Sálfræðitryllir um Rósu í flóknum veruleika geðveikinnar

Rósa lifði lífi sem hefði getað orðið eðlilegt. Það tekur hins vegar krappa beygju niður á við eftir fráfall nokkurra vikna dóttur hennar. Þetta er efniviður nýjustu bókar Guðrúnar Sæmundsen. Hún safnar nú fyrir útgáfu hennar á Karolina fund.

Auglýsing
Kápa „Rósu“.
Kápa „Rósu“.

Guðrún Sæmundsen stefnir nú að útgáfu á sinni þriðju bók, sálfræðitryllinum „RÓSA“.

Áður hefur hún gefið út „Hann kallar á mig“ (2015) og „Andstæður“ (2018). Þess má geta að báðar bækurnar eru á Storytel og var „Hann kallar á mig“ fyrr á þessu ári tilnefnd til Íslensku hljóðbókaverðlaunanna 2021, Storytel Awards.

Guðrún er 39 ára, tveggja barna móðir. Hún starfar á kvennadeild Landspítalans og unir sér vel þar enda verkefnin fjölbreytt og krefjandi og samstarfsfólkið skemmtilegt; „fagmenn fram í fingurgóma“.

Árið 2009 útskrifaðist Guðrún með mastersgráðu í alþjóðaviðskiptum frá Grenoble Graduate School of Business eftir að hafa lokið námi í viðskiptafræði við Háskólann í Reykjavík. Hún er jafnframt með löggildingu í verðbréfamiðlun og hefur auk þess tekið fjölda námskeiða til að auka þekkingu sína og hæfni á hinum ýmsu sviðum. Eftir að hafa gefið út tvær bækur þá lét hún verða af því á síðasta ári að sitja tvö
námskeið í skáldlegum skrifum í Endurmenntun Háskólans.

Guðrún segir að hugmyndin að sögunni hafi komið þegar hún var að ljúka við bók númer tvö, um mitt ár 2018. „Sagan er gjörólík því sem ég hef skrifað áður, en það er einmitt það sem ég vil gera; prófa mig áfram með mismunandi efni þótt stíllinn sé í grunninn sá sami. Hvernig nákvæmlega ég fékk hugmyndina get ég ekki tengt við eitthvað eitt. Hún bara kom, eins og aðrar hugmyndir. Átti að vísu ekki að vera sálfræðitryllir, heldur meira í spennusagnastíl, en svo breyttist það þegar ég byrjaði að útfæra hugmyndina. Ég skrifa það sem kemur í hugann hverju sinni. Nákvæmlega það sem mig langar til að skrifa um. Að fólki líki það sem ég skrifa er algjör bónus.

Að eðlisfari er ég jákvæð og róleg, mér finnst gaman að gantast og hlæja. Þess vegna eru bækurnar gjörólíkar persónuleika mínum; fremur dökkar, grófar og óhugnalegar á köflum. Þegar ég hugsa um það sem ég hef skrifað þá finnst mér eins og ég hafi tekið fyrir eitthvað sem veldur ótta hjá mér sjálfri. Að það sem ég óttast sjálf skíni í gegnum bækurnar. Þær hreyfa vissulega við lesandanum, enda á það að vera þannig. Sjálf vil ég
lesa það sem vekur hjá mér hinar ýmsu tilfinningar og fær mig til að hugleiða lesefnið.“

Auglýsing
Aðalsögupersóna sögunnar, Rósa, lifir í flóknum veruleika geðveikinnar, að sögn Guðrúnar. Líf sem hefði getað orðið eðlilegt, tekur krappa beygju niður á við eftir fráfall nokkurra vikna dóttur hennar. „Söguþráðurinn byggir á þessari lífsreynslu Rósu og hve erfitt hún á með að horfast í augu við fortíðina. Þegar fyrrum sambýlismaður hennar og barnsfaðir er svo myrtur tekur við atburðarás sem hún hefur engin tök á. Með réttarstöðu grunaðs hættir hún smám saman að treysta fólkinu í kringum sig. Dularfullir atburðir gerast og reikar lesandi milli hins raunverulega og hugarheims Rósu, sem sjálf fer að efast um sakleysi sitt. Hún á hvergi höfði að halla, hvorki hjá núverandi maka og hvað þá Díönu, æskuvinkonu sinni. Það er eitthvað við Díönu og nýfætt barn hennar sem truflar Rósu óstjórnlega mikið. Leit Rósu að svörum leiðir lesandann að því sem ósagt er og um leið á slóð kaldrifjaðs morðingja.“

