Söng­leik­ur­inn FIMM ÁR!...­fórst­u strax að hugsa um risa­stór d­ans­núm­er?...„jazz hands", lit­ríka bún­inga og eins og eitt stepp atriði? Þó svo að það sé upp­skriftin sem við höfum vanist, er söng­leikja­formið mun fjöl­breytt­ara. T­he Last Fi­ve Ye­ar­s er við­kvæm saga með mik­illi nánd og segir frá fimm ára sam­band­i Cat­hy og Ja­mie. Það sem er sér­stakt við frá­sögn­ina er að sögu­þráð­ur­ Cat­hy ­ger­ist í öfugri tíma­röð en Ja­mie ­segir frá sam­band­inu á sama tíma en í réttri röð. 

Verkið verður flutt af tveimur leik­ur­um, þeim Júlí Heið­ari Hall­dórs­syni og Vikt­oríu Sig­urð­ar­dótt­ur, og með þeim er þriggja manna band skipað Ein­ari Bjarti Egils­syni, Hildig­unni Hall­dórs­dóttur og Sig­urði Hall­dórs­syni. Safnað er fyrir upp­setn­ingu verks­ins á Karol­ina Fund.

Söng­leik­ur­inn, sem heitir á ensku T­he Last Fi­ve Ye­ar­s, hefur náð gríð­ar­legum vin­sældum á Broa­d­wa­y og West End og hefur skipað sér ákveð­inn sess í söng­leikja­heim­inum sem og höf­und­ur­inn, Jason Ro­bert Brown. Hann byggði söng­leik­inn á eigin ást­ar­sam­bandi við leikkon­una Ther­esu O'Neill. Leik­konan kærði síð­ar­ Brown því að verkið segir sögu sam­bands þeirra einum of ýtar­lega fyrir hennar smekk. Brown á­kvað þá að kæra O'Neill til­bak­a ­fyrir að hafa truflað sitt list­ræna flæð­i... Seinna sá Brown að sér og breytta Cat­hy(­per­són­unn­i ­sem tákn­ar O'Neill) úr írskum kaþ­ólikk­a í gyð­ing með lag­in­u S­hiksa ­Godd­ess ­sem heitir núna á íslensku „Heiðna Gyðja“ í snjallri og nútíma­legri þýð­ingu Jóhanns Axels And­er­sen. 

Viktoría segir að þema sýn­ing­ar­innar sé ást­in. „Ég er búin að vera með þessa hug­mynd í koll­inum í þónokkurn tíma. Þegar ég flutti til­ London í leik­list­ar­nám þá átt­aði ég mig fljótt á því að ég vissi ekk­ert um söng­leiki. Þarna var ég umkringd krökkum sem ólust nán­ast upp á West End og, að mér fann­st, vissu allt, hver var hver og hver var ein­hver í söng­leikja­heim­inum í London. Þetta var svo eitt af ­fyrst­u verk­unum sem ég varð ást­fangin af eftir að ég var búin að sitja sveitt og kynna mér allt um söng­leiki til þess að reyna að halda í við ­sén­í­ana ­sem sátu með mér á skóla­bekk.“

Hún seg­ist ekki hafa getið hætt að  ­syngja lögin úr sýn­ing­unni og lét sig dreyma um að fá að setja þetta verk upp ein­hvern tím­ann. „Þó svo að ég algjör­lega elski risa­stórar sýn­ingar með öllum þeim leik­hús­töfr­um, ­kon­fet­tí og glimmer ­sem fyr­ir­finnst þá er það sem heillar mig mest við þetta dásam­lega list­form ein­fald­lega það að vera með sögu í hönd­unum og reyna að fleyta hverju smá­at­riði alla leið í skiln­ing áhorf­and­ans, helst í gleði og hlát­ur­stöð­ina. Og það er það sem söng­leik­ur­inn Fimm ár er. Ekk­ert meira, ekk­ert minna.“

Söng­leik­ur­inn FIMM ÁR verður sýndur 24. októ­ber í Hörpu. Hægt er að styrkja verk­efnið hér.