Karolina Fund: Hlynur Ben gefur út II Úlfar

Tónlistarmaðurinn Hlynur Ben er nú í óða önn að klára sína þriðju breiðskífu og vonast hann til að geta gefið hana út á afmælisdaginn sinn, þann 30. ágúst næstkomandi.

hlynurben
Auglýsing

Hlynur Ben hefur komið víða við á ferli sínum sem tón­list­ar­maður og skemmti­kraft­ur, bæði einn síns liðs og með hljóm­sveitum eins og Mono, Gleði­sveit Ing­ólfs, Búálf­unum og Rufuz. Hann sigr­aði fyrst­u ­trú­badora­keppn­i F­M957, sem fór fram árið 2009, og hefur mest komið fram sem trú­bador und­an­farin ár. Eftir hann liggur fjöldin allur af tón­list sem er eins ólík og hljóm­sveit­irnar sem hann hefur verið í gegnum tíð­ina. Þó ber helst að nefna sóló­plöt­urn­ar Tell­ing ta­les (2008) og Leiðin heim (2014), en sú síðar nefnda sló heldur betur í gegn og hljóm­uðu lögin Hróp­um, Kaldur bæði og sár, Það er allt í lagi og Vakn­aðu mikið á öldum ljós­vakans.



Þriðja platan mun bera heit­ið I­I ­ÚLFAR og safnar Hlynur nú fyrir útgáf­unni á Karol­ina Fund þar sem hægt er að styrkja verk­efn­ið, kaupa plöt­una í for­sölu og næla sér í sér­staka við­hafnar­út­gáfu sem inni­heldur upp­tökur úr Akra­nes­vita, svo eitt­hvað sé nefnt.

Hvernig vakn­aði hug­myndin að plöt­unni?

„Eftir frá­bærar við­tökur á fyrstu tveimur plöt­unum mínum hef ég alltaf stefnt að því að gefa út meira sól­ó­efni. Ég glími við visst góð­ær­is­vanda­mál að því leit­inu til að ég á svo mikið af frum­sömdu efni og þá er erfitt að ákveða hvað á að gefa út fyrst.

Fyrir ári síðan var ég svo búinn að raða saman lögum sem passa frá­bær­lega saman og platan virkar sem ein heild, þó að hvert lag standi líka eitt og sér.

Auglýsing
Þá fór í gang skipu­lags­ferli og nú er verk­efnið komið á fullt skrið. 

Hægt er að fylgj­ast með plöt­unni verða til á Face­book síðu sem ég opn­aði fyrir verk­efn­ið. 

Það er ýmis­legt sem gengur á bak við tjöldin sem fólki þykir kannski fróð­legt og skemmti­legt að sjá. T.d. varð eins­konar auka­plata til þegar ég fór í Akra­nes­vita og kann­aði hljóm­burð­inn fyrir upp­tökur á söng og kassagít­ar. Ég tók upp fullt af lögum í kassagít­ar­út­gáfum sem enda svo á auka­disk er fylgir við­hafnar­út­gáf­unn­i.“

Þú segir að lögin á plöt­unni passi vel sam­an. Er eitt­hvað þema sem tengir þau?

„Já, í raun má alveg segja það. Án þess að það hafi verið ætl­unin þá fór ég að sjá rauðan þráð og sögu­línu í heild­ar­verk­inu þegar hlust­aði á prufu­upp­tök­urnar í þeirri röð sem lögin rað­ast niður á plöt­una.

Það þurfti bara aðeins að snurfusa hér og þar og þá var komin ein­hver miklu stærri heild­ar­mynd sem mig sjálfan óraði ekki fyr­ir. Hvort sem það var und­ir­með­vit­undin að verki eða bara ótrú­leg til­viljun þá er þetta skemmti­legt.

Það er þó ekki svo að sögu­þráð­ur­inn sé ­borð­leggj­and­i ­fyrir hvern sem hlust­ar. Ég elska texta­gerð og til að texti sé áhuga­verður fyrir mig þá verður hann að vera örlítið óræð­ur. Þannig að hver geti túlkað hann á sinn hátt. 

Af þeim lögum sem ég hef gefið út þykir mér alltaf vænst um þau sem snerta ólíkt fólk á ólík­a ­vegu, algjör­lega háð reynslu og ­upp­lif­un­um ­sem fólk hefur orðið fyrir í líf­inu. Þannig á góður texti að ver­a. 

Grunn­hug­myndin eru þó þessir tveir úlfar sem eru innra með okk­ur. Annar táknar það góða og hinn hið illa. Svo er það bara okkar að ákveða hvorn úlfinn við viljum fóðra því sá sterk­ari stjórnar háttum okkar og gjörðum í líf­in­u.“

Áætluð útgáfa er á afmæl­is­dag­inn þinn, var það löngu ákveð­ið?

