Finnar sjá fram á flóknar stjórnarmyndunar- viðræður

h_51896228-1.jpg
Auglýsing

Mið­flokk­ur­inn er sig­ur­veg­ari finnsku þing­kosn­ing­anna sem fóru fram í gær með rúmt 21 pró­sent atkvæða og 49 af 200 þing­sæt­um. Flokk­ur­inn bætir við sig miklu fylgi frá því í kosn­ing­unum 2011 og mun fá stjórn­ar­mynd­urn­ar­um­boð frá for­set­anum sem stærsti flokkur lands­ins. Á hæla Mið­flokks­ins fylgja svo þrír flokkar í hnapp sem mun flækja stjórn­ar­mynd­un­ar­við­ræð­ur. Þjóð­ar­banda­lagið sem er mið-hægri flokkur tap­aði miklu fylgi frá síð­ustu kosn­ingum en fékk þó næst­flest atkvæði með 18,2 pró­sent og 37 þing­sæti. Ekki er víst að flokk­ur­inn sæk­ist eftir því að vera áfram í rík­is­stjórn þótt að leið­togi hans og for­sæt­is­ráð­herra, Alex­ander Stubb, hafi gefið það í skyn í kosn­inga­bar­átt­unni.

Sannir Finnar töp­uðu nokkru fylgi frá því í met­kosn­ing­unum fyrir fjórum árum en geta þó vel við unað með 17,6 pró­sent og 38 þing­sæti. Jafn­að­ar­menn hljóta að vera ósáttir við árang­ur­inn en þeir eru aðeins fjórði stærsti flokkur lands­ins með 16,5 pró­sent og 34 þing­sæti sem sögu­lega séð er afar slakur árang­ur. Fyrir kosn­ing­arnar höfðu margir spáð því að Mið­flokk­ur­inn mynd­aði stjórn með Sönnum Finnum og Jafn­að­ar­mönnum og hugs­an­lega taka inn fjórða flokk­inn til að styrkja stjórn­ina. Það flækir þó óneit­an­lega stöð­una að hinn popúlistíski flokkur Sannra Finna hafi náð betri árangri en Jafn­að­ar­menn. Spurn­ingin er hvaða kröfur þeir muni gera varð­andi inn­flytj­enda­stefnu og mál­efni Evr­ópu­sam­bands­ins en ljóst er að þeir munu þurfa að gefa margt eftir til þess að hægt sé að mynda starf­hæfa stjórn með þeim.

For­maður Mið­flokks­ins, Juha Sipilä, sagði á kosn­inga­vöku finnska sjón­varps­ins að hann myndi strax hefja við­ræður við hina flokk­ana en hann hefði í raun engar fyr­ir­fram­gefnar hug­myndir um það með hverjum hann vildi starfa. Mikið yllti á sam­vinnu og trún­aði milli flokk­anna en tölu­vert skorti á þessa þætti hjá flokk­unum sem mynd­uðu síð­ustu rík­is­stjórn. Sipilä sagði jafn­framt að mál­efnin ættu fremur að ráða því hvað flokkar mynd­uðu stjórn en stærð þeirra í kosn­ing­um.

Auglýsing

Juha Sipilä formaður Miðflokksins ræðir við fréttamenn eftir finnsku þingkosningarnar. Mynd: EPA Juha Sipilä for­maður Mið­flokks­ins ræðir við frétta­menn eftir finnsku þing­kosn­ing­arn­ar. Mynd: EPA

Önnur úrslit sjá sænskumælandi Finnum



Úr­slitin í þeim hluta lands­ins þar sem sænsku­mæl­andi Finnar eru í meiri­hluta voru tals­vert öðru­vísi en þegar landið allt er skoð­að. Þar er Þjóð­ar­banda­lagið stærsti flokk­ur­inn, Jafn­að­ar­menn í öðru sæti og þar á eftir kemur hinn frjáls­lyndi Sænski þjóð­ar­flokk­ur. Sannir Finnar eru í fjórða sæti með 13,7 pró­sent, litlu meira en Græn­ingjar, en Mið­flokk­ur­inn er aðeins í sjötta sæti með 8,5 pró­sent. Hér munar miklu um höf­uð­borg­ina Helsinki en þar hefur Þjóð­ar­banda­lagið mjög sterka stöðu.

