ESB segir bless við hrúgur af hleðslusnúrum

Haustið 2024 verður skylda að hlaða helstu raftæki innan ESB-ríkjanna með eins snúru. Með reglugerðinni vill sambandið auka sjálfbærni, minnka rafrænan úrgang og auðvelda íbúum ESB-ríkjanna lífið. Sameiginlega hleðslusnúran gæti reynst Apple mikið högg.

USB-C hleðslusnúra. Eina hleðslusnúran sem íbúar aðildarríkja ESB geta notað til að hlaða snjalltækin sín og smærri raftæki frá og með haustinu 2024.
USB-C hleðslusnúra. Eina hleðslusnúran sem íbúar aðildarríkja ESB geta notað til að hlaða snjalltækin sín og smærri raftæki frá og með haustinu 2024.
Auglýsing

Evr­ópu­þingið og aðild­ar­ríki Evr­ópu­sam­bands­ins (ESB) komust í vik­unni að sam­komu­lagi um inn­leið­ingu reglu­gerðar sem skyldar fram­leið­endur síma, spjald­tölva og mynda­véla að nota sams konar hleðslu­snúr­ur. Reglu­gerðin nær yfir tæki sem seld eru í aðild­ar­ríkjum ESB og tekur gildi í skrefum frá haustinu 2024.

Reglu­gerðin nær einnig til tölvu­leikja­fjar­stýr­inga, heyrn­ar­tóla, hand­frjáls bún­aðs, ferða­há­tal­ara, lest­ölva, lykla­borða og ölvumúsa, auk ann­arra smærri snjall­tækja. Áætlað er að inn­leið­ing sam­eig­in­legrar hleðslu­snúru muni spara neyt­endur um 250 millj­ónir evra árlega, eða sem nemur tæp­lega 35 millj­örðum króna.

Auglýsing

Til­gang­ur­inn er að auka sjálf­bærni vara innan ESB, minnka raf­rænan úrgang og auð­velda líf neyt­enda, að því er segir í til­kynn­ingu frá Evr­ópu­þing­inu.

Thi­erry Breton, fram­kvæmda­stjóri innri mark­aðar ESB, er him­in­lif­andi með að reglu­gerðin sé í höfn. „Af­sak­ið, rangt hleðslu­tæki.“ Breton bendir á í færslu á Twitter að þessi setn­ing heyri brátt sög­unni til og muni aðeins vekja upp slæmar minn­ing­ar.

USB-C snúran það sem koma skal

Sam­kvæmt reglu­gerð­inni verður skylda í lok árs 2024 að hlaða síma, spjald­tölvur og mynda­vélar með USB-C snúru. Snúrur af eldri gerð, svo sem micro-USB snúrur og Lightn­ing-snúrur frá Apple verða því ekki heim­il­aðar leng­ur. Þá verða allar far­tölvur að vera með eins hleðslu­snúrur árið 2026. Fram­kvæmda­stjórnin mun end­ur­meta reglu­gerð­ina reglu­lega og því geta fleiri tæki bæst í hóp­inn.

Reglu­gerðin tryggir einnig að neyt­endur þurfa ekki að kaupa nýja hleðslu­snúru við kaup á nýjum raf­tækj­um. Þannig megi fækka óþarfa hleðslu­snúrum sem engin not eru fyr­ir. Sam­kvæmt upp­lýs­ingum frá ESB eyddu neyt­endur innan sam­bands­ins um það bil 2,4 millj­örðum evra, and­virði um 334 millj­arða króna, í auka hleðslu­snúrur árið 2020. Með reglu­gerð­inni er von­ast til að koma í veg fyrir slík kaup og minnka raf­rænan úrgang. Árið 2020 var raf­rænn úrgangur í formi hleðslu­snúra í ríkjum Evr­ópu­sam­bands­ins alls ell­efu þús­und tonn.

