Karolina Fund: 2052 - Svipmyndir úr framtíðinni

Bók um hvað Ísland getur orðið þegar það verður stórt.

Auglýsing
Hjörtur Smári

2052 – Svip­myndir úr fram­tíð­inni er bók með safni af smá­sögum sem allar eiga það sam­eig­in­legt að ger­ast á Íslandi árið 2052. Smá­sög­urnar koma úr ýmsum átt­um, en 25 mis­mun­andi höf­undar eiga sögur í bók­inni þar sem þeir koma með sitt sjón­ar­horn á hvernig Ísland geti þró­ast á næstu 30 árum. Sumar sög­urnar eru ansi myrkar og drunga­leg­ar, ekki af því að sú fram­tíð sé ósk höf­undar heldur frekar til að vera okkur víti til varn­aðar og minna okkur á hverjar afleið­ing­arnar geta orðið til lengri tíma af ákvörð­unum sem við tökum í dag. Aðrar sögur eru mun jákvæð­ari og hafa það hlut­verk að vera okkur inn­blástur og hvatn­ing til góðra verka. 

Auglýsing
Ritstjóri og útgef­andi bók­ar­innar er Hjörtur Smára­son en meðal höf­unda eru þing­menn og frum­kvöðl­ar, pró­fess­orar og nem­end­ur, leik­stjórar og lög­reglu­menn, svo eitt­hvað sé nefnt. Í sög­unum taka höf­und­arnir fyrir spurn­ingar um fram­tíð­ar­þróun hinna ýmsu sviða, eins og til dæmis ferða­þjón­ustu, búsetu, sjáv­ar­út­vegs, tungu­máls­ins og sam­fé­lags­miðla. Við sjáum spegl­ast í þessum sögum ógnir sem vofa yfir sam­fé­lag­inu eins og lofts­lags­breyt­ing­arn­ar, sam­hengi tækni­þró­unar og manns­lík­am­ans og áhrif inn­flytj­enda á sam­fé­lagið en einnig drauma höf­unda um hverju við getum áorkað þegar við tökum okkur saman og vinnum að metn­að­ar­fullum mark­mið­um.

Segðu okkur frá hug­mynd­inni að verk­efn­inu?

„Ég starfa sem ráð­gjafi fyrir borg­ar- og rík­is­stjórnir um hvernig laða eigi að fjár­magn, hæfi­leika­fólk og ferða­menn. Í því starfi eru sviðs­myndir fram­tíðar mik­il­vægur hluti af ferl­inu sem og skýr fram­tíð­ar­mark­mið fyrir þróun borg­ar­innar eða lands­ins. Mér hefur þótt hins vegar skorta á slíkri fram­tíð­ar­sýn fyrir Ísland eftir hrun og allt of mikil orka hafa farið í að ríf­ast um hverjum hlut­irnir eru að kenna, í stað þess að setj­ast nið­ur, læra af því sem miður fór og ákveða svo hvernig við getum gert bet­ur. Ég var síðan fengin til þess að skrifa sjálfur smá­sögur um fram­tíð­ina fyrir breskt útgáfu­fyr­ir­tæki og datt þá í hug að gaman gæti verið að safna saman íslenskum sögum fyrir íslenska fram­tíð.”

Hvert er mark­miðið með bók­inni?

„Það sem er mark­mið mitt með bók­inni er að skapa umræðu­grund­völl fyrir fram­tíð­ar­stefnu Íslands. Með því að kalla fram hug­myndir um bæði það sem getur farið vel og það sem getur farið illa von­ast ég til þess að þessar sögur geti verið upp­haf­s­punktar að umræðum um hvaða áhrif ákvarð­anir sem við tökum í dag geta haft á það hvernig sam­fé­lag við erum eftir 30 ár. Og það er svo sem ein af ástæð­unum líka fyrir því að ég vel þetta ártal, 2052. Upp­haf­lega ástæðan var að þetta ár væri jafn­langt í burtu og liðið er frá árinu 1984, sem gert var ódauð­legt í fram­tíð­ar­bók ­Ge­or­ge Orwell. Þetta er tími sem er ekki lengra í burtu en svo að við ættum að geta ímyndað okkur ýmis­legt um þennan tíma, en nægi­lega langt í burtu til þess að ákveðin grund­vall­ar­at­riði geti gjör­breyst sem að gefur okkur aukið frelsi í fram­tíð­ar­sýn­inni. Við getum flest séð fyrir okkur árið 1984 og mörg hver munum vel eftir því ári. Sumt hefur ekk­ert breyst á meðan annað hefur mót­ast af hug­myndum sem við gátum ekki einu sinni ímyndað okkur þá. Það gerir þetta að skemmti­legu ári til að fást við.“

Var eitt­hvað sem kom þér á óvart í þeim sögum bár­ust þér fyrir bók­ina?