Áhuga­vert verður að sjá hvort að hinn Sænski Þjóð­ar­flokkur getur hugsað sér að vera í stjórn með Sönnum Finn­um. Á meðan þeir fyrr­nefndu vilja vernda sér­stöðu hins sænsku­mæl­andi minni­hluta og efla tengsl við Norð­ur­lönd­in, vilja Sannir Finnar meðal ann­ars að sænska verði ekki lengur skyldu­fag í finnskum skól­um. Þá er afstaða flokk­anna tveggja til Evr­ópu­sam­bands­ins gjör­ó­lík.

Hvernig ætla Sannir Finnar að leysa vandamál vinnu­markaðar­ins?



Ef marka má yfir­lýs­ingar Sannra Finna mætti leysa flest vanda­mál Finn­lands með því að draga úr fjölda inn­flytj­enda. Þeir skil­greina finnska menn­ingu afar þröngt og því er ekki aðeins hug­takið fjöl­menn­ing­ar­sam­fé­lag eitur í þeirra beinum heldur hafa þeir gagn­rýnt fjár­fram­lög til ýmissa list­greina. Jafn­framt vilja þeir draga úr fjölda inn­flytj­enda og tak­marka mögu­leika þeirra á vinnu­mark­aði. Þessi stefna fer hins vegar illa saman við þá stað­reynd að finnska þjóðin eld­ist hratt og því eru í raun aðeins tveir mögu­leika í stöð­unni. Annað hvort þarf að fjölga inn­flytj­endum til þess að halda vinnu­mark­að­inum uppi, eða gjör­breyta kerf­inu þannig að fólk vinni lengur og þyggi því ekki líf­eyri fyrr en mun síðar en það gerir í dag.

Það er ekki aðeins stefnu­skrá Sannra Finna sem gæti fælt aðra flokka frá sam­starfi við þá heldur er þing­manna­hóp­ur­inn nokkuð óút­reikn­an­leg­ur. Mið­flokk­ur­inn mun því tryggja að hann hafi alltaf tryggan meiri­hluta til þess að ekki þurfi að grípa til katta­smöl­unar í hvert sinn sem greiða á atkvæði í þing­inu.

Næstu dagar snúast um efna­hagsmálin



Þrátt fyrir að efna­hags­málin séu lang­mik­il­væg­asti þáttur kom­andi stjórn­ar­mynd­un­ar­við­ræðna er erfitt að ráða í áherslur flokk­anna eftir kosn­inga­bar­átt­una. Þeir forð­uð­ust að ræða smá­at­riði eða segja nákvæm­lega hvaða breyt­ingar þeir muni ráð­ast í til að stoppa fjár­lagagatið og stöðva skulda­söfn­un. Hugs­an­lega má finna ein­hverja vís­bend­ingu um fram­haldið í orðum verð­andi for­sæt­is­ráð­herra á kosn­inga­vöku flokks­ins í gær. Þar hvatti Juha Sipilä alla Finna til að setja hags­muni lands­ins framar eigin hags­mun­um, en útskýrði þó ekki nánar hvað hann átti við. Fáum dylst þó að hér er verð­andi for­sæt­is­ráð­herra Finna að segja að framundan séu mögur ár með til­heyr­andi vanda­málum og mögu­legum ill­deil­um.

Ert þú í Kjarnasamfélaginu?

Kjarninn er opinn vefur en líflínan okkar eru frjáls framlög frá lesendum, Kjarnasamfélagið. Sú stoð undir reksturinn er okkur afar mikilvæg.

Með því að skrá þig í Kjarnasamfélagið gerir þú okkur kleift að halda áfram að vinna í þágu almennings og birta vandaðar fréttaskýringar, djúpar greiningar á efnahagsmálum og annað fréttatengt gæðaefni. 