„Nei alls ekki. Þegar ég fór að velta fyrir mér hvernig væri best að fjár­magna upp­tök­urnar og útgáf­una varð Karol­ina Fund hópsöfnun fyrir val­inu. Þetta er frá­bær leið til að sjá hvort ein­hver grund­völlur sé fyrir útgáfu sem þess­ari. Því ef næst ekki að safna þeim lág­marks­kostn­aði sem þarf til, þá fellur það bara um sjálft sig og allir fá end­ur­greitt.

En það gefur auga­leið að þú biður fólk ekk­ert að fjár­festa í eða styrkja eitt­hvað nema búið sé að kort­leggja ferlið og setja loka­dag­setn­ingu á verk­ið.

Þó að ég fái smá kjána­hroll þegar ég við­ur­kenni það, þá er stað­reyndin samt sú að ég vakn­aði einn morg­un­inn alveg sann­færður um að töl­urnar 7, 9 og 13 myndu leika stóran part í vel­gengni plöt­unn­ar. Það tók mig svo nokkra daga að átta mig á því að 7 stendur fyrir 37. afmæl­is­dag­inn minn, 9 er síð­asta talan í ártal­inu og ég var þegar búinn að ákveða að það yrðu 13 lög á plöt­unni.

Svo skemmir ekk­ert fyrir að 30. ágúst kemur niður á föstu­degi þetta árið, sem er full­kom­inn dagur fyrir útgáfu­tón­leika og almennan fögn­uð.“

Hér er hægt að skoða og styrkja verk­efn­ið.

Innlend netverslun blómstrar - Maí veltuhæsti mánuðurinn frá upphafi
Á netinu jókst velta raf- og heimilistækja um 156,8 prósent á milli ára á meðan veltan í búðum dróst saman um 14,2 prósent.
Kjarninn 20. júní 2019
Segir lagafrumvarp um makrílveiðar vera óttalega hrákasmíð
Jón Bjarnason, fyrrverandi sjávarútvegsráðherra, segir frumvarp Kristjáns Þórs Júlíussonar um makrílveiðar sem samþykkt var á Alþingi í gær ekki verja meginhagmuni þjóðarinnar hvað varðar stjórn­un, ráð­stöfun og nýt­ingu auð­lind­ar­inn­ar.
Kjarninn 20. júní 2019
Seðlabankafólk ræddi um Facebook gjaldmiðilinn
Seðlabankastjóri Bandaríkjanna, Jerome Powell, segir að rafmyntin sem Facebook ætlar að setja í loftið á næsta ári hafi komið til umræðu innan Seðlabanka Bandaríkjanna.
Kjarninn 19. júní 2019
Raunhækkun fasteigna lítil sem engin þessi misserin
Vorið 2017 mældist fasteignaverðshækkun 23,5 prósent.
Kjarninn 19. júní 2019
Þórhildur Sunna Ævarsdóttir, þingflokksformaður Pírata.
Heildarendurskoðun lögræðislaga samþykkt
Þingsályktunartilllaga þar sem mælst er til að heild­ar­end­ur­skoðun lög­ræð­islaga fari fram og að kosin verði til þess sér­nefnd þing­manna hefur verið samþykkt á Alþingi. Þingflokksformaður Pírata getur ekki beðið eftir því að hefjast handa.
Kjarninn 19. júní 2019
Höfuðstöðvar Lífeyrissjóðs verzlunarmanna eru í Húsi verslunarinnar.
Stjórn Lífeyrissjóðs verzlunarmanna segir vexti hafa verið orðna „óeðlilega“ lága
Stjórn Lífeyrissjóðs verzlunarmanna segist það ekki samræmast skyldu sinni að taka hagsmuni 3.700 lántaka með breytileg verðtryggð lán fram yfir hagsmuni allra sjóðsfélaga. Hún segir yfirlýsingar um einvörðungu hækkun vaxta byggja á veikum grunni.
Kjarninn 19. júní 2019
FME minnir á kröfur sem gerðar eru til lífeyrissjóða
VR hyggst gera breytingar á skipan stjórnar Lífeyrissjóðs verslunarmanna.
Kjarninn 19. júní 2019
Jafnréttisnefnd KÍ mótmælir málflutningi kennara
Jafnréttisnefnd Kennarasambands Íslands hefur sent frá sér ályktun þar sem málflutningi grunnskólakennara um falskar ásakanir nemenda um meint ofbeldi kennara er mótmælt.
Kjarninn 19. júní 2019
Meira úr sama flokkiFólk