Guðrún segir að það sé frábært að til sé vettvangur fyrir listamenn að hrinda verkefnum úr vör líkt og á karolinafund.com. „Þetta er algjört „win-win“; þarna fá listamenn tækifæri til að gefa út og klára það sem þeir hafa skapað á sama tíma og þeir sem styrkja verkefnið fá eitthvað
fyrir sinn snúð. Það er ekkert auðvelt að trana sér fram sem rithöfundur og eflaust eru fleiri að upplifa það sama. Þá skiptir svo miklu máli, þegar maður brennur fyrir því að klára það sem maður byrjaði á, að fá fjármagn til að verkefnið verði að veruleika. Ég gaf út fyrstu bókina mína á karolinafund.com og það gekk alveg frábærlega. Við útgáfu bókar númer tvö var ég með útgefanda og mér fannst það ekki ganga eins vel. Þess vegna finn ég mig knúna til að gefa út þriðju bókina sjálf. Það er margfalt meiri vinna, en sú vinna er bæði skemmtileg og lærdómsrík. Ég er til í slaginn“.

Hér er hægt að skoða og taka þátt í söfnuninni.

Styrkir þú Kjarnann?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Kjarninn hefur verið til taks fyrir kröfuharða lesendur í sjö ár og býður almenningi upp á vandaða umfjöllun þar sem áhersla er á gæði og dýpt.  

Ef þú ert nú þegar styrkjandi leyfum við okkur að benda á að hægt er að óska eftir að hækka styrkinn með því að senda póst á takk@kjarninn.is


Já takk, ég vil styrkja Kjarnann!
Steinar Frímannsson
Einkarekstur í forgrunni – Umhverfisstefna Sjálfstæðisflokksins
Kjarninn 19. september 2021
Magnús Gottfreðsson, prófessor við læknadeild Háskóla Íslands.
Segir gæði vísindastarfs á Landspítala hafa hrakað á síðustu árum
Prófessor við læknadeild Háskóla Íslands segir að öfugþróun hafi átt sér stað í vísindastarfi á Landspítala eftir að hann var gerður að háskólasjúkrahúsi árið 2000, og að ekkert skilgreint fjármagn hafi fengist til að sinna því.
Kjarninn 19. september 2021
Jean-Rémi Chareyre
VG og loftslagsmálin: Að hugsa lengra en þjóðarnefið nær
Kjarninn 19. september 2021
Árni Stefán Árnason
Dýravernd í aðdraganda alþingiskosninganna 2021 – Hluti I
Kjarninn 19. september 2021
Bjarni Jónsson
Stjórnmálaflokkarnir og dánaraðstoð
Kjarninn 19. september 2021
Soffía Sigurðardóttir
Samvinna til árangurs
Kjarninn 19. september 2021
Lesendum Morgunblaðsins og Fréttablaðsins fækkað um 20 prósent frá miðju ári 2019
Lestur Fréttablaðsins hefur helmingast á rúmum áratug og minnkað um 20 prósent frá því nýir eigendur keyptu blaðið um mitt ár 2019. Þróun á lesendahópi Morgunblaðsins er nánast sú sama. Mikið tap er á rekstri beggja dagblaða.
Kjarninn 19. september 2021
Jón Ormur Halldórsson
Pólitíska miðjan hennar Merkel
Kjarninn 19. september 2021
Meira úr sama flokkiFólk