Búinn að eyða 500 til 600 klukkustundum samhliða fullri dagvinnu í eldgosið

Ljósmyndabókin „Í návígi við eldgos“ inniheldur 100 tilkomumestu og skemmtilegustu myndirnar úr ferðum Daníels Páls Jónssonar að eldgosinu í Fagradalsfjalli. Hann safnar nú fyrir útgáfu hennar.

mndmeðeldi.jpg
Auglýsing

Dan­íel Páll Jón­as­son er nátt­úru­land­fræð­ingur og áhuga­ljós­mynd­ari. Alla tíð hefur hann haft mik­inn áhuga á eld­gosum og annarri nátt­úruvá og skrif­aði hann m.a.s. BS rit­gerð sína um eld­gos á Reykja­nesi og hvaða leiðir hraun myndu leita í átt til höf­uð­borg­ar­svæð­is­ins. 

Þegar eld­gosið byrj­aði í Fagra­dals­fjalli var Dan­íel ekki lengi að koma sér á vett­vang og eftir að hafa upp­lifað ótrú­lega krafta nátt­úr­unnar á eigin skinni gat hann ein­fald­lega ekki fengið nóg. Í þá 6 mán­uði sem eld­gosið varði áður en gos­hlé hófst um miðjan sept­em­ber, fór Dan­íel 30 ferðir að eld­gos­inu og tók yfir 10.000 myndir og mynd­bönd.

Hann safnar nú fyrir útgáfu ljós­mynda­bókar sem inni­heldur 100 til­komu­mestu og skemmti­leg­ustu mynd­irnar úr ferðum Dan­í­els á Karol­ina fund. Stað­setn­ing hverrar myndar er sýnd á litlu korti svo hægt sé að sjá hversu mikið hraunið hefur breyst frá því myndin var tek­in.​

Dan­íel segir að hug­myndin hafi sprottið upp úr því að hann var mjög dug­legur að pósta myndum og mynd­böndum af eld­gos­inu á Face­book síð­unni sinni en einnig í hóp­unum Landið mitt Ísland og Iceland Geology. „Eftir að hafa fengið glimr­andi góð við­brögð við mörgum mynd­anna átt­aði ég mig á því að ég væri far­inn að safna efni­við í ljós­mynda­bók um eld­gos­ið.

Auglýsing
Upphaflega fór ég í þessar ferðir ein­göngu ánægj­unnar vegna en smám saman fór ég einnig gagn­gert til að safna ljós­myndum í bók­ina. Ég gekk t.d. 3 sinnum hring­inn í kringum allt hraunið til að ná myndum frá þeim sjón­ar­hornum sem ferða­menn fóru aldrei á. Það voru einnig nokkur skipti þar sem ég var dauð­þreyttur í lík­am­anum eftir göng­urnar en þá gerð­ist eitt­hvað algjör­lega nýtt í eld­gos­inu, eitt­hvað sem ég varð bara að ná á mynd. Þá hark­aði ég bara af mér og hent­ist með mynda­vél­ina á stað­inn.

Þessi mikla vinna hefur þó klár­lega borgað sig því núna er ég kom­inn með nokkuð flotta ljós­mynda­bók í hend­urnar og risa­stóran lager af eld­gosa­myndum og mynd­bönd­um.“

Steinn að sökkva í hrauná. Mynd: Daníel Páll Jónsson.

Að sögn Dan­í­els er helsti kost­ur­inn við bók­ina hans að það er ekk­ert ákveðið þema, þ.e.a.s. annað en eld­gosið í heild sinni. „Ég hef séð fólk pósta virki­lega glæsi­legum myndum af eld­gos­inu, t.d. dróna­myndum fyrir ofan gíg­inn og myndum af gylltum kviku­strókum að nóttu til. Ég ákvað hins vegar að binda mig ekki ein­göngu við slíkar mynda­tök­ur, enda hefði það verið leið­in­legt til lengd­ar.

Ég er mjög hrif­næmur og tók því myndir af öllu sem vakti athygli mína, hvort sem mér þótti það skond­ið, fal­legt, hrika­legt, til­komu­mikið eða áhuga­vert og hugs­aði aldrei út í ákveðið þema. Þannig end­aði ég með fjöl­breytt mynda­safn og gat leyft mér að hafa 100 myndir í bók­inni sem halda fólki alveg við efn­ið. Á einni síð­unni er mynd af glæsi­legum kviku­strók, á annarri er mynd af ferða­mönnum sem hættu sér langt út á hraunið og á enn annarri er mynd af hrauni og gas­út­streymi sem í sam­ein­ingu lík­ist prump­andi snigli. Ég við­ur­kenni að ég stillti þeirri mynd dálítið upp, enda geta hugs­an­irnar orðið dálítið ein­kenni­legar þegar maður er búinn að ganga einn í margar klukku­stund­ir.“

Dan­íel við­ur­kennir að 30 ferð­ir, 10.000 myndir og bóka­út­gáfa í kjöl­farið hafi verið tíma­frekt verk­efni, en líka mjög skemmti­legt. „Var­lega áætlað hafa farið 500 til 600 klukku­stundir í þetta verk­efni síð­ustu 6 mán­uði og það jafn­gildir 3 mán­uðum af vinnu, sam­hliða fullri dag­vinnu. Það voru nokkur skipti þar sem keyrði að gos­inu eftir kl. 17, kom aftur heim kl. 1 eftir mið­nætti, vann í ljós­mynd­unum til kl. 4 og mætti svo í vinn­una kl. 8 morg­un­inn eft­ir. 

