Tón­list­ar­mað­ur­inn Snorri Helga­son gefur út sína sjö­undu sóló­plötu sem ber heitið Víði­hlíð. Lög af plöt­unni eins og Haustið '97, Ingi­leif og Hæ Stína hafa ómað á öldum ljós­vakans síð­ast­liðið ár og nú kemur platan loks út á vínyl og hóp­fjár­mögnun er í gangi á Karol­ina fund vegna þessa.

„Ég samdi slatta af lögum á frekar stuttu tíma­bili sem voru dálítið af sama meiði, þ.e. .au áttu það sam­eig­in­legt að fjalla um hug­ar­heim minn sem ung­lingur og fíl­ing­inn að vera ung­lingur í kringum alda­mót­in,“ segir Snorri spurður um hvernig hug­myndin að lög­unum kvikn­aði. „Þetta voru svona nostal­gísk popp­lög sem ég átti allt í einu á lag­er. Ég ákvað að skipta þessum laga­bunka í tvennt og taka þau upp með tveimur mis­mun­andi upp­töku­stjórum og gera tvær EP plöt­ur.“

Sú fyrri kom út staf­rænt í októ­ber í fyrra og stjórn­aði Guð­mundur Óskar Guð­munds­son upp­tökum á henni en sú seinni kom út nú í apríl og Dan­íel Frið­rik Böðv­ars­son stýrði henni. Nú er svo komið að „físískri útgáfu“ á þessum tveimur EP-­plötum sam­ein­uðum í eina stóra vín­yl­plötu.

„Lögin fjalla flest um ein­hvers konar bjag­aðar minn­ingar frá ung­lings­árum mín­um,“ segir hann um tón­list­ina. „Lög eins og Ingi­leif sem fékk tölu­vert mikla útvarps­spilun síð­asta haust fjallar um ímynd­aða vin­sæl­ustu stelpuna í skól­anum sem ég mæti svo tutt­ugu árum seinna bug­aða og þrot­aða á Eiðis­torgi. Sömu­leiðis lagið Hæ Stína sem fjallar um fólk sem fór í leyni­legan sleik sem ung­lingar á Reykjum í Hrúta­firði en svo gerð­ist ekk­ert meira fyrr en þau hitt­ast aftur löngu seinna.“

Snorri leit­aði til hönn­uð­ar­ins Bobby Breið­holts varð­andi plötu­umslagið sem hann hef unnið með að síð­ustu útgáfum sín­um. „Við fórum að „brain­storma“ hvað gæti hentað fyrir plötu sem er svona kyrfi­lega „plass­eruð“ í íslensku sam­fé­lagi um seinni hluta níunnar og strax eftir alda­mót­in. Við fórum að hanga inn á tíma­rit.is og kasta milli okkar nostal­g­íu­boltum og fljót­lega kvikn­aði sú hug­mynd að vísa í plötu­umslög skosku hljóm­sveit­ar­innar Belle & Sebast­ian sem við hlust­uðum mikið á á þessum tíma.“

Umslög hennar eru yfir­leitt ljós­myndir af fólki í tví­lit. „Við fórum þá að máta þetta við okkar pæl­ingar og þá kom ekk­ert annað til greina en að fók­usera á nokkrar vel valdar 90’s/e­arly 00’s drollur eins og Ingi­björgu Stef­áns í Pís of Keik, Stein­unni Ólínu, Þóru Dungal í Blossa, Brynju X og Önnu Rakel,“ útskýrir Snorri.

Hér er hægt að taka þátt í söfn­un­inni.