og eigandi WOW air
Segja spurningum enn ósvarað um WOW og Icelandair
Afkomutilkynningar Icelandair og WOW air vekja upp fjölmargar spurningar, samkvæmt nýrri frétt á vef Túrista.
Kjarninn 16. júlí 2018
Donald Trump Bandaríkjaforseti og Vladimir Pútín Rússlandsforseti
Trump og Pútín hittast loksins í Helsinki
Yfir stendur fyrsti leiðtogafundur Donalds Trump og Vladimir Pútín í Helsinki. Þrátt fyrir vilja beggja leiðtoga um að vilja bæta samskipti sín á milli er búist við erfiðum fundi þar sem mikið hefur gengið á í samskiptum ríkjanna á undanförnum misserum.
Kjarninn 16. júlí 2018
Gunnar Hólmsteinn Ársælsson
Glansfundur í Helsinki?
Kjarninn 16. júlí 2018
Ríkisstjórnin fundar á Snæfellsnesi vegna byggðarmála
Ríkisstjórnarfundur verður haldinn að Langaholti í Snæfellsbæ í dag. Þingfundir verða haldnir á morgun og hinn vegna fullveldisafmælisins.
Kjarninn 16. júlí 2018
Hermundur Sigmundsson
Eldri borgarar - höldum okkur virkum
Kjarninn 15. júlí 2018
Meira eftir höfundinnFanney Birna Jónsdóttir
Meira úr sama flokkiFréttaskýringar