5. Verðum að ganga í takt og „hætta þessu rugli“

Stórar spurn­ingar vakna þegar fjallað er um skóla án aðgrein­ingar og vanga­velt­urnar verða síðan enn stærri varð­andi aðra kima sam­fé­lags­ins. For­maður Kenn­ara­sam­bands Íslands sagði í við­tali við Kjarn­ann í júlí að nú væri komið að því að við Íslend­ingar spyrðum okkur hvernig við viljum haga okkar mál­u­m. 

Viljum við vera aðgrein­andi í eðli okkar eða gyrða okkur í brók og takast á við erfið mál­efni?

Lestu við­talið í heild sinni hér.

4. „Ekk­ert furðu­legt“ við að bólu­settir smit­ist

Í júlí mætti veiran aft­ur, þrátt fyrir að allar tak­mark­anir inn­an­lands hefðu verið látnar falla niður nokkrum vikum áður og þáver­andi heil­brigð­is­ráð­herra lýst því yfir að við værum að „end­ur­heimta á ný það sam­fé­lag sem okkur er eðli­legt að búa í og sem við höfum þráð.“

Þrennt skýrði helst fjölgun smita á Íslandi, því landi heims sem er var hvað lengst komið í bólu­setn­ing­um: Bólu­setn­ing minnk­aði líkur á smiti en kom ekki í veg fyrir það, aflétt­ing aðgerða og þar af leið­andi breytt hegðun fólks og í þriðja lagi land­nám hæf­asta afbrigðis veirunnar til þess tíma, delta-af­brigð­is­ins. „Lands­lagið breytt­ist mikið með delt­unn­i,“ sagði Arnar Páls­son erfða­fræð­ingur í við­tali við Kjarn­ann.

Lestu við­talið í heild sinni hér.

3. Flókið að fást við fólk sem lætur sann­leik­ann ekki þvæl­ast fyrir sér

Kerfið brást Helgu Björgu Ragn­ars­dóttur harð­lega eftir að hún upp­lifði stöðugt áreiti borg­ar­full­trúa í um tvö ár án þess að geta borið hönd fyrir höfuð sér.

Í við­tali við Kjarn­ann í júní gagn­rýndi hún fjöl­miðlaum­fjöllun um málið en það hafði haft marg­vís­legar alvar­legar afleið­ingar á and­lega og lík­am­lega heilsu hennar þar sem hún var ein­ungis orðin „skugg­inn af sjálfri“ sér á tíma­bili. Nú kvað þó við annan tón – og sagð­ist Helga Björg vera búin að finna sína rödd og ætl­aði hún að svara fyrir sig hér eft­ir.

Lestu við­talið í heild sinni hér.

2. Tugir inn­herja­svika­mála órann­sökuð þegar Fjár­mála­eft­ir­litið hætti rann­sóknum

Und­an­farin ár hefur Jared Bibler, sem starf­aði hjá Lands­bank­anum þar til skömmu fyrir hrun banka­kerf­is­ins í októ­ber 2008 og síðar sem rann­sak­andi hjá Fjár­mála­eft­ir­lit­inu frá 2009-2011, verið að skrifa bók um reynslu sína af góð­ær­inu, hrun­inu og eft­ir­málum þess á Ísland­i. 

Hún kom út í Bret­landi í byrjun októ­ber og heitir Iceland’s Secret. Kjarn­inn ræddi við Jared í aðdrag­anda útgáfu henn­ar. 

Lestu við­talið í heild sinni hér.

1. Mis­tökin sem ég gerði var að vera ekki meiri „kall­inn“, að vera ekki meiri „stjór­inn“

Sól­veig Anna Jóns­dóttir hætti skyndi­lega sem for­maður Efl­ingar í lok októ­ber. Fyrsta við­talið við hana eftir þann atburð birt­ist í Kjarn­anum 6. nóv­em­ber. Þar sagði hún sig og sam­starfs­fólk sitt hafa náð ótrú­legum árangri í bar­áttu sinni fyrir bættum kjörum verka- og lág­launa­fólks en að starfs­fólk Efl­ingar hefði ekki skilið bar­átt­una. Krafa hefði verið uppi innan félags­ins um að aðflutt fólk aðlag­aði sig að því frekar en félagið að fólk­inu. Á end­anum hafi hópur óánægðra starfs­manna bolað henni í burtu. Græðgi og sjálftöku­stemn­ing væri í kringum Efl­ingu sem sé nokk­urs konar ríki í rík­inu.

Lestu við­talið í heild sinni hér.