Teikn­ingin Sal­vator Mundi eftir Leon­ardo da Vinci, sem sagt er vera af kristi, var í gær selt fyrir 450 millj­ónir Banda­ríkja­dala á upp­boði, eða sem nemur um 50 millj­örðum króna. Þetta er hæsta upp­hæð sem greidd hefur verið fyrir lista­verk á upp­boði í sög­unni.

Upp­boðið fór fram á vegum Christi­e's upp­boðs­húss­ins í New York og var kaup­and­inn ekki gef­inn upp, eftir að loka­boðið lá fyr­ir. 

Teikn­ing­inn er yfir 500 ára gömul en Leon­ardo da Vinci lést árið 1519. Talið er að innan við 20 teikn­ingar séu til eftir da Vinci og er Sal­vator Mundi talin ein sú þekktasta. 

Sér­fræð­ingar sembreska rík­is­út­varpið hefur rætt við efast um að teikn­ingin sé ekta. Engu að síður hélt Christi­e's því fram að myndin væri ekta og end­ur­heimt hennar ein merki­leg­asta fundur í lista­sögu 20. ald­ar­inn­ar. 

Rúss­neski millj­arða­mær­ing­ur­inn Dmi­try E. Rybolov­lev var sá sem seldi verk­ið, en hann er sagður hafa keypt verkið í maí 2013. 

Upp­hæðin sem fékkst fyrir teikn­ing­una er sú hæsta í sögu lista­ver­ka­upp­boða, en fyrra metið átt verk eftir Picasso. Það fór á 160 millj­ónir Banda­ríkja­dala, eða um 18 millj­arða króna.