Lortur í laug­inni er íslenskt blekk­ing­ar­spil sem á sér stað í sund­laug austur á landi. Í hverri umferð kepp­ast leik­menn um að háfa burt lort sem tveir óprút­tnir aðilar hafa komið fyrir í sund­laug­inni. Vanda­málið er að tveir leik­menn af fimm eru komnir í laug­ina til að villa um fyrir hinum og því er það þraut­inni þyngra að finna hvar skal háfa burt lort­inn þegar þú veist ekki hvaða sund­lauga gest þú getur treyst. Spilið heit­ir Pool Pooper á ensku og það er ætl­unin að selja það erlendis árið 2020 

Hvernig vakn­aði hug­myndin að verk­efn­inu?

„Hug­myndin kveikn­aði eftir spila­kvöld í bústað­ar­ferð í jan­úar síð­ast­liðn­um. Ég var yfir mig hrif­inn af því að spila var­úlf í fyrsta skipti (við spil­uðum það lík­lega 20x þá helg­ina) en það fór í taug­arnar á mér að fólk datt úr leik í hverri umferð og að karakt­er­arnir væru yfir­nátt­úru­legar per­sónur þar sem ein­hver er drep­inn. Þetta fór aðal­lega í taug­arnar á mér því ég var reglu­lega kos­inn snemma út.  

Því lang­aði mig að búa til spil sem væri kómískt og hefði eig­in­leika sem mér fannst að hægt væri að byggja ofan á var­úlf. Síðan er þetta búið að vera rúm­lega 9 mán­aða skemmti­ganga með fjöld­anum öllum af prufu­spil­unum og bæt­ingum sem gerði gang­verk leiks­ins eins og hann er í dag þar sem leik­menn draga spjöld til að fá upp­lýs­ingar áður en umræður hefj­ast. Á seinni stigum hef ég kom­ist að því að leikn­um ­svipar ör­lítið meira til­ A­valon en var­úlf en æðsta mark­mið leiks­ins var alltaf að búa til skemmti­legt spil sem hefur húmor og eng­inn þarf að deyja í - það hefur að mínu mati tek­ist.“

Segðu okkur frá þema verk­efn­is­ins?

„Þegar mér datt í hug að búa til íslenskt blekk­ing­ar­spil þá hugs­aði ég í fyrstu til vík­inga, þjóð­há­tíðar og fleira sem manni finnst vera sér­ís­lenskt. Það var svo bara í sundi sem mér fannst ég ekki geta fundið betri aðstæður fyrir leik og síðan var ekki aftur snú­ið. Stuttu seinna var ég með hönnuð til að hjálpa mér að búa til karakt­er­ana sem áttu allir að ver­a ­ster­eótýp­ur. Pott­verj­inn eða þessi bess­erviss­er ­sem er alla morgna í pott­inum en fer ekk­ert endi­lega að synda heldur er bara í pott­inum og spjall­ar. Sund­konan sem akkúrat mætir til að synda. Næstu karakt­erar þar á eftir voru aðeins inni­halds­laus­ari eins og kaf­ari, litli dreng­ur­inn sem kúkar í sund­laug­ina og sund­laug­ar­vörð­ur­inn sem hjálpar honum til að kom­ast heim úr vinn­unni. Eftir prufu­spilun ákvað ég að taka út Bik­in­i ­bomb­una sem þótti ekki smekk­leg en gæti lík­lega heitið áhrifa­valdur í dag. Hún virt­ist stuða marga svo ég tók hana út frekar en að eiga á þeirri hættu að fólk verði pirrað. Í söfn­un­inn­i stóð til boða að kaupa 3 nýja karakt­era í spilið og núna er ég að kepp­ast við að klára þá svo hægt verði að hefja prent um leið og söfnun lík­ur. 

Að búa til borð­spil á 9 mán­uðum er djúp laug til að henda sér í og það er ekki hægt án þess að kynn­ast borð­spila­sen­unni á íslandi sem lifir í spila­vinum á fimmtu­dags­kvöldum og á face­book ­síðu. Ég hélt að spilið væri til­búið í byrjun júní þegar ég bað ókunn­uga um að taka spilið í sínar hendur og pru­fa­spila það í borð­spila­hóp á Face­book ­sem ég fann í jan­ú­ar. Það kom í ljós að gang­verkið var í raun mjög brotið þó ég hafi náð að spila það með vinum og fjöl­skyldu án vand­ræða frá apríl til júní. Því er ekki hægt annað en að taka hatt­inn ofan fyrir öllum þeim sjálf­boða­liðum sem vildu taka spilið og spila það, senda mér rit­gerð af athuga­semdum og beina áfram á beinu braut­ina. Ég á þessu fólki, vinum og fjöl­skyldu miklar þakkir fyrir að hafa lagt verk­efn­inu lið end­ur­gjalds­laust en í von um að fá þau með mér í lið náði ég að fá Stjörnu­snakk til að ­sponsora prufuspilun. Nær allir afþökk­uðu enda er það ekki pent að vera með­ snakk­putta innan um borð­spil:)“

Hægt er að fylgj­ast með verk­efn­inu á face­book eða heima­síðu spils­ins og mark­miðið er að selja 250 ein­tök í gegn­um Karol­ina Fund hér.

Á síð­ustu dög­um ­söfn­un­ar­inn­ar verður send út 30 ára áætl­un ­borð­spils­ins Lortur í laug­inn­i.