Vegna þess hversu skemmti­legt og magnað þetta verk­efni var hafði ég ein­hverja auka orku sem fleytti mér í gegnum þetta allt sam­an. Konan mín og dæt­urnar voru einnig ótrú­lega skiln­ings­ríkar og studdu mig og hvöttu í gegnum allt ferlið, þess vegna er bókin til­einkuð þeim.

Gott dæmi um stuðn­ing­inn frá fjöl­skyld­unni var þegar ég hafði farið margar ferðir á stuttum tíma, var lítið búinn að sjá fjöl­skyld­una og kom­inn með mik­inn móral og söknuð yfir því. Þá tók yngri dóttirin á móti mér þegar ég kom heim úr vinn­unni með pappa­eld­fjall sem hún hafði fönd­rað í leik­skól­an­um, rosa­lega stolt yfir lista­verk­inu. Hún sagði mér að ég væri „Eld­gos­inn“ sinn og að hún hafði búið þetta til fyrir mig. Þetta lista­verk er núna uppi á hillu, fyrir framan alla hraun­mol­ana sem ég safn­aði og hlýjar mér meira en eld­gosið gerði nokkurn tíma.“

Hægt er að styrkja verk­efnið hér.

Styrkir þú Kjarnann?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Kjarninn hefur verið til taks fyrir kröfuharða lesendur í sjö ár og býður almenningi upp á vandaða umfjöllun þar sem áhersla er á gæði og dýpt.  

Ef þú ert nú þegar styrkjandi leyfum við okkur að benda á að hægt er að óska eftir að hækka styrkinn með því að senda póst á takk@kjarninn.is


Já takk, ég vil styrkja Kjarnann!
Guðmundur Hrafn Arngrímsson og Yngvi Ómar Sighvatsson
Kúgaða fólkið!
Kjarninn 1. desember 2021
Þórunn Sveinbjarnardóttir þingmaður Samfylkingar verður formaður stjórnskipunar- og eftirlitsnefndar.
Þórunn eini nefndarformaður stjórnarandstöðunnar
Sjálfstæðisflokkurinn fer með formennsku í þremur af átta fastanefndum þingsins, Framsókn tveimur og VG tveimur. Bjarkey Olsen Gunnarsdóttir verður formaður fjárlaganefndar, eins og Vinstri græn gáfu reyndar óvart út á mánudag.
Kjarninn 1. desember 2021
Í austurvegi
Í austurvegi
Í austurvegi – Fyrsta sendiráð Íslands í Asíu
Kjarninn 1. desember 2021
Bjarni Benediktsson fjármála- og efnahagsráðherra kynnti fjárlagafrumvarpið sitt fyrir næsta ár í gær.
Útgjöld vegna barnabóta lækka
Ekki er gert ráð fyrir auknum útgjöldum ríkisins til barnabóta á næsta ári, þrátt fyrir að fjárhæðir þeirra til hvers einstaklings hækki og skerðingarmörk verði færð ofar. Áætluð útgjöld eru 11 prósentum minni en þau voru í fyrra.
Kjarninn 1. desember 2021
Hreinn Loftsson, lögmaður og annar aðstoðarmaður innanríkisráðherra.
Hreinn Loftsson hættir sem aðstoðarmaður Áslaugar Örnu og ræður sig til Jóns
Jón Gunnarsson tók við sem innanríkisráðherra á sunnudag hefur ákveðið að ráða fyrrverandi aðstoðarmann forvera síns í starfi, Hrein Loftsson, sem aðstoðarmann sinn.
Kjarninn 1. desember 2021
Í samfélaginu á Stöðvarfirði eru ekki allir sáttir með fyrirhugaða útgáfu rekstarleyfis til laxeldis gegnt bæjarstæðinu.
Rúmur fjórðungur íbúa á Stöðvarfirði leggst gegn fyrirhuguðu laxeldi
Matvælastofnun fékk á dögunum sendar undirskriftir um 50 íbúa á Stöðvarfirði sem mótmæla því að Fiskeldi Austfjarða fái útgefið rekstrarleyfi fyrir 7.000 tonna laxeldi í firðinum. Íbúar eru efins um að mörg störf verði til á Stöðvarfirði vegna eldisins.
Kjarninn 1. desember 2021
Þórður Snær Júlíusson
Ríkisstjórn þeirra sem vilja stjórna, ekki leiða
Kjarninn 1. desember 2021
Milljarðar gætu ratað úr fyrirtæki í eigu borgarinnar í ríkissjóð vegna afleiðusamninga við Glitni
Orkuveita Reykjavíkur vildi ekki gera upp afleiðusamninga við Glitni HoldCo vegna þess að hún taldi að félagið hefði framselt samninganna til ríkissjóðs og að það hefði þegar fengið bætur fyrir afglöp endurskoðenda í sátt við PwC.
Kjarninn 1. desember 2021
Meira úr sama flokkiFólk