Hall­dóra Sig­urð­ar­dóttir hefur starfað við þýð­ingar og ­leið­sögu­mennsku en hefur núna ákveðið að

gefa út sína fyrstu bók sem heitir Dauði egós­ins en þar kryfur hún mál­efni hjart­ans af mik­illi

ein­lægni.

Hvaðan kom þessi hug­mynd að skrifa þessa bók?

„Hún er eig­in­lega búin að vera að gerj­ast í mér í mörg ár en lengi vel vildi ég ekk­ert hafa með það að skrifa bók en ég fann sífellt fyrir meiri pressu og fann að ég yrði að kom­a ­upp­lif­un­um mínum í orð og koma þannig þessum skila­boðum frá mér. Það hefur ýmis­legt gerst í mínu lífi og ýmsar upp­lif­an­ir ­sem höfðu mikil áhrif og í kjöl­farið fór ég að skoða fólk og aðstæður út fá öðru sjón­ar­horni og setja hlut­ina kannski í aðeins meira sam­hengi. Þetta er mjög per­sónu­leg bók þar sem ég kafa djúpt ofan í erf­iða hluti og sam­skipti við mis­mun­andi fólk.“

„Það var í byrjun mjög stressandi til­hugsun og ég veit ekki hversu oft ég hef hætt við og hugs­að ­með mér „nei Dóra hvað ertu að ger­a?“ En svo kom að því að ég tók ákvörðun og það var ekki aftur snúið og nú hugsa bara með mér að það er spenn­andi að prófa eitt­hvað nýtt. ­Leið­sögu­mennskan er eins og flestir vita komin í hlé, hversu langt vitum við ekki en eitt­hvað verð­ur­ ­maður að hafa fyrir stafni á með­an.“

Um hvað fjallar bók­in?

„Það er frekar erfitt að segja í stuttu máli, ég vil líka ekki gefa alveg sögu­þráð­inn uppi en ég er aðal­lega að kryfja hvernig við erum búin að vera að horfa á líf­ið, þ.e. með aug­unum okkar og þessum hefð­bundnu skyn­færum og hvernig mörg okkar bregð­umst við, svo­lítið eins og lauf í vindi en það er að mínu mati til betri leið. Við mann­fólkið erum svo stór­kost­leg og svo miklu stærri og kraft­meiri en við gerum okkur grein fyrir og ég er svo­lítið að benda á það í þess­ari bók, þannig að skila­boðin eru mjög jákvæð í lokin þó ég þurfi að fara í gegnum erf­iða hluti til að útskýra það. Bestu sög­urnar að mínu mati eru sögur sem eru sannar og gefa les­and­anum einnig tæki­færi á að finna sig í sög­un­um. Þetta er því mjög mann­leg bók og ég held að allir muni finna sig að ein­hverju leyti í henn­i.“

Þú þýddir Leynd­ar­málið var það ekki?

„Jú og ég fjalla aðeins um hana í bók­ina minni því þessi hún hafði gíf­ur­leg áhrif á mig þegar ég var að þýða hana og það er ekki laust við að ég hugsi með mér núna að þessi bók gæti jafn­vel komið að góðum notum í kjöl­far krepp­unnar sem við okkur blasir núna. Ég tel að hún geti hjálpað fólki að horfa á lífið sitt og krepp­una með öðrum augum og finna kraft­inn sem býr innra til að leysa öll þessi vanda­mál ­sem bíða okk­ar.“

Ertu langt komin með bók­ina?

„Já, ég er frekar langt komin með hana, er í fyrstu umferð að fara yfir text­ann og geri ráð fyrir að ­gefa bók­ina út í sum­ar, eða eins fljótt og mögu­legt er.“

Eitt­hvað sem þú vilt segja okkur að lok­um?

„Já mig lang­aði til að deila með ykkur að þetta er mjög áríð­andi og krefj­andi verk­efni sem ég er að ­taka mér fyrir hend­ur, ég er að gefa ykkur hjarta mitt í þessa bók og mér þætti mjög vænt um ef þið ­mynduð leggja mér lið og styrkja útgáfu bók­ar­inn­ar. Mig langar einnig að bæta við að ég ætla að ­gefa öllum föngum á Íslandi þessa bók og líka Kvenna­at­hvarf­inu, Vogi, Konu­koti, Sam­hjálp og öllum þeim frá­bæru stöðum sem eru fyrir fólk í erf­ið­leik­um, Það væri því dásam­legt ef þið gætuð hjálpað mér að láta þessa útgáfu verða að veru­leika.“

Hér er hægt að taka þátt í söfn­un­inni.