Kjarninn hefur verið til taks fyrir kröfuharða lesendur undanfarin sjö ár og við ætlum okkur að standa vaktina áfram. 

Fyrir þá sem nú þegar eru stoltir styrkjendur Kjarnans þá leyfum við okkur að benda á að hægt er að óska eftir að hækka mánaðarlega framlagið með því að senda póst á takk@kjarninn.is


Já takk, ég vil styrkja Kjarnann!
Lífeyrissjóður verzlunarmanna hefur aðsetur í Húsi verslunarinnar
Tæp tíu prósent útistandandi sjóðfélagalána LIVE í greiðsluhléi
Sjóðfélagalán í greiðsluhléi nema samtals um ellefu milljörðum króna. Til samanburðar námu útistandandi sjóðfélagalán Lífeyrissjóðs verzlunarmanna við lok árs 2019 rúmum 120 milljörðum. Ávöxtun sjóðsins á fyrstu fjórum mánuðum ársins áætluð 3,5 prósent.
Kjarninn 3. júní 2020
Tæknivarpið
Tæknivarpið
Tæknivarpið – Twitter tekur á rugli og Síminn sektaður
Kjarninn 3. júní 2020
Ástþór Ólafsson
Árið 1970 og upp úr
Kjarninn 3. júní 2020
Bjarni Benediktsson formaður Sjálfstæðisflokksins.
Sjálfstæðisflokkurinn áfram nærri kjörfylgi í nýrri könnun Gallup
Afar litlar breytingar urðu á fylgi flokka á milli mánaða, samkvæmt nýjum þjóðarpúlsi Gallup. Sjálfstæðisflokkurinn er áfram nærri kjörfylgi sínu og stuðningur við ríkisstjórnina mælist tæp 60 prósent á meðal þeirra sem taka afstöðu.
Kjarninn 3. júní 2020
Sex sakborningar í málinu, þeirra á meðal Bernhard Esau og Sacky Shanghala fyrrverandi ráðherrar í ríkisstjórn Namibíu, verða í gæsluvarðhaldi til 28. ágúst.
Namibísk yfirvöld hafa óskað liðsinnis Interpol vegna Samherjamálsins
Sex menn sem hafa verið í haldi namibískra yfirvalda vegna rannsóknar á Samherjaskjölunum verða áfram í haldi til 28. ágúst. Rannsókn málsins hefur reynst flókin og haf namibísk yfirvöld beðið Interpol um aðstoð.
Kjarninn 3. júní 2020
Fólk hefur flykkst á markaði víðsvegar um Indland eftir að útgöngubanni var aflétt.
Smitum á Indlandi fjölgar ört
Stjórnvöld á Indlandi eru að hefjast handa við að aflétta umfangsmesta útgöngubanni sem sett var á í kjölfar kórónuveirufaraldursins. Sjúkrahús í Mumbai hafa vart undan við að sinna sýktum en fellibylurinn Nisarga herjar nú á nágrenni borgarinnar.
Kjarninn 3. júní 2020
Samtök ferðaþjónustunnar telja að um 250 þúsund ferðamenn gætu komið hingað til lands það sem eftir lifir árs.
Ferðamenn greiði kostnað af skimun
Með greiðslu ferðamanna fyrir sýnatöku má stuðla að því að þeir sem sækja landið heim séu efnameiri ferðamenn sem eyði meiru og dvelji lengur, segir í greinargerð fjármálaráðuneytisins um hagræn áhrif þess að aflétta ferðatakmörkunum til Íslands.
Kjarninn 3. júní 2020
Ekkert pláss fyrir íhald í stjórnmálum næstu árin
Alvarlegt ástand er nú komið upp í íslensku efnahagslífi. Mörg hundruð milljarða króna tap í ríkisrekstri er fyrirsjáanlegt, tugir þúsunda verða án atvinnu að öllu leyti eða hluta og þúsundir fyrirtækja standa frammi fyrir algjörri óvissu.
Kjarninn 3. júní 2020
Meira eftir höfundinnBaldvin Þór Bergsson
Meira úr sama flokkiFréttaskýringar
None