Súkkulaði, klósettpappír, kjúklingur og beikon

Hvað á til bragðs að taka ef ekki er vinnufriður fyrir lögreglu og dómstólum í Danmörku? Svarið vafðist ekki fyrir körlunum í Levakovic fjölskyldunni, þeir fluttu sig yfir sundið, til Svíþjóðar.

Gimi Levakovic og fjölskylda hans hafa ítrekað verið til umfjöllunar í dönskum fjölmiðlum.
Gimi Levakovic og fjölskylda hans hafa ítrekað verið til umfjöllunar í dönskum fjölmiðlum.
Auglýsing

Levakovic fjöl­skyldan er án efa ein þekktasta fjöl­skylda á sínu sér­sviði í Dan­mörku. Sér­sviðin eru reyndar fleiri en eitt: rán, inn­brot, ofbeldi og sér­stök færni í að lifa á dönsku bóta- og fram­færslu­kerfi.

Í dönskum fjöl­miðlum hefur á und­an­förnum árum margoft verið fjallað um þessa fjöl­skyldu, sem seg­ist vera sígaunar og fussar og sveiar ef ein­hver segir þau róma­fólk.

Auglýsing

Hér í Kjarn­anum hafa birst all­nokkrir pistlar um þessa fjöl­skyldu sem fyrst kom til Dan­merkur í byrjun átt­unda ára­tugar síð­ustu ald­ar. Frá Króa­tíu, sem þá var hluti Júgóslavíu og var með júgóslav­nesk vega­bréf. Fjöl­skyld­an, hjón með sex börn, kom til Dan­merkur á gömlum Opel bíl, með hrör­legt hjól­hýsi. Síðar bætt­ust við fjögur börn.

Vel tekið

Fjöl­skyld­unni var vel tekið í Kaup­manna­höfn og henni kynnt allt sem til­heyrði flutn­ingi til lands­ins. Þótt þau Levakovic, sem sett­ust að á Ama­ger, hafi tekið vel eftir upp­lýs­ingum varð­andi nýju búset­una var það, í ljósi sög­unn­ar, einkum það sem laut að reglum varð­andi fram­færslu­líf­eyri og opin­bera aðstoð sem fjöl­skyldan kynnti sér í þaula.

Minni áherslu kannski á ráð varð­andi atvinnu­leit, en til þess að gera langa sögu stutta hefur eng­inn úr fjöl­skyld­unni, sem nú telur vel á fimmta tug, fundið vinnu við hæfi heldur lifað á opin­berum fram­færslu­líf­eyri. Sam­an­lagt nemur sú upp­hæð frá upp­hafi jafn­gildi um tveggja millj­arða íslenskra króna. En sökum þess að fjöl­skyldan hefur tamið sér lífs­stíl sem útheimtir meira fé en dönsk stjórn­völd telja að dugi til fram­færslu hafa þau Levakovic árum saman stundað óhefð­bundna tekju­öfl­un, rán og grip­deild­ir.

Kölluð ill­ræmdasta fjöl­skylda Dan­merkur

Þau Levakovic hafa í dönskum fjöl­miðlum iðu­lega verið kölluð ill­ræmdasta fjöl­skylda Dan­merk­ur. Afskipti lög­regl­unnar af sjálfs­bjarg­ar­við­leitni fjöl­skyld­unnar hafa iðu­lega leitt til þess að ein­stakir fjöl­skyldu­með­limir hafa orðið að dvelja að heiman um lengri eða skemmri tíma. Ætt­ar­höf­uð­ið, Gimi Levokovic, sem flutti barn­ungur með for­eldrum sínum til Dan­merk­ur, hefur sam­tals mátt dúsa í grjót­inu í 6 ár og bræður hans, og bræðra­synir hafa margoft setið inni, um lengri eða skemmri tíma.

Gimi Levokovic hefur verið óspar á að veita viðtöl í gegnum tíðina. Skjáskot: TV2

Allir karl­menn í fjöl­skyld­unni 18 ára og eldri, og að minnsta kosti tvær kon­ur, hafa kom­ist í kast við lög­in. Í tveimur sjón­varps­þáttum sem danska sjón­varps­stöðin TV2 gerði um Levakovic fjöl­skyld­una lagði Gimi mikla áherslu á gildi fjöl­skyld­unnar og sam­stöðu henn­ar. „Sígaunar eru frið­sam­ir,“ sagði hann en lét hjá líða að nefna að hann barði fyrr­ver­andi konu sína til óbóta og keyrði síð­ar, eftir að þau skildu, á hana og stórslas­aði.

Eitt mál ætt­ar­höfð­ingj­ans fyrir Hæsta­rétt

Und­ir­réttur í Dan­mörku (lægsta dóm­stig af þrem­ur) hefur margoft úrskurðað að ein­stak­lingum úr fjöl­skyld­unni skuli vísað úr landi. Lands­réttur hefur í lang­flestum til­vikum snúið þeim dómum við. Mál ætt­ar­höfð­ingj­ans Gimi fór fyrir Hæsta­rétt árið 2016. Þá hafði Lands­réttur snúið við dómi Und­ir­réttar sem hafði úrskurðað að Gimi skyldi vísað úr landi. Hæsti­réttur stað­festi dóm und­ir­réttar og ætt­ar­höfð­ing­inn fékk áfram að vera í Dan­mörku.

Auglýsing

Danskur laga­pró­fessor sagði í blaða­við­tali að Hæsti­réttur hefði ber­sýni­lega valið að fylgja stefnu sem Mann­rétt­inda­dóm­stóll­inn í Strass­borg hefði markað og nefndi sér­stak­lega að Gimi ætti ung börn og þótt hann væri ekki danskur rík­is­borg­ari (er með króat­ískt rík­is­fang) hafi hann nær alla ævi búið í Dan­mörku. Margir danskir stjórn­mála­menn lýstu undrun sinni og kröfð­ust þess að danska þing­ið, Fol­ket­in­get, setti lög um túlkun Mann­rétt­inda­sátt­mál­ans, aðrir töldu Hæsta­rétt túlka lag­ara­mmann alltof veikt, brott­vísun rúm­að­ist innan hans. Þess má geta að ætt­ar­höfð­ing­inn Gimi hefur sam­tals 27 sinnum hlotið dóm fyrir ýmis konar afbrot.

Sex úr fjöl­skyld­unni hefur nú verið vísað úr landi

Ekki hafa allir úr Levakovic fjöl­skyld­unni verið jafn heppnir og ætt­ar­höfð­ing­inn Gimi. Nú hefur sam­tals 6 úr fjöl­skyld­unni verið vísað úr landi. Fyrir hálfum mán­uði fengu fjórir úr fjöl­skyld­unni þunga dóma og tveir þeirra jafn­framt brott­vísun úr landi að afplánun lok­inni. Þeir mega ekki koma til Dan­merkur í 9 ár. Tveimur úr fjöl­skyld­unni hafði þegar verið vísað úr landi, til Króa­tíu.

Gimi Levokovic hefur samtals 27 sinnum hlotið dóm fyrir ýmis brot en hann er langt í frá sá eini úr fjölskyldunni sem hefur komist í kast við lögin.

Skiptu Króa­tíu út fyrir Sví­þjóð

Fyrir nokkrum dögum greindi danska dag­blaðið B.T. frá því að 4 úr Levakovic fjöl­skyld­unni hefðu ekki farið langt þótt danskir dóm­stólar hefðu vísað þeim úr landi, til Króa­tíu, þar sem þeir hafa rík­is­fang. Þeir hefðu ein­fald­lega flutt sig yfir Eyr­ar­sundið til Sví­þjóð­ar. Nánar til­tekið Skán­ar. Og þar hefðu þeir tekið upp fyrri iðju en ekki sloppið við arm lag­anna.

B.T. hafði fengið aðgang að rétt­ar­gögnum þar sem fram kemur að fjór­menn­ing­arnir hefðu allir hlotið dóma fyrir ýmis konar afbrot. Í smá­bænum Bil­les­holm, skammt fyrir austan Hels­ingja­borg höfðu tveir úr Levakovic fjöl­skyld­unni stolið 350 súkkulað­i­plötum (Mara­bou) og 16 rúllum af sal­ern­is­pappír úr verslun í bæn­um.

Levokovic menn í ránsferð í verslun í Svíþjóð.

Á eft­ir­lits­mynda­vél í versl­un­ini sást hvar annar þjóf­anna hélt starfs­manni uppi á snakki meðan hinn fór út með inn­kaupa­körf­una. Í smá­bænum Bjuv, skammt frá Bil­les­holm stálu þeir kjúkling­um, skinku og beikoni. Góssið seldu þeir á spott­prís á svarta mark­aðn­um. Á eft­ir­lits­mynda­vélum sást enn­fremur þar sem þeir óku burt frá versl­un­unum en þeir eru báðir án öku­rétt­inda.

B.T. komst einnig að því að Jura Levakovic hlaut í fyrra mun þyngri dóm í Bæj­ar­rétti í Mal­mö, fyrir hót­an­ir, þjófn­aði og svindl. Jura er sagður sá for­hert­asti í fjöl­skyld­unni. Í sjón­varps­þátt­unum sem TV2 í Dan­mörku gerði um fjöl­skyld­una fyrir sjö árum sagði hann setn­ingu sem danskir fjöl­miðlar hentu á lofti. „Í öllum fjöl­skyldum er einn svartur sauður en í okkar fjöl­skyldu eru bara svartir sauð­ir.“

Styrkir þú Kjarnann?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Kjarninn hefur verið til taks fyrir kröfuharða lesendur í sjö ár og býður almenningi upp á vandaða umfjöllun þar sem áhersla er á gæði og dýpt.  

Ef þú ert nú þegar styrkjandi leyfum við okkur að benda á að hægt er að óska eftir að hækka styrkinn með því að senda póst á takk@kjarninn.is


Já takk, ég vil styrkja Kjarnann!
Inga Sæland er hæstánægð með nýja vinnuaðstöðu Flokks fólksins og ljóst er á henni að það skemmir ekki fyrir að Miðflokkurinn neyðist til að kveðja vinnuaðstöðuna vegna mjög dvínandi þingstyrks.
Inga Sæland tekur yfir skrifstofur Miðflokksins og kallar það „karma“
„Hvað er karma, ef það er ekki þetta?“ segir Inga Sæland um flutninga þingflokks Flokks fólksins yfir í skrifstofuhúsnæði Alþingis þar sem níu manna þingflokkur Miðflokksins, sem í dag er einungis tveggja manna, var áður til húsa.
Kjarninn 3. desember 2021
Pawel Bartoszek
Samráðið er raunverulegt
Kjarninn 3. desember 2021
Ásmundur Einar Daðason mun taka við málinu gegn Hafdísi Helgu Ólafsdóttur af Lilju Alfreðsdóttur. Hér eru þau saman á kosningavöku Framsóknarflokksins í september.
Ásmundur Einar tekur við málarekstri Lilju gegn Hafdísi
Nýr mennta- og barnamálaráðherra Framsóknarflokksins hefur fengið í fangið mál sem varðar brot forvera hans í embætti og samflokkskonu gegn jafnréttislögum. Það bíður hans að taka ákvörðun um hvort málarekstri fyrir Landsrétti skuli haldið til streitu.
Kjarninn 3. desember 2021
Ísland kaupir 72 skammta af lyfi til að draga úr alvarlegum COVID-19 veikindum
Landspítalinn mun sjá um kaup á lyfinu Sotrovimab sem á að gagnast best þeim sem eru óbólusettir eða þeim sem mynda illa mótefni vegna lyfja eða sjúkdóma.
Kjarninn 3. desember 2021
Ásdís Halla Bragadóttir.
Ásdís Halla ráðin til að koma að mótun nýs ráðuneytis Áslaugar Örnu
Ásdís Halla Bragadóttir fyrrverandi bæjarstjóri í Garðabæ hefur verið ráðin sem verkefnastjóri við undirbúning nýs ráðuneytis vísinda, iðnaðar og nýsköpunar.
Kjarninn 3. desember 2021
„Þær þurfa að lifa við afleið­ingar þessa ofbeld­is“
Lögmaður tvegga sómalskra kvenna sem senda á úr landi segir að þær muni við end­ur­komu til Grikk­lands aftur lenda á göt­unni án við­un­andi hús­næðis og ber­skjald­aðar.
Kjarninn 3. desember 2021
Stúdentagarðar Háskóla Íslands á Sæmundargötu.
Fermetraverðið hæst á stúdentagörðunum
Ef tekið er tillit til stærðar íbúða eru dýrustu tegundir leiguíbúða hérlendis á stúdentagörðum, en fermetraverðið þar er 17 prósentum hærra en á almennum leigumarkaði.
Kjarninn 3. desember 2021
Inga Sæland er formaður Flokks fólksins, sem hefur dælt út þingmálum svo eftir er tekið á fyrstu dögum nýs þings.
Flokkur fólksins lætur sér ekki duga að dotta
Þrátt fyrir að það hafi vakið athygli á fyrsta þingfundi vetrarins að einn nýrra þingmanna Flokks fólksins dottaði í þingsal hafa þingmenn flokksins hreint ekki setið auðum höndum í upphafi nýs þings, heldur lagt fram mörg þingmál, alls 50 talsins.
Kjarninn 3. desember 2021
Meira eftir höfundinnBorgþór Arngrímsson
Meira úr sama flokkiFréttaskýringar