Borgun fær 6,5 milljarða vegna sölu Visa Europe

Kredit kort Borgun
Auglýsing

Borgun býst við því að fá 33,9 millj­ónir evra, um 4,8 millj­arða króna, í pen­ingum þeg­ar Visa Inc. greiðir fyrir Visa Europe. Auk þess fær Borg­un, líkt og aðr­ir ­leyf­is­hafar innan Visa Europe, afhent for­gangs­hluta­bréf í Visa Inc. að verð­mæt­i 11,6 millj­ónir evra, eða um 1,7 millj­arðar króna. Auk þess mun Visa Inc. greiða ­leyf­is­höfum afkomu­tengda greiðslu árið 2020 sem mun taka mið af afkomu ­starf­semi Visa í Evr­ópu á næstu fjórum árum, en hlut­deild ­Borg­unar af þeirri fjár­hæð mun ráð­ast af við­skiptaum­svifum Borg­unar sem hlut­fall af heild­ar­við­skiptaum­svifum allra selj­enda hluta­bréf­anna á þessum 4 árum.

Því er ljóst að Borgun mun fá um 6,5 millj­arða króna auk afkomu­tengdar greiðslu árið 2020 vegna sölu Visa Europe. Þetta kem­ur fram í svörum stjórn­enda Borg­unar við spurn­ingum Lands­bank­ans sem send voru tiæ ­Stein­þórs Páls­son­ar, banka­stjóra hans, í dag.

Lands­bank­inn sagð­ist ekki hafa verið upp­lýstur

Lands­bank­inn birti frétt á vef sínum í gær þar sem segir að stjórn­endur Borg­unar hafi ekki upp­lýst sig um að fyr­ir­tækið ætti rétt til greiðslna vegna val­réttar í tengslum við sam­runa Visa Inc. og Visa Europe ef hann yrði virkj­að­ur. 

Auglýsing

Lands­bank­inn sendi bréf á stjórn­endur Borg­unar á föstu­dag þar sem hann fór fram á að fá að vita hvort að stjórn­endur Borg­unar hafi vitað um mögu­legan rétt til greiðslna þegar bank­inn seldi þeim, og með­fjár­festum þeirra, hlut sinn í fyr­ir­tæk­inu á 2,2 millj­arða króna fyrir rúmu ári síð­an. Stjórn­endur Borg­unar hafi í raun ekki svarað þeim spurn­ingum sem Lands­bank­inn hafi leitað svara hjá þeim um í þeim yfir­lýs­ingum sem þeir hafi sent frá sér. Því hefur Lands­bank­inn, sem er nán­ast að öllu leyti í rík­i­s­eigu, farið fram á að stjórn­endur Borg­unar myndi gera það í síð­asta lagi í dag. 

Tveir kynn­ing­ar­fundir

Í svar­bréfi Hauks Odds­son­ar, for­stjóra Borg­un­ar, og Erlendar Magn­ús­son­ar, stjórn­ar­for­manns fyr­ir­tæk­is­ins, sem sent var í dag segir að á tveim­ur kynn­ing­ar­fundum með full­trúum Lands­bank­ans á árinu 2014 hafi starf­semi Borg­unar verið kynnt. Meðal ann­ars voru starfs­leyfi Borg­unar kynnt, þ.m.t. aðild að Visa Europe. Borgun hafði enga ástæðu, hvorki þá né síð­ar, til að ætla að Lands­bank­inn væri granda­laus um val­rétt­inn enda hann tengdur Visa starfs­leyfi Borg­un­ar. Sam­kvæmt því sem bank­inn hefur sjálfur upp­lýst Alþingi um, var fjallað um val­rétt­ar­samn­ing á milli Visa Inc. og Visa Europe á banka­ráðs­fundi þann 7. mars 2013. Svo sem fram hefur komið opin­ber­lega mat Borgun ekki eign­ar­hlut sinn í Visa Europe sem veru­leg verð­mæti, enda ekki haft ástæðu til ann­ars fyrr en nú, meðal ann­ars þar sem verð­mæti hans er alfarið háð mögu­legri nýt­ingu þriðja aðila og sá nýt­ing­ar­réttur var til 99 ára. Borgun bjó aldrei yfir upp­lýs­ingum um hvort, hvenær né á hvaða verði Visa Europe yrði mögu­lega selt, fyrr en salan var gerð opin­ber þann 2. nóv­em­ber 2015. Vænt hlut­deild Borg­unar í sölu­and­virði á Visa Europe varð síðan ekki ljós fyrr en með bréfi Visa Europe þann 21. des­em­ber sama ár."

