Pál­l Pampichler Páls­son kom til eins árs dvalar frá Aust­ur­ríki en ílengd­ist á Íslandi í 48 ár. Nýlega kom út bók um lífs­hlaup Páls á þýsku og nú hefur bókin verið þýdd yfir á íslensku og efni hennar aukið til muna. Til dæm­is­ birt­ast í henni fyrsta sinn skrá yfir um 140 tón­verk Páls. Það eru þau Rut Ing­ólfs­dótt­ir, Helga Hauks­dóttir og Sig­urður Ingvi Snorra­son sem hafa veg og vanda af útgáfu bók­ar­innar en þau eru vinir og sam­starfs­menn Páls til fjölda ára.

Hvað kom til að þið réð­ust í þetta verk­efni?

„Okkur fannst að Páll ætti þetta inni hjá okk­ur.

Páll er ekki ein­ungis góður vinur okkar heldur átti hann sem stjórn­andi og tón­skáld ríkan þátt í ótrú­legri upp­bygg­ingu tón­list­ar­lífs á Íslandi. Hann var um ára­tuga skeið stjórn­andi Sin­fón­íu­hljóm­sveitar Íslands, Karla­kórs Reykja­vík­ur, Lúðra­sveitar Reykja­vík­ur, Kamm­er­sveitar Reykja­víkur og Skóla­hljóm­sveitar Vest­ur­bæj­ar.

Páll samdi fjölda verka fyrir hópana sína og aðra tón­list­ar­menn - hljóm­sveit­ar­verk, ein­leiks­konserta, kór­verk, verk fyrir blás­ara­sveit og kamm­er­tón­list. Þá var hann þekktur fyrir létt­leika og gleði sem bæði tón­leika­gestir og áhorf­endur sjón­varps nutu.

Í bók­inni segir frá upp­vexti Páls, fyrstu árunum á Íslandi og heilla­drjúgu starfi hans í þágu tón­list­ar­inn­ar. Þá höfum við og fleiri íslenskir tón­lista­menn ­ritað kafla um kynni okkar af Páli og bætt í bók­ina skemmti­legum ljós­myndum frá ferli Páls.“

Hér er hægt að skoða og taka þátt í verk­efn­inu.