Jón Grétar Sig­ríð­ar­son er kvik­mynda­gerð­ar­maður sem farið hefur lítið fyrir síðan hann útskrif­að­ist úr Kvik­mynda­skóla Íslands. Hann vinnur að heim­ild­ar­mynd í fullri lengd og fjallar um Hauk Hilm­ars­son og safnar fyrir gerð hennar á Karol­ina Fund.

Haukur var þekktur á Íslandi sem bar­áttu­maður fyrir rétt­indum hæl­is­leit­enda og sem ástríðu­fullur and­stæð­ingur fas­isma. Haukur er tal­inn hafa fallið í Sýr­landi í febr­úar árið 2018 þar sem að hann var að berj­ast fyrir Kúrda. 

Stefnt er á að hefja tökur í júní 2022 og ljúka þeim í ágúst sama ár. Áætlað er að myndin verði til­bú­inn í nóv­em­ber 2022 en myndin verður ein­göngu aðgengi­leg þeim sem styrktu söfn­un­ina á Karol­ina Fund fyrstu þrjá mán­uð­ina frá útkomu.

Jón Grétar segir að hug­myndin að verk­efn­inu hafi kviknað þegar hann gerði skóla­verk­efni hausti 2014. „Ég setti saman lista af fólki sem hafði haft mest áhrif á mig í líf­inu án þess að vera tengd mér fjöl­skyldu­böndum og var Haukur efstur á þeim lista. Eftir það var ekki aftur snúið og það kom ekk­ert annað til greina hjá mér en að gera stutta mynd um Hauk. Haukur hafði engan áhuga á því að vera mynd­aður eða að ég myndi gera ein­hvers­konar stutta mynd um hann í fyrstu en ein­hvern veg­inn náði ég að sann­færa hann um að gera þetta með mér. Við tókum þá ákvörðun mjög snemma að reyna að gera eitt­hvað meira en úr þessum tök­um. Hauki fannst það áhuga­verð hug­mynd að gera mynd sem fylgdi honum eftir og spann­aði ein­hverja ára­tug­i.“

Hann segir erfitt að það hafi verið erfitt fyrir sig að gera þessa mynd um Hauk. „Ég byrj­aði ekki að alvöru fyrr en rúmi ári eftir frétt­irnar af frá­falli Hauks. Það er ekki síðan fyrr síð­asta sumar sem að ég loks­ins tókst að klára hand­ritið af mynd­inni. Þetta er mynd sem að mun svara fullt af ósvöruðum spurn­ingum um Hauk. Þrátt fyrir að ég hafi tekið upp við­tölin við hann rúm­lega þremur árum áður en hann hverfur í Sýr­landi að þá kemur það skýrt fram frá honum sjálfum af hverju hann fet­aði þennan far­veg og hvað það var sem brann innra með hon­um.“

Að sögn Jóns Grét­ars er helst ástæða þess að hann vill hóp­fjár­magna verk­efnið sú að hann er ekki til­bú­inn að sam­þykkja neina rit­skoðun þegar að kemur af því að gefa út þetta verk. „Haukur var alltaf gríð­ar­lega umdeildur og margt af því sem mun koma fram í mynd­inni er umdeilt. Ég hef þegar lagt allt sem ég get undir til þess að gera þessa mynd. Mér þykir gríð­ar­lega vænt um Hauk og myndin mun verða minn­is­varði frá mér til Hauks.“

Hægt er að styrkja verk­efnið hér.