Erna Marín Kvist, multik­un­stner, er höf­undur og mynd­skreytir bók­ar­innar Ævin­týri í Bull­landi. Þegar COVID-far­ald­ur­inn geis­aði og sam­komu­bann var inn­leitt dund­uðu mæðginin Erna Marín og yngri sonur henn­ar, Sindri Nóel, sér við skrif barna­bók­ar. Þau búa í nágrenni við Laug­ar­dal­inn og not­uðu umhverfi sitt sem inn­blástur við skrif bók­ar­inn­ar.

Hvernig vakn­aði hug­myndin að verk­efn­inu?

„Öll þurfum við okk­ar griða­stað á skrýtnum og stundum erf­iðum tím­um. Eins og margir fund­u ör­ugg­lega fyrir þá vorum við mikið saman og mikið heima fyrir í sam­komu­bann­inu. Það var eig­in­lega ­nauð­syn­legt að hafa eitt­hvað skemmti­legt og öðru­vísi fyrir stafni og úr því þró­að­ist barna­bók­in Æv­in­týri í Bull­land­i.“

Bókin fjallar um ævin­týri Sindra og Sunnu sem eru að leika sér á leik­velli í Laug­ar­dalnum og gleyma ­sér í gleði og leik. Þau enda í Hús­dýra­garð­inum þar sem þau bulla með alls kon­ar ­kunn­ug­leg æv­in­týri og búa jafn­framt til sín eig­in.

„Sjálf hef ég ótrú­lega gaman af ævin­týrum og töfra­heimi barna. Börn eru gædd gáf­um, næmni og ­sköp­un­ar­gleði sem við full­orðna fólkið gleymum stundum í amstri dags­ins. Börn og for­eldrar hafa ef­laust kynnst hvor öðru betur síð­ast­liðnar vikur og full­orðnir jafn­vel tengst betur sínu innra barn­i. Það finnst mér­ ­gjöf­ul ­upp­skera í kjöl­far COVID. Mark­mið þess­arar bókar er börn og full­orðnir geta átt ­góðar stundir saman með upp­byggj­andi og jákvæðum skila­boð­u­m. 

Þessi bók er mér hjart­ans mál, ég hef lagt mig alla fram við mynd­skreyt­ing­ar, hand­ritið er til­búið og mig langar mikið til að geta gefið hana út. Ef okkur tekst að safna fyrir útgáfu bók­ar­innar þá vil ég koma henni til sem flestra barna í erf­iðum aðstæð­um. Til dæmis á Barna­spít­ala Hrings­ins, Barna­hús, Kvenn­athvarfið og fleiri staði þar sem börn í við­kvæmri stöðu eru að finna. Ég hef sjálf reynslu af því að vera barn í erf­iðum aðstæðum og þá voru ævin­týri og sköpun minn flótti og björg­un. Við ­mæðginin viljum þakka kær­lega fyrir allan stuðn­ing og minnum líka alla á að leika og bulla meira ­sam­an. Það er hollt og gott fyrir sál­ina.“

Hér er hægt að styrkja og taka þátt í söfnun Ernu.

Verk­efnið er einnig með­ Face­book ­síðu.