Þrí­skiptar greiðslur

Í erindi Lands­bankas var einnig óskað upp­lýs­inga um hvaða fjár­hæð muni koma í hlut Borg­unar vegna val­rétt­ar­samn­ings Visa Inc. og hversu stór hluti hennar verði rak­inn til rekstr­ar­sögu Borg­unar fram til þess tíma er við­skipti þau, sem erindi Lands­bank­ans er sprottið af, áttu sér stað. Í svari Borg­unar segir að sam­kvæmt fyr­ir­liggj­andi upp­lýs­ingum frá Visa Europe verði greiðsla fyrir hlut­inn þri­skipt: 

  1. a)  Við fulln­ustu sölu verður innt af hendi ein­greiðsla í pen­ing­um. Vænt hlut­deild Borg­unar af þess­ari greiðslu verður €33,9 millj­ón­ir, en end­an­leg fjár­hæð ræðst af mögu­leg­um áfrýj­unum leyf­is­hafa um hlut­deild þeirra.

  2. b)  Við fulln­ustu sölu fær Borg­un, líkt og aðrir leyf­is­haf­ar, afhent for­gangs­hluta­bréf í Visa Inc. For­gangs­hluta­bréf þessi verða ekki skráð á verð­bréfa­mark­að, sem mun tak­marka mögu­leg við­skipti með þau. Gert er ráð fyrir að Visa Inc. hafi frest fram til árs­ins 2028 til að breyta for­gangs­hluta­bréf­unum að fullu í almenn hluta­bréf í Visa Inc., sem skráð eru í Kaup­höll­inni í New York. Skil­málar söl­unnar heim­ila Visa Inc. jafn­framt að skerða breytirétt þess­ara for­gangs­hluta­bréfa vegna skil­greindra atvika. Visa Inc. mun ein­hliða meta í fyrsta sinn á árinu 2020 hvort heim­ilt verði að breyta hluta þess­ara for­gangs­hluta­bréfa í almenn hluta­bréf. Þegar kaup Visa Inc. á Visa Europe voru til­kynnt í nóv­em­ber síð­ast­liðnum voru forgangs­hluta­bréf þau sem koma í hlut Borg­unar metin af Visa Inc. á €11,6 millj­ón­ir, mið­að við að þeim væri að fullu umbreytt í almenn hluta­bréf í Visa Inc. á þeim degi.

  3. c)  Á árinu 2020 mun Visa Inc. greiða leyf­is­höfum afkomu­tengda greiðslu, sem mun taka mið af afkomu af starf­semi Visa í Evr­ópu á næstu 4 árum, en hlut­deild Borg­unar af þeirri fjár­hæð mun ráð­ast af við­skiptaum­svifum Borg­unar sem hlut­fall af heild­ar­við­skiptaum­svifum allra selj­enda hluta­bréf­anna á þessum 4 árum.

Munu bók­færa hlut sinn í Visa Europe á 5,5 millj­arða

Vænt­ingar standa til þess að hægt verði að fulln­usta kaup Visa Inc. á Visa Europe á öðrum árs­fjórð­ungi í ár. Stjórn­endur Borg­unar segja að samt sem áður verði veru­leg óvissa um end­an­legt verð­mæti þeirra for­gangs­hluta­bréfa sem falli fyr­ir­tæk­inu í skaut. Fyrir utan tak­mark­að­an sölu­mögu­leika eig­enda þeirra, þá verður verð­mæti for­gangs­hluta­bréf­anna háð almennri mark­aðs­þróun banda­ríska hluta­bréfa­mark­að­ar­ins, verð­þróun hluta­bréfa Visa Inc. og geng­is­þróun Banda­ríkja­doll­ars á móti öðrum gjald­miðlum í rúman ára­tug, svo og end­an­legu hlut­falli breytirétt­ar­ins. Þá er afar mikil óvissa um hvort eitt­hvað og þá hve mikið muni koma í hlut Borg­unar vegna afkomu­tengdra greiðslna fyrir hluta­bréfið á árinu 2020."