Skiptar skoð­anir um áhrif reglu­gerð­ar­innar á nýsköpun

Fram­kvæmda­stjórn ESB hefur talað fyrir sam­eig­in­legri hleðslu­snúru fyrir raf­tæki í meira en ára­tug. Fram­kvæmda­stjórnin fagnar því reglu­gerð­inni en til­gangur hennar er meðal ann­ars að draga úr hversu mörg hleðslu­tæki og hleðslu­snúrur enda í rusl­inu. Í til­kynn­ingu fram­kvæmda­stjórn­ar­innar segir að með því að nýta mátt innri mark­að­ar­ins hafi tek­ist að koma þess­ari lang­þráðu reglu­gerð í fram­kvæmd. Reglu­gerð sem mun minnka kolefn­is­sporið og skapa tæki­færi til nýsköp­un­ar.

„Engar fleiri hrúgur af mis­mun­andi hleðslu­snúrum í skúff­unum okk­ar. Ein sam­eig­in­leg hleðslu­snúra bætir hag okkar sem neyt­enda og mun einnig koma sér vel fyrir umhverf­ið,“ segir Marg­ar­ethe Vest­a­ger, vara­fram­kvæmda­stjóri und­ir­nefndar fram­kvæmda­stjórn­ar­innar sem vinnur að því að gera Evr­ópu til­búna fyrir staf­rænu öld­ina (e. Europe fit for the Digi­tal Age).

Raf­tækja­fram­leið­endur eru flestir á öðru máli og það ætti ekki að koma á óvart að Apple hefur lýst yfir andúð á reglu­gerð­inni. Fyr­ir­tækið segir hana bitna á neyt­endum þar sem hún dragi úr tæki­færum til nýsköp­un­ar, þvert á það sem segir í til­kynn­ingu fram­kvæmda­stjórnar ESB.

Högg fyrir Apple

Reglu­gerðin mun reyn­ast mikil áskorun fyrir App­le, sem mun þurfa að aðlaga hleðslu­snúrur sínar að öðrum snjall­síma­fram­leið­endum sem hafa margir hverjir not­ast við USB-C snúr­ur, til að mynda Sam­sung. Nýjasta teg­und i-Pad og nokkrar gerðir Mac­Book far­tölva hafa USB-C tengi en helsta hleðslu­snúra App­le, svokölluð „Light­ing-snúra“, sem hleður i-Phone og þráð­laus heyrn­ar­tól App­le, verður ekki gjald­geng innan ESB-­ríkja haustið 2024.

Mark­aðs­hlut­deild Apple er gríð­ar­stór í Þýska­landi, stærsta hag­kerfi innan ESB, þar sem þrír vin­sæl­ustu snjall­sím­arnir eru iPho­ne. Þar á eftir kemur Sam­sung, sem hefur nú þegar USB-C tengi. Í Frakk­landi er staðan svipuð þar sem fjórar teg­undir iPhone verma fjögur efstu sæt­in, sam­kvæmt sam­an­tekt rann­sókn­ar­fyr­ir­tæk­is­ins Counter­point.

Síð­asta haust kynnti ESB áform sín um eina sam­eig­in­lega hleðslu­snúru og hefur tækniris­inn verið að und­ir­búa sig undir reglu­gerð líkt og þessa. Bloomberg-frétta­stofan greindi frá því í síð­ast mán­uði að Apple sé að gera til­raunir með USB-C hleðslu­snúrur fyrir iPho­ne.

Bret­land ætlar ekki að fylgja for­dæmi ESB

Gagn­rýnendur í tækni­geir­anum hafa í áraraðir lýst óánægju sinni yfir sér­visku þegar kemur að hleðslu­snúrum á meðan önnur tækni­fyr­ir­tæki virð­ast hafa tekið USB-C snúr­una í sátt. Á sama tíma hefur Apple fjölgað snúrum sem þó eiga aðeins við tæki frá fyr­ir­tæk­inu. Það virð­ist nú vera að líða undir lok, að minnsta kosti í stórum hluta Evr­ópu.

Bret­ar, sem sögðu skilið við Evr­ópu­sam­bandið fyrir rúmum tveimur árum eftir nærri fjög­urra ára samn­inga­við­ræður við sam­bandið um útgöng­una, ætla ekki að fara að for­dæmi ESB og inn­leiða sam­eig­in­lega hleðslu­snúru. Reglu­gerðin mun hins vegar ná til Norð­ur­-Ír­lands.

