Jóla­hryll­ings­sögur er ný bóka sería sem Ing­i Þór Tryggva­son skrifar og heitir fyrsta sagan „Elt­ing­ar­leik­ur­inn við Grýlu". Sög­urnar eru skrif­aðar í ljóðum og fjalla um huldu­fólk, jóla­sveina og tröll. Bókin hefur smá húmor og góðan boð­skap. Þór­ir Cel­in skreytir bók­ina töfr­andi mynd­um.

Fyrsta sagan fjallar um strák sem horfir á Grýlu taka kær­ustu sína og ákveður fara á eftir tröll­inu og reyna bjarga stelp­unni. Sagan leiðir les­and­ann inn í þann ­magn­að­ann æv­in­týra­heim sem gömlu þjóð­sögur íslands hafa að geima. 

Jólahryllingssögur eru bók sem öll fjöl­skyldan getur notið saman seg­ir Ing­i Þór sem var að starta Karol­ina Fund fyrir þetta verk­efni sem er mun meira en bara bók.

Hvernig vakn­aði hug­myndin að verk­efn­inu?

„Þetta byrj­aði sem grín á hljóm­sveita­ræf­ingu hjá Mosa. Ég var að hlusta á gam­alt lag sem heitir Grýlu­kvæði eftir Gunnar Þórð­ar­son sem ég kann afskap­lega vel við. Það hefur þennan gam­al­dags drunga sem gömlu sög­urnar af jóla­svein­unum höfðu áður en allt varð syk­ur­húð­að.

Það kveikti í mér og ég fór að gæla við þá hug­mynd að halda Jólatón­leika með svona drunga­leg­um jóla­sög­ur og fór að leika mér á pí­anó­ og um leið kom hug­mynd. Sem þró­að­ist í texta og þá fór hug­myndin af stað en svo ­gerð­is­t ekk­ert meira í tvö ár þangað til ég fann þetta lag sem ég byrj­aði á og tók upp þráð­inn. 

Þá komu fleiri hug­myndir og þetta þró­að­ist yfir í að vera bók, en ég er einnig að semja tón­list sem er við­bót við bók­ina og ætla að vera með sýn­ingu á sviði með sögu­manni og hljóm­sveit þar sem Grýla og fleiri taka lag­ið. Fyrsta lagið er að koma út á næstu dögum en sýn­ingin verður ekki til­búin fyrr en á næsta ári.“

Segðu okkur frá þema verk­efn­is­ins?

„Þemað eru gam­al­dags hræðslu­sögur frá Íslandi. Eng­inn syk­ur, bara dul­ar­fullur ævin­týra­heimur sem gerð­ist fyrir löngu á þess­ari eyju sem kennd er við ís þegar tröll, huldu­fólk og fleiri goðsagnir bjuggu á meðan manna á land­inu. Þetta er fjár­sjóð­ur­ ­sem við eigum að geta notað per­sónur eins og Grýlu og búa til ný ævin­týri um jóla­svein­ana okkar og líka alla hina 30 jóla­svein­ana sem Grýla átti með fyrsta karl­inum sín­um. En næsta bók mun einmitt fjalla um það þegar Grýla rak þau trölla­börn í burtu og át föður þeirra þegar hún kynnt­ist Leppalúða og átt­i ­Stekkj­ar­staur. Það er nóg til að skrifa um.

Það stendur til að halda kynn­ingu á Jóla­hryll­ings­sögum næsta laug­ar­dag kl. 16.00 á Prik­inu þar sem ég mun lesa upp ljóð úr bók­inni og kynna verk­efnið og söfn­un­ina. Smá tón­list drykkir og menn­ing í boð­i.“

Hér er hægt að skoða og taka þátt í söfn­un­inni.