Vegna ofan­greindra óvissu­þátta varð­andi tvo af þremur greiðslu­hlut­um, mun Borgun færa upp mat sitt á eign­ar­hlut sínum í Visa Europe í lok árs 2015 um 38,6 millj­ónir evra, eða um 5,5 millj­arða króna. Stjórn­end­urnir til­taka einni að megin­hluta hagn­að­ar­hlut­deildar Borg­unar megi rekja til rekstr­ar­sögu Borg­unar síð­ustu 18 mán­uð­ina fyrir sölu Visa Europe. Rúmir fjórtán mán­uðir eru síðan að Lands­bank­inn seldi hlut sinn í Borg­un.

Kanntu vel við Kjarnann?

Frjáls framlög lesenda eru mikilvægur þáttur í rekstri Kjarnans. Þau gera okkur kleift að halda áfram að taka þátt í umræðunni á vitrænan hátt og greina kjarnann frá hisminu fyrir lesendur. 

Kjarninn er fjölmiðill sem leggur sig fram við að upplýsa og skýra út það sem á sér stað í samfélaginu með áherslu á gæði og dýpt. 

Okkar tryggð er aðeins við lesendur. Við erum skuldbundin ykkur og værum þakklát ef þið vilduð vera með í að gera Kjarnann enn sterkari. 

Ef þú kannt vel við það efni sem þú lest á Kjarnanum viljum við hvetja þig til að styrkja okkur. Þinn styrkur er okkar styrkur.

Já takk, ég vil styrkja Kjarnann!
Fjármála- og efnahagsráðuneytið fól félaginu að vinna úr stöðugleikaeignum.
Fara fram á úttekt á starfsemi Lindahvols
Félag sem stofnað var utan um sölu á stöðugleikaeignum sem ríkið fékk í sinn hlut eftir að hafa gert samkomulag við kröfuhafa gömlu bankanna hefur lengi verið umdeilt. Nú vilja þingmenn úr þremur flokkum láta gera úttekt á félaginu.
Kjarninn 9. desember 2019
Tryggvi Felixson
Stöðvum jarðvegseyðingu, björgum framtíðinni
Kjarninn 9. desember 2019
Milla Ósk hættir á RÚV og gerist aðstoðarmaður Lilju
Milla Ósk Magnúsdóttir tekur við af Hafþóri Eide Hafþórssyni sem annar aðstoðarmaður mennta- og menningarmálaráðherra.
Kjarninn 9. desember 2019
Sanna Marin verður næsti forsætisráðherra Finnlands.
Bætist í hóp þeirra kvenna sem leiðir Norðurlöndin
Sanna Marin hefur verið valin næsta forsætisráðherra Finnlands og eru því fjórir af fimm forsætisráðherrum Norðurlandanna nú konur. Marin verður jafnframt yngsti forsætisráðherra landsins og yngsti sitjandi forsætisráðherra heims.
Kjarninn 9. desember 2019
Heinaste
Togarinn Heinaste enn kyrrsettur
Unnið er að því að aflétta kyrrsetningu togarans í Namibíu.
Kjarninn 9. desember 2019
Húbert Nói Jóhannesson
Jarð-Kúlu-Kapítalisminn
Kjarninn 9. desember 2019
Þórhildur Sunna Ævarsdóttir, þingmaður Pírata.
„Meiri ansvítans vitleysan sem vellur upp úr stjórnarheimilinu þessa dagana“
Þingmaður Pírata bendir á ósamræmi í málflutningi sem kemur frá dómsmálaráðuneytinu varðandi svokallað Landsréttarmál. Hún segir dómsmálaráðherra beita hentisemisrökum í málinu.
Kjarninn 9. desember 2019
Birta niðurstöðu athugana á peningaþvættisvörnum ríkisbanka fyrir jól
Fjármálaeftirlitið mun birta niðurstöðu athugana á peningaþvættisvörnum Landsbankans og Íslandsbanka, sem báðir eru í ríkiseigu, og Kviku banka, sem er einkabanki, á næstu tveimur vikum. Áður hefur eftirlitið birt niðurstöðu Arion banka.
Kjarninn 9. desember 2019
Meira úr sama flokkiFréttir
None