Buffett heldur áfram að einblína á innviði

h_51879025-1.jpg
Auglýsing

Fjá­fest­inga­fé­lagið Berks­hire Hat­haway, sem War­ren Buf­fett stýrir enn sem stjórn­ar­for­maður og for­stjóri, er við það að kaupa Precisi­on Cast­parts (PC) fyr­ir um það bil 37,2 millj­arða ­Banda­ríkja­dala, sem jafn­­­gild­ir um 4.800 millj­örðum króna.



Fyr­ir­tækið er risi á heims­vísu í fram­leiðslu á ýmsum bún­aði sem snýr að olíu-, gas- og flug­iðn­aði, þar á meðal er fram­leiðsla á pípum sem not­aðar eru til olíu­flutn­inga.

Stærstu kaupin í sög­unni

Þessi kaup verða þau stærstu í sögu Berks­hire Hat­haway en upp­hæðin sem greidd er fyrir félagið jafn­gildir meira en tvö­faldri árlegri lands­fram­leiðslu Íslands. Á und­an­förnum tveimur mán­uður hefur mark­aðsvirði PC lækkað um 19,7 pró­sent. Lækk­unin er meðal ann­ars rakin til erf­iðra mark­aðs­að­stæðna á olíu­mörk­uðum en heims­mark­aðs­verð á olíu hefur lækkað um tæp­lega 60 pró­sent á innan við ári, með til­heyr­andi hlið­ar­verk­unum á ýmsan iðnað sem á allt sitt undir olíu­vinnslu og olíu­sölu. Í þessum aðstæðum sér Buf­fett tæki­færi og lætur til skarar skríða í kjöl­far skarprar lækk­unar á mark­aðsvirð­inu.

Auglýsing

Hvað býr að baki?



En hvað eru for­svars­menn Berks­hire að hugsa, með Buf­fett í broddi fylk­ing­ar, þegar kemur að þessum kaupum og raunar fleirum þar sem fjár­fest er í innviðum sam­fé­laga? Sam­kvæmt frá­sögn Wall Street Journal horfir Buf­fett til þess að fjár­fest­ingar í traustum innvið­um, sem hafa langan líf­tíma, sem trausta fjár­fest­ingu fyrir stóran hluta þeirra lang­tíma­fjár­festa sem eru hlut­hafar í Berks­hire. Þó Buf­fett stjórni því sem hann vill hjá félag­inu, sem hann fjár­festi fyrst í árið 1962, sjö árum eftir stofnun þess, þá verður fjár­fest­inga­stefna félags­ins að taka mið af þörfum hlut­haf­anna.

Eftir hrunið á fjár­mála­mörk­uðum frá 2007 til 2009 og fall á fast­eigna­mark­aði hefur Buf­fett horft í meira mæli til fjár­fest­inga sem telj­ast til inn­viða. Næst­stærsta fjár­fest­ingin í sögu félags­ins voru kaup á lestar- og lestar­teina­frama­leið­and­an­um Burlington Northern fyrir 26 millj­arða Banda­ríkja­dala árið 2009. Hugs­unin að baki þeirri fjár­fest­ingu var svipuð og nú, sam­kvæmt frá­sögnum fjöl­miðla: kaupa traustar lang­tíma­eign­ir, sem hafa traustan rekstur og mögu­leika til þess að auka mark­aðsvirði á grunni hans.

Sterk vöru­merki



En þrátt fyrir að lang­tíma­sýnin hafi verið á inn­viða­fjár­fest­ingar þá hefur Berks­hire einnig horft til þess að eiga eign­ar­hluti í þekktum alþjóð­legum fyr­ir­tækjum sem hafa sterk vöru­merki, sem geta staðið af sér skamm­tíma storma á mörk­uð­um. Þannig á félagið stóra eign­ar­hluti í Coca Cola, IBM, Wells Far­go, Heinz og Amer­ican Express, svo eitt­hvað sé nefnt.