Skiptir Kjarninn þig máli?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Við erum til staðar fyrir lesendur og fjöllum um það sem skiptir máli.

Ef Kjarninn skiptir þig máli þá máttu endilega vera með okkur í liði.

Já takk, ég vil styrkja Kjarnann!
Katrín Jakobsdóttir, formaður Vinstri grænna og forsætisráðherra.
Fylgi Vinstri grænna hefur aldrei mælst minna í könnun Gallup – 7,2 prósent styðja flokkinn
Píratar hafa næstum því tvöfaldað fylgi sitt frá síðustu kosningum og Samfylkingin hefur aukið sitt fylgi um tæplega 40 prósent. Sjálfstæðisflokkur mælist undir kjörfylgi en Framsókn siglir lygnan sjó.
Kjarninn 2. júlí 2022
Það sem er sérstakt við spjöld þessi er að í stað þess að á þeim séu myndir og upplýsingar um landsliðsmenn í knattspyrnu eru þar að finna sögur verkafólks sem látist hafa við undirbúning mótsins.
Gefa út „fótboltaspil“ með verkafólki sem látist hefur við undirbúninginn í Katar
Þúsunda farandsverkamanna er minnst í átaki sænsku rannsóknarblaðamannasamtakanna Blankspot til að vekja athygli á mannlega kostnaðnum við Heimsmeistaramótið sem hefst í nóvember.
Kjarninn 2. júlí 2022
Alls fóru 0,0002% af fjármagni í COVID-viðbragðsáætlunum í að uppræta kynbundið ofbeldi
Ríki sem eiga sterka femíníska hreyfingu hafa verið talsvert líklegri til að taka tillit til kynjasjónamiða í COVID-19 áætlunum sínum en þau ríki þar sem engin eða veik femínísk hreyfing er við lýði, samkvæmt nýrri skýrslu.
Kjarninn 2. júlí 2022
Heimili eru talin ábyrg fyrir tonnum á tonn ofan af matvælum sem fara í ruslið.
Svona spornar þú við sóun í sumarfríinu
Það vill enginn koma heim í ýldulykt eftir gott frí. Þá vilja eflaust flestir ekki umturnast í umhverfissóða á ferðalaginu. Hér eru nokkur ráð til njóta sumarleyfisins langþráða án þess að koma heim í fýlu.
Kjarninn 2. júlí 2022
Þórður Snær Júlíusson
Partíið er búið
Kjarninn 2. júlí 2022
Alls 16 prósent ungra kjósenda fylgdist ekkert með pólitískum fréttum í kosningabaráttunni
Það færist í aukana að fólk fái fréttir af íslenskum stjórnmálum í gegnum netið og sérstaklega samfélagsmiðla. Fleiri 18 til 25 ára kjósendur notuðu samfélagsmiðla til að nálgast upplýsingar um síðustu kosningar en sjónvarpsfréttir.
Kjarninn 2. júlí 2022
Þorbjörg Sigríður spurði Bjarna Benediktsson um grænar fjárfestingar ríkisins.
Um 2 prósent af fjárfestingum ríkisins teljast „grænar“
Miðað við þrönga skilgreiningu námu grænar fjárfestingar um 2 prósentum af heildarfjárfestingum ríkisins í fyrra. Ef notast er við víðari skilgreiningu og t.d. framlög til nýs Landspítala tekin með, er hlutfallið 20 prósent.
Kjarninn 1. júlí 2022
Bjarni Beneditsson fjármála- og efnahagsráðherra.
„Gjör rétt – ávallt“
Fjármála- og efnahagsráðherra segir að laun dómara eins og annarra æðstu embættismanna séu ekki lækka. Um sé að ræða leiðréttingu. Hann segir að það sé ekkert minna en siðferðisbrestur að skila því ekki sem ofgreitt var úr opinberum sjóðum.
Kjarninn 1. júlí 2022
Meira eftir höfundinnErla María Markúsdóttir
Meira úr sama flokkiErlent