Magga Stína hefur lagt stund á tón­list frá unga aldri og hefur í gegnum langan tón­list­ar­fer­il­inn ­spilað með hljóm­sveitum á borð við Risa­eðl­una, sem var bæði iðin við tón­leika­hald hér­lend­is og ferð­að­ist einnig vitt og breitt um heim­inn, Funkstrasse og Jazzhljóm­sveit Kon­ráðs Bé, polka­sveit­inni Hr. Ingi. R. svo ein­hverjar séu hér nefnd­ar. 

Hóf hún svo sinn eigin feril og hefur gefið út eigin tón­list, sem og túlkað ann­arra tón­list inn á fjöld­ann allan af hljóm­plöt­u­m. 

Hún hefur komið á ótelj­andi tón­leikum í gegnum tíð­ina og má þá ekki gleyma tryllt­u­m d­ans­leikjum áður­nefndrar polka­hljómsveitar henn­ar, Hr. Ingi. R. og Möggu Stínu sem eru ­mörgum eft­ir­minni­legir en með þeim söng og skemmti Magga Stína í mörg ár. Hún lagð­i ­stund á nám í fiðlu­leik sem barn hjá Helgu Ósk­ars­dóttur og svo tón­smíðar sem full­orðin við L­HÍ. Hún hefur unnið sem höf­undur tón­listar og hljóð­mynda við leik­verk, bæði i Borg­ar­leik­hús­inu, hjá Leik­fé­lagi Akur­eyrar og við Nem­enda­leik­hús­ið. 

Tón­list er ein­fald­lega, inn­tak og alltum­lykj­andi neisti í lífi Möggu Stínu og mun svo verða um ókomna tíð. Nú vinnur hún að því að koma flutn­ingi sínum á lögum Megasar út á vín­yl­plötu.

Hvernig kvikn­aði hug­myndin að verk­efn­inu?

„Hún kom nú ein­hvern veg­inn alveg kýr­skýr og lógísk í kjöl­far „Magga Stína syngur Meg­as” – tón­leik­anna sem ég hélt í Eld­borg í Hörpu í febr­úar síð­ast­liðn­um. Þar fann ég að eitt­hvað ein­stakt gerð­ist í sam­hljómi allra sem komu að, ein­hver galdra­stund átti sér stað sem mér­ fannst vera ofboð mik­ils virði og mér fannst að hana mætti alveg varð­veita. Vín­yl­plata er jú ­fal­leg­asta formið og það form sem ég lærði að hlusta á tón­list af, svo það var alger­lega við hæfi að velja útgáfu á tvö­faldri vín­yl­plöt­u!“

Segðu okkur frá þema verk­efn­is­ins? 

„Í raun eins og ég sagði áðan þá er þemað kannski jafn ein­falt og að breiða út fagn­að­ar­er­indið um íslenskar tón­smíð­ar, að þessu sinni tón og texta­smíðar Megasar en það vill til að ég hef fundið mig í þeirri predikun und­an­farin ár.“

Hvers vegna varð tón­list Megasar fyrir val­inu?

„Mér finnst það mjög verð­ugt að túlka tón­list Megasar því hún á sífellt erindi. Hann hefur til að bera tíma­leysi, dýpt og frum­leika í verkum sínum sem gerir mörg laga hans sígild.

Lög sem hann hefur samið jafn­vel fyrir löngu síð­an, og þá við lít­inn fögnuð eða skiln­ing nema örfárra áheyr­enda öðl­ast allt í einu áheyrn fleira fólks og þar með bull­andi til­gang. ­Per­sónu­lega þá er því þannig háttað að ég finn mig í henn­i.“

Hvernig gengu tón­leik­arn­ir?

„Það er eitt um þá að segja að þeir voru mér heilög stund, fyrir þær sakir að þar voru sam­an­ komnar mjög margar mann­eskjur sem gáfu allt það fagra sem þær áttu til. Tón­list­ar­fólkið allt allt allt. Áheyr­endur allt og það er ekki síður hjart­ans list að njóta og taka inn tón­list en að flytja hana.“

Hvers vegna ætti fólk að næla sér í plöt­una og styðja við verk­efn­ið?

„Mér fynd­ist það bara ynd­is­legt að fá stuðn­ing sem þennan sem er í raun svo eðli­leg leið, að ­fólk kaupi sér fyr­ir­fram plöt­una (svo er margt annað líka í boði) og að geta safnað fyr­ir­ fram­leiðslu á þess­ari tvö­földu tón­leika­plötu sem inni­heldur tón­leik­ana í heild sinni, myndir og texta, svo jafn­vel fleiri en þeir sem komu fái notið þess sem þar fór fram.“

Hvað er framundan hjá Möggu Stínu?

„Nú er ég að vinna að sönglögum við ljóð íslenskra, nánar til tekið reyk­vískra kven­skálda. Það er alger­lega stór­kost­legt að fá að velt­ast um í ljóð­heimi þeirra, dag­inn langan og stutt­an.“

Hér er hægt að skoða og taka þátt í söfn­un­inni.