Tíu blaðamenn létust í Afganistan

Tvær árásir voru gerðar að blaðamönnum í Afganistan á mánudag. Í árás í Kabúl létust níu en einnig var blaðamaður BBC í Afganistan skotinn til bana sama dag.

blaðamaður
Auglýsing

Tíu blaða­menn voru á meðal þeirra 31 sem lét­ust af völdum sjálfs­morð­sprengju árása í Kabúl í Afganistan á mánu­dag. Fyrsta sprengjan sprakk um klukkan átta að afgönskum tíma og þegar ljós­mynd­ar­ar, blaða­menn og aðrir flykkt­ust að svæð­inu sprengdi annar maður sig upp í kjöl­far­ið. Seinni árás­armað­ur­inn hafði dul­búið sig sem ljós­mynd­ara til að kom­ast inn á svæð­ið.  

­Spreng­ing­arnar áttu sér stað í hverf­inu Shas­hdarak en banda­ríska sendi­ráðið og skrif­stofur afganskra yfir­valda eru stað­settar þar. Ljós­mynd­ari AFP frétta­stof­unn­ar, Shah Marai var einn af þeim sem lést í sprengju­til­ræð­inu en hryðju­verka­sam­tökin ISIS hafa lýst voða­verk­unum á hendur sér.

Auglýsing


Önnur árás á blaða­mann í Afganistan átti sér stað á mánu­dag en þá var blaða­mað­ur­inn Ahmad Shah skot­inn til bana í Khost hér­að­inu. Shah var 29 ára og vann hjá BBC í Afganist­an. Ekki er vitað hverjir réðu Shah bana, en ISIS hafa ekki lýst morð­inu á hendur sér. 

Afganistan er í 118. sæti á lista Reporters Wit­hout Borders (RWB), eða Fjöl­miðlar án landamæra, yfir fjöl­miðla frelsi. Árið 2017 lét­ust í það minnsta 15 blaða­menn og aðstoð­ar­fólk þeirra í skipu­lögðum árásum á blaða­menn þar í landi.



Heimild: Reporters Without BordersÁ síðu Reporters Wit­hout Borders segir að Talí­banar og ISIS-liðar hafi unnið mark­visst að því að skapa fjöl­miðla svart­hol á nokkrum stöðum í land­inu með skipu­lögðum árásum á blaða- og fjöl­miðla­fólk. Einnig hafa Talí­banar lagt háa skatta á fjöl­miðla þar í landi. Afgönsk yfir­völd eiga erfitt með að sam­þykkja sjálf­stæði fjöl­miðla og hafa lög­reglan og her­inn verið við­riðin árásir á blaða­menn. Ástandið hefur haft bein áhrif á konur í blaða­manna­stétt­inni en margar hverjar hafa gef­ist upp vegna hót­ana og árása. 

Sam­kvæmt Reporters Wit­hout Borders hafa fjórtán blaða­menn, fjórir borg­ara blaða­menn (cit­izen journa­lists) og tveir aðstoð­ar­menn blaða­manna verið drepnir það sem af er ári. Með árás­unum á mánu­dag er sú tala upp í 30 í heild­ina. Á árinu 2017 lét­ust 55 blaða­menn, sjö borg­ara blaða­menn og tólf aðstoð­ar­menn blaða­manna. Flestir lét­ust í Afganistan og Sýr­landi, en í Sýr­landi lét­ust þrett­án. 

.

Styrkir þú Kjarnann?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Kjarninn hefur verið til taks fyrir kröfuharða lesendur í sjö ár og býður almenningi upp á vandaða umfjöllun þar sem áhersla er á gæði og dýpt.  

Ef þú ert nú þegar styrkjandi leyfum við okkur að benda á að hægt er að óska eftir að hækka styrkinn með því að senda póst á takk@kjarninn.is


Já takk, ég vil styrkja Kjarnann!
Meira úr sama flokkiErlent