Í fullu fjöri á níræð­is­aldri



Buf­fett, oft nefndur spá­mað­ur­inn frá Oma­ha, er fæddur í Nebr­aska þar sem höf­uð­stöðvar Berks­hire Hat­haway eru. Hann er 84 ára gam­all en slær hvergi af þegar kemur að ákvörð­unum um fjár­fest­inga­stefnu og lyk­il­fjár­fest­ing­ar. Hann hefur minnkað dag­lega vinnu­skyldu sína tölu­vert en leggur þeim mun meira upp úr því að fylgj­ast vel með og hafa yfir­sýn á mörk­uðum og í rekstri Berks­hire. Heild­ar­eignir Buf­fetts eru metnar á 66,7 millj­arða Banda­ríkja­dala, eða sem nemur 8.870 millj­örðum króna, sem gerir hann að einum af fimm rík­ustu ein­stak­lingum heims. Hann hyggst ráð­stafa þeim að stærstum hluta í þágu góð­gerð­ar­mála, en stærstur hluti eigna hans er þó bund­inn í hlutafé Berks­hire Hat­haway.

Efna­hags­reikn­ingur þess félags er risa­vax­inn, en heild­ar­tekjur félags­ins námu tæp­lega 200 millj­örðum Banda­ríkja­dala í fyrra eða sem nemur tæp­lega 27 þús­und millj­örðum króna. Í ljósi stærðar félags­ins þarf það reglu­lega að fjár­festa til að koma pen­ingum sínum í arð­sama ávöxt­un, og þar mun Buf­fett vafa­lítið halda áfram að láta til sín taka.

Fasteignaverð hækkað lítið eitt á undanförnu ári
Fasteignamarkurðinn hefur kólnað umtalsvert, undanfarin misseri.
Kjarninn 17. september 2019
Fjögur samtök hlutu viðurkenningu Íslandsdeidlar Amnesty.
Skipuleggjendur loftslagsverkfallanna hlutu viðurkenningu Amnesty
Fjögur samtök hlutu viðurkenningu Íslandsdeildar Amnesty International fyrir forystu hérlendis í baráttunni gegn loftslagsbreytingum. Allsherjarverkfallsvika fyrir loftslagið hefst núna á föstudaginn.
Kjarninn 17. september 2019
Skeljungur kaupir Basko á 30 milljónir og yfirtöku skulda
Basko, fyrirtæki sem var áður stýrt af nýráðnum forstjóra Skeljungs, hefur verið selt til Skeljungs. Hlutur í Eldum Rétt verður undanskilin kaupunum.
Kjarninn 17. september 2019
Telja Jónas Jóhannsson lögmann og fyrrverandi héraðsdómara hæfastan
Dómnefnd um hæfni umsækjenda um embætti dómara hefur skilað umsögn sinni um umsækjendur um embætti dómara sem mun hafa starfsstöð við Héraðsdóm Reykjaness en sinna störfum við alla héraðsdómstóla.
Kjarninn 17. september 2019
Þórarinn Hjaltason
Áhrif Borgarlínu og breyttra ferðavenja á bílaumferð
Kjarninn 17. september 2019
Katrín Jakosbsdóttir, forsætsiráðherra.
Katrín: Kynjamisrétti er eitt stærsta og þrálátasta böl okkar tíma
Alþjóðleg #Metoo ráðstefna hefst í Hörpu í dag og hafa yfir 800 manns skráð sig á hana. Forsætisráðherra telur að löggjöf og forvarnarstarf sé ekki nóg heldur þurfi róttækar, menningarlegar breytingar.
Kjarninn 17. september 2019
Efling vísar kjaradeilu við Reykjavíkurborg til ríkissáttasemjara
Efling hefur vísað kjaradeilu félagsins við Reykjavíkurborg til ríkissáttasemjara. „Okkur þykir miður að hafa ekki skynjað raunverulegan samningsvilja frá borginni í þessum viðræðum,“ segir formaður Eflingar.
Kjarninn 17. september 2019
Kvikan
Kvikan
Farsi í lögreglunni, doði í stjórnmálunum og meint glimrandi góð lífskjör
Kjarninn 17. september 2019
Meira eftir höfundinnMagnús Halldórsson
Meira úr sama flokkiFréttaskýringar
None