„Já, ég hafði virki­lega gaman af því að lesa þær hug­myndir sem koma fram í bók­inni. Þær eru jafn ólíkar og þær eru margar og nokkrar þeirra eru alveg þannig að ég þurfti aðeins að draga and­ann og melta þær þegar ég var búinn að lesa þær. Þær ögra manni og þeim hug­myndum sem maður hefur og setja hlut­ina í nýtt sam­hengi. Verður virki­lega hægt að skapa sér fjöl­skyldu á þann hátt sem Mar­grét Pála lýs­ir? Eða munu á Íslandi búa tvær þjóð­ir, önnur á Norð­aust­ur­horn­inu dyggi­lega studd af kín­verskum fjár­fest­ingum og hin á suð­vest­ur­horn­inu þar sem amer­ísku áhrifin munu halda uppi gömlu valda­klík­unum eins og pró­fessor í stjórn­mála­fræði lýsir á mjög skemmti­legan hátt í sínn­i ­sögu? Ég held að það sé margt þarna sem á eftir að koma fólki í opna skjöldu og fá það til þess að hugsa um hvernig sam­fé­lag það er sem við viljum búa í eftir þrjá­tíu og hvað það er sem við þurfum að gera til þess að Ísland verði sá staður sem við gjarnan viljum sjá.“

Hér er hægt að taka þátt í verk­efn­inu.

Ekkert nýtt úr gömlu
Ekkert lát er á mótmælum almennings í Alsír. Eftir að forsetinn lét af völdum hefur reiði mótmælenda beinst að ráðherrum og öðrum valdamönnum.
Kjarninn 21. apríl 2019
Basil hassan
Dani undirbjó mörg hryðjuverk
Tilviljun réði því að hryðjuverk, sem Dani að nafni Basil Hassan undirbjó, mistókst. Ætlunin var að granda farþegaþotu. Basil Hassan hafði, ásamt samverkamönnum sínum, mörg slík hryðjuverk í hyggju.
Kjarninn 21. apríl 2019
Flóttafólk mótmælti 13. febrúar síðastliðinn.
Skert aðgengi fyrir flóttafólk að íslensku menntakerfi
Af 82 flóttamönnum sem tóku þátt í þarfagreiningu Rauða krossins í Reykjavík eru einungis 5% í námi, en 43% eiga í erfiðleikum með að komast í nám.
Kjarninn 20. apríl 2019
Guðni Karl Harðarson
Í krafti fjöldans
Kjarninn 20. apríl 2019
Skoða skattalegt umhverfi þriðja geirans
Starfshópur á að skoða hvort að skattalegar ívilnanir geti hvatt einstaklinga og fyrirtæki til að styrkja félög sem falla undir þriðja geirann. Dæmi um félög sem gætu notið góðs af mögulegum breytingum eru björgunarsveitir, íþróttafélög og mannúðarsamtök.
Kjarninn 20. apríl 2019
Það helsta hingað til: WOW air fer á hausinn með látum
Kjarninn tók saman helstu fréttamál íslensks samfélags á fyrstu mánuðum ársins 2019. Ein stærsta frétt ársins hingað til er án efa gjaldþrot WOW air eftir langvinnt dauðastríð sem fór fram fyrir opnum tjöldum.
Kjarninn 20. apríl 2019
Koma svo!
Koma svo!
Koma svo - Salt og ... paprika
Kjarninn 20. apríl 2019
Advania
Ríkið greiddi Advania rúman milljarð vegna tölvukerfa í fyrra
Upplýsingatæknifyrirtækið Advania fékk greiddan rúman milljarð fyrir rekstur og hýsingu tölvukerfa ríkisins árið 2018. Þar af greiddi ríkið 635 milljónir vegna tölvukerfisins Orra.
Kjarninn 20. apríl 2019
Meira úr sama flokkiFólk