Varst þú að setja barna­mynd af þér á Face­book vegna þess að allir voru að gera það í til­efni barna­menn­ing­ar­há­tíð­ar? Hélstu að þátt­töku þinni í hátíð­inni væri þar með lokið og ekk­ert meira hægt að gera? Ef svo er þá hafðir þú rangt fyrir þér því einnig er hægt að taka þátt í hátíð­inni í raun­heimi.

Barna­menn­ing­ar­há­tíð er sam­vinnu­verk­efni á vegum menn­ing­ar- og ferða­mála­sviðs ásamt skóla- og frí­stunda­sviðs Reykja­vík­ur­borg­ar. Höf­uð­borg­ar­stofa heldur utan um við­burði hátíð­ar­innar sem fara fram víðs vegar á höf­uð­borg­ar­svæð­inu ekki bara á Face­book. 

Hátíðin hefur verið haldin árlega síðan 2010 hófst hún í ár þriðju­dag­inn 25.apríl og stendur yfir til og með sunnu­deg­inum 30.apr­íl. Hægt er að vera vitni af og taka þátt í fjöl­breyttum upp­á­komum sem fara fram skólum og frí­stunda­mið­stöðv­um. 

Einnig er dag­skrá í Ráð­húsi Reykja­vík­ur, Hörpu og lista- og menn­ing­ar­húsum borg­ar­inn­ar. Mark­mið hátíð­ar­innar er að efla menn­ing­ar­starf barna og ung­menna í borg­inni þar sem þátt­taka þeirra gegnir lyk­il­hlut­verki. 

Þátt­taka og áhorf í bland

Meðal ann­ars er í boði að fara í Grasa­garð Reykja­víkur þar sem 5. bekkur Laug­ar­nes­skóla stendur fyrir sýn­ing­unni Rann­sókn­ar­stofa: Hvað leyn­ist í nátt­úr­unni? Þar sem lögð er áhersla á virkt sam­spil þátt­tak­enda við umhverfi Grasa­garðs­ins og umræðum um hvernig hægt er að byggja sann­gjarnt sam­fé­lag og stuðla að sjálf­bærn­i. 

Einnig stendur Þjóð­laga­sveitin Þula og barna­hópur Þjóð­dansa­fé­lags Reykja­víkur stendur fyrir við­burði í Ráð­húsi Reykja­víkur þar sem gestum gefst tæki­færi á að taka þátt í söng og leik. Mark­mið upp­á­kom­unnar er að auka þekk­ingu barna á íslenskri þjóð­lagatón­list og þjóð­döns­um.

Fyrir utan þátt­töku­verk­efnin eru einnig fjöl­margar sýn­ing­ar. Í Ráð­húsi Reykja­víkur verður sýn­ingin Augun mín hafa svo margt að segja. Á sýn­ing­unni eru verk sem gerð hafa verið með augn­stýri­bún­aði. Bún­að­ur­inn er í eigu Kletta­skóla og er not­aður af þeim sem af ein­hverjum ástæðum geta ekki tjáð sig með orð­um. Í vetur hafa nem­endur unnið mynd­verk með bún­að­inum þar sem augn­hreyf­ingar nem­enda skapa lista­verk. 

Í Tjarn­ar­bíói verður brúðu­sýn­ing ætluð tveggja ára og eldri sem kall­ast Á eigin fót­um. Sýn­ingin fjallar um sex ára upp­á­tækja­sama stelpu sem býr í Reykja­vík milli­stríðs­ár­anna. Hún er send ein í afskekkta sveit sum­ar­langt. Þar þarf hún að takast á við fram­andi umhverfi sem er alger and­stæða þess sem hún þekki. Tón­list leik­verks­ins er frum­samin og verður flutt í lif­andi flutn­ingi með sýn­ing­unni. Eftir sýn­ing­una gefst áhorf­endum tæki­færi á að hitta leik­ar­ana ásamt því að skoða brúð­urnar og leik­